一遊

營業中

休息中

永遠唔會令我失望嘅日本餐廳❤️一遊沙律$68自家調配嘅醬汁加上新鮮嘅生菜，蕃茄，年糕，珍珠，好特別☺️❤️石立魚薄切$280魚味較淡，但鮮味十足，而家正直當造，所以架肥美，魚油十足❤️芝士玉子燒$58認真抵食，爆晒芝士，玉子蛋夠晒滑，世一😋❤️鐵板燒廣島蠔$180晤好講笑，啲廣島蠔粒粒漲卜卜，爆晒汁，味濃，正！❤️鹽燒活鰻$68個皮燒得好脆口，好多汁，好肥美，必點鍾意呢度嘅環境，三五知己傾下計一流一遊 (尖沙咀)尖沙咀諾士佛臺1號4樓

諾士佛臺除左酒吧原來有日本野食！跟朋友黎呢到輕食，入到去，感覺好似去左日本，巧有feel！🐟立魚湯純正魚湯，用立魚，洋蔥及豆腐煲成，奶白色，要趁熱飲，唔覺腥，鮮味好飲。🐙八爪魚沙律八爪魚切成薄片，上面曬上蕃茄碎、洋蔥碎、京蔥碎加埋醋汁，真心好食，係我咁大個女食過最好食既沙律，勁厚面皮問店長個汁點整，店長話係佢地自家配制醃成，無可奉告！🤷🏻‍♀️😂🦪醬汁廣島蠔個醬汁都非常出眾，蠔肉肥美，我覺得呢到既醬汁特別，與別不同，配搭食材後更加出色。忌廉蟹肉粟米、蟹肉混入忌廉搓成丸狀再炸，外脆內軟，熱辣辣，不錯。食物幾高質，可以一遊再遊🤣。

呢間居酒屋係美麗華隔離，裝修幾靚有格調，有tatami卡位好岩同朋友聚會。胡麻醬三文魚朋友中意食三文魚，加左蔥嘅三文魚好易入口，加左胡麻醬又幾夾播。燒雞皮蝦—見到隔離枱食我地又叫。勁特別～係雞皮包住剝燒豬嘅大蝦😹雞皮食落反而似豬腩肉，大蝦好大隻，啖啖肉好爽😻燒牛舌都正，好厚切，又有牛油香。東洋卷其實有啲似食甜品😺鰻魚同薄餅皮都係甜甜地，幾得意。另外都試左小小壽司🍣睇賣相都知魚生靚，佢啲壽司飯握得好，唔實又唔會散開。吞拿魚茸好滑無筋，沾左芝麻食落好香。柚子𩶘魚同赤蝦都好鮮甜👍🏻每件壽司大細適中，壽司飯好好味，唔會太酸。

因為冇記性，常常被媽媽問有沒有吃蛋補腦所以決定不只吃蛋，仲要食埋豆腐，因為豆腐含豐富卵磷脂，對大腦非常有益，今晚決定點選不同口味的豆腐，來一頓補腦晚餐！🐣溫泉蛋溫泉蛋配上鰹魚汁，簡單而又開胃嘅前菜🍲豚肉豆腐煲呢個湯頭比較清淡，味道源自食材本身嘅鮮甜，豆腐一貫嘅眩惑轉滑，豚肉一片片薄切，下層仲有少少雜菜同埋蛋花，清爽之選🥜上湯揚豆腐係居酒屋必點菜式，豆腐炸至外皮脆卜卜鰹魚汁襯有櫻花蝦，在面頭灑上木魚，咬落熱呼呼～係經典日式豆腐吃法🧀香炸芝士因為其餘菜式比較清淡，就想食一個炸物，芝士炸完都流心，中間夾住一塊小小嘅紫蘇葉，味道有層次🍣魚生飯份量十足🐟最鍾意有三文魚子&海膽，刺身新鮮，而且碗盤很美，要加加分～簡簡單單食完一個晚餐，因為近排放假，食到消化不良，食啲豆腐、湯之類嘅食物，都非常唔錯！最緊要嘅係，簡單嘅食材都可以好好食😋

是晚去咗酒吧林立嘅諾士佛臺！一次過滿足哂『想食好西又想飲杯嘢chill吓』嘅兩個願望😎😎一跨門而入會有錯覺自己飛去咗日本嘅高級餐廳！即刻睇相！一啲都唔誇張！. ✨一遊沙律 $68望落平平無奇🥗但實質生菜同小蕃茄都超級新鮮爽脆！而且仲好特別咁有糯米丸子同煙韌珍珠‼️有創意Be鍾意！. ✨ 香蔥吞拿魚腩卷 $170Be對「十級肥美吞拿魚腩蓉」係真愛😍😍愛佢果種喺口腔溶化嘅質感！且帶有魚油脂嘅鮮味！配埋底下嘅青瓜小卷！每次一啖成件啪入口！好滿足❤️. ✨ (廚師推介)炸廣島蠔 $130強烈建議要下單‼️一咬時酥脆嘅粉漿層已經包唔住飽滿廣島蠔嘅juicy！滋味令人印象深刻！即刻令Be回想起上次廣島市嘅美食之旅(🤫Be係唔會話俾人知之前飛去廣島係為咗朝聖廣島蠔嘅…). ✨燒雞皮蝦 $78@師父已經將蝦殼去除！用雞皮包住蝦肉🍤🍤咁樣燒！入面仲有紫蘇葉！外脆內軟！味道層次好豐富！. ✨燒羊架 $68@醃製得好入味令肉質好細嫩易咬！而且難得羊羶味完全唔重！(引到本身唔食羊嘅Be都忍唔住咬咗啖😜)燒烤得剛剛好！！. ✨蜆麵豉湯 $30@濃稠嘅麵豉味道令此熱湯大大增添日本風味🤤另外最吸睛嘅一定係有兩隻厚肉嘅大蜆

係美麗華行完街見到附近有間樓上居酒屋，上到去餐廳燈光偏暗，好高級既感覺。好彩食物價錢同一般中價日本餐廳差不多，可以放心落order。試左幾款魚生同壽司，樣樣都好新鮮。東洋卷係薄薄pancake皮包住牛油果、鰻魚同好多蟹子，店員有提醒最好一啖過食晒所有材料，我地試左果然係好好食，鰻魚同牛油果好綿好滑，用薄餅皮包幾有創意。海鮮沙律同三文魚沙律啲魚生都好新鮮👍🏻無點wasabi都唔會腥。另外試左啲串燒，厚切牛舌真係好正，爽彈又燒得好香，每人食兩串先夠喉。

今晚同屋企人行經尖沙咀諾士佛臺附近, 搵左間餐廳醫肚。餐廳位處九龍區著名酒吧區諾士佛臺一間大廈嘅二樓, 交通尚算方便, 距離尖沙咀地鐵站都只係七分鐘路程。餐廳擺設相當和風, 我哋一行幾個人叫咗 幾個小菜。 前菜係一遊招牌沙律, 沙律採用嘅蔬菜相當新鮮, 配以餐廳自家調製嘅沙律醬入口相當開胃。之後我哋點咗蟹肉餅, 呢度菜完全可以體現出廚師嘅精湛刀工同烹調技術, 廚師首先將麵粉搓成球狀, 放入器皿中油炸, 其後再釀入已經預先處理好嘅蟹肉, 再一同 整熟上碟,工序繁多。蟹肉入口相當新鮮, 配合脆口嘅麵包糠,可謂一種菜式多重享受。食完蟹之後就食另外一種海鮮油炸蠔, 由於係採用上等嘅蠔,入口完全無海水味及腥味,滋味無窮!跟住我地試左道蟹粉炒蛋, 呢碟菜式嘅賣相好似日本啲玉子燒, 蟹肉嘅滋味融入蛋中, 兩種截然不同嘅口感係口腔中衝擊著味蕾。接住我哋叫咗個鰻魚雞蛋石頭鍋飯, 鰻魚相當新鮮,配以餐廳自家製嘅醬汁送飯一流。湯品方面,我哋叫咗個魚湯, 魚湯一上枱,魚味撲鼻而來, 配以豆腐, 將成個魚湯昇華不少!

朋友大力推薦嘅日式居酒屋，環境好chill，趁blue monday放工，同朋友一齊去開心下～食物種類好多～日本玄米綠茶 $42好香的玄米綠茶，如果幾個人一齊食可以share～蟹肉厚肉子 $68熱辣辣嘅厚燒玉子，香濃玉子，中間夾有啖啖蟹肉；旁邊配有蘿蔔絲同醬油，店員建議我哋放上玉子一齊食，估唔到咁夾～一遊沙津 $68份量十足，四個人share都夠食～沙津菜配秘製醬汁、qq麻薯粒同蕃茄粒，開胃又清新～蟹肉忌廉餅 $68蟹肉同薯蓉融為一體，配埋粟米粒，減低油膩感～玉子鰻魚石頭飯 $128熱辣辣嘅石頭鍋飯，廚師好細心地將鰻魚切成一口嘅size；鰻魚同飯量嘅份量都十足，可以食到啖啖嘅鰻魚。不過要小心，有細骨炸蠔 $138鍾意食好嘅朋友千祈唔好錯過，蠔好新鮮，炸完但完全唔油膩～時令魚湯 $48店員話係冬季限定嘅魚湯，必試啊，好清淡易入口的～

難得放下兩位寶貝, 就和老公去尖沙咀拍拖, 順道來一趟「日本之旅」。難怪這兒叫一遊, 真的有遊日本之感。環境昏暗得帶點格調, 加上日式庭園, 亦有和式的餐室, 仿如當年到鹿兒島的流水餐廳。個人想推薦幾道菜式。首先是炸蠔, 蠔味足夠, 也頗新鮮, 基本上炸蠔應該要有的, 都有了。喜歡蠔的朋友可以一試。老公點了卡邦尼意粉, 我也嚐了一點, 感覺還不錯, 味道很濃郁, 意粉也很有口感。另外還有柚子豚肉石頭湯, 味道不會太濃郁, 亦有少許柚子的回甘、清新味道, 配料都是自己很喜歡的, 包括豆腐、娃娃菜, 很好喝。而玉子燒就係小朋友的至愛，蛋味濃郁，小朋友差少少連碟都想食埋😂。最後不得不提一遊沙津, 本身都沙律興趣不大, 但聽過店員的推介後, 即管嚐嚐。基本上沙律菜也是新鮮, 醬也不錯, 但值得推薦的卻是它加了些類似麻薯和珍珠的東西, 有點咬口之餘, 也豐富了整個沙律。

一遊格調好正, 尤其欣賞日式庭園既感覺。去唔到日本旅行, 但望住哩個景, 算係望梅止渴啦!講返野食, 想同大家推薦幾款食物。首先係牛肉石頭飯, 個黑色石鍋已經令成件事高級咗, 石頭飯一向都係我好鍾意食既野, 加上佢既牛肉、燒汗都好味, 好快就食哂啦! 炸雞都OK, 脆得嚟都仲有肉汁。但如果有機會嚟既朋友, 就不得不試個厚燒玉子, 真係極品。上碟已經冒住少少燒, 而一用筷子切開時, 冒出更多既煙, 真係垂涎欲滴。玉子滑嫩, 仲有好味既白蝦仁, 加少許蘿蔔蓉, 絕配呀! 值得推薦呀!荔枝特飲都係好好味, 仲要個顏色都沖調得好好, 好吸引! 總結嚟講, 食物質素本身都唔錯, 但加上餐廳既環境、格調, 就令到成件事升級咗! 哩個價錢, 有咁既享受, 我認為非常值得!

試想想呢個乾爽涼浸浸嘅聖誕節天氣，如果能夠身處京阪神之旅係幾咁令人鼓舞，加埋同你愛嘅人好浪漫咁，共享一餐精緻日本和風料理，簡直係美滿嘅假期精髓，飛唔到咩? 唔緊要! "飛雲! 係機會啦!~ 😆來到旺中帶靜嘅尖沙咀諾士佛臺1號4樓，由門面招牌"一遊"開始，向內探索那京都小巷的熟悉回憶，餐廳內外滿是日系地道居酒屋的古色古香裝修，最難得係，內部箱房位置有個居酒屋甚少見的和式小庭園。而且設有吧枱，卡座及免跪和式座位，空間感都相當寬闊，瞬間忘掉在港用餐嘅狹窄環境。打開Menu 大部分菜式圖文並茂，一再鈎起日旅指住都可以落單嘅思鄉情。加上播放著的日文歌曲，店員上碟時熱情地逐一介紹每道菜款，加埋情調嘅燈光，真正還原一餐京都地道優質晚餐。柑桔檸檬茶 $68推介:⭐️⭐️⭐️⭐店員介紹的一款茶飲，推薦話天氣乾燥寒冷最合適飲用，估唔到有D驚喜，紅茶色的茶底有著清香的柑桔檸檬味道，的確有種滋潤神色令人有份溫暖醒神的餐飲效果。八爪魚沙律 $88推介:⭐️⭐️⭐️⭐️話明係(European style)片片薄切八爪魚刺身，秘製沙律醬汁帶點柚子檸檬清香，橄欖油混合蕃茄碎及香草茄蓉及洋蔥等，酸甜打開胃口👏 店員話係招牌菜之一，

一遊 (尖沙咀) 🌟八爪魚沙律 Octopus salad (European style) $88八爪魚幾爽口彈牙，上面有蕃茄碎、香橙、檸檬同蔥配上自家特製醬汁，味道酸酸甜甜幾開胃，作為開胃前菜幾適合。。🌟刺身盛合 sashimi set $120油甘魚、三文魚、吞拿魚、甜蝦、吞拿魚蓉、北海道帶子海膽刺身新鮮鮮甜，魚類都切得好厚，食落好滿足。北海道帶子海膽最好甜最好食。🌟自家製鰹魚油甘魚卷 Yellow tail and Katsuo sushi roll $180個配搭味道都幾夾，牛蒡食落爽口同帶鹹味，中間仲夾住牛油果，上門掃咗自家製醬汁，唔需要額外點醬汁都夠味。。🌟芝士厚燒玉子 Omelette with cheese $58玉子好滑，少少甜，切開嘅時候芝士溶曬出嚟，配埋蘿蔔蓉食，可以試下。。🌟雞肉京蔥串 Grilled chicken w/ spring onion $28🌟香蔥金山寺雞肉 Grilled chicken w/ spring onion and miso $28雞肉燒得略為過熟，但個麵豉醬同雞肉幾夾。🌟豚肉車厘茄串 Grilled pork w/ mini t

尖沙嘴諾士彿臺出曬名美食多，今次趁週末同朋友過嚟食返餐好嘅😌 餐廳環境光線柔和，座位闊落坐得好舒服。我地叫咗兩杯燒酎同埋幾款料理送酒，一路食一路傾下計真係幾chill-軟殼蟹沙律軟殼蟹份量比我想像中多好多又夠曬大件，沙律菜都夠曬足料，而醬汁味道就係酸酸甜甜嘅好開胃，配埋炸軟殼蟹食完全唔會覺得膩🦀-辣麵豉豆腐凍麵豉味道鹹鹹甜甜唔算好辣，配埋豆香味十足嘅凍豆腐呀一齊食，食落非常開胃，作為前菜真係啱晒👍🏻-香炸芝士芝士一共有四塊，每件都炸得好香脆🧀炸芝士食落有拉絲效果，芝士味香濃軟糯，呢款菜式真係好驚喜令人回味無窮，下次一定再叫🤩-韓風煎薄餅煎餅係鐵板上嘅可以keep住熱辣辣🔥煎餅裡面有一絲絲嘅雜菜，食落口感十足，香脆得嚟仲帶點軟糯嘅口感，呢款煎餅配燒酒真係一流呀😋-炸雞香蔥汁炸雞炸得金黃酥脆，食落炸粉其實一啲都唔厚，裡面嘅雞肉好juicy肉質幾滑，同樣係一道完美嘅送酒小菜-玉子鰻魚石頭飯最後我地仲叫咗一個熱辣辣嘅石頭飯，飯上面有鰻魚肉同滑蛋，鰻魚肉係一粒粒嘅，配飯食好方便。石頭鍋仲會整到少少飯焦，令米飯食落更有口感。

一遊 (尖沙咀)星期六晚同 4人係諾士佛臺呢間日式居酒屋食晚餐，無食卷物無食刺身，今晚主力食熟食同埋串燒😙✨蟹肉厚玉子 $68玉子厚身，淡淡蟹肉，加埋新鮮蘿蔔蓉和少許豉油一起食用，味道好夾。✨ 軟殼蟹沙律 $86沙律分量充足，炸軟殼蟹放了在沙律菜上，沙律菜酸酸甜甜，入邊加了車厘茄，好開胃💕✨清酒煮蜆 $88用石鍋在蜆肉，熱辣辣，而且蜆殼都是全開，證明好新鮮🥳🥳 味道有淡淡清香酒味～✨煙肉忌廉意大利粉 $86估唔到日式餐廳都有卡邦尼意粉聲，醬汁掛滿了每一條意大利粉，加了煙肉以及溫泉蛋，好香忌廉味😋😋✨和牛串燒 $76和牛牛肉味濃，肉質好夠林，冇肥膏，推介😙✨燒活鰻串 $68鰻魚燒得好香，有鹽香味～✨豚肉蕃茄串 $38用豚肉片包住車厘茄，可以減輕豚肉的肥膩感😋✨大蔥雞肉串 $28小編每次食串燒都會叫嘅大蔥雞肉串，大蔥和雞肉都笑得很香，一定要蔥和雞肉一拼食，好香蔥味雞肉亦嫩滑🥳🥳*需加一服務費地址：尖沙咀諾士佛臺1號4樓

今日下午食得比較飽，夜晚就輕食下日本野。呢度環境好舒服，裝修以木為主，播緊日本嘅音樂炒米茶，真係用一粒粒炒好嘅米去沖，好香茶味八爪魚沙律$88，有切碎左嘅蕃茄、洋蔥、蔥，配上橄欖油，個汁好開胃鮟鱇魚肝，時令菜式，配柚子醋，一啲都唔腥喎！廣島鐵板蠔，配燒鰻魚汁好入味，蠔脹卜卜好有口感，有冬菇同蕃薯配菜蟹肉忌廉$68，啱啱炸出嚟好香口，外脆內豐富。呢幾款餐前小食好啱佐酒廚師發板$280牛油果蟹肉卷 $98𩶘魚湯