七福神和食亭

營業中

休息中

最近姊妹推介就去左呢一間餐廳食嘢🤩見到社交平台D人都話呢一度真係好好食，於是就今日要去錫下自己個胃！八品刺身盛合🍣因為心大心細唔知食咩刺身好，所以決定一於叫個刺身盛合，乜都有啲唔洗諗，果然呢個決定冇錯全部都好肥美又新鮮！一次過食咁多刺身真係好滿足。蟹子沙律🥗呢款沙律真係好多蟹子😍絕對係比足料，叫嚟做前菜係一流！味道好清新～滑蛋豬扒飯🍱雖然呢款係比較大眾化嘅日式飯！不過食極都唔厭，蛋烹調嘅時間啱啱好，真係好嫩滑 ，而且豬扒都唔乾，份量都好多。大阪燒醬油豚肉炒麵🍝燒醬油嘅味道好香，一上碟已經聞到！撈埋炒麵食好滋味😆而且又唔會太鹹！食晒成碟都唔會話要鹹到狂飲水。