一起果醬 (已結業)

朋友曾推介我這間特色果醬cafe，今天終於有機會到來吃午餐。雖說店名叫 “一起果醬” ，一般以為只是一間吃甜品的小店，原來除甜點外，亦有其他食物供應。Cafe位於尖沙咀幽靜地段，門外展示十多款店內提供的特式果醬，很特別。店內擺設很有文青feel，我最愛它用玻璃門隔開的一片綠色天地小角落，悠閒又舒適。午市套餐豐儉由人，由$58至$98不等，已包括沙律，主食，咖啡或茶。亦可另加錢加配甜品和特色飲品，非常有彈性。田園沙律配香芒油醋汁蔬菜新鮮，配上特別調製的香芒油醋汁，酸酸甜甜很開胃，味道亦非常討好。士多啤梨燒豬肋骨豬肋骨外皮燒得很香，但肉質卻很鬆軟。 配上自家製的士多啤梨燒烤醬， 香甜而帶點果味，與燒豬肋骨很相配。黃金蟹肉軟殼蟹意粉意粉用上蟹肉和鹹蛋黃煮成，帶少少鹹香，很特別。加上炸得香脆的軟殼蟹， 很好吃。果醬九宮格多士多士烘得鬆化，用上九款不同果醬， 可以一次過品嚐到九種口味，難得。士多啤梨果醬奶凍奶凍本身不太甜，加上果醬味道剛好。桂花雪梨茶清香桂花茶，配上甜甜雪梨果肉，非常滋潤。泡沫咖啡到這間cafe吃午餐，原本只準備吃甜點、喝茶。 想不到除甜點外，其他食物水準也蠻高的，真是出乎意料之

經openrice訂枱, 見食評唔錯兼有30分送, 我想食tea, 朋友就想食主食, 見呢間多人讚又有主食同甜品, 尖咀又就腳, 就試下啦! book左5:30, 店員當天3點打比我conform booking, 話最低消費$150一個人, 我話openrice寫6點前都係$100喎, 佢先話係......算, 我其實估計埋單都實超過300既, 咁去到叫手打漢堡啦, 話無......改叫左龍蝦汁海鮮意大利飯, 果醬(雜莓)雪糕窩夫, 香草芝士條, (芒果)果醬紅茶, 點知落單唔駛5分鐘個飯就出左啦, 快得驚人, 食落全部連飯連蝦等等都係涼既, 再過5分鐘連窩夫都出埋, 見到舊雪糕溶緊, 都要食食下海鮮飯又要分左舊雪糕食左先, 真無耐......我都未見過出意大利飯同窩夫下單用5分鐘都出到貨既餐廳而個窩夫都係凍既!!!芝士條又係5分鐘上枱, 又係凍既, 見食評有食客可以芝士拉絲而我唔得, 上枱又全部野食都係凍既! 真黑仔!!!唯一覺得好味既真係d唔同款式既果醬, 朋友叫意大利咖啡, 佢話無咩特別, 過得去囉! 總括黎講, 唔凍既話, d味道都ok, 但廚師無heart! 又或者d食物係

好耐寫食評! 但今次真係不得不寫，因為真係好憤怒。初時睇到門口個餐牌，依個早餐的價錢真係唔平，但當時好肚餓好想食個靚早餐，所以二話不說就走入去。當時唸依個價錢的食物質素應該不錯，而且一朝早果杯咖啡對我係好重要，但無唸過可以沖得咁難飲，我當時真係好嬲，從未試過飲到一杯咁難飲的咖啡，完全無咖啡味，好似一杯苦的水咁，而且加一服務後仲要收我40炆杯，依個價錢咁的質素，佢連收我10炆杯都唔值!同店員講咖啡好難飲，佢哋都只係笑笑口無出聲，一句歉意都無，太差，最起碼都講句話會改進吖! 講真7仔賣果杯16炆的咖啡仲好飲過佢十倍!而果份英式早餐，無乜嘢特別，舖頭以果醬做賣點，但食落去一般，太甜，食完好想飲水，而且搶咗生果本身的味道，多士唔夠新鮮，所以咬落口唔夠鬆軟，但炒蛋算滑，煙肉和雜菌還可以唔算好乾，腸仔咸味適中，所以整體果早餐都算合格，不過無驚喜。總括一定無下次，如果大家係為咗果醬而去食，我相信一定令你失望!

今晚做完Facial 已經好夜，咁啱上openrice見到Let's Jam 開到11點，即刻決定食呢間😎門面裝修好靚😍好有文青cafe feel田園沙律配熱情果油醋因為我唔食得醋，所以叫左果醋分開上。冇醋嘅話好似真係爭咁啲的，好彩啲沙律菜好fresh, 如果唔怕食醋嘅朋友應該會覺得好味的桂花雪梨冰沙桂花味真係好香好出！仲會食到一粒粒桂花花瓣，冰沙唔會起到一粒粒，似落好潤喉。黑松露溫泉蛋多士條呢個係見到隔離枱食先叫，睇落好靚😂唔捨得篤爛個蛋。黑松露味好夠好香～如果有多啲就好了！但作為前菜黎講份量都很不錯了慢煮極黑毛豬排 配肉桂蘋果汁個醬汁真係超班，惹味之中帶一點玉桂嘅香味同甜味，冇諗過味道可以咁夾，亦唔會唔咸唔甜，恰到好處。至於慢煮黑毛豬肉質都係非常鮮嫩，易咬開又唔會太鬆化，good!整體黎講呢間餐廳每道菜都會考慮到如何將果醬融入平日嘅菜式到，唔會一味sell果醬嘅甜味，淨係向甜品出發，反而將果醬融合係不同味道嘅菜式，我自己覺得好有創意，而味道亦都好新鮮！餐牌：

數年前，某次在西貢閒遊的時候，發現了這間以自家製果醬為賣點，富有田園風與文青味的小店，光顧之後，印象殊佳。特別是它那些自家製的果醬，種類多而新穎，而且不但可以用來塗麵包，還可加進部分飲品沖調成別樹一幟的特色飲品，確是別有特色。數年後，這間「一起果醬」原來已經跳出西貢，踏足市區，在尖沙咀開設分店。雖然這分店已營業了一段時間，我還是在最近才首次到訪。 先說飲品，我喝的「特製果醬梳打」揀了「丁香香橙果醬」是一個錯誤的決定，這果醬的味道混入了梳打水之後，味道欠佳，早知這樣，我便揀應該較好味的「雜莓果醬」或「芒果果醬」好了。老婆仔的「熱桂花雪梨茶」反而不錯，清潤順喉，味道也較好。至於食物方面，我倆在六款是日晚餐中挑選了其中一款，再在三款全日早餐中挑選了一份「全天英式早餐」一起分享。 「全天英式早餐」的材料萬變不離其宗，炒蛋、腸仔、煙肉、茄汁豆等物，當然少不了，不過這全日早餐的最大特色，是它的烘多士可以讓客人挑選其中一款特色果醬做材料，這晚我倆揀的，是甜酸鹹三種味道兼而有之的「蛋黃菠蘿果醬」，這別出心裁的果醬，我還是首次吃到，酸甜開胃的菠蘿醬加入了蛋黃的元素後，帶點兒沙沙的口感，味道變得複

今日一條友在尖沙咀行行吓見到有間店門面裝修得幾文青畀佢吸引過左去睇吓，原來主打手工果醬小弟以前返學早餐好鐘意果醬搽麵包，現在返工好少有機會，一於入去尋食緬懷過去回味吓先入到裏面原來係英倫風，睇餐牌好多嘢食，有英式早餐、小食、午餐、甜品等等我選左一個午餐、兩個小食和果醬多士。首先講講個午餐先，我選左白湯，係野菌忌廉湯，個湯好好味好好飲，而且好creamy主餐我選左黃金蟹肉軟殼蟹意粉，意粉份量幾多有半隻軟殼蟹，有好多蛋黃和蟹肉，撈埋意粉一齊食囗感豐富和味道甘香餐飲就加左$12升級，凍既熱帶風情果醬綠茶，飲落味道甜甜地好清新，而且有好多果肉食跟住個兩個小食：玫瑰蘋果醬單骨雞翼和炸魚手指配芒果芥苿醬玫瑰蘋果醬單骨雞翼，個果醬完全包圍住隻雞翼，食落甜甜地而且雞翼外脆內嫩，食到停唔到口炸魚手指配芒果芥苿醬，魚手指熱辣辣，外層脆各各，但內裏魚肉嫩滑可囗唔點醬已好好味，點左醬多左種芒果既香甜味終於到重點鎖在，話左來試果醬懷緬一吓就係果醬九宮格多士，一片厚多士分成九格，每格上面放一種手工果醬九種唔同味道既果醬，一試難忘而且每種果醬都包含左唔少果肉食完真係令我想起以前簡簡單單有一片麵包搽果醬食，就已經好開

一起果醬吧‼️呢到用果醬入饌 無添加自家製👍🏻兩個女孩子嗌左一個dinner set +pasta 同呢到好岀名嘅多士☺️果醬九宮格多士 $49多士非常厚身又鬆軟💓😍九款果醬各有特色 我最喜歡桂花雪梨味好清新 淡淡桂花香同梨又match☺️👍🏻黃金蟹肉軟殻蟹意粉 $109有點fusion嘅感覺 因為用左咸蛋🙈分量唔少味道不錯 軟殼蟹好香脆👍🏻🦀跟餐嘅田園沙律 配上熱情果油黑醋 好fresh 好開胃☺️必須講 呢個好食‼️‼️鴨脾鴨味好岀呀 肉又夠嫩👍🏻加上橙味果醬 錦上添花🤤跟餐飲品半價太愛桂花嘅關係吧🙈所以叫左桂花雪梨梳打☺️ 是日甜品係奶凍不過我地揀左+$15 要個tiramisu😛味道中規中矩 是晚推介💁🏻‍♀️ 果醬九宮格多士 法式油封鴨脾

今日我地黎左呢間幾有名的餐廳食晚餐，見到有好多自家制果醬，身為果醬控既我好興奮呀!我地叫左兩個dinner set，包左餐湯，沙津，主菜，甜品，飲品半價tim!幾欣賞佢個蘑菇湯，每啖都係粒粒蘑菇，味道十分香濃, 另外沙津都出奇的大碗，好健康呀!慢煮厚切安格斯西冷扒 (配玫瑰蘋果汁)哇!份牛扒好厚呀!! 而且熟度剛好，帶肉汁，肉質鮮甜，值得推介! 伴菜和碟本身的設計都好靚慢煮法式羊架配芒果芥末汁-真心推介!用慢煮的方式煮，所以肉質好鮮嫩，入口即溶，不用很多的調味料就可以食到羊原有的鮮味，另外芒果芥末好有創意果醬九宮格多士我地想試哂呢到既自家制果醬，所以就叫左呢個多士，有黑糖四物，蛋黃菠蘿，香橙，藍莓，草莓，木瓜雪耳，熱情果，肉桂蘋果等，正!!甜品有大大件蛋糕，好味

我地叫左兩個dinner set首先有蘑菇湯，啖啖都係蘑菇!沙津好大碗，落埋醋，好開胃慢煮法式羊架配芒果芥末汁法式羊架大約7成熟，因為係慢煮的關係，肉質十分鮮嫩多汁，一切就切得開，而且羊羶味不太重，好juicy，可以話係我食過最好食既羊架!! 另外芒果芥末醬甜甜的，同羊肉好夾慢煮厚切安格斯西冷扒配玫瑰蘋果汁安格斯牛扒真係好厚呀!! 有差不多5cm厚!!粉紅色的肉質，好治療呀配埋蕃茄，露筍和烤薯，唔錯甜品方面，我地每人加左$15，升級做是日蛋糕千層蛋糕上面淋左自家制的jam,好好味!!Tiramisu都好大件，賣相幾靚另外我地叫左果醬奶昔，可以自己揀要咩果醬，店員話雜莓和熱情果果醬味道較突出，果然冇介紹錯!

今日同朋友仔黎食，食物同咖啡算係唔錯，炒蛋腸同煙肉都唔會好油，我地都一齊轉左多士做牛角包，牛頭角鬆軟外皮脆而且有得選擇唔同既果醬，我揀左士多啤梨都幾好味，唔會太甜之餘士多啤梨味都好有適度既酸味，鍾意食士多啤梨既人都應該會鍾意，我地食tea時間唔算好爆滿所以我地食完都好好咁俾我地繼續坐係度傾計，唯一唔好處係座位之間無咩空間，同埋食物未係非常熱但係又未去到話凍左，應該係當時咁岩幾枱一齊入座所以食物上枱時間差唔多所以未做得切，不過係香港呢個價錢都好難搵到有空間既座位餐廳，所以整體上都唔錯

上年食過西貢分店，兩個人食左2個主菜+窩夫，埋單200幾蚊。今次尖沙咀分店，兩個人食左1個主菜+窩夫，埋單近400蚊。食少左仲貴咁多真係好肉痛 😭.［果醬雪糕窩夫餅］雪糕普通貨色，生果選料唔得，唔甜。不過窩夫香脆，4大件一排，有果醬同cream伴碟，幾開心 😂 都值得叫 .   味道幾好，菌粒增加口感.［田園沙律配熱情果油醋汁］沙律汁酸酸甜甜，好清新好好味 😋.［慢煮法式羊架配芒果芥末汁］伴碟薯仔好食，醬汁同羊架配合。至於羊架本身，我唔識品味haha。.［果醬奶昔］菠蘿蛋黃醬，蛋黃味dominate，叫其他純鮮果可能更好.［抹茶紅豆奶凍］顏色淡淡地，細細個，幾滑溜

今日為左慶祝朋友既生日，佢地都介紹呢間，以果醬做主題的cafe，係松山道近馬會果邊，都唔算起眼差d行過左，因為係openrice book左位，所以唔駛等，星期日午餐時段都幾多人，唔知walk in 仲有無呢，我d朋友都未黎，book左4位都比入，而且無計我地時，差唔多坐左2個鐘中間見餓又叫多碟野，侍應都係女仔，服務都唔錯，野食都貴，但係尖沙咀都無辦法啦，但我地叫果幾樣都幾好味，係天氣好凍又費事叫凍野，叫左d茶加jam飲，感覺就一般，落左好多都feel唔到果醬陣味，唔知係咪要落好多至得！？另外個店面就靚，個廁所就令我有d不安。。。。

有時想同三兩個朋友坐低傾吓計，一間坐得舒適又有情調嘅餐廳絕對係first choice。位於尖沙咀同佐敦交界嘅呢間餐廳唔易搵，之所以會搵到佢係因為佢位於西貢嘅分店實在太chill了。餐廳以「果醬」為主題，店面唔算起眼，但門外放滿盆栽同果醬，有陣陣「文青」嘅感覺。餐廳裝修亦相當用心，裝修以木為主，一面有鋪滿草嘅牆，令一面則有「JAM」掛飾，是店內打卡位。餐廳有套餐供應，亦可單點，多款菜式亦以果醬作為醬汁，幾特別。這次跟友人點了一份慢煮極黑毛豬扒配肉桂蘋果汁套餐($229)，配沙津、餐湯、及甜品，另以半價點了特調果醬紅茶，及單點了意色青醬雞肉意粉($89) 。特調果醬紅茶for two 可以自選果醬，我們選了「丁香香橙」。茶及果醬會分開上，可隨個人喜好調配。頭幾啖還好，係橙茶的味道，但愈飲就愈苦，唔知係調配嘅比例出左事，但茶本身苦澀味重。總之不建議點這個XD慢煮極黑毛豬扒配肉桂蘋果汁超驚喜!!!! 黑毛豬扒竟然煮到咁滑嫩，一啲都唔鞋口。而且配上肉桂蘋果汁好MATCH，可以減低油膩嘅感覺，忍唔住一口接一口咁食!意色青醬雞肉意粉($89)自己本身都係青醬fans，呢度嘅青醬意粉比較乾身但都好香

元旦日中午入到餐廳，唔算多人，女侍應見到我地木無表情叫我地「等等」比佢安排坐位，我地同佢示意已經有朋友坐底左，佢就無理我地。因為第一次食，所以唔係咁熟悉餐單上嘅內容，唔知道All day breakfast 要揀果jam，侍應無解釋下就好無禮貌拋一句：「揀jam」之後一輪咀講有邊隻jam已經無晒，外國返黎嘅朋友聽得唔清楚所以唔小心講左個無嘅果jam，侍應就即刻好唔耐煩講：「都話無囉」，朋友就問佢有咩推介，個侍態好似聽唔到咁，問第二次先求其指左一隻。未叫完野食，個侍應已經係咁問「係咪咁多」，趕住行開。最後叫左三個all day breakfast，一個九宮格多士，兩壺茶，原本想叫egg benedict，但已經賣晒，所以叫左個軟殼蟹意粉。食物質素尚可，賣相麻麻，果醬好味，但唔覺得係講到嘅咁好。餐廳裝修舒服，位置便利。有朋友曾經係西貢食過覺得好食而服務亦好好所以先去試，但經過今次實在唔會再食，價錢亦唔係特別平，始終好嘅餐廳仲有好多選擇。

侍應的態度同語氣好有問題，令到客人一路食一路感到受氣。環境好舊，坐位好不舒適。如果比咁既價錢，可以有更好更多既其他選擇！食得要預左有心理準備。好後悔，破壞曬一早期待的心情。