一風堂 (新港中心) (已結業)

近來人氣, 又常常經過, 想試好耐, 但次次都超多人等位, 試過拎籌是要等200個籌, 便立即離開~ 今次專登是下午茶時間去, 都要等20個籌, 好在等了15分鐘~ 都非常適合單人匹馬去吃, 因大部份位置都是長枱, 但不是對坐, 向住玻璃/板吃~ 湯不太稠, 不是太辣~ 好味~ 叉燒不"鞋", 雖不是入口即溶, 也不肥膩~麵是幼麵, 適合配濃湯, 吸了湯味, 更好吃~ 但整碗麵份量略少~蛋白蛋黃都流心, 好有蛋味, YUMMY~ 但同"鳥爭"相比, 鳥爭的蛋勝一籌~

其實呢d人氣店預左要排隊,咁附近都有得行下,60分鐘都好易過~坐低d位都算舒服兩個人叫左一碗辣味噌,一碗赤丸新味,一客餃子.每碗麵得三塊好薄既日式叉燒,麵質一般,唔彈牙,硬左d...湯底好多肥膏浮下浮下,可能呢d叫正宗啩?!餃子真係超市買到既質數,只係佢用鐵板上俾你,同加左d薑蔥蓉喺面俾你好睇d咁啦>.<一路食一路d員工喺你後面嗌日文歡迎蒞臨,好煩!佢地係嗌到嗌交咁,完全感受唔到真係歡迎人咁...講真,有d失望..因為所有野都好一般!!

未夠6點就到, 因為據聞6點半已經要等150張枱 ~ 唔洗等位, 不過朋友仲有10 mins 先到, 佢地好好都俾我入去先 ~ 我坐門口第一張枱, 坐低唔夠5mins, 我就發現好嘈 ~ 基本上係每次一有人入來, 全間 一風堂 既人都會 講 歡迎光臨 之類~而我後面就係 noodle bar, 4-5個 師傅 會同時間講, 真係好嘈~ 坐我對面果幾個人, 一路食一路話呢到好嘈, 其中一個女仔 未食完就話 呢到太嘈所以閃左 ~ 雖然明白 呢個係 日本傳統, 但係 都應該可以改善下 朋友到左之後 佢都覺得好嘈, 於是要求換位, 換左去遠少少既位, 即刻好好多, 起碼我地聽到對方講野 ~ 講番 拉麵~~ 我地叫左 白丸元味 同 赤丸新味 ~ 白丸加蛋, 我揀左 麵 係 普通硬度, 初初食覺得個 湯好好味, 不過食到中段 覺得有d 淡, 個蛋就 非常正, 係 半熟蛋 ~ 令人回味 ~ 試左 朋友少少 赤丸, 赤丸味濃d, 不過有d 辣, 下次會試呢個 ~ 佢揀左 麵 係 硬~ 但係食落去 我同果碗 無咩分別 ~ 另外仲叫左 薯仔沙津, 旁邊既 我地以為係 椰菜, 原來 係 白蘿蔔 ~ 薯仔

上星期因為開完會都13:30, 自己一條友走去揾食, 不嬲都知一風堂爆到七彩, 諗住試試運氣, 又好彩等位人唔算多, 外面有10 pairs 咁多到, 咁我一位估計應該易D揾到, 好彩等左幾分鐘就入得去即點 一風堂辣肉味噌 +豬頸肉 & 半熟蛋, 麵選適中...半熟蛋到我食既時候浸熟左D, 不過都仲流心, 因為我食左半碗麵先食豬頸肉好得, 本身已經有少少味, 係白烚的, 清清地真不錯, 想濃D就浸湯食更合適 好味, 食完其實都好飽..... 惟一係冇點野飲, 出去後都係買左杯COVA 咖啡見係地食叉燒包都係食唔落冇試, 下次必試..... 不過講真, 埋單我覺得有少少貴.....

之前已經食過, 今日 (9月10日) 再去再回味. 11:30開門, 剛好到達之際, 門口已經排左一百人. 等了大約40分鐘便可以進去. 其實在未進去之前, 可以問侍應拿菜單看一下, 那進去以後便可以即時點菜. 一風堂餃子, 挺好食, 不會太油, 但裡面的料不是太多他他牛. 頗有 "趙" 口, 有兩隻醬料提供, 有點酸酸的味道, 令人開胃.辣肉味噌, 剛食的時候覺得不是太辣, 但慢慢那股辣味便開始來, 不過還不是很辣很辣的那種.赤丸新味, 裡面的有個醬有點辣, 但比起辣肉味噌, 這個當然不算甚麼.白丸元味, "無添加" 味道, 頗重豬骨湯味 (比起上面那2個)三種麵的基本配料都是一樣, 肉質挺 "林", 只是份量不算是很多. 而湯則很有豬骨湯味! 而每碗麵我們都加了半熟蛋, 有點 "流沙", 但真的只有一點, 不過味道還是挺好食!!

雖然在尖沙咀上班，去一風堂只不過是5分鐘時間，但往往去到己有一條長長人龍..... Lunch time 去試是沒可能。之前看TIME OUT 都有推介，心想真的是那麼好味嗎? 我不是RAMEN FANS，都不是太喜愛RAMEN，但人就是有好奇心。某個平日晚上，朋友說她去排隊先，啊! LUCKY! 我到埗了5-10分鐘就有位了! 叉燒角包 叉燒好鬆軟，又有肉汁同蛋沙律醬，從未想過如此好味! 白丸元味拉麵底可選硬度, 我選了普通, 軟硬度適中，沒太多的要求。叉燒薄同比較瘦，如果厚些就好。半熟蛋可以啊! 湯底是豬骨湯底，我把全碗喝完。友人說同在日本吃的一樣，讓她有種幸福感覺赤丸新味友人點了赤丸新味，她說好味呢! 友人告訴我MENU 內有說明白丸元味是用瘦肉，所以會發現赤丸新味的叉燒是比較上是肥少許的。

下午3點幾又未食飯, 結果系呢度同上層都拿左飛, 仲要等110張,當然放棄...上上面食....點知食完落來剛好到我, 甘點都試下啦, 凈點兩碗赤丸, 講味道, 其實好普通, 湯底濃就濃, 但豬骨味又吾系好出, 黑蒜油吾夠香, 叉燒又吾系即化, 有d硬, 面偏少...同我系日本食過既差9皮, 甚至深圳山小屋都仲好食d...如果甘既價錢, 分量同質數, 仲要排60分鐘, 絕對無下次...

是日跟友人到尖沙咀行街睇戲...趁時間尚早(約6PM)，便親身去試試排隊的滋味！！90分鐘後，正式入座白丸元味拉麵：豬骨湯配幼麵條、叉燒、木耳、芽菜等。豬骨湯的膠質不重，味道濃郁，易入口，令各拉麵愛好者在夏日亦食得過癮！至於叉燒…個人則覺得偏韌。餃子：一口一隻、皮薄，吃得過。叉燒角包：鬆軟的包身配厚切叉燒(角煮?)及生菜。入口鬆軟味濃，且叉燒肥瘦分明！絕對是短時間內再黎幫襯的原因之一，皆因食過翻尋味XD總結～環境好，品質高，價錢合理。

<一風堂> 係近期人氣高企既拉麵店舖，從 openrice 中看到食家往往要等 1-2小時才可品嚐，為了不用等，於是選擇了平日拜訪。在一個平凡的星期二 11:25am 到達，仍未開門，已經有 30人正在排隊！很誇張、很瘋狂呢！有三款麵可供選擇，是次選了 <白丸元味> + <半熟蛋>。而麵選擇了 "淋 d"。下單後不用 5分鐘，一碗熱辣辣的拉麵就呈現眼前。湯：看起來油膩，但入口後完全不覺油膩，也很清香，湯底真的不錯！麵：幼滑，方便演奏 (shu shu 聲！哈哈......)！但麵有輕微鹼水味！要扣分！叉燒：薄、香滑、比較瘦。但可能太薄的關係，叉燒一夾即散，到後段變成 "碎叉燒拉麵"。半熟蛋：從外表看完全合格，做到半熟效果，但可惜沒有蛋味！其它配料：黑木耳、芽菜、蔥花。配料份量足夠，特別是蔥花夠多，所以很清香！環境方面，新穎時尚，座位還可以，在尖沙咀貴租的地方不能要求有寬敞的座位的。服務方面，服務員年青有勁，行動快速。離開時間是 12:15pm，門口有另一大批人正在等候...... 瘋狂！對於拉麵整體而言，屬中上之作！希望下次再到訪的時候不

假期, 下晝點零鐘朋友提議去試下呢間呢期咁紅既拉面店,朋友們先到步, 3個人等5個人既位, 可能LUNCH HOUR已過, 大概等左一個鐘, 一行5人入到去, 安排左張闊落既卡位比我地, 有樣野覺得好奇怪, 因為我地附近既卡位都係吉既, 有兩張檯甚至由我地入去食, 直至我地走都未有人入座, 不過出面有好多人等緊位…赤丸同白丸都有試, 兩個湯底都好香好濃, 赤丸帶辣, 以香港食到既日本拉面來講, 真係唔錯, 而且好鍾意呢度幼身既面,質地爽滑, 同日本”一蘭”既面底相近, 本身鍾意赤丸湯多D, 但有點油膩,如果可以煮返清D會仲好D, 但…隻”半熟蛋”近乎全熟, 呢隻蛋真係失敗…我地5碗面都有加蛋, 5隻蛋都一樣係咁熟, 好失望呢…另外仲點左餃子食, 真正的薄皮餃子, 好食~~會再幫襯既…響遲下唔洗再等咁耐之時…

最近迷上了拉麵，大熱的一風堂自然成為其中一個target!週六和大少爺約11：15am到達，現場已有約40多人的人龍等開門，好彩座位夠多，我們不用等第二round便被安排入座。＊白丸﹠赤丸：豬骨湯味尚算濃郁，但中環豚王明顯地更精更醇厚；赤丸的叉燒較白丸的肥，亦較甘香鬆化，但兩者的肉質都略“嚡”；桌上助料只有芝麻，而豚王另有新鮮蒜頭和其他配菜，更專注提昇客人對拉麵的享受。＊半熟蛋：不錯。但記住請他們和麵分開上，上次沒有特別要求，蛋浸在湯中令蛋黃略為熟了一點，今次和麵分開上蛋黃就有流心效果。＊叉燒角包：味道ＯＫ﹣﹣﹣但饅頭夾燒腩肉有什麼特別？＊煎餃子：味道ＯＫ﹣﹣﹣如果再有下次就一定不會點。＊豚角煮：味道ＯＫ﹣﹣﹣日式東坡肉囉.........整體分數是中上的，值得一試。雖然是在有冷氣的商場等位，以及有拉麵以外的選擇，但若果反正都要花時間等位的話，我還是犯賤的寧願在街上日曬雨淋等豚王啦

由於一風堂長期處於openrice最多好評的第一位, 恰巧這個星期六有空, 就跳出香港島, 去尖沙咀排下隊啦 =)裝修風格屬新派日本餐廳, 由於攞飛時要求左要卡位, 所以都坐得幾舒服,但係如果坐係中間的一字型長枱, 就有d快餐店feel喇.服務算中上, 冰水refill得好快, 值得一讚!叫左赤丸新味, 一風堂叉燒角包, 明太子雞翼, 芥末蟹肉牛油果脆餅赤丸新味拉麵底可選硬度, 我選了普通, 軟硬度適中.叉燒幾腍身, 又有少少肥, 不錯.湯底就.....老實講有少少失望, 我覺得唔夠濃, 比不上達磨的一品豚骨拉麵.一風堂叉燒角包樣子普通, 食之前我以為會好乾身, 但食落比想像中好,個包好鬆軟, 加上d肉汁同蛋沙律醬, 一d都唔會覺得佢乾.芥末蟹肉牛油果脆餅配搭幾新鮮, fusion style, 個人幾鍾意食牛油果, 所以 LIKE!明太子雞翼呢個無咩特別, 同自己係超市買番屋企煎無咩分別.比個笑笑佢係因為絕對值得一試, 但考慮到排隊時間的話....大家就自己衡量下個time cost啦.

之前去日本都冇機會到拜訪,今次他登陸香港,我怎能不嘗不試呢上星期晚本應約左朋友一齊黎試下,但排隊既人實在太多.....有成200個,唯有放棄....今日下午難得得兩三個排隊,所以同朋友入去試下我同朋友都叫左麵質可選硬/軟, 我選左較硬身很快白丸元就送到,麵底---較外面的好湯底---較淡,但食完唔口渴,如果濃味D會更好溫泉旦-- OK,但不是吃過的最好豬肉---有D梅,不太好另外,我地再加左個明太子少少辣,但加埋啲飯一齊,好好味!!

上年和男朋友到大阪旅行時已吃過當地的一風堂男朋友仔對一風堂印象都不錯(我還是一蘭的 dead heart fans)既然一風堂在港開店，當然要走去試試無須排隊，拿完籌可以在商場逛逛，可能等得比較舒服的關係，食客比豚王還要多男朋友早一小時到來攞籌，我放工到來，籌號只不過去到 429，再要等多大半個鐘(共等了1小時45分)才可入坐店內是開放式的廚房，師傅煮面過程都一目了然記得赤丸加添了黑醬油(我覺得似燒燶叉燒味) 味道更香，所以我和男朋友仔都點了赤丸不需5分鐘，麵已經端到面前，喝一口湯，也有濃濃的豬骨湯味但當將醬料撈混時，出事了！似乎我不大欣賞那個辣醬，雖然辣度只是很微，但足以把豬骨湯的味道蓋過再吃一口麵，竟有一陣鹼水味，扣分扣分扣分而湯亦越飲越咸，喝不到一半就要放棄 大阪的一風堂，讓我最深刻的是那夥玉子，橙黃色的蛋黃甜到入心，令人難以忘懷而香港版的蛋，沒那麼紅，也不香甜，一般而且叫人失望的還有那"空 nel nel"的檯面，桌上的調味就只有芝麻和蒜油那些男朋友超讚的醃製大豆芽和雪菜，蒜頭，味粉，醬料，通通都消失了為什麼？除了麵，我們還點了餃子但原來餃子分兩種，一種是一風堂餃子，鐵板上的

每次經過見到長長既人龍, 終於因為星期三收工較早而決定去試, 結果... 就係失望而回。老實講個人對拉面並不講究, 就例如山頭火既水準我已經十分滿意!可惜一風堂不但未能令我滿意, 甚至覺得敗興而回~兩個人點既菜不算多:白丸元味: 第一口放入口, 湯味好搶! 可惜, 只係濃, 而感覺唔到個湯仲有咩特別。面同湯帶唔出任何化學作用, 因為個湯真係太過搶! 叉燒... 得兩舊細細舊, 而且鞋身, 做得好差半熟蛋: 應該叫七成半熟蛋, 蛋皇已經熟超過一半, 完全無半熟蛋既流心, 咬一口後即時好懷念山頭火八爪魚刺身: 價值$108既八爪魚刺身, 竟然係超細塊既薄切, 大概一蚊銀咁大, 得8-10片, 而且完全唔知邊度切出黎既, 圓姑碌, 話佢係爪又唔見佢有吸盤, 其他部份又應該無咁圓~ 細片, 唔緊要, 夾上惹花同少少明太子(應該係, 雖然無咩味), 食黎口完全食唔到八爪魚既鮮味, 呢個質素的話, 總對不值$108... 唔好問我值幾多, 我真係唔識答你 Cocktail 博多: 只能用唔拖唔水黎形容, 又未至於好差, 不過講唔到有咩特別總括黎講, 我完全唔滿意食物既質素~唔會再去