一起食堂 (域多利皇后街)

營業中

休息中

去大館影相之前醫飽個肚先，經過見到新開嘅台灣菜小店，位於中環免加一價錢又親民真心抵食！由台灣紅到香港我都係鍾意食 紅燒牛肉麵 ＄88。主角紅燒牛肉炆燉得柔軟嫩滑， 蘿蔔入味， 湯即係精華所在，微辣惹味。令一款推介係 鰻魚飯 ＄98。原條蒲燒鰻魚肥美多汁，入口肉厚結實，靈魂所在鰻魚汁味道濃厚，提升鰻魚既鮮味， 撈飯一流。我去台灣一定會食嘅鹽酥雞 ＄32。這裏也做得不錯，相當有水準，入口香脆可口，雞肉嫩滑多汁。小食質素咁高再食埋炸花枝丸＄32。外皮炸得酥脆可口，口感彈牙。最後再飲番一杯 很有特色的茉莉毛尖茶，味道甘甜清香。無論食物質素或者服務都值得下次幫襯！