七福神和食亭

營業中

休息中

今天好友提議就去左呢一間餐廳食飯😋見到喺OpenRice都有好多人介紹呢一間餐廳好有驚喜，就即刻走咗去錫下自己個胃！朝聖一下👍🏻第一推介係味噌煮牛筋，見佢煮到咁深色已經知一定唔會差得去邊，反而怕佢太鹹，好彩一啲都唔會！仲要真係好入味，牛筋又軟又嫩，一入口仲要好多汁，而口入面會有滿滿嘅味噌香味，真係超值得推介大家叫嚟食！另外佢哋青唐辛子豚肉同味噌豚肉，兩串豚肉都幾唔錯，因為肉質鮮嫩多汁，仲好有炭燒味添呀。整體嚟講，食物質素都幾唔錯，下次會再嚟食過！

早排係Instagram上面見到有人推介就去呢一度食嘢😎知道喺IGd人介紹呢一度好有驚喜，所以就好想去錫下自己個胃！同大家分享下吃大餐之前要食番啲菜，叫左黑松露魷魚沙律，好似比較健康，沙律吃落很清新，驚喜係黑松露味都幾難濃，魷魚份量仲要唔少。然後紫蘇免治雞肉餅，雞肉餅煎成小小的圓形，食落唔會油膩，仲好香雞肉味。仲有海膽蟹肉茶碗蒸，茶碗蒸表面光滑，蛋味香，口感滑溜，入口即溶。而且再加上海膽蟹肉，鮮甜又美味～

返工時姊妹提議去咗呢一間餐廳食飯😙知道喺OpenRice有好多人都話呢一間餐廳性價比好高，就即刻去左試一試！加上，呢一度成個感覺都好舒適！一齊決定咗想減肥所以嗌咗呢個牛肝菌羽衣甘藍pizza，因為有菜好似健康啲。嚟到個陣啲芝士仲可以拉絲，芝士同其他配料又幾夾。食完都唔覺太飽，因為佢係薄批。然後再叫咗一個味噌煮牛筋，啲牛筋好煙韌，好有咬口。嚿嚿都煮到勁入味。仲有呢個紫蘇免治雞肉餅，紫蘇葉有種獨特的香味，釀埋免治雞肉，再用醬汁煮，味道清新又開胃。

難得好友共敍，最緊要開心。晚市入座，職員全部好有禮貌。餐廳環境尚算可以。大蟹籽沙律-食喲菜，超大盤，足夠4人份量，蟹籽相當多，青瓜絲分量充足。底盤墊生菜絲。配搭清新開胃。推介之選。鰻魚飯，一碗五大件鰻魚，鰻魚烹調恰到好處，醬汁調亦不錯。推介之選。不回頭之選-刺身拼盤：刺身，最緊要夠新鮮。爭少少可以接受。北寄貝請看相片，大家能接受嗎？同店員講話換三文魚，店員回覆：師傅話北寄貝係咁個喎，換過幾塊俾你，但不可以換三文魚。只可講一句，不再回頭。埋單千2蚊，之後少咗個好客。

返學嗰陣有個好朋友介紹就去呢一間餐廳食飯😎見到喺OpenRice有好多人介紹呢間餐廳係抵食之選，一於要去享受一下！我幾鍾意呢一度嘅氣氛。超包羅萬有嘅八品刺身盛合，入面有甘蝦、三文魚、油甘魚、八爪魚、帶子、海膽等等共八款。全部都係食日本野必食嘅上盛刺身，全部都好新鮮，可以放心叫。芝麻雞翼香脆可口，雞翼大小適中。清酒煮大蜆嘅日本清酒香味極濃，煮蜆係最佳烹調方式。鹽燒三文魚頭係原隻三文魚頭上真係好吸引，而且鮮得嚟又唔腥，無太多調味，簡簡單單都好好味。咖喱牛肉撈烏冬嘅咖喱係日式甜咖喱，岩哂我呢啲唔食辣嘅人。而且牛肉份量巨多！！滿滿地覆蓋哂啲烏冬，真係可以一啖牛肉一啖烏冬呀😋

上次閨蜜推介去咗位於佐敦嘅餐廳食嘢😋見喺OpenRiced人都話呢一度係抵食之選，於是一於要去慰勞自己！我叫咗牛肝菌羽衣甘藍pizza，佢係薄批pizza嚟，邊位食落好脆，拎到仲熱辣辣，啲芝士仲可以拉到絲㗎！雖然有芝士但係一啲都唔膩，仲要有好多羽衣甘藍喺入面，好足料！男朋友就話想食紫蘇免治雞肉餅，佢一碟有三件，面頭係燒至金黃色，好有焦香嘅雞肉味道，唔錯唔錯。之後我哋再叫埋活鰻西京串，勁大條，又係面頭燒到金黃色，咬落脆卜卜咁，入面雪白色嘅魚肉仲好滑。

上星期姊妹提議就去呢一間餐廳食嘢見到OpenRiced人都話呢一間餐廳好食，一於要去獎勵自己！而且餐廳環境非常舒適！首先叫嘅炸雞軟骨，係好好嚼口嘅軟骨，仲要新鮮熱辣辣送到！然後，堆到滿滿成座山外型嘅蟹子沙律，無論係賣相定係味道都唔錯。沙律菜新鮮，再配埋酸酸甜甜嘅千島醬，同埋超多嘅蟹籽，令到口感更加豐富。本身自己好鍾意食東坡肉嗰啲，呢個京都豚肉煮煮都有少少似呢款菜式，重點係佢好入味，配埋厚薄適中肥瘦均勻嘅豚肉，每一啖都係滋味。仲有滑蛋豬扒飯嘅蛋唔會太老，仲可以保持濕潤，滑蛋配豬扒令到豬扒冇咁乾，撈埋珍珠米飯，幾唔錯。最後諗咗好耐食咖喱撈烏冬好定係食炒麵，朋友話覺得呢個大阪燒醬油豚肉炒麵都幾吸引，叫左一齊share嚟食。我哋兩個都覺得佢嘅醬油味好香，係有甜甜地鹹鹹地嘅味道，又唔會話太乾，都幾好味。

今次朋友推介就去左喺佐敦嘅餐廳食飯🤩喺IG有人都話呢間餐廳好有水準，即刻book枱慰勞自己！店員推介呢個刺身盛合，見入面都幾多嘢食，又有海膽，三文魚，深海池魚等等，就決定試下。就咁睇落顏色都幾靚，好彩食落都keep到個水準，真係新鮮！海膽食落唔腥，而且係濕潤帶點甜味。其餘刺身都好肥美，鮮蝦肉質都好爽口彈牙。另外仲叫咗味噌煮牛筋，牛筋好好淋好入味，仲配咗有啲紅蘿蔔做配菜，睇落顏色仲鮮艷，鍾意食牛肉嘅一定要叫。之後呢個照燒雞肉潛艇，本身仲怕佢係得照燒雞肉會好乾，但送到黎見到滿滿嘅芝士，我就知道有芝士一定唔會難食！估唔到佢仲要係超好味添啊！雖然佢好多芝士但係又唔會好膩，仲食到有照燒雞嘅香味！最後有驚喜嘅係活鰻西京串，鰻魚一啲都唔腥，燒完之後肉質都唔會散開，仲好香。

早排有個好朋友介紹去咗呢一間餐廳食嘢❤️知道OpenRice有好多人都話呢一度係抵食之選，於是就今日去咗慰勞自己！真係值得介紹超級推介呢個刺身盛合，刺身最緊要新鮮，呢間餐廳完全做到呢樣嘢！同埋食得出都唔係外面平平哋嘅10幾蚊刺身，全部都好厚切，一啲都唔腥！仲要有齊晒海膽半板，三文魚，深海池魚，赤身，甘蝦！呢個脆餅薯仔蝦沙律真係好過癮，一開始以為個店員送錯，因為我以為係甜品嚟😂，估唔到竟然用咗個雪糕脆筒裝住啲薯仔蝦沙律，咁樣食特別滋味！影相仲好靚添。本身好怕紫蘇免治雞肉餅煎雞肉會搞到好油，但好彩呢個唔會，不但唔油仲會keep住有雞肉嘅Juicy。諗唔到食咩串燒，但又唔想食平時嗰啲咁普通嘅雞肉串燒，於是店員就推介我哋試下呢個活鰻西京串。本身已經好鍾意食鰻魚，估唔到咁樣嘅食法又唔錯，大大條得嚟又燒到好香。

最近好朋友提議就去咗位於佐敦嘅餐廳食嘢😊見OpenRice有好多人話呢間餐廳好食，所以就去咗試下！果然冇介紹錯！👍🏻大蝦天婦羅大蝦天婦羅真係我每次必叫嘅小食，即叫即炸脆卜卜，炸粉一啲都唔會太厚，仲要熱辣辣咁好好食！👍🏻京都豚肉煮豚肉切成一粒粒，肉質肥瘦均勻，豚肉呈深啡色，完完全全地吸收哂滿滿嘅醬汁，味道超濃郁！不過又唔會太過鹹太過漏，廚師烹調時間掌握得十分恰當。👍🏻脆皮煎餃子小食一定要叫返個炸到脆卜卜嘅餃子！正常發揮嘅水準。👍🏻滑蛋豬扒飯個飯都大大碗夠晒一個人食，細食嘅女仔兩個share都夠。重點係個蛋都夠滑，撈飯食一流，豬扒都有成五六塊添。👍🏻大阪燒醬油豚肉炒麵炒麵都唔錯，本身見佢顏色咁深怕好鹹，好彩冇！而且有好香濃嘅醬油味，就連啲豚肉都係入味嘅！

今朝閨蜜提議就去左呢一間餐廳食嘢😋見到喺OpenRice都有好多人介紹呢一度真係好好食，於是就走咗去試！同大家分享下夏日熱辣辣最岩食沙律，見佢地蟹籽沙律同黑松露魷魚沙律都好多人推介，想食刺身嘅我就叫左呢款黑松露魷魚沙律。估唔到黑松露同魷魚味道幾夾，而且魷魚顏色晶瑩通透，勁新鮮！撈埋沙律菜同好香嘅黑松露，真係夏日必食透心涼！食完健康嘅沙律打底再叫返個邪惡嘢，就係呢個照燒雞肉潛艇，佢邪惡在啲芝士多到漏出嚟！成個包都沾滿芝士，食到我舔舔脷😋

今天姊妹推介就去左呢間餐廳食飯😎FB都有好多人介紹呢一間餐廳好正，所以就一定要去食嘢！而且成個環境都好舒服😌我哋決定叫一個刺身盛合，呢個價錢真係超值！$248有齊幾款貴價刺身三文魚，深海池魚，赤身，甘蝦之餘仲有埋半板海膽！真係唔知邊到咁抵食，平得嚟仲要新鮮！海膽顏色有光澤，味道甘甜。三文魚厚切肥美，甘蝦彈牙鮮甜，其他都唔錯。另外呢個脆餅薯仔蝦沙律都幾特別，啲沙律喺擺咗上個雪糕筒度，味道都幾唔錯。仲有一個紫蘇免治雞肉餅，雞肉餅唔會食落就散曬，仲要煎得好靚！另外佢仲有啲沙律做伴碟。

前排男朋友提議去咗呢一間餐廳食嘢🤩睇到FB都有好多人介紹呢一間餐廳好食，於是就今日要去獎勵自己！首先一開始梗係叫個炸雞軟骨，雞軟骨夠晒有咬口，話咁快食食下就清晒成碟。之後小食方面叫咗脆皮煎餃子，餃子外皮好脆，而且內裏仲keep住有肉汁，好正。然後再叫個主食七福神奄列飯，外表已經好吸引，蛋包飯嘅蛋漿夠嫩再配上酸酸甜甜嘅茄汁連埋裏面嘅日本米撈埋一齊食，呢個真係最佳組合。一個主食唔夠再叫多個咖喱牛肉撈烏冬，咖喱味超香濃但不太辣，配上厚薄均勻嘅牛肉，再撈埋日本烏冬一齊食，真係食到我”雪雪聲”😆

返工時bf推介去咗呢間餐廳食飯😉見FBd人都話呢一度真係好好食，所以即刻book枱獎勵自己！朝聖一下👍🏻一嚟到梗係要食個炸雞軟骨，即叫即炸，上碟仲係熱辣辣嘅，份量夠多，有咬口！燒雞翼我鐘意食，再叫多個芝麻雞翼 ，雞翼外皮呈現金黃色，咬落外皮脆內裏雞肉軟，而且有雞肉汁流出嚟，一個字「正」呀！必叫小食推介大蝦天婦羅！炸粉輕薄得嚟蝦肉又夠爽口，外面仲炸到超脆口！仲有脆皮煎餃子，咬開入面仲會有熱辣辣嘅肉汁，點埋醋食更滋味。最後係呢個鹽燒三文魚頭，雖然係魚頭，但估唔到都幾多魚肉，仲要魚肉滑又一啲都唔腥！仲要燒到脆脆地咁，幾香口！配多枝酒飲都幾唔錯。

最近姊妹推介就去左呢一間餐廳食嘢🤩見到社交平台D人都話呢一度真係好好食，於是就今日要去錫下自己個胃！八品刺身盛合🍣因為心大心細唔知食咩刺身好，所以決定一於叫個刺身盛合，乜都有啲唔洗諗，果然呢個決定冇錯全部都好肥美又新鮮！一次過食咁多刺身真係好滿足。蟹子沙律🥗呢款沙律真係好多蟹子😍絕對係比足料，叫嚟做前菜係一流！味道好清新～滑蛋豬扒飯🍱雖然呢款係比較大眾化嘅日式飯！不過食極都唔厭，蛋烹調嘅時間啱啱好，真係好嫩滑 ，而且豬扒都唔乾，份量都好多。大阪燒醬油豚肉炒麵🍝燒醬油嘅味道好香，一上碟已經聞到！撈埋炒麵食好滋味😆而且又唔會太鹹！食晒成碟都唔會話要鹹到狂飲水。