一起食堂 (域多利皇后街)

營業中

休息中

喺中環放工都會係食埋嘢先返屋企 其實用心發掘都有啲平靚正嘅好嘢食呢間台灣菜餐廳係喺中環街市隔離 地點好方便食完仲可以唔使逼地鐵返屋企 第一次來裏面裝修好友台灣風格 用木製嘅枱櫈感覺悠閒舒適點咗佢最特別嘅花雕麻油雞湯麵 花雕係另外自己慢慢加上去同埋啲湯底真係好香 麵好煙韌好有咬口 配料仲有好多樣生嘅中藥例如杞子 龍眼 紅棗等等 雞肉分量好多雞肉味鮮甜另外配個珍珠奶茶飲真係夠曬地道呀 好似去咗台灣咁 好啱送麵食甜品點咗個 芋圓仙草凍好大碗啱曬同朋友share 配料有好多有仙草 紅豆等等加上花奶好正 真係唔使飛到臺灣都食到有質素嘅台灣菜

今日做完gym係附近搵食，適逢星期日就黎到平時lunch hour經常要等位既一起食堂即使係週末，呢間平民台灣餐廳依然人頭湧湧，但就唔洗好似平時咁大排長龍Menu上見到一款比較特別既特濃豆乳雞烏龍麵($89)湯麵好濃豆乳味，去左骨既雞成卷狀，入口啖啖肉而且味道嫩滑另外要左蔥油土雞肉飯($79)夠香加上乾蔥頭非常入味，雞肉口感紮實每個主食唔止份量充足，仲配有三款小食：中華沙律、紫薯粒和黃豆蕨餅，食完絕對夠飽肚餐廳飲品選擇都唔少，跟餐我要左杯愛玉荔枝綠茶($24)愛玉口感Q嫩，綠茶清新解膩

朋友是中環上班族，我哋相約係中環娛樂行英皇戲院睇晚上8:30電影。咁就早啲一齊食埋個晚飯啦。呢間台式餐廳，主打都係啲食堂但快餐，肉燥飯、牛肉麵果啲。嗌咗個晚餐set, 係個黑糖豬軟骨飯 $79個豬軟骨就有兩大舊，但炆得唔算淋，軟骨嚟講，就偏細嘅，主要都係肉多，食落係有啲韌。隻滷水蛋就入味，蛋白部分唔係好硬，無擺過夜，應該係新鮮處理。個飯唔多汁，比較乾身，食落口係有啲口寡寡嘅。太寡果陣我要飲啖湯再食一啖飯先好啲。晚餐嚟講係幾飽肚，價錢平，但唔可以太有期望。

想食熱熱既面，叫左豆乳雞烏冬，但上到黎個湯唔熱係溫溫地only，雞件咬入去係凍，唔知係煲得唔夠滾，定係呢碗面既特色黎。味道正常，係同我預期中食完暖粒粒既希望有落差

餐廳的裝潢以古典台灣風為主，壁上掛滿了台灣經典電影和電視劇的照片，播放著台灣的流行曲，給人一種濃濃的台灣味道。我點了一杯半糖珍珠奶茶和鹽酥雞。珍珠奶茶的口感非常棒，半糖的味道剛好適中，珍珠也非常多。鹽酥雞的份量十分充足，外層炸得金黃酥脆，肉質鮮嫩，撒上鹽之後更加美味。一啖奶茶，一粒鹽酥雞，相得益彰，一下子就吃光了。除了鹽酥雞，餐廳還有花雕麻油雞湯麵等多款台灣料理，令人垂涎三尺。餐廳的價格也十分實惠，適合作為快速的午餐或晚餐地點。

之前食過「一起食堂」喺觀塘嘅分店，好味又抵食，呢日喺中環遇上，又入去幫襯吓先。餐牌入面有唔少選擇，有台/日式飯、麵食、小食，仲有季節限定。特濃豆乳雞烏龍麵（$89）- 入面有四塊厚切嘅雞肉，雞肉整得好滑。豆乳湯底清清地，帶豆乳香味，烏冬麵亦相當滑同煙韌。蒲燒鰻魚飯 （$99）- 鰻魚厚身，燒汁濃郁，連埋流心蛋同味素，送飯一流。烤台灣香腸 （$32）- 烤得香脆，唔會過鹹，好香口嘅小食。肉燥燙青菜（$28）- 青菜分量都多，加咗肉燥，味道唔會咁寡。珍珠奶茶（$24）- 健康啲點咗無糖，更加突顯茶味，珍珠入口都煙靭，抵飲又好味。愛玉鳳梨綠茶（$24）- 鳳梨味道好香，配搭愛玉，味道唔錯。餐廳食物質素不俗，響中環區來講定價相當抵食，值得推介呀。

💁🏻‍♀️花雕麻油雞湯麵好似藥材湯咁 滋補養生湯底帶杞子 桂圓🌞加埋淡淡花雕酒香鐘意清淡口味又想有特別簡呢個就岩啦😛 麻油雞卷應該係用雞髀肉紮成條狀再拎去煮 結實且啖啖肉👐🏻💁🏻‍♀️麻辣鴨胸鴨血湯麵鴨胸同鴨血都好入味 麻辣湯底唔算辣 反而帶點甜甜既感覺中和左辣度 係經典台式既味道💁🏻‍♀️府城蝦卷外層用腐皮包裹住再煎外皮酥脆 內面係蝦肉香脆又好味😽💁🏻‍♀️烤台灣香腸我最鐘意就係加生蒜片一齊食香腸微微刺激既味道加埋台式香腸獨有既油香真係絕配❤️💁🏻‍♀️紅豆奶茶+仙草奶茶店員好貼心😝 我係張紙上面寫左無糖同半之間😂佢地驚我地唔知想要幾多糖所以額外比左杯糖漿我地 叫我地自己鍾意加幾多就幾多😆雖然我地最尾都無加到糖🤣🤣🤣

放工同男朋友經過原來佢話呢間係佢啲同事嘅食堂所以就入去試一試禁佢係一間台灣為主嘅餐廳咁當然有啲好普遍台灣餐廳都有嘅紅燒牛肉麵個類但佢仲會有佢地自己嘅特色菜🐣花雕酒雞肉卷麵又足料又充滿住藥材香味嘅濃湯配上好滑嘅鮮雞卷另外有一細碗花雕酒比你食之前倒落去✨冬天食一流又補身又暖身🦐蝦膏櫻花蝦拉麵湯麵上鋪滿粉紅色嘅櫻花蝦中間更加畫龍點睛放上蝦膏令到成碗面勁香一下就成碗食哂🐮滷水拼盤有豬耳牛腱雞翼同蛋全部都入味之餘唔知係咪係我心理作用好似有陣淡淡嘅藥材味✨

放假同阿爸阿媽去香港公園打卡，去完有啲想食台灣嘢，於是就去咗呢間「一起食堂」，間嘢位於中環域多利皇后街2號地下，喺正中環街市對面，認真方便。我哋三個人叫咗兩飯一麵加一個小食，認真抵食。紅燒牛肉麵碗麵啲烏冬真係一流，麵質幼滑彈牙，好似喺日本食嘅水準。啲牛肉又多，湯底好好。和風牛肉飯牛肉飯再加隻半生熟蛋，牛肉本身好新鮮，食落真係好食過x野家多多聲！蒲燒鰻魚飯真係冇得輸，條鰻魚好新鮮，而且又大嚿，個汁好味令到成碗飯一粒飯都冇剩。吉列炸蠔有四粒咁多，真係要趁熱食，係好好味。

呢間餐廳嘅名叫做一起食堂真係幾似個食堂（無論價錢、環境、速度，唔怪之得佢嘅時候人頭湧湧）🍲紅燒三寶牛肉麵，本身以為啲面喺台灣麵，但其實佢係類似烏冬；牛肉包括牛腱、牛丸、牛肋條，每款都幾入味～🍱黑糖豬軟骨飯，呢個係好似一個便當形式，有飯有湯有配菜仲有甜品仔。首先個湯係蘿蔔湯，幾清甜，然後側邊有啲海草同埋細粒紫薯仔，都幾有誠意。主菜豬軟骨好林，有豐富嘅黑糖味道，幾好味！ 🥟府城蝦巻，呢個蝦卷都算係真材實料，幾脆幾好味🥬肉燥燙青菜🥬可以平衡返呢餐嘅肉類，佢啲炸蒜都幾好味🧋紅豆奶茶🫘芋圓仙草凍：呢個好驚喜，因為超大碗，勁多粒芋圓，食完好飽🤣🤣🤣中環嘅真食堂！

「一起食堂」我一直以為官塘先有，早二日收工經過中環街市等過馬路，先見到對面街原來都有一間，立即影相問下細佬同唔同我食埋飯先返屋企😂花雕麻油雞湯麵$89麵底其實係幼烏冬（我喜歡💕）雞係用雞卷肉質比較結實，花雕酒用小木杯盛載比你自己調節酒量，而我當然要全杯落哂啦～整過湯底濃香花雕味，香香甜甜仲有大大粒紅棗同大粒杞子，好補身呀！😂😂三杯雞飯$79濃味之選😂九層塔🌿好香，加埋紅椒辣辣的，相當惹味！鹽酥雞$38酥酥脆脆，如果可以再咸一點更理想😂酥炸地瓜條$38無敵炸物，沒有不點的理由！珍珠奶茶同仙草奶茶可以選擇半糖同糖，正常發揮啦～

Amazing meal at a Taiwanese spot in Central with super friendly prices🤑 The chicken noodles with shaoxing wine and braided beef noodles were both delicious. Highly recommend for some authentic Taiwanese cuisine without breaking the bank!😝.係中環發現有間良心價台灣菜當然要試試佢，午市有做set lunch又無加一唔怪得成日都大排長龍～ 花雕麻油雞湯麵好香麻油同酒香，湯頭飲落清甜雞件都大舊兼嫩滑，三寶牛肉麵份量超澎湃，除咗牛腩多之餘仲有兩大舊入哂味嘅蘿蔔，湯底夠濃味啱哂我😛 另外鹽酥雞同芋圓都好食過好多間台灣餐廳，出開中環真係可以一試～

lunch time有時lum唔到食咩都會黎一起食堂用餐，貪佢選擇多。叫左黑糖豬軟骨飯，配海藻沙律和闕餅，還有蕃薯做小食，性價比非常高。黑糖豬軟骨飯份量好多，可能有3碗飯😂😂😂豬肉和軟骨煮得非常入味，加上黑糖的甜味，食到軟骨時特別滿足，佢d骨仲係脆脆地。闕餅和蕃薯小食同好唔錯，對我黎講係extra飽😂😂價格實惠，餐點份量十足，非常適合和朋友一起來用餐。而且，餐廳嘅位置非常方便，就係中環街市對面。

#中環美食 #小蓮星呑食中環🔻 一起食堂中環域多利皇后街2號地舖/🧃紅燒三寶牛肉麵 $99三寶包括牛肉丸、牛肋條同埋牛腱，牛肉丸大推，唔係彈牙嗰隻，但係就啖啖都食到牛肉同埋好濃郁嘅牛香，牛腱同牛肋條都炆到好腍好入味，紅燒湯底好特別，入口好甘甜，之後就食到好多層次嘅香料味，個麵都好特別，類似扁烏冬，比較爽口/🧃花雕麻油雞湯麵 $89首先賣相勁靚，再嚟喺個湯底好香花雕味，但係又唔係好強烈嘅酒味，非常易入口，亦都有好香嘅麻油味同淡淡嘅中藥味，雞係雞髀肉，非常嫩滑，啖啖肉，果然係招牌菜/🧃府城蝦卷 $32呢個第一次食，超級好味，個皮係腐皮，炸到脆卜卜，入面就係蝦蛟肉，唔係爽口彈牙嗰隻，但係就食到蝦嘅鮮味同埋鹹香味/🧃烤台灣香腸 $32唔會過分油膩，配蒜片食非常惹味/🧃珍珠奶茶 $24呢個價錢都算良心，但係個質素絕對不馬虎，珍珠好煙韌，奶茶無論係奶香定茶香都平衡得好好/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hki

🌸今日小編又想食日本菜又想食台灣菜，朋友就介紹不如去中環嘅一起食堂，話可以滿足到小編嘅雙重願望🫢💕去到見到餐牌，真係又有日式又有台灣菜，小編已經急不及待要食喇😂-𝐅𝐨𝐨𝐝 𝐑𝐞𝐯𝐢𝐞𝐰 食評 🐟原條蒲燒饅魚飯 $𝟷𝟹𝟿原條饅魚好吸精🤩饅魚非常大條厚身，而且唔會好多碎骨，岩曬小編呢𝚍懶人食啊🙆🏻‍♀️ 呢個飯另外有送上湯同小菜，$𝟷𝟹𝟿咁大份又可以用黎打卡，小編覺得可以接受🫢-🐤鹽酥雞 $𝟹𝟾鹽酥雞調味岩岩好，唔會話太咸，炸粉分量適中，唔會食到成口粉，雞肉尚算嫩滑，正常發揮🙈-🍱滷水拼盤 $𝟽𝟾拼盤包括牛腱、雞翼、滷蛋和豬耳，滷水味入味但偏咸，送飯一流，而且每款的分量足夠𝟸-𝟹人𝚜𝚑𝚊𝚛𝚎，同朋友食岩岩好💕👍🏻-📍 一起食堂中環域多利皇后街2號地舖-環境：🌸🌸🌸🌸味道：🌸🌸🌸🌸服務：🌸🌸🌸🌸衛生：🌸🌸🌸🌸性價比：🌸🌸🌸🌸-#hkfoodie #foodbitxh #foodbitxh_central #hkeat #hkig #hkfood #hkgirl #香港美食 #instafood #hkfoodblogger #打卡美食 #instamood #香港好去處 #打卡餐廳 #相機食先