一起食堂 (域多利皇后街)

營業中

休息中

等咗咁耐台灣都未開關 唯有喺香港搵間台灣嘢止吓癮呢到有好多唔同嘅小食選擇 就好似去咗轉夜市掃街咁！佢地嘅炸物都有好多唔同款我地叫咗最地道嘅鹽酥雞 地瓜條 同埋炸花枝丸另外仲嗌咗一口炸芝士同芝士炸蠔佢地嘅炸粉唔會太厚 恰到好處 而且調味啱啱好 惹味得嚟唔會太鹹！最中意係個炸花枝丸同埋炸芝士！另外仲有烤台灣香腸好特別仲有啲蒜片一齊上 夾埋一齊食味道更豐富！主食方面有雞肉乾拌麵（分別嗌咗蔥油（上）同麻辣版（下））同埋原條蒲燒鰻魚飯個雞肉乾拌麵啲汁好入味 啲面好煙韌唔會煮到淋哂 麻辣味會更加香口！而個原條蒲燒鰻魚飯鰻魚嘅份量真係好足料！仲長過我隻手掌 個照燒汁甜咸甜咸咁 好入味 佢地嘅奶茶 茶味會比較重 所以唔怕會太甜！

麻辣雞肉乾伴麵 $79呢個真係必食江畔麵，配上麻辣醬，超級入味，而且手撕雞肉啖啖肉，特製嘅麻辣醬，引人垂涎三尺！花雕麻油雞湯麵 ($89)一上枱已聞到濃濃的麻油香同埋淡淡的藥材味，花雕酒係另上一杯，跟據自己喜好而添加！我就梗係落曬🤣雞肉是用雞髀肉捲成的，入口嫩滑。湯底有杞子、紅棗等養生配料，入口味道清甜帶甘，好暖胃府城蝦卷 ($32)金黃薄皮，外酥內脆。餡料入面既魚漿好彈牙，亦帶有蝦既鮮甜。肉燥燙青菜 ($26)燙過的油麥菜，拌上肉燥及醬油，很有台式風味。鹽酥雞 $38好大份，炸到一口size，炸到岩岩好，又酥脆，同朋友不知不覺就食曬😂😂😂头芋圓仙草凍（迷你）有仙草同三色芋圓加花奶，芋圓Q彈。份量十分佛心！無論係芋圓定係仙草都比到好足份量！

今日同朋友去食台灣野，有好多野都想食! 同朋友分別叫左雞肉乾拌面，一個係蔥油，一個係麻辣，兩者分別係個辣醬，朋友話麻辣味好重，佢好鐘意。個面好大碗，入面仲有D肉碎，有滷蛋。見到隔離台叫左個蒲燒鰻魚飯，我地都跟住叫左，因為賣相好吸引! 而且好大條鰻魚，勁足料。小食我地叫左好多，樣樣都想食。炸花枝丸好出色，炸粉又唔會厚。台灣腸切片之餘，仲有蒜片，好好食。另外都叫左日式一口炸芝士，炸蠔，都係好香口。地瓜條好大份，好好食。食左咁多野，每人埋單都唔洗$100， 好抵食!

特濃豆乳雞烏龍麵 $89上次試咗佢哋招牌嘅醉雞湯麵 今次試冬日限定菜式🥰 濃濃嘅豆乳濃湯 配上自家製雞卷 超級暖胃🥰 重配搭左十分索汁既豆腐皮😍 Yum Yum🤤蝦膏豚肉櫻花蝦麵$89呢個都好似係限定菜式🤣 好濃既蝦味 有一大pat蝦膏係中心 同好多櫻花蝦🤤 豚肉有成4-5塊 雖然唔係好厚 但入口岩岩好 好味😋鹽酥雞$38 台灣小食必叫items ! 酥炸鹽酥雞🤤 $38 勁大一碟！ 有好香嘅九層塔味 粉又唔係好厚 一啖一粒啱啱好🤤府城蝦卷$32有驚喜！ 超推介！ 咬落啲肉汁爆曬出嚟🤤 入邊係手打蝦肉 mix雜菜🤤 出面用腐皮包住 沾上沙律醬食真係可以一個人啪哂4條！ 肉燥燙青菜$28+ $2 就有埋肉燥 就緊係要加啦🥴 青菜係油麥菜 爽脆😍愛玉鳳梨綠茶 $24有驚喜！ 上次試咗珍珠奶茶今次食咁多嘢就飲杯輕盈啲嘅 愛玉係零卡 佢有好多愛玉 雖然冇得揀小糖 但係佢唔會10分甜 綠茶再加上小小嘅鳳梨甜味 超級無敵夾 清甜

同朋友👱🏻‍♀️一齊喺中環，大家諗住簡單食啲嘢，朋友👱🏻‍♀️提議話不如食台灣麵，我贊成，咁朋友👱🏻‍♀️就帶咗我嚟啦呢間台灣麵店開餐🤩$99「紅燒三寶牛肉麵（牛腱、牛丸、牛肋條）」：牛腱一片片有少少煙靭，牛丸有啲彈牙，牛肋條煮得軟熟仲有好多條，全部都幾好牛味😋；牛肉麵吸收咗啲牛肉濃湯亦都好食😋$89「花雕麻油雞湯麵」：花雕酒用一個小兜裝住，自己鍾意落幾多就落幾多👍；雞肉應該係雞髀肉，成雞卷形狀，好容易食🤩；其他配料仲有 花菇、紅棗、龍眼乾 等，咁多配料所以湯底幾滋味🤩$28「肉燥燙青菜」：係油麥菜，簡簡單單😆$48「滷雞翼（4件）」：燒雞翼，我鍾意食😋，滷水雞翼，我都鍾意食🤩，呢度滷水雞翼滷得幾入味😋$12「滷水蛋」$24「仙草奶茶（熱）」：仙草滑脫脫，奶茶都係滑脫脫，叫咗無糖，感覺健康啲😆

/阿肥🦁阿瘦🐰推介/喺中環同觀塘返工食飯食到悶🙁？阿肥🦁阿瘦🐰就發掘左一間喺中環嘅台式餐廳，雖然佢哋主打台式食品，但係都會有少少日本嘅fusion菜，夠晒特別🤩！而且價錢唔算好貴，第日係中環同觀塘食飯就有多一個選擇啦！🍜🐔 花雕麻油雞湯麵 $89最特別嘅係店員會奉上一細杯花雕酒🍵比顧客自己淋落啲麵度，一上枱就聞到花雕酒味好香☺️。而每個雞湯麵都有4件雞肉卷，肉質幾嫩唔會鞋，幾好食！而麵底係滑嘟嘟嘅烏冬🤣！🍜🦐 蝦膏豚肉櫻花蝦麵 $89蝦味好重，一嚟係因為本身有唔少嘅櫻花蝦乾🦐，二嚟係因為蝦膏同蝦油撈勻左喺湯入邊之後變得好香口😄。望吓賣相就會知道呢款面比較接近日式拉麵，每啖面都會掛到少少蝦油嘅香味😌。不過呢款麵只係冬日限定，所以想食就要快啲去食啦🏃‍♀️ ！🍖 烤台灣香腸$32就算係一款普通嘅台灣香腸都可以好好食🤤。香腸食落去有少少油香，唔會覺得好柴，表皮仲燒到脆脆地，層次豐富😋！🍡 芋圓仙草凍 $38以呢個價錢來講，分量十分佛心！無論係芋圓定係仙草都比到好足🤣，兩至三個人share都好夠。芋圓幾煙韌，食落去有少少芋頭味。仙草浸住啲花奶一齊食，甜甜地會唔會太滯。所以阿肥🦁阿瘦🐰都表示好收貨💯

呢晚心血來潮，好想食台灣野，就捉左男朋友陪我試呢間人氣黃店，平日夜晚客人唔算多，唔洗排隊直入，野食整體質素唔錯，價錢仲好平😋>原條蒲燒鰻魚飯：第一次見咁大條既鰻魚，好肥美，細嫩又冇骨，醬汁濃厚又甜甜地，個飯份量偏多，男友食到超飽。>紅燒三寶牛肉麵：有牛腩、牛展&牛丸，牛腩好大塊，又有少少肥膏咁，超正，牛展軟腍好有咬口，烏龍麵軟身兼滑溜。>鹽酥雞：好大份，炸到細細粒一口size，炸到鹹香又酥脆。>芋圓仙草凍：多到成座小山咁，芋圓煙韌又有奶香味。>仙草奶茶及仙草冬瓜茶：自家製味道唔太甜，唔錯。

好少寫食評啲嘢食好難食 個醉雞麵好似冇味咁 啲啲雞肉又似擦子膠求其一條鰻魚加白飯 加2滴燒汁 賣138態度極度差 幾個同事都係咁 收錢又係抹枱又係極度懷疑啲評價係假嘅 未食過啲咁難食嘅台灣嘢

愛玉鳳梨綠茶 $24呢杯係冇冰嘅我覺得好貼心🤣🤣 飲落好清爽 唔會飲完有負擔～仙草熱奶茶（半糖）$24呢個男朋友都話好飲 佢話個茶底好味😋滷牛腱 $48呢個牛腱滷得好淋 屬於唔使用牙咬都可以整碎嘅質感～烤台灣香腸 $32香腸佢有配埋蒜片非常地道 我喺台灣都非常鍾意咁樣食🤪蔥油士雞肉飯 $79飯裏面有炸蔥油 都幾有心思～ 雞肉正常唔算係好嫩滑個種不過有雞味😌麻辣鴨血鴨胸湯麵 $89呢款意外地幾好食 湯底非常濃郁夠麻夠辣 好啱我胃口 冬天食完非常暖胃！ 鴨血好嫩滑😚

📌原條蒲燒鰻魚飯 $139 ～ 原條蒲燒鰻魚上枱非常震撼，😲，一大條鰻魚連個大湯碗都裝唔晒。。。👇☝️鰻魚色香味俱全，邊位微微焦香，配上温泉蛋、鰻魚汁同吃，令珍珠米飯味道加倍昇華，日味十足‼️😜📌花雕麻油雞湯麵 $89 ～ 麻油香氣撲鼻，細心地花雕另上，自調味道，不愛酒香也不怕。🥰湯麵用料豐富，雞件經過製作啖啖肉，伴隨𣏌子、圓肉、冬菇⋯養生度🈵️分‼️📌鹽酥雞 $38 ～ 新鮮即炸大盤鹽酥雞，大小適中，香脆雞塊肉汁保持，咸香冶味。☺️🏬 一起食堂 (中環)🚦 中環域多利皇后街2號地舖

✨紅燒牛肉麵～牛肉份量都唔少，採用牛肋肉部位，中間有啲牛筋，入口軟滑咇汁，配料有酸菜、紅蘿蔔🥕，整體無咩辣，甜甜地，大人小朋友都愛吃！✨滷雞翼～份量不多，勝在肉質又軟又入味，滷水汁惹味甘甜。🍽️炸物～✨炸花枝丸、✨府城蝦卷、✨鹽酥雞以前行台灣夜市嘅時候，都會狂掃台式炸物。呢度都係即叫即炸，上枱夠哂熱騰騰，唔錯。個人覺得最特別係府城蝦卷，外層類似腐皮，又薄又脆，內裏蝦膠入口彈牙，蝦肉味濃，無雪味，高質！

📍#老屎忽係中環#oldszefood #老屎忽 #老屎忽食飯 #老屎忽搵食 #老屎忽都要OT #中環愛玉荔枝綠茶 $24味道幾fresh 唔會太甜😋珍珠奶茶 $24中意佢d珍珠 煙煙韌韌😚滷水拼盤 $78拼盤包括雞翼、滷蛋牛展同豬耳 全部都好入味🐷黑糖豬軟骨飯 $79 豬軟骨大大嚿 而且唔會好un 仲有青菜同滷蛋 🐣麻辣鴨血鴨胸湯麵 $89冬日推介嘅其中一個 鴨血同鴨胸都有好多舊 湯麵小小辣 唔食辣嘅朋友都可以試吓😍一起食堂 (域多利皇后街) (中環)📍中環域多利皇后街2號地舖

位於中環的台灣菜飯堂，主打台式菜式，也有幾款是日式的。入面裝潢帶台式風格。晚飯時間較多客人，枱位置不多，座位也蠻狹窄、擠迫。小吃：麻辣香滷豬耳朵豬耳朵的軟骨位置脆口；豬皮爽彈，滷得蠻入味，帶辛辣感。小吃：燙青菜是日供應的是油麥菜，滾水燙過後，上面淋上醬油，再灑上炸蒜，簡單的鹹香味道。麵：麻辣雞肉乾拌麵一個套餐附送一小碗湯水。乾拌麵大量的麻辣醬、肉燥、蔥花、炸蒜粒，味道麻麻辣辣，帶淡淡蔥香。把醬汁拌勻麵條後，層次豐富，相當惹味。雞件也蠻多且厚肉。甜品：芋圓仙草凍份量很大碗，奶味偏濃郁，是黑糖花奶底，入面有三色芋圓、紅豆、仙草凍。芋圓多粒，有齊三隻色口味，粒粒煙韌，有嚼勁。飲品：仙草冬瓜茶（冷）茶加入冬瓜糖，底下滿滿的仙草凍，解渴、清新味道，甜度適中。

呢日喺中環行完街，就搵到一間小店，好似好有風味咁，位置都好易搵，就喺中環街市嘅對面🤣天氣咁凍，所以我哋叫咗一杯熱白桃烏龍茶，暖笠笠，茶香味好夠飲落口一陣陣嘅白桃味👍🏻炸花枝丸，外層炸得非常鬆脆，而且熱辣辣，咬落口非常彈牙，加上有啲椒鹽喺側邊，令到味道又昇華左🥰烤台灣香腸，烤得好好味，唔會太油膩亦唔會燶晒😋蔥油雞肉乾拌麵，好足料雞肉非常多，而且肉質好嫩滑，蔥油嘅味道融合晒落去，食到唔想停😍原條蒲燒鰻魚飯，原條鰻魚真係好夠份量🤣條鰻魚大到幾乎遮住啲飯，而且有溫泉蛋同紫菜，可以撈埋啲飯一齊食🥰每一份飯或者麵都會跟一碗白蘿蔔湯，飲落口好清好解渴😋

餐廳地點就腳，我哋今日去完書店，啱啱好過黎食個Tea🙌🏻台式滷肉飯～寶寶至愛滷肉飯，呢度嘅滷肉用上五花肉，肉粒細細，入口軟滑，唔會太油膩、甜甜地，拌飯一流，唔覺意真係會食多咗米飯🍚酥炸地瓜條～呢款個人覺得整得好高質，外皮香脆而不油，內裏地瓜又甜又軟，令人不自覺一條接一條烤台灣香腸～份量唔算多，勝在烤得啱啱好，外皮微焦，內裏香甜，肉質實淨無雪味👍🏻芋圓仙草凍～😍芋圓份量真係超級多，好抵食，而且入口Q彈，我哋仲外賣多碗返屋企俾爸爸添！