七福神和食亭

營業中

休息中

農曆年後第一個工作天，我和同事一起開年。新正頭，找間好意頭的餐廳，於是便到佐敦的「七福神和食亭」吃午餐。門前一大批正在等位的顧客，幸好我們一早便訂好位，否則不知要等多久！餐廳的菜式選擇非常多，刺身、壽司、飯麵、炸物、燒烤等日式食物，應有盡有。“照燒漢堡伴蛋包飯”，蛋非常滑溜，上面的漢堡扒很入味，炒飯底。“網燒牛扒”，牛扒燒得剛好，甘香之餘，仍保持豐富肉汁，肉質嫩滑可口。上面鋪上烤香蒜片，點上燒烤醬來吃，味道一流。“鰻魚飯”，一整條厚身烤香鰻魚，鋪滿飯碗。鰻魚肉肥美多汁，而且燒得香口，非常惹味。“照燒雞扒”，雞扒啖啖肉，肉質鮮嫩幼滑，配上子薑片，淋上照燒汁，滋味更上一層。“芝士焗天火蠔”，焗得香噴噴的芝士，和鮮蠔的味道特別匹配。“芝麻雞翼”，脆皮香口，粒粒芝麻，為雞翼生色不少。“楓糖蕨餅”，甜蜜蜜，軟綿綿，煙煙靭靭，令人充滿幸福感的甜品。「七福神」能夠保持水準，沒有令人失望，難怪客似雲來。

對上一次來幚襯相隔二年左右，今次再來光顧，大失所望。之前有的食物好多都無左，而且份量同款式都少左好多，食物一上枱，(⊙o⊙)哇，估不到的份量少左一半，我以為去了高級餐館，味道卻缺乏從前的鮮美，價錢貴左近40%，係咪換了老闆還是厨師？服務態度也一般，逗留了只有40分鐘就走了，唔會再幚襯下次了。

新春開運晚餐在「七福神和食亭」，多款式又豐富，取彩頭人人豐衣足食！六款開心小食:日本馬糞海膽壽司~海膽味道濃厚甘甜， 極其鮮美。芝麻八爪魚~爽脆八爪魚搭配濃郁醬汁和芝麻，很美味又開胃的冷盤小食。魷魚鬚唐揚~彈牙魷魚鬚經過酥炸，裏裏外外都非常可口，很快便清盤了！芝麻雞翼~香脆芝麻雞翼咬落肉汁非常豐富，值得推介！ 鐵板燒牛舌~我們都很喜歡這份燒牛舌，肉質軟滑，燒烤味道香濃冶味，又是很值得推介之選！ 鐵板芝士燒豆腐~在熱騰騰的鐵板裏的芝士和燒豆腐，口感都很滑溜溜，吃過很有暖笠笠感覺。兩份主食：大阪燒醬油豚肉炒麵~薄切的豚肉，刀功媲美「燈影牛肉」，雖然薄切，豚肉味道不薄，多款清甜菜與醬油同炒，味道合適又不油膩。九州拉麵~我最愛那半份溏心蛋，那濃稠的甘香蛋黃在匙羹輕輕盪漾，十分吸引，還有三件正正方方形狀的腩肉，奶白色的豚骨湯底口感綿密，掛麵吃味道很不錯。 很稱心的特飲：芒果活乳酸沙冰&信州蘋果梳打&牛油果鮮奶沙冰甜品：楓糖蕨餅~舖滿滿黃豆粉的蕨餅，軟軟糯糯的口感配楓糖的清甜。楓糖含有豐富的礦物質，熱量也較低，對於正在減重、控制糖分的人來說，可說是個令人安心的解饞好選擇。食物品質滿意，侍應服務良好

同老公行尖沙咀，唔經唔覺已經到咗晚餐時間，我哋兩個都好肚餓所以就搵地方醫肚，聽朋友介紹佐敦有一間日本料理性價比好高，食物質素好好，於是我哋就嚟試吓😋一入餐廳，很有日本小店嘅感覺，侍應殷勤有禮，為我們推介菜式，因為我哋兩個都好肚餓所以點咗好多食物😆蟹籽沙律：因為我哋都鍾意食沙律，所以叫咗大size，估唔到size超級大比人面大，所以我建議多人嘅時候先好叫大size，好彩我哋都好鍾意食沙律所以都差不多食完，呢個沙律啲青瓜好新鮮，蟹子嘅份量好充足，好好味👍🏻刺身拼盤：我覺得最正係海膽，勁鮮甜，夠哂creamy🤤深海池魚都好正, 質感爽甜，有魚油香，赤身吞拿魚都好高質，完全冇筋。帶子、三文魚都喺水準之上👍🏻蟹味噌甲羅燒配紫菜飯團：蟹膏香味好濃郁，同飯團一齊食一流西京燒鰻魚串：侍應哥哥好好，貼心提醒我哋快啲食串燒，鰻魚燒到外焦香裏面有肉汁，充滿油香，同西京燒醬汁好夾軟殼蟹手卷：軟殼蟹炸得夠晒香脆，紫菜都夠脆，好味脆皮煎餃子：呢個餃子幾特別，有一層米粉墊底，所以夠哂脆而餃子唔會燶魷魚酥唐揚：炸得夠晒脆，魷魚鮮甜煙韌，好惹味石鍋燒香蒜牛肉飯：牛肉香滑多汁，完全唔會靭，配上香蒜同燒汁，送飯一流咁多菜式

大半年前去時食物種類很多選擇而且好味，今次款式少之餘味道差很多，以前晚上門口排隊人山人海，現在水靜河非，很多空枱，少了間好味相宜日本菜選擇實在可惜！ 本身食材很一般，主要吃得出是不同人弄出來的菜！ 不知是否師傅都改了人！

這裡選擇多又不貴，所以午市好多人，海鮮烏冬的海鮮有蝦，青口，蜆，蟹柳等，烏冬軟滑好味，用類似石頭材質的碗保持温度，包兩粒三文魚壽司，炸尤魚也很香脆，吉列豬上枱時仍出煙的熱辣辣，不錯。

今晚要同老公去辦年貨，購物之前當然要叉足電先。最近成日都想食日本嘢，最後揀咗好評多，口碑好似幾好嘅七福神食餐好。餐廳唔算好大，卡位寬敞舒適，環境非常乾淨企理，燈火通明。食品款式種類非常多，多到唔知揀邊樣，樣樣都好似好吸引，千揀萬揀，最後叫咗以下幾款。🏆 八品刺身盛合 $438·三文魚、季節魚、油甘魚、八爪魚、帶子、北寄貝、甘蝦、海膽（半板）賣相吸引，擺盤有心思，價錢非常合理，有半板海膽真係無得輸。海膽好鮮甜，無腥無臭亦唔苦澀，高質！北寄貝味道甘甜，口感爽脆，鮮味十足。三文魚都好正，厚切口感佳，新鮮甘香。甘蝦都十分新鮮甘甜，口感粘糯。其他刺身都相當有質素！🏆 墨魚咀唐揚 $65見到墨魚咀十分興奮！因為唔係度度有得食，今晚當然要叫嚟試吓啦！唐揚製法，外皮酥脆甘香，墨魚咀口感煙韌有嚼勁，點上檸檬汁及蛋黃醬，味道更清新美味，連我老公都讚好👍🏽。🏆 蟹味噌甲羅燒（鱈魚干）$68相當有份量，$68真係勁抵食！蟹膏鮮味濃郁，鹹甜恰到好處，仲一啲都唔腥，口感好滑好creamy，配上脆卜卜、甜甜哋嘅鱈魚干，好食到停唔到口，滿足感爆燈！🏆 冷蕎麥麵 $60蕎麥麵口感煙韌，條條分明，點上芝麻味香濃嘅秘製鰹魚

日本🇯🇵餐食起香港好多，無意中見到間好顯眼的餐廳寫住七福神和食亭！剛好泊好車搵野食，今次就試試佢啦！位置就起地鐵旁邊好方便！餐廳好多卡座位，舒適，仲有午市套餐！但我哋兩人都想食特色菜式所以叫左個刺生盛盒$218有牡丹蝦、三文魚、帶子、赤身、深海池魚，每樣都好肥美！蒲燒鰻魚$148比我手掌🖐️更加大，燒汁不甜，厚切，啖啖鰻魚味道！板燒蒜片牛柳粒$98蒜片同薯蓉放在一起，牛柳粒有醬汁的味道，剛好一口一粒！紫蘇免治雞肉餅$68好有口感，啖啖雞肉，咬落去仲有紫蘇葉的味道！芝麻雞翼$75有芝麻味，肉質剛好，仲有肉汁鎖住，好味😋再加上日本特飲配搭真正👍🏿👍🏿

七福神和食亭是最近朋友帶我去的餐廳，位於佐敦地鐵站附近，所以岩曬我這些貪方便的人。餐廳的裝潢是日式居酒屋的風格，以木色作主調，營造一種溫暖的氛圍，可以令食客在食飯時放鬆心情。我先點了些小食魷魚鬚唐揚、蟹味噌甲羅燒(鱈魚干/茶菜珍珠飯）、海膽蟹肉茶碗蒸等等，當中以蟹味噌甲羅燒最引我注目，甲羅燒佈上滿滿的蟹肉及蟹醬，雖然鮮味十足，而且可以食到淡淡的蟹肉，但單食實在太重口味，太膩的感覺，所以店家為我送上了紫菜飯作配搭，兩者混和後，正好中和了味道，而且又有米飯的米香，這個食法恰到好處。然後是主食的鰻魚炒飯，顧名思義，是以鰻魚作主材料炒成的炒飯，店家使用的鰻魚份量相當多，整碟炒飯淡淡都可以食到鰻魚，而且鰻魚本身的魚油豐富滲透了粒粒飯中，香味十足。

食物款式多，味道OK，店員爽手由刺身壽司至鍋物均有選擇而且雖然餐廳也挺滿，但上菜很快，而且店員也親自介紹了那些食物，以這個價錢來說實在是意想不到，可以一戰再戰。

我公司喺餐廳附近，今日搞Christmas party，上網買左一大堆野食，點知個supplier送錯左條煙三文魚黎，係冇切到嘅（我買切片煙三文魚），成條魚柳半米長，我都唔知點算。咁我就盲中中咁打電話俾所有附近嘅日本餐廳，睇下有冇師傅肯幫手切魚，間間都話冇呢個服務。但七福神老闆好好人，我一同佢解釋完件事就拍硬檔幫手！多得老闆，我個Christmas party先有starter食！下次一定帶班同事黎幫襯你❤️

到中午時間，七福神是我常選去的餐廳，因為一來可以在open rice book位和打電話book位，不用walk in等候，因為lunch time很趕，所以最好有餐廳可以book定;二來選它是因為它多款色，好多都合胃口，例如今日我試了個滑蛋洋蔥豬扒飯套餐，滑蛋真是做到很滑很香，而洋葱都是我喜愛吃的，很香甜，而豬扒又不會韌，在滑蛋和洋蔥和日式甜醬佩搭下很有口感，飯好香軟，令人很滿足，加上每一個餐都有跟小食，而小食有幾款可以選擇，而就選了海鲜煎餅，好好味，而每一個餐又可以跟甜品(是雪糕糯米糍)，而飲品又可選我喜愛的熱菊花蜜，冬天真很滋潤啊!另外這一個豬軟骨拉麵，我不是喜愛拉麵，但我卻鐘情它這個豬軟骨，真是香到難以形容，軟骨又滑，我還未找到一處好食過它的豬軟骨，朋友經我推介這個豬軟骨拉麵後，他都好掛住要食它!大家來時，就要試下啦!

今日好朋友提議就去咗呢一間餐廳食嘢！望到喺OpenRice有人都話呢一間餐廳好有驚喜，於是即刻book枱試吓！另外地方好企理，感覺好好味噌煮牛筋❣️牛筋煮到好淋好入味，每啖到食到味噌嘅精髓。照燒雞肉潛艇❣️超大個潛艇勁吸引人，有好多芝士同雞肉，幾好食，芝士味好香濃，鐘意芝士嘅唔好錯過。八品刺身盛合❣️刺身好新鮮，仲有八款咁多，岩哂同朋友分享，甘蝦幾甜又大，三文魚都有好靚嘅鮮橙色同肥美。芝麻雞翼❣️雞翼正常size，唔會好似發育不良，都煎得幾靚，仲有啲芝麻香味，同埋一啲都唔會乾。脆皮煎餃子❣️餃子即叫即煎，熱辣辣咁又煎到好脆，都幾好食。鹽燒三文魚頭❣️好大個三文魚頭，都算幾多魚肉，仲要一啲都唔腥 ！咖喱牛肉撈烏冬❣️咖哩汁都煮到幾濃郁，每條烏冬都沾滿咖喱汁，夾埋啲牛肉食到好滿足。

早排係fb見到有人介紹去咗喺佐敦嘅餐廳食嘢！睇到Instagram有人話呢一度好有驚喜，就即刻走咗去試一試！而且成個環境都好舒服😌打頭陣嘅係炸雞軟骨，即叫即炸，嚟到仲熱辣辣。份量都唔少，食落好惹味。雖然炸嘢有啲熱氣，但都忍唔住係咁食😍再嚟多個大蝦天婦羅，平時好多餐廳嘅炸嘢炸粉都好厚，但呢間唔會！隻蝦仲要大大隻又鮮甜😋唔少得脆皮煎餃子，同個名一樣，餃子個皮真係煎到勁脆，個皮仲要唔會好厚，唔會食到好濟，幾唔錯嘅一個小食🥰另外七福神奄列飯，蛋包飯有金黃色嘅厚厚奄列係外層，一切開個滑蛋都唔會散晒，口感滑溜又充滿蛋汁嘅香味，撈埋秘製醬汁炒飯，真係令人流晒口水！最尾有大阪燒醬油豚肉炒麵，好有日本風味嘅炒麵，主食嚟講係一個唔錯嘅選擇。

話說今日shopping完嘆左個下午茶，夜晚又想食少少嘢先回家， 於是試下呢間。一黎叫左個蟹子青瓜沙律，簡直係超大碗，青瓜夠青甜，蟹子，沙律醬非常充足。炸蟹餅，不過不失香濃蟹糕配上剛燒好嘅魚干，超正海膽燉蛋，較為咸炸雞軟骨冇得輸環境係迫嘅，樓底又矮，會嘈d.