一點心 (通菜街)

營業中

休息中

琴夜家姐生日原本已去九龍城食左夜飯慶祝, 但係真係麻麻唔好食同唔低食, 屈住到氣出太子行街, 行完街個friend話肚餓, 咁咪想想食咩好, 吓!記得有friend話太子警處後面有間一點心幾好食, 咪大家去試試囉我地叫左"生竹牛肉球", "蛋散", "棉花雞", "牛肉腸粉", "黑椒牛仔骨"牛肉球好彈口...好過食酒樓 d 淋da da蛋散...................雖然脆, 但我唔鍾意佢用練奶+花生碎同芝麻棉花雞...............雖然油d, 但係d棉花(魚肚)好爽好好食, d雞又好食牛肉腸粉...........唔油, 賜粉好滑黑椒牛仔骨.......唔好食, 又油, 味道好似BBQ叉燒味, 食唔到黑椒味跟住都有外買返屋企馬拉糕...............圓looklook, 好好味糯米雞...............唔係我食, 所以講唔出個味道燒賣...................普通鳳爪排骨飯.......好入味佢地影d圖都有介紹啦.......你地都去試吓啦

三點鐘唔係好多人，點左炸雲吞&鳳爪排骨飯，不到一分鐘就送到我面前，真係好驚訝！炸雲吞會唔會淋晒架？一食落去好香脆，仲有小小熱添，ｄ飯一粒粒啱晒我，呢度係冇飲品供應（茶$2除外），但係可以帶黎店內飲，都幾好呀！P.S 雖然呢度係有點心食，但唔係酒樓，希望客人唔好咁大聲講野啦，唔該晒！

五月廿三日(六)知道今日會黎太子，已經做好準備，老婆係OR度搵到尼間一點心，食過既人暫時都無人喊面，係酒樓食點心就試得多，係尼類類似快餐點舖頭食點心真係第一次～店舖比想像中靚，本以為是地茂酒樓格局，但原來環境與一般食肆相若～二時多來到亦有不小人等位，待了一會終於入座，點了以下點心：馬拉糕($11)可以吃到細籠蒸馬拉糕地方不多，這裡正是其中一個。終於可以食到一個完全屬於自己既馬拉糕。小籠蒸馬拉糕好處是每一塊都是邊位！每一塊都能感覺到邊位較滑的口感，而且已分開六件，不用自己"搣"。甜味較重，味道與酒樓相若，較滑～雞札($13)本人最愛吃點心，幾乎每次到酒樓都叫。這裡的雞札頗為足料，雞及魚肚大舊，食落非常充實，味道拍得上大酒樓。唯一不好是沒有豬肚用了冬菇，個人口味問題，幸好老婆給我解決了冬菇~ ~" 很高水平的雞札～叉燒腸($13)本人認為最好食既有饀腸粉就是叉燒腸，由細食到大都係最鐘意叉燒。尼度叉燒腸味道唔錯，而且岩我口味，因為無乜落到芫茜！蝦餃($13)較平常酒樓細粒，皮略厚及過於黏，蝦算新鮮，個人認為未能與有水準酒樓看齊，但畢竟一分錢一分，$13來說這籠蝦餃用料和味道已算不錯～黑椒牛仔

食物係好食但服務一樣重要四個人食其中一個搵位先，得兩個位隔離兩位客人都肯幫忙換位但員工同嗰兩位客人話：「你地仲有粉果好快唔駛換位啦！」四個人齊晒又仲未有位嗰兩位客人籠粉果又剛剛到鬼甘熱好似逼人地快啲食完走甘，仲要有其他位都唔問下我地介唔介意分開坐就叫其他人坐！！！仲聽到有個員工話：「到齊都唔調位呀！！」咩服務呀?!又唔係特別平~~~

点心種類皆傳統一般, 其他人都介紹過啦, 但服务及食品皆好且穩定, 值得推介; 附近D 咪錶位其实不難有位.

今次係第一次食佢既點心~叫左鳳爪排骨飯鮮蝦菜苗餃北菇棉花雞鳳爪排骨飯---D飯好夠硬!最憎果D淋PAT PAT 果D....鮮蝦菜苗餃---個皮好厚,D料好小北菇棉花雞--- LEI個好好味~每樣有3舊~不過加埋1 要44蚊...粥皇湯后比佢平

係網上看到有一間叫"一點心"的餐廳被它的馬拉糕所吸引住裝潢似普通的小茶餐廳但食的是酒樓般一樣吃點心位置都幾偏僻附近無嘜餐廳但估唔到星期六二點到竟然要等位好多人食呀!!!!~好彩等左15分鍾到就有位哈哈~~~ 終於比我試到一籠籠既馬拉糕呀! 一籠有六件~~~ 好鬆軟呀好好味呀!~~好正呀!我地2個人食左:鳳爪排骨飯馬拉糕牛肉球鮮蝦腸粉綿花雞鳳爪加埋茶位($2/each) 都係$7x 食到好飽呀豐富的下午茶好想再去食多次呀推薦: 馬拉糕, 鳳爪排骨飯, 牛肉球^.^

今日元宵掉低老婆仔同屋企人去一點心食晚飯,因為媽打話幾好食同埋好抵食(因她喜歡吃點心).好!!!又試試係咪真係咁得先!!!!我們一行三人叫了:鳯爪排骨飯排骨飯咸魚肉餅飯"囉"米雞馬拉糕蝦餃燒賣牛肉腐皮卷春卷油菜雞扎真係好多呀!!!不過我們家族是食物焚化爐來的,清晒!!!但是真係好好飽!!!整體上ok,有酒樓水準,不過我覺得馬拉糕真係幾好味,服務的侍應好有禮貌,時不時幫你加茶,食到差不多時又會幫你跟單問你d齊晒味,有無漏單咁呀.咁平o既價錢,有咁好o既食物質素,有咁o既服務,仲想點!!!就算去酒樓食,有好多都無佢咁o既服務呀!下次一定帶埋老婆仔來食sin!!

下午...老公問旺角有咩好地方食晚飯...我諗下如果夜晚可以食點心就好啦...於是腦海裡突然出現佢- 一點心! 兩人就行遠少少去到太子!五點幾, 人唔多, 我第一時間就畫精製馬拉糕, 灼菜心, 蘿蔔糕, 叉腸, 然後見牆上貼有豬腳薑, 就叫埋俾老公! 馬拉糕好熱, 好鬆軟, 唔太甜, 但就唔係好香, 不過, 已足夠了! 成籠上切開六件....慢慢享受! 蘿蔔糕好失望...因為係煎既...油少少, 不過, 都幾多蘿蔔! 叉腸皮夠滑, 如果唔掃油就好啦! 灼菜, 夠腍合格! 豬腳薑只有兩少件, 唔係太入味, 但夠腍! 蛋一隻, 幾硬! 醋就唔太酸...唔夠濃, 膠質唔重!

呢間係二家姊介紹，當初以為都係好普通一間既酒樓，但估唔到係好細間舖仔但可以有返酒樓水準既點心！雖然勁多人排隊，但如果較對時間唔等太耐咁會覺得呢度係勁好架！待應都ok，但漏單要追住唔係會無左下文！佢地點心份量適中，好適合星期六日訓飽黎食個早餐連中午加下午茶！我好欣賞佢地個叉燒飽，起碼唔係全肥肉，好過好多酒樓！山竹牛肉好新鮮，勁好味！馬拉糕好鬆化，連我唔食既都咬左幾啖！最正係一盅盅既飯........好新鮮好入味！如果有時想唔到地方，其實呢度係好好架！價錢係勁抵又食到好full！

成日都想搵個地方可以夜晚食點心, 於是就去呢間試下啦!!點心既款式唔係太多, 都係茶樓既一般貨色::豐料糯米雞:: 都叫做足料既，不過唔算大隻牛肉腸粉:: 不知所謂, 腸粉搽左一大層油, 應該係蒸定晒o係度, 而且腸粉質感太厚唯一值得一讚既係個馬拉糕, 除左o係大榮華同鴻星之外，都好耐冇食過咁鬆軟既馬拉糕俾個膠杯裝杯超普通既茶都竟然要收$2茶錢, 好心啦!!

點心數量雖然未有大酒家那麼多, 但勝在主要的都有, 亦有特色新產品, 間中推出, 不過最不好是中午很多人, 而且要收$2/人的茶錢, 但又唔係成壺茶上俾客人或有特選茶葉o 珍珠雞可以刪除啦, 改做糯米雞先有特色的, 亦要加入鵪鶉蛋燒賣, 通埋蒸飯加番條菜芯係面, 要給人客比較健康的感覺先得o這店門口對正電話亭, 可以無線寬頻上網, 等位無咁悶, 以前他們在門外放了一張公園長凳, 後來爛左, 現在好似無凳坐來等位, 而且店內地方好細, 所以不能久坐o

一點心的點心都好精小.專注幾款點心,味道都幾好,舖頭小,待應生服務較差,價錢方面其實和酒樓差不多,只不加一,但點心份量較少,但也要給茶錢二元一位,較不值。該天二人只叫了一碟菜心八條左右,臘味糯米飯若一小碗,棉花雞。共要41元呢。

在我地頭附近, 卻很少走過來。如果唔係客人主場被包, 也不會貢到入來, 畢竟跟客人晚飯吃點心是有一點怪怪的。是晚一行六人, 迫迫地坐埋角落一張檯, 仲有沙發椅添, 都算做坐得舒服。一塌胡塗地點了一堆吃的, 樣樣味道都幾唔錯, 雖然自家制的中式點心要弄得難吃是有一定難度。最值得推介的是老火湯及粥, 那天喝到的青紅蘿蔔湯, 喝得出是足料及明火煲出來, 老火湯要煲得好喝, 難度是沒有的, 用料足及俾時間就是。不過在街上喝到一口好湯, 也算是難能可貴的了。粥算是幾綿滑得來有米香, 皮蛋更是粉粉的滋味!個人認為,價錢唔貴食物又過得去, 地方都叫幾骨子, 這樣的中式tea, 好過坐cafe啦。最緊要係食到飽飽仲平得發笑!

8/7(日) 6pm起首先訪雲泉,繼而登上大帽山,太陽伯伯果真相當關照,沿途照顧有嘉!未夠六時旅遊車已將一眾同學運抵太子;我倆經反覆煎熬了一整天後,猶如殘花敗柳,蹂躪至體無完膚.利用僅存的能量,拖著沉重發軟的雙腳,蟻行至鄰街的"一點心"打算草草充肌方才返歸.甫進小店子,侍應生安排了貼牆的二人座,環境可謂狹隘擠迫,跟鄰桌的食客頓時親密了不少!顧名思義,館子以點心作主打;點心價格由$8至$15不等茶錢$2而沒加一;價錢聽落挺大眾化.我倆點了鳳爪排骨飯$15,布拉腸粉$10,灼芥蘭$10,鮮蝦韮菜餃$10,蝦餃$12,蘿蔔糕$8.鳳爪排骨飯--排骨肥瘦均勻,肉味濃,質地亦軟腍.鳳爪一"大"隻,相當矜貴!尚入味腍身;而飯粒稀爛腍散,淋上香度略欠的甜豉油,不討好的盅飯!布拉腸粉--腸粉沒有麻醬這鐵膽,天大的謬誤!但其本質確是應予褒獎;腸粉軟軟的,一吃而直滑落喉,同時亦嚐到米之香氣;辣醬辛辣,甜醬味道也對辦.蝦餃--一口一粒纖纖蝦餃,餃皮較厚而彈牙;鮮蝦餡乃普通料子.鮮蝦韮菜餃--三隻一籠,賣相晶瑩剔透,先嚐餃皮,彈牙之餘不失滑溜質感,細嚼菜餃,韮菜及鮮蝦餡味道卻蠻平淡的.灼芥蘭--份量袖珍;入口