一起食堂 (域多利皇后街)

營業中

休息中

一起吃台灣菜的中環食堂星期六中午經過中環街市附近,終於有機會試到一間幾多人推介的台灣菜餐廳,價錢不算太貴,份量又多,下次可以再來~紅燒三寶牛肉麵 $99台灣菜必點的牛肉麵,三寶是牛腩/牛腱/牛丸，還有紅白蘿蔔，好豐富。牛腱筋位部份軟得來有口感，湯底好香濃入味~主食跟三款小菜：海草/紫薯/綠茶蕨餅~特濃豆乳雞烏龍麵 $89特濃豆乳湯好重豆乳味，十分養生。烏龍麵口感似滑溜的烏冬，而醉雞卷一共有4大件，帶少許酒味!兩大塊腐皮配上豆乳湯和雞件好夾!鹽酥雞 $38好食!即炸!好熱又脆!每次去食台灣菜必點!酥炸地瓜條 $38薄脆外皮在甜薯的甘甜之下,非常香口,又一小食推介~芋圓仙草凍（迷你）加12元就有仙草、三色芋圓和花奶做成的甜品,仙草凍幾香甜，芋圓好彈牙。非常值得加配的甜品!飲品：凍珍珠奶茶(半糖)&凍愛玉鳳梨綠茶一起食堂 (中環分店)中環域多利皇后街2號地舖#台灣菜 #一起食堂 #中環 #珍珠奶茶 #愛玉 #鳳梨綠茶 #芋圓 #仙草凍 #地瓜條 #鹽酥雞 #特濃豆乳 #紅燒三寶 #牛肉麵 #Taiwan #Taiwanfood #香港 #Central #午餐

🐳店舖雖然細，但人流十分之廣。價錢方面，我覺得都算合理嘅，因為係中環區，真係好難搵到平靚正嘅餐廳。而呢一間「一起食堂」，都算好唔錯啦！🐳原條蒲燒鰻魚飯💰139非常非常之大嘅一整條鰻魚，絕對划算，再配上甜甜嘅鰻魚醬汁，好味，份量非常之多，食不完。🐳三杯雞飯💰79惹味三杯雞，肉質嫩滑，醬汁濃度適中，配上洋蔥，乾蔥，倍加惹味！🐳貢丸湯💰18第一次嘗試貢丸湯，有三粒大大粒嘅貢丸，湯底用了蘿蔔熬製，再加上青蔥，又香又甜！🐳酥炸地瓜條💰38非常好味嘅地瓜條，採用了又黃又甜嘅地瓜，所以炸出來十分綿綿，十分粉粉，冬天至愛。🐳珍珠奶茶💰24茶味不太甜，不太苦，正常發揮！

一起食堂 地址：中環域多利皇后街2號地舖G/F, 2 Queen Victoria Street, Central就是要吃這種台灣美食味道, 樸實及古早的味道, 有飯麵小食與台式飲品, 都是飽肚之選。人氣牛肉麵及滷肉飯, 心大心細點了$79 蔥油士雞肉飯, 蔥油有像我們食港式燒味那個蔥油, 雞肉件入口很滑, 點上些許蔥油提升風味, 真是很輕易便把飯也抓光光。我仲加了$12 滷水蛋一隻做配菜$69 魯肉飯也是美味，鬆軟熱辣辣白飯加滷肉。$28 肉燥青菜, 好明顯是因為有肉燥啦, 半肥瘦豬肉粒煮得軟身, 醬油香是很下飯的。$32 台灣香腸就是好咬，味道甜甜而滋味$12 有飲品，lunch time 優惠平實的台灣菜, 美味又飽肚。

[ 一起食堂 ]平時經開呢間店鋪長期都要排隊，今日過左lunch hour見人少d就黎試試喺繁華鬧市中既台式小店。✿ 花雕麻油雞湯麵 $89碗麵另外會俾杯酒比你自己加落去，幾得意😆攪拌後濃濃既藥膳花雕麻油味出哂黎，好香。而且雞肉都好嫩滑🐔✿ 魯肉飯🍚 $69香噴噴滷肉同醬汁淋喺米飯上，滷肉肥瘦適中。✿ 日式一口芝士🧀🧀 (5件) $48外層金黃香脆，一啖一口，入面香濃幼滑嘅芝士一咬即刻湧出黎，記得一定要襯熱食😋✿ 紅豆奶茶(熱) 午餐+$12幾特別嘅配搭，不過不失，奶茶喺偏向台式奶茶味道。✿ 芋圓仙草凍(迷你) 午餐+$12講到台式地道小食，芋圓喺必食👅，今次跟餐加$12就有得食。雖然叫迷你，但都唔細碗😲😲。仙草香滑，芋圓大大粒，彈牙有咬口。總結🫦店員服務態度好，食物質素有水準，價格都好平民，係中環咁熱鬧既地方有間台式平民小店，值得一試。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿一起食堂地址：中環域多利皇后街2號地舖電話：67221693✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

好耐無食台灣菜，今日出中環，又係中環街市附近，就試試💛一起食堂啦！位置方便，過條馬路就到喇。小店地方唔大，最多10組客人。weekend lunch time 時間入去，陸陸續續都多食客 對佢都有信心。第一次嚟到，就試試餐廳推介！🍴花雕麻油雞湯烏冬 $78啱晒冬天要暖身嘅朋友仔！烏冬一上枱，已經聞到好香嘅味道，湯底用上咗好多材料，有杞子龍眼同埋紅棗，湯頭非常甜，不過就唔算好濃，亦都冇乜麻油味。另外上台時，隨餐會有一杯花雕，成杯倒落碗麵🍜，即使味道Level up。🍴地瓜條掛住食唔記得咗影相，非常甜，亦都係即炸，熱辣辣！呢點加分！

放假去左中環街市行下 見到對面有間台灣野 啲人又keep住入去食 我又八卦跟埋去試😋🍜紅燒三寶牛肉麵 $99成碗湯飲得出比其他台灣鋪冇禁重口味 比較清淡既牛骨湯 飲多兩啖唔驚太口渴牛腱，牛丸，牛肋條 各有2舊牛丸係濃汁牛丸果款！所以好香口牛肋條算淋 但都有少少咬口 牛腱口味偏淡🍜麻辣鴨血鴨胸湯麵 $89微辣版本！鴨胸幾香 唔會太重味鴨血幾爽口 但若果再入味啲就更好🍤府城蝦卷 $32有驚喜！外皮勁薄勁脆既鷹皮 蝦肉香口彈牙 真外脆內軟 會想再食🍢炸花枝丸 $38大大粒 好彈牙 食到有少少花枝粒粒係入面！🌭烤台灣香腸 $32比街外淡少少 冇禁死咸！台灣野必食🤣🍧迷你芋圓仙草凍 $12午巿有得加錢食迷你版 勁抵！最少有8-9粒芋圓 不過味道偏淡 冇禁多糖水味🍹愛玉荔枝綠茶 $12愛玉幾有咬口食禁多野飲番杯fresh d既飲品就岩哂

行完中環donki，去一起食堂食碗台灣麵，有由鄉下一號來到鄉下二號之感。餐廳細小而親切，食物豐富而高質。食完主食記得加$12食埋個仙草凍，滿足。麵食：💥花雕麻油雞湯麵（$89）一上枱已聞到濃濃的麻油香味和淡淡的藥材味，花雕酒用一小杯另上，可按喜好添加。雞肉是用雞髀肉捲成的雞卷，很嫩滑。湯底有杞子、紅棗等，配料有青菜和冬菇，味道清甜，也很暖胃。💥紅燒三寶牛肉麵（$99）三寶是牛腱（𦟌）、牛丸和牛腩，每樣都有兩件，還有紅、白蘿蔔，好豐富。三寶都好食，特別欣賞牛𦟌，尤其筋位部份，軟腍得來有口感，滿滿的骨膠元。湯底香濃。每碗主食還跟三款小點心：忌廉泡芙、小紫薯和綠茶蕨餅。每碗湯麵都是用台式烏龍麵，軟身、順滑，有彈性，好食。小吃：💥府城蝦卷（$32）金黃薄皮，外酥內Q嫩。內餡飽滿而鬆軟，食到魚漿和蝦仁的鮮甜。💥燙青菜（$26）燙過的油麥菜，拌一些蒜酥跟醬油，很有台式風味。甜品：💥芋圓仙草凍（迷你）（+12）有仙草、黃白紫三色芋圓和花奶，仙草凍香甜，芋圓Q彈。因為沒有糖水浮起仙草，所以雖說迷你，但其實是大大碗。在甜品店吃的話貴好多呢。💥飲品：仙草奶茶/熱/半糖（+$12）紅豆奶茶/凍/正常（+$1

星期五Happy Friday，午餐去左中環街市附近既一起食堂食返餐經濟午餐。呢度地理位置都好方便。難怪兩點都仲係滿座！一如既往，餐牌簡單一張紙，不過選擇都唔少，有麵，飯，季節限定菜式，小食，飲品同甜品，自己剔紙落單。呢度冇收加一。今日叫左兩個主食同兩款小食分享，仲有甜品！特濃豆乳雞烏龍麵 $89呢個特濃豆乳湯勁香豆乳味，又滑又香，不過唔會太甜，飲完都唔口渴，果然養生。烏龍麵好似烏冬，非常滑溜，個豆乳湯令麵條更香，真係好配烏龍麵。雞其實係醉雞卷，一共有4件，雞皮又薄又滑，雞件帶少少酒味，肉都唔韌，好有台式風味。另外都有兩大塊腐皮，貫切返特濃豆乳呢個主題。配菜有3條小棠菜心同蔥花。呢個特濃豆乳雞烏龍麵的確好健康。原條蒲燒鰻魚飯 $139原條蒲燒鰻魚飯係超大條原條鰻魚，暖暖地上枱，食落彈牙啖啖肉，上面更灑上好多紫菜絲同白芝麻粒，加上豐富鰻魚汁，撈飯一流。呢個係少飯份量，不過飯量都唔少。伴有一隻溫泉蛋，整穿隻蛋蛋汁撈飯就最正。配菜同樣有3條小棠菜心同兩片蘿蔔漬物，仲有少量蔥花。另外跟左一碗胡椒白蘿蔔清湯，飲完都唔口渴。兩個主食都跟有3格小食，分別有枝豆，忌廉泡芙同黃豆粉蕨餅。忌廉泡芙大大粒，

一起食堂琴晚去咗中環食一起食堂，唔知大家有無睇日本劇呢？呢間裝修好似日本嘅深宵食堂個feel咁，入面座位唔多，但勝在價錢夠平，仲要喺中環喎，性價比高！呢間餐廳門口都係有一級，又要出動斜板嘅時候，我發覺依家越食越多餐廳，但門口餐廳嘅一級就越來越高，我塊板應該就快唔得啦！😖😖1.原條蒲燒鰻魚飯$139（7/10）呢條鰻魚真係大條到不得了， 等於其他餐廳兩至三倍咁大，但係呢條鰻魚就好多軟骨，大家食要小心！溫泉蛋唔流心，應該過熟啦！2.凍珍珠奶茶$24（8/10）無叫少甜都唔甜，幾健康，茶味又夠，不過珍珠有少少硬心！3.凍仙草奶茶$24（8/10）無叫少甜都唔甜，幾健康，茶味又夠，仙草正常，份量算多！4.芋圓仙草凍$38（9/10）呢碗芋圓仙草凍好大碗，唔會好甜，入面有芋圓、地瓜圓同紫薯，細細粒好煙韌彈牙，仲有紅豆！2人總共價錢$225個人口味總評分：8/10地址：中環域多利皇后街2號地舖#中環美食 #一起食堂 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkf

花雕麻油雞湯麵 $89麵條烏冬質地，口感彈牙。湯底充滿藥材香味，味道清甜，入面有紅棗、龍眼、杞子同冬菇，再加埋附送一小杯既花雕酒，藥材味道更濃更好食。醉雞卷有4件，肉質嫩滑👍🏻原條蒲燒鰻魚飯 $139大大條原條蒲燒鰻魚上面鋪咗啲紫菜味素，令鰻魚味道更豐富。飯入面有鰻魚汁，飯量偏多，一個女仔食唔哂。原條蒲燒鰻魚飯配有一隻溫泉蛋，配埋紫菜味素同蔥花一齊食，好好食！飯跟一碗胡椒白蘿蔔清湯，味道清甜，飲完唔會覺得口渴～吉列炸蠔 $48炸蠔有4粒，金黃色香脆外皮包住多汁既蠔，沾埋沙律醬食，正～仙草冬瓜茶 $24甜度適中，好解渴～芋圓仙草凍 +$12一碗有齊三色芋圓、仙草同花奶～ 芋圓煙韌，仙草Q彈，加埋花奶食，呢個組合唔錯👍🏻📍 一起食堂 (域多利皇后街) (中環)中環域多利皇后街2號地舖

呢日同朋友行街來到中環，朋友話想食牛肉麵，咁就諗起中環街市隔離呢間台灣舖，一於過嚟食囉。“紅燒三寶牛肉麵”有牛腱，牛肋條和牛丸，牛腱有質感，牛肋條好淋，牛丸有牛味；“蒲燒鰻魚飯”有成條鰻魚，感覺好抵食，又有湯跟，又有前菜，分別係“日本蕃薯仔”，“中華沙律”和“綠茶蕨餅”，當然牛肉麵亦有呢三樣前菜跟。見到有“酥炸地瓜條”，又點可以唔叫呢，講真佢真係好食過薯仔製嘅薯條，如果你未曾試過建議你來呢度試下就知真與假。“黑糖薑母茶”和“仙草奶茶”都係加12蚊就有得飲，非常之好。“芋圓仙草凍”亦都係加12蚊就有得食咁又點可以唔叫呢，呢個係地道台灣特色甜品吖👍

好多年無去旅行，除咗鄉下之外，最掛住就係台灣。每次去台灣，日日都會落夜市🍴最鍾意去饒河街夜市😋喺未去到台灣，去台灣餐廳頂替住先🤣好耐之前已經聽過哩間餐廳，成日都會經過，餐廳係中環街市對面，好容易揾👍🏻餐廳唔算大，大約16～20個位，裝修帶點舊日式餐廳嘅感覺，牆上面貼住台灣電影嘅海報。花雕麻油雞湯麵 ($89)餐廳推介嘅主食👍🏻花鵰酒係分開落，落多落少可以自己控制🍶先飲一啖湯先落酒，酒好香，同湯底好夾😋雞卷有4大件，仲有桂圓、紅棗、冬菇、白菜。烤台灣香腸 ($32)平時食台灣香腸，都係就咁煎香。朋友教路，原來台灣會配埋蒜片🤔夾埋一齊食，又真係香好多👍🏻味道多咗蒜味，惹味好多👍🏻鹽酥雞 ($38)炸到脆脆嘅鹽酥雞，食得出係即叫即炸，唔係凍冰冰。麻辣香滷豬耳朵 ($48)爽爽脆脆嘅豬耳，好入味😋因為係麻辣汁，所以比平時嘅小辣再辣一啲，唔食得辣嘅朋友要注意‼️酥炸地瓜條 ($38)每一條地瓜條都好飽滿，炸到外脆內軟，值得一試🍟今次叫咗咁多款食物嘅味道都好好，食物温度夠哂熱♨️份量比想像中大，而且價錢唔貴。係可以回頭嘅餐廳👍🏻大家經過中環的話，推薦大家嚟哩度試下😋

今日假期約咗朋友入長洲燒嘢食，喺入長洲之前就去中環碼頭附近食咗午餐先，最近中環碼頭有間黃店叫一起食堂，成日聽但冇機會食，今次就嚟試吓佢今次要嗌咗蔥油拌雞肉麵，我對蔥油係冇辦法拒絕抗拒，因為蔥油好香，所以今次就冇揀到佢嘅招牌花雕雞麵，揀左蔥油拌麵嚟到嘅時候同我想像中有啲唔同，我原本以為係好中式嘅蔥油，結果佢係一Pat類似沙茶醬加啲蔥，係有少少失望因為擺入口佢唔係話好香嘅蔥油味，同埋都有少少淡，但係佢雞肉係好食嘅，而佢嘅面嘅質地呢都係有少少煙韌，但係應該放湯就會好食啲另外配有三個小菜，番薯仔，中華沙律，同一個日本蕨餅，都好好食下次可能就會試吓花雕雞麵，今日見到朋友食嘅時候個雞卷好滑，而且另外仲有一杯花雕俾你倒入去，儀式感一流

朋友係呢邊返工，介紹左呢間抵食晚台灣菜。紅燒三寶牛肉麵 - $99湯唔算好多，但剛好足夠，湯底係少少滷水藥材味，甜甜地咁。麵底係烏冬，好彈牙。三寶牛肉有牛丸、牛展同牛腩，牛展同牛腩超級入味，又炆到夠晒焾，好香牛味。牛丸超級juicy, 咬落去爆晒汁。仲有兩舊清甜既白蘿白同紅蘿蔔，好balance.三杯雞飯 - $79原來呢個係set黎，有埋一碗白蘿蔔湯。三杯雞飯份量適中，雞有驚喜，係炸過既無骨雞粒，啖啖肉。醬汁方面係類似燒汁咁樣，都係甜甜地，味道都濃，但配埋珍珠米就岩岩好。貢丸湯 - $18價錢好抵，有成三大粒貢丸，湯低清清地，加左蔥蒜調味。貢丸同牛丸一樣咁juicy, 另外加左香菇，好香口。肉燥燙青菜 - $28青菜底係油麥菜，應係係烚既，但加上滷水汁既肉燥，又有少少肥肉咁，好野味。冷泡白桃烏龍 -$24第一次飲到呢款冷泡茶，桃味係咁出既！ 茶味清清地，但突出左桃味，好味喎！推薦大家試！芋圓燒仙草（熱) -$35佢呢到有燒仙草同仙草冰，但天氣太凍揀左熱既。芋圓係三色既，芋圓/地瓜圓同紫薯，三款都細細粒，好煙韌。仙草湯唔會太甜。

💕女女既聖誕假期展開，帶佢出街行2下，今日就去大館睇睇12米高既🎄聖誕樹。🍴行到肚餓就去附近嘅一起食堂食lunch，中環嚟講呢度嘅價錢真係幾抵食，份量又多😍🍚飯類會配三款前菜同湯，抵食💕🐽黑糖豬軟骨飯 $79豬軟骨炆得好淋，肥肥哋入口即溶， 好餸飯。🐔三杯雞飯$79三杯雞好香好惹味，肉質外脆內嫩。🥬燙青菜 $26油麥菜爽口。🥢烤台灣香腸$32配蒜片食一流。🍗滷雞翼$48雞肉嫩滑，非常入味。🥤飲品 跟餐+$12珍珠奶茶四季春茶🍧迷你芋圓仙草凍 跟餐+$12雖然話迷你，但係2個人share都夠食 。我覺得比其他台灣餐廳嘅芋圓好食，女女話為咗佢想再嚟多次👍😁