一起食堂 (域多利皇后街)

營業中

休息中

去了中環街市對面一間台式餐廳小店，店內座位不算多但裝修和燈光好舒服！🌟花雕麻油雞湯麵麵底是偏身烏冬，滑捋捋又帶微微煙韌感，好好食！雞卷切得好厚啖啖肉。雞湯湯底有紅棗、圓肉、杞子及冬菇，好有養生嘅感覺，餐廳還好貼心地另上一小杯花雕酒，食麵前淋上湯面酒味更香！🌟特濃豆乳雞鳥龍麵麵底同樣是偏烏冬，雞卷亦同上一碗一樣厚切啖啖肉，奶白色的湯底好吸引！豆乳味好香濃而且不會太鹹，碗料還有兩件豆卜吸湯汁，不錯！🌟府城蝦卷金黃色外皮不會好厚口感卜卜脆，裏面餡料有魚肉、鮮蝦及馬蹄粒，口感好豐富！🌟芋園仙草凍配料豐富有仙草同三色芋圓加埋花奶，口感Q彈，份量亦好大碗！

放工約咗朋友喺中環食飯兼傾吓計，大家都話想食台灣菜，研究咗1分鐘，就決定嚟呢間台灣小店。🐂紅燒牛肉麵$89+🥚魯蛋$12紅燒牛肉有3件，有濃郁牛肉味，煮得好軟身，容易入口；牛肉湯底亦都係味道濃郁。🌶️麻辣雞肉乾拌麵$79乾拌麵落咗麻辣醬好惹味，仲有少少花生粒，所以食落好香口，配埋雞肉絲，好快就比朋友同我食哂。🥬肉燥燙青菜$28青菜新鮮爽脆，輕輕燙過，顏色翠綠，上邊加咗啲肉燥，令味道更豐富。🍲貢丸湯$18貢丸爽口、彈牙，有豬肉味。🌱白桃烏龍茶（熱）$18🌿四季春茶（熱）$18兩個飲到熱辣辣🍡芋圓仙草凍$38睇個名就知：有不同顏色嘅芋圓、仙草、紅豆🫘，芋圓同仙草都唔係好甜，甜味主要來自紅豆部份，想食甜啲就可以撈勻紅豆一齊食，呢個係一個聰明嘅方法；簡單講：仙草好滑芋圓好煙靭紅豆有啲咬頭，好味呀😋。

I ordered a scallion oil noodle with chicken takeout. The sauce, the egg and the chicken are so salty I could hardly taste any other flavors. The noodle was very much undercooked, and the worst of all, it has hair in it. Thank u for ruining my lunch.

OT完同同事在公司附近食埋飯先走呢間台灣小店係我哋平時lunch嘅時候食堂中環區可以around $70 食到台式飯或麵而且高質真係唔錯每日lunch都大排長龍估唔到夜晚都坐無虛席餐廳以老台灣古典設計壁上都是台式經典電影電視劇照播著台灣的流行曲滿滿的台灣味道//珍珠奶茶(冷) 半糖 $24//我食台灣野必點的珍珠奶茶，半糖剛好覆蓋了茶的甘味又不會太甜，珍珠亦夠多。//鹽酥雞 $38//另一個必點的是鹽酥雞，份量超級地多，外層炸至金黃酥脆，雞件肉質鮮嫩，再灑上鹽，雖然好多粒，一啖奶茶一粒雞，食下食下就清空了。//貢丸湯 $18//食完鹽酥雞再飲貢丸湯，清淡的湯底加上蔥花剛好清空肥膩的口感，一客三粒貢丸，貢丸彈牙而不鹹。//烤台灣香腸 $32//這個香腸入口香口而且帶點蜜糖味，是真正台灣夜市味道。//麻辣雞肉乾拌麵 $79//將雞肉、炸蒜同麵撈勻麻辣醬，雞肉嫩滑入味，配埋乾蔥炸蒜好香口，麻味好出好香而且又不算辣，仲有隻滷水蛋，呢個麵絕對是一個驚喜。//魯肉飯 $69//珍珠飯配上香口的魯肉，豬肉半肥瘦，加埋肉汁撈飯一流，配料有酸菜在旁可以沖走肥膩感，滷水蛋滷味濃，整體感覺似台灣夜市食到的口

店內掛滿台灣的劇集相片，令人回味返。。。那些年今日叫左1)紅燒三寶牛肉麵$99碗內分別有牛丸、牛腱、牛肋條、白蘿蔔紅蘿蔔。牛腱同牛肋條夠淋，牛丸都彈牙，以為好細碗，食落都幾多。2)三杯雞飯$79有洋蔥同紅椒爆雞係最香，雞件質感似麥樂雞，醬汁濃味，所以最合適係配白飯食。3)炸花枝丸$38啱啱炸起花枝丸最好食，都算大粒，除左香口，咬落去彈牙。4)芋圓仙草凍$38我鐘意加入花奶（隨你加唔加）芋圓粒粒都大大圓圓，紅豆粒粒有咬口，唔會爛晒 ，仙草又涼浸浸，好正。5)黑薑母茶(熱)$12😃正常味，唔太濃或過甜。6)珍珠奶茶(熱)$12奶茶味重，珍珠都唔少。可以揀少甜。

尋日聽個同事講話附近有間食台灣菜幾好食，佢話叫一起食堂，聽完佢講，我今日lunch特登去食。好，坐低睇吓有咩好食先。花雕麻油雞湯麵，花雕酒隨自己喜好落幾多，酒味幾香，倒到湯到，混和湯底都唔會失味。麻油雞好肥美，咬落都好嫩滑。麵底係烏冬，烏冬好爽彈，幾有咬勁。日式一口芝士，芝士好濃味，炸得夠熱，食落仲辣咀，超正！跟餐仲有小點，有泡芙、紫薯、蕨餅。黑糖薑母茶，天氣仲係有啲涼涼哋，飲埋呢個薑母茶，暖晒！

人在中環，難得見到間平平地既餐廳，就入去一試。花鵰雞湯底出色，雞肉都滑，豆乳湯麵就好濃但不油膩，非常清新。午餐加12元就有台式飲品，加十五元就有仙草芋圓。飲品叫左仙奶茶，正常水準，甜品仙草芋圓有驚喜，唔太甜又好味，下次一定要再食。

週末午飯時段去人頭湧湧，可見有口碑同質素ok每款飯面都會跟一式三款小食（甜點），雖然唔係咩名貴野，但有呢個配套都有啲驚喜，三小點有泡芙，小紫薯，蕨餅紅燒三寶牛肉面有牛丸，牛腱，牛肋條個湯相對濃味，牛三寶三樣都咁出色，牛腱係厚切，煮得好淋，好好味😋。牛丸係有肉汁個隻，肉汁分佈哂成粒牛丸，唔乾唔鞋，又係好滋味，牛肋條大大件，煮得夠淋，都出色，但相對牛丸同牛腱，相對印象無咁深刻，總括講鍾意牛既絕對應該食呢碗牛三寶面蔥油雞肉乾拌面🍜有碗湯跟住個乾拌面，拌面既雞切成小塊，方便一啖一件，另外仲有隻鹵蛋食得台菜通都會叫台灣腸同鹽酥雞，鹽酥雞都幾大碟，炸得好juicy, 又係細細粒，方便一啖一粒

星期五放工近近地去附近食嘢，又揀咗食台灣嘢。之前食過觀塘分店，果個花雕麻油雞湯麵好好食，心思思又想食🤭花雕麻油雞湯麵$89有一小杯花雕酒，食麵之前倒入去麻油雞湯，感覺滋補👍🏻。雞卷嫩滑，啖啖肉😋烏龍麵煙韌，配上鮮滑冬菇，龍眼肉、杞子，味道清得嚟又唔會淡口。蔥油土雞肉飯$79雞已經拆晒肉，鹹鹹香香，飯上面有啲蒜片撈埋蔥油，仲有半隻滷水蛋，好好餸飯👍🏻炸花枝丸$38一碟有4粒，炸得金黃色好吸引，外裏焦焦香香，丸裏面有啲花枝粒，幾有口感😋滷牛腱$48牛腱滷得夠晒火侯，肉質鬆化，入晒味👍🏻芋圓燒仙草$35燒仙草熱飲好舒服，芋圓煙韌有咬口，有三種口味，紫薯、蕃薯、芋頭，款款都好食😋

中環附近餐廳通常人均都$200起，對於打工仔黎講負擔真係重🤧平時同同事都會發掘下有咩親民d既餐廳，今次就搵到一間主打台灣菜既親民餐廳🥰‣ 酥炸地瓜條 ($38)炸到幾香脆，蕃薯味幾香， 味道都唔錯，唔會好油膩‣ 滷水拼盤 ($78)賣相幾吸引，有滷水蛋、豬耳、牛𦟌肉、雞翼，滷水好入味，亦唔會太鹹，總體質素唔錯👍最正係牛𦟌，煮到好淋🤩‣ 花雕麻油雞湯面 ($89)花雕味好香，雞肉幾嫩滑，湯麵煮到啱啱好，總體味道唔錯，而且幾健康☺️‣ 魯肉飯 ($69) 魯肉肥瘦相間😍，切得比較大粒，滷水位好入味，而且份量都唔細，例湯味道唔錯，整體幾有水準‣ 芋圓燒鮮草 ($35) 鮮草味道好香濃，芋圓食到芋頭絲，口感唔錯，熱食夠曬暖胃，味道唔錯，唔會太甜😊💭 C͟o͟n͟c͟l͟u͟s͟i͟o͟n͟餐廳上菜幾快，價錢合理，整體食物質素唔錯，幾正宗😋，唔怪得長期見到門口都有人排隊👍💰Total: $309 (無服務費)📍一起食堂中環域多利皇后街2號地舖 （到訪分店）觀塘開源道48號威利廣場地下G5號舖🚩更多同類餐廳 #foodstep_台灣菜🚩更多同區餐廳 #foodstep_中環📣Like & Share & Follow

中環雖然很多美食，但今次我地揀咗呢間台式料理。價錢合理又好味😋花雕麻油雞湯麵 $89送餐時，會有一小杯花雕跟餐來，可因應個人喜好加入適合的份量，非常特別的serving 方式。本身的湯已有麻油香，再加入花雕，對於我本身喜歡花雕酒味嘅人，加入全杯花雕酒，一路食麵一路飲湯，非常美味！而雞件都醃得很入味，又嫩又滑紅燒三寶牛肉麵 $99三寶有牛丸、牛腱、牛肋條。牛丸彈牙有汁，牛腱同牛肋條都炆得夠淋又入味。🥤愛玉荔枝綠茶 （跟餐+$12）香甜荔枝味，綠茶都夠滑，飲每啖都有愛玉😋。🥤愛玉鳳梨綠茶 （跟餐+$12）鳳梨可解油膩感，淡淡綠茶味👍🏻芋圓仙草凍-迷你 （跟餐+$12）做飯後甜品一小碗，仙草凍爽爽的，芋圓QQ的👍🏻鹽酥雞 $38份量十足，雞件外脆內軟，如果再多啲鹽酥粉會更加好味😊 芋圓燒仙草 $35芋圓份量很足，燒仙草有台灣嘅味道🥰

點了個特濃豆乳雞烏龍麵，及熱仙草奶茶。整碗麵不是熱騰騰的，對我來說都沒太大問題，但那些雞卷是凍的，有些出乎意料之外！邊吃邊看大家的評論，卻沒有提及過雞卷是凍的。於是，在付款時問店員，她說雞卷要凍才制作到，不能熱。其實上碗時翻熱一下都可以吧至於豆乳湯底，可能不屬於熱湯，未能感受到大家所講的豆香。至於仙草奶茶的仙草是一大坨，想用附上的膠匙將滑滑的仙草分細份，甚是困難。希望這些問題日後能有改善。

食過咁多次都未介紹過 lunch time經常大排長龍 夜晚見唔使排隊就即刻入去食😋花雕麻油雞湯麵🍜 $89花雕酒係分開上，自己加落湯麵到，配合個人口味，亦避免花雕酒嘅味道揮發晒。湯入邊有杞子 龍眼 紅棗，好清甜，雞肉嫩滑唔使多講，麵係小編鍾意嘅烏冬🤤麻辣雞肉乾拌麵 $79上菜時已經聞到麻香味，雞肉份量多又唔鞋，麻辣醬愈食愈惹味😋炸花枝丸🍢一碟有四粒，食落唔油膩仲有咬口，有天然花枝味😛珍珠奶茶🧋本身冇落糖，叫三分甜啱啱好❤️

台灣菜性價比都高，可以一試，中環嚟講台灣菜質素都唔錯店舖keep住有人流，幾熱鬧，以後到中環又多個選擇簡！花雕麻油雞湯麵貼心讚一讚，花雕另外有個小碗裝起，可以依個人口味去調製，除咗雞件外，其他配料都幾豐富，有冬菇、龍眼、菜等，食完好🈵️足～～芋圓仙草凍呢份必點，點會少得芋圓，Cp值好高，價錢$38，超級多芋圓（紫薯圓、地瓜圓，芋頭圓），芋頭圓最出色，咬落好濃好重既芋頭味，口感煙煙韌韌，食到飽突突，大滿足！鹽酥雞熱辣辣鹽酥雞，咬開出哂煙，炸到剛剛好，唔會好乾身，雞肉肉質幾滑，另帶少少辣，$38嚟講份量都幾足👍烤台灣香腸已經切開一片片的台灣腸，可以夾埋少量生蒜片一齊食，味道好夾，完全係台灣風味～～

店名: 一起食堂地址: 中環域多利皇后街2號地舖中環站C出口，行3分鐘環境: 4/5價錢:4.5/5味道: 4.5/5呢間台灣小店晏就成日都好多人排隊，所以特登揀左夜晚黎食，唔洗等位就入得🤣花鵰麻油雞湯面$89食落有陣陣嘅花鵰味得黎又唔會話好嗆口前排天氣凍，有少少酒味加麻油香，個湯飲落好暖胃好補身🥰蝦膏豚肉櫻花蝦湯面$89呢個相對地就無麻油湯咁清飲落會有蝦味，會有少少似日式拉麵店嘅蝦🤩兩碗面份量都好大，食完好飽🙈🙊#stitchfoodie中環