一起食堂 (域多利皇后街)

營業中

休息中

呢日喺中環行完街，就搵到一間小店，好似好有風味咁，位置都好易搵，就喺中環街市嘅對面🤣天氣咁凍，所以我哋叫咗一杯熱白桃烏龍茶，暖笠笠，茶香味好夠飲落口一陣陣嘅白桃味👍🏻炸花枝丸，外層炸得非常鬆脆，而且熱辣辣，咬落口非常彈牙，加上有啲椒鹽喺側邊，令到味道又昇華左🥰烤台灣香腸，烤得好好味，唔會太油膩亦唔會燶晒😋蔥油雞肉乾拌麵，好足料雞肉非常多，而且肉質好嫩滑，蔥油嘅味道融合晒落去，食到唔想停😍原條蒲燒鰻魚飯，原條鰻魚真係好夠份量🤣條鰻魚大到幾乎遮住啲飯，而且有溫泉蛋同紫菜，可以撈埋啲飯一齊食🥰每一份飯或者麵都會跟一碗白蘿蔔湯，飲落口好清好解渴😋