一起果醬 (已結業)

之前公司係附近，所以隔5使都會去食，但慢慢佢開始由full menu轉做daily menu就少去左，第1次食時候就食左佢既果醬，佢地d果醬有d仲可以沖做飲品，非常好，好似飲果汁咁，另一個重點推介係腐乳炒意粉，新奇又好味，其實質素都ok, 唯一5推薦既說係紅酒燴牛尾飯，個餸同7仔買即食既一樣，真心5好味，其實無問題之前都仲係英式奶茶，我地既認知同第1次係到飲都係茶奶另上，自從轉menu之後直接就咁上奶茶，我地初時以為上錯左問個員工，佢話不嬲都係咁，真係無奈，而且5好飲，所以我情願飲其實，有杯果醬沖既飲品係好好飲，不過跟餐都要加12蚊，有d貴所以而家搬左公司之前，只有星期三同有時間先會特登行過去食，如果5係其他時間都5想行咁遠

朋友約食飯，佢話食過呢間幾好食咁話。作為一個吃貨，試新野我好樂意。間舖地理位置其實都唔差，旺中帶靜咁。裝潢走精緻小巧路線，但我非常唔喜歡坐得唔舒服，無錯我係XL size呢點我認，但坐得我唔舒服係事實，要扣分。餐牌選擇好少，點了意大利飯 大蝦意粉 同埋小食芝士條。講真食物質素真係普通，談不上烹調技巧，蝦本身幾好食，來貨應該不錯。餐具倒是有幾分雅緻，有點看頭，應該可以俘虜少女心，但我免疫。張枱細到放兩個main 之後都無位放小食，店員都唔幫我拍隔離張枱過黎，當時的入坐率係兩成唔夠，無眼睇。飲品：真紅豆冰店員話係用紅豆打出黎嫁喎。首先我唔知點解會有pat cream ..........我唔想要.........仲有，我第一次用勁幼的飲筒飲紅豆冰，果支飲筒仲要係紙造嫁........乜事啊啲紅豆我完全吸唔倒仲塞住支飲筒🤦🏾‍♂️，俾支匙羹我都無補於事。味道方面其實ok ，同大家樂的紅豆冰差唔多，已經幾好👍🏻

聽同事講尖沙咀有間用果醬做主題的餐廳，朋友很喜歡試不同口味的果醬，這晚就去試試，簡約的裝潢，帶著文青氣息！我們這次打算試試dinner set！有6款不同主菜！Dinner set會有沙律、餐湯、主菜和指定甜品。田園沙律配熱情果油醋汁沙律菜、車厘茄很新鮮爽脆，熱情果油醋汁酸酸甜甜，很開胃！菜湯有洋蔥、紅蘿蔔、薯仔等等，酸酸甜甜！法式油封鴨脾配丁香香橙果醬極推薦這個油封鴨脾，炸到外脆內軟，但吃下去一點也不油膩，鴨肉很嫩滑，調味合適，香口惹味，鴨肉加上丁香香橙果醬更清香，更可減輕油膩！慢煮厚切安格斯西冷扒配玫瑰蘋果汁這個價錢性價比超高，肉質超級軟稔的安格斯西冷，慢煮能鎖緊肉汁，所以口感極佳，沒有筋，玫瑰蘋果汁好清，好夾！配料露筍和小薯仔都好好吃！果醬雪糕窩夫餅窩夫控的我點了半份窩夫，外脆內軟富蛋香！有十多款果Jam可以選，我自己選了雜莓，有紅莓、藍莓、桑莓等等，一口窩夫，伴著雪糕和果jam，好滿足！另外dinner set的甜品是Cheese cake，好軟滑，不錯呢！

西貢排長龍嘅一起果醬終於都開分店。分店係尖沙咀山林道，以後想食，去尖沙咀就可以。臨近聖誕仲推出咗聖誕套餐。香煎鵝肝拼意大利黑醋沙律，鵝肝肥美加上黑醋沙律，兩者非常配合。鮮松露野菌忌廉湯，野菌味香濃。火炙三文魚龍蝦汁意大利飯球，飯粒有咬勁，仲要充滿住龍蝦汁同芝士，三文魚鮮甜。慢煮厚切安格斯西冷扒配玫瑰蘋果燒汁▼安格斯西冷扒大概六成熟，肉質好嫩同重牛味，蘋果汁同牛扒味道很夾。慢煮西班牙杜洛克豬扒，豬扒夠晒入味，加上玫瑰蘋果醬食落甜甜哋，食落一啲都唔膩。Oreo盆栽芝士蛋糕,甜度適中，連餐具都非常有心思。最後加上兩杯聖誕特飲。

耐唔耐總會想食下all day breakfast, 今次同朋友試左呢間「一起果醬」！我就叫左個classic all the breakfast！Classic ADB 都係正常ADB有Ge 野！ 唯一特別的是個包有好多味的果醬可以揀，我就揀左玫瑰蘋果！個玫瑰果醬好好味丫～ 鍾意玫瑰的朋友一定鍾意食！個蛋都好滑，個蘑菇都正！而我另一個朋友就食果醬九宮格多士，一次過試哂9隻果醬～老老實實，我朋友話食完其實都唔係好知邊味打咩味 不過大部分都好食Ge! 除左有一款係薑味，我朋友唔鐘意食薑的！ 如果你都鍾意食果醬的話，呢間一起果醬就好岩你！

一向都好鍾意果醬既我十分期待到let’s jam 一試以果醬造成的菜肴。跟西貢店一樣都有各款果醬多士、muffin、 窩夫等。不過今次來主要試一下晚餐和主菜。餐湯是濃郁茄香的什菜湯跟餐的沙律菜都好新鮮另外點的手撕燒豬肉沙律配熱情果油醋汁 $59 看上去已經很豐富、醬汁像是香橙蜜桃果醬調出來的、酸甜超好吃😍 沙律菜好爽脆、配上手撕豬頸肉這新配搭都很好吃！意式青醬雞肉意粉 $89 忌廉汁加入香草沒有那麼油膩、但很香香草味。灑上芝士的雞肉都好嫩滑。慢煮極黑毛豬扒 配肉桂蘋果汁 $169 同樣以果醬調味、結實又軟滑的豚肉有滿滿的果香、香甜美味、配菜都做得不錯、薯角夠香脆、露筍鮮嫩無渣。特製果醬沙冰揀左mixed berries 、是真實的莓子味、沒有太甜仲好refreshing 😎

臨近聖誕節,是朋友相聚的好時光。今次選左Let's Jam 尖沙咀分店作為飯局地點，是因為上次我在西貢分店試過它們的食物幾好，尤其是招牌果醬，今次就選市區分店再次光顧.一入門口就有好多聖誕裝飾，配合聖誕歌曲及柔和音樂，氣氛好relax。先來杯滋潤熱飲，桂花雪梨茶。好清甜，真材實料，食到粒粒雪梨肉.點左晚餐，先上沙律。 沙律菜好新鮮，上面有一些果肉,甜甜酸酸，好醒胃清新。跟餐是磨菇忌廉湯。食到有好濃濃嘅炒洋蔥味。洋蔥味道加哩 蘑菇， 令到個湯有層次感。主菜是油封鴨。用左慢煮方法烹調，肉質好軟好腍，有肉汁。鴨皮脆脆,配咗自家做的手工果醬，味道出奇地配合， 食慾大增。另一個主菜是慢煮西冷牛扒。西冷扒好厚 ， 牛扒外面 先煎封過先至再慢煮， 鎖到肉汁，配合玉桂蘋果醬， 果醬嘅甜味帶出咗牛肉嘅鮮味。跟 晚餐有 芝士蛋糕配士多啤梨醬，不甜不膩，Creamy 又滑， 今晚晚餐完美作結。食到肚滿腸肥，已經冇空間再叫招牌果醬茶，下次先再試啦！

知道西貢好有間食過幾好食，所以帶朋友去尖沙咀再食。有set dinner 幾可以散叫。蒜辣紅蝦意粉$199法式油鴨脾伴紫薯泥配丁香橙醬 $219田園沙律配熱情果油醋汁帶有果醬的沙律，天然開胃雜菌湯菇菌味幾香，忌廉幼滑，但可以再濃d蒜辣紅蝦意粉$1994隻大蝦，意粉比較幼身易入口，條條都有蒜香！辣辣地又香口，好快食完。法式油鴨脾伴紫薯泥配丁香橙醬 油脾兩大隻，骨肉剛好離，唔會太老的肉，伴紫薯泥吸哂d油脾鴨味，加上自家製的橙醬帶出脾味又減少油膩感。飲品半價 $20latte，咖啡味都幾重。玉桂蘋果茶 $18熱的好岩現在的天氣，幾潤。Overall 幾有質素，記得要bk位

今日派聖誕禮物，約左朋友，聖誕節前聚一聚近地鐵站，非常易搵環境舒適開揚好香紅茶，熱情果醬濃郁，超級好飲木瓜味十足，滋潤養生開胃沙律，清甜爽胃清甜紅蘿蔔蔬菜湯，好棒嘩，羊肉脂肪剛剛好，不太瘦不太肥，肉質鮮嫩多汁好食啊意大利飯有勁香黑松露味蘑菇香味混合黑松露醬味，好配搭九格都有不同果醬，可以一次食到多款果醬，好吃啊，麵包焗脆，配上果醬，食得好爽非常滿足的一餐晚市套餐不太貴，非常抵食，下次可以食豬肋骨和牛扒

依間餐廳嘅環境好舒適，坐得舒服，而且有一種好休閒嘅感覺。店員嘅服務亦都非常之好，態度友善，我哋兩個人每人叫咗一個餐，分別係蒜辣天使紅蝦意粉同埋厚切安格斯西蘭扒蘋果汁。先講下啲我哋飲咗一個蘑菇湯，蘑菇嘅味好濃郁，而且忌廉味都好重，兩個嘅味啱啱好恰到好處。蒜辣天使紅蝦意粉D蝦非常之大隻，而且佢有揭開一邊，令到我哋更加方便可以食到入邊啲肉。同時佢個汁亦都非常之開胃，輕微嘅甜甜地嘅辣，配上酸酸地嘅番茄醬，令人覺得胃口大增。安格斯牛扒牛扒上枱嘅時候睇落份量唔係好多，但係原來佢係厚切嘅，所以食落都好飽下。塊牛扒嘅其中一個賣點就係有蘋果玫瑰醬。呢一個果醬嘅味道好清新，而且佢嘅甜味令到牛扒食起上嚟唔會覺得有油膩嘅感覺，反而好似食緊沙律咁清新，最出奇嘅係蘋果玫瑰醬同牛扒嘅鮮味非常之配合，完全冇違和感，食到欲罷不能。另一個賣點就係塊牛扒食落有炭燒嘅香味，但係又冇燶邊嘅苦澀味，應該係因為有果醬中和左苦味，整體來講食落非常之惹味。再加上牛扒嘅生熟程度掌握得非常好，外面睇好似係燒到熟透嘅牛扒，但係一切開就可以見到中間鮮嫩嘅粉紅色，非常之吸引。而且切開嘅時候仲有少少血水流出黎係完美嘅五成熟。無得彈！橙味果醬梳打呢

同舊同事聚會，相約在尖沙咀，被佢多款果醬吸引左。份量雖然唔多，但味道唔錯！嗌左蒜辣紅蝦意粉、軟殻蟹意粉、九宮格多士、黑毛豬配肉桂蘋果汁。啲飲品好得意，熱茶都可以揀果醬加落去🥰

店面裝飾幾靚, 有心思, 坐得舒服, 服務都很好.呢到以果醬出名, 差唔多任何野都可以落佢地自家制既果醬既.連茶都可以落! 飲落味道就小小特別既, 我覺得佢既APPLE 蜜糖醬最好食!自己中意加幾多都得既 淡淡地加d茶香都ok.不過果醬溝茶我覺得無整係熱食上咁好味.APPLE 蜜糖醬我用黎配豬食, 佢本身既豬已經係十分之正, 黑毛豬黎, 肉比較爽口, 而豬身本身味不算重, 所以配醬既話甜甜地加左味幾好食!意粉整得相當不錯, 汁整得相當標準, 夠濃夠痴身, 食落去唔會太水, 份量正常,味道好食. 好香.

今日星期四放工啦，同朋友經過尖沙咀近住佐敦呢一間西餐廳，一睇佢個名以為係淨係買果醬嘅餐廳，點知原來有西餐食，因為非常肚餓，所以就入去試吓啦。一嚟就試咗食佢個手撕雞豬肉沙律配熱情果油醋汁，豬肉嘅肉汁非常只香，沙律食到非常新鮮,豬肉配埋沙律真係非常之合適。跟住我哋都開始肚餓啦,所以食咗玫瑰蘋果張單骨雞翼,呢一個簡直係非常之有驚喜,因為平日食雞翼多數都係炸嘅,但呢一個雞翼係用到好香嘅玫瑰蘋果醬,我諗應該係佢哋餐廳嘅招牌,配上雞翼,非常之容易入口。跟住到白酒忌廉青口,青口配上好香嘅白酒忌廉汁,非常好味。跟住我哋就叫咗黃金蟹肉軟殼蟹意粉，軟殼蟹炸得非常之鬆脆，唔會太熱亦都唔會太凍，意粉配上好香嘅黃金汁，非常之好味呀。我哋中叫咗兩個惹菌忌廉蘑菇湯，忌廉湯非常之香濃，好適合食西餐嘅時候飲。最後我哋叫咗兩杯茶，一個係玫瑰蘋果茶，第二季桂花雪梨茶，兩杯茶都有各自各嘅果肉，非常之好味，總括來講呢間餐廳好特別，好多餸菜同埋飲品都用香香嘅果醬組成，如果大家經開附近不過嚟試一試啦。

女朋友鐘意食啲cafe小店，呢日我就提早book定位帶佢嚟Let'a Jam試下。呢到主打自家制手工果醬同果醬入饌，鐘意甜食嘅佢，一定會滿意😋踏入十二月，已經佈置得充滿聖誕氣氛😻我地樣樣都想試下😂最後決定叫一個dinner set share再加其他嘢食，盡量試多啲嘢💪🏻Dinner set HKD$239 : ⭐️田園沙律配熱情果柚醋汁新鮮沙律菜，配埋好清新嘅熱情果柚醋汁，酸酸甜甜，好開胃🤤⭐️忌廉蘑菇湯濃濃嘅蘑菇味，忌廉同蘑菇蓉，幼滑得嚟又有咬口👍🏻⭐️慢煮厚切安格斯西冷扒配玫瑰蘋果汁擺盤唔錯👍🏻厚切西冷已預先開好四份方便食，肉質鮮嫩又juicy，仲係粉紅色㗎，肉味香濃再配上甜甜地嘅玫瑰蘋果汁味道的確好正！⭐️特調果醬紅茶(2人)配玉桂蘋果Jam🍯 HKD$32.5(原價HKD$65) 跟餐飲品半價冇諗過果jam配茶原來咁好味🤤玉桂特別嘅味道，配上蘋果嘅清甜，本來就已經係一個十分夾嘅味道，沖埋落紅茶，有驚喜👍🏻想即刻買樽🍯返屋企沖茶飲。.套餐以外仲叫咗呢啲嘢食 :.⭐️全天豪華黑毛豬扒早餐 配木瓜雪耳Jam🍯HKD$129- 芝士炒蛋+極黑毛豬扒+牛仔早餐腸+紐倫堡腸+焗車厘茄+炒蘑菇+焗豆

同朋友約食生日lunch之前有其他朋友推薦過，見間鋪嘅位置都幾方便，一出地鐵站就係，所以有決定book呢間食生日飯間鋪頭啲裝飾好靚，臨近聖誕，有好多靚靚嘅聖誕裝飾，影相打卡一流！菜單選擇唔算多，我地嗌咗1.玫瑰蘋果醬單骨雞翼2.薯角配士多啤梨燒烤汁3.黃金蟹肉軟殼蟹意粉個雞翼一定要試！好有驚喜，同個蘋果醬好match!薯角味道不過不失，呢間鋪嘅小食份量都幾多！個意粉我覺得無我想像中咁好食，可能因為本人比較重口味，覺得味道有啲淡兩個人total食咗4百幾，價格合理，我會想再去幫襯！