一葉台灣料理

營業中

休息中

我喜歡吃麵，鰂魚涌芬尼街裡面有間一葉台灣料理，這間餐廳的麵是我的摯愛，例如:紅燒牛肉麵，乾燒牛肉麵，香酥雞排麵，台式炸豬排麵，擔擔麵等。今天中午我選擇了台式炸豬排麵，因為這間餐廳一到午餐時段就非常繁忙，等位的客人超多，所以我選擇在11點半到十二點之間幫襯，不用同人逼。問我為什麼喜歡吃這間餐廳的麵，因為麵有勁道，湯底濃郁，牛肉夠淋又入味，雞排又香又脆，豬排彈牙，最滿意的是夠大件，所以這間餐廳是我午餐的首選。 9月26號星期四中午我照常11點半左右到餐廳點餐，那天我點的是紅燒牛肉麵，等餐的時候，門口四個女學生穿著嘉諾撒書院校服走進餐廳，她們毫無儀態大聲喧嘩，大笑聲令到我這個食客都覺得吵耳，然後收銀員出聲麻煩她們可不可以細聲少少，她們的聲量太大，亦影響到她聽不到客人落外賣的電話，四學生覺得難堪，個個都望住她們。可能是她們心懷不忿所以扮成人寫食評，食評的內容不真實而且帶有報復成分，拍張單據也沒拍下面，不敢影下面學生餐的價錢。作為這間餐廳的食客，我都比較関注餐廳的食評，因為住和工作也是同一區，是老顧客了。為怎麼我要說出事實，因為情景似曾相識，這幾個明明是學生，怎可扮

Came here for the second time as it was too memorable last time! This time we ordered some new dishes that we didn’t get to try last time, including tofu pot, lamb with stirred fried onions, fried oyster and marinated beef brisket with noodles in sesame sauce! They also offered a summer menu for the current season. we picked two items from this menu and was already looking forward to it before the food arrives. the first dish gave it a good start, portion was more than enough for two people. Lot

S在側魚涌返工，今晚約了她dinner, 大家約而同都想去一葉，原來一葉在這區頗出名，S和同事們時常都會來食lunch!位置處於內街中，要識揾先去到，店子雖然小小，但座位挺舒服，最重要是食物質素好！金沙炒苦瓜$78~少時候好討厭食苦瓜，但隨着年龄增長，愈來愈懂欣賞苦瓜那種甘中帶甜的味道！這道金沙炒苦瓜除了甘甜味外，還充滿鹹蛋黃的鹹香味，加上白芝麻，非常惹味可口，真係好食到停唔到口！麻婆豆腐$78~麻婆豆腐是一道很好伴飯的餸，雖然我晚上已戒了吃飯很久，但見到這碟麻婆豆腐，我也忍不住吃了半碗飯豆腐沒有像其他餐廳般煮至碎爛，反而還吃到豆腐的質感，加上少許肉碎，麻辣鮮香味令人味蕾大開，好滋味！三杯羊肉$115~三杯雞平時食得多，三杯羊就第一次食。羊肉碎上，以洋葱，九層塔，老薑作配料，非常惹味香口，真是色香味俱備！悠然百香$24/ 青檸戀人$24~2種飲品都酸酸甜甜的，好清涼，好舒服！最後餐廳經理見S是熟客，送上一件台式黑糖糕給我們品嘗，黑糖糕質感軟熟，黑糖味濃厚，不錯！

今日我和同事們到公司附近的一葉吃午飯，本來懷着興奮的心情嚐嚐這間充滿人情味的台灣小店。怎料，剛踏進店內，已被一名帶着紫色眼鏡，年過半百的女收銀員破口大罵。當時我和同事們正在閒聊一下，女收銀員正在談電話。她聽到我們在聊天時，竟立刻擺出一副不耐煩的模樣，還用比我們兩倍大的聲線，以不友好的態度叫我們降低聲量。到最後找錢時，她不容許我們分開付錢，因為她沒有足夠硬幣找錢。但最後她卻把大量一元二元硬幣掉到枱上，真是自打嘴巴哦！還有，有一半的同事在吃完這頓飯後好像有一股氣，要排出來。午飯後更在開會時飲不住一個響屁，接着同事們陸續釋放，令到會議室充滿一陣一陣的屁香，洋溢着一陣紅燒牛肉的味道，看到這裏大家都知道這是誰幹的好事！我以後都不會吃了！！！！！！！

又嚟到鰂魚涌接朋友放工～佢帶咗我嚟呢間位於芬尼街嘅一葉台灣料理。雖然我以前都有一段時間喺鰂魚涌返工，但唔係今次朋友介紹都唔會發現呢間餐廳，希望會更加多人認識啦！店面唔算大，大概有30個座位左右。放工時間人流都源源不絕，我諗晏晝食lunch應該都要排一陣先有位🤣餐廳菜式價錢唔算貴，但每樣都好大份，非常划算💰其實我哋兩個人都只係嗌咗兩個小食、一個麵、一個湯羹、一個甜品，但唔知點解都飽到咩咁，食唔晒要打包🙈台式鮮魚羹（$88）er⋯我真係冇expect過咁大兜🤣🤣🤣 呢到分分鐘分到十碗🤣🤣 可想而知我哋兩個人係冇可能完成到嘅。我哋各自都飲咗兩三碗，但仲淨返好多lol真材實料，用咗大量魚肉，魚鮮味重🐟另外仲加咗蝦粒，增添鮮味同口感😊台式蔥油拌麵伴雞扒（$70）蔥油拌麵細細碗，食到齒頰留香就最perfect👌，太大碗就會太油膩好滯架喇。蔥油香好香。麵條較粗，有嚼勁。炸雞扒大大塊，雖然好似炸得好勁，但內裡雞肉依然嫩滑，仲有豐富肉汁🤤金沙豆腐（$78）咸蛋黃炸豆腐！新鮮炸起熱辣辣，蛋黃鹹香好好食！台式香腸炒高麗菜（$78）食返啲健康嘅菜先，好大碟😂九份綜合小丸子（$28）朋友話上次嚟食lunch試

係openrice諗住睇下有d咩好野食...搵到呢間，見咁多好評就去試下啦，點知我去到門口排隊，店員話我拖住小朋友唔比我入座，野食好唔好食我唔知，但生意唔係咁做囉！又話呢間店係台灣人開？完全唔覺得有台灣ge服務態度囉！不知所謂！咁多好評都唔知點得返黎！對呢間餐廳極之失望呀！！！！！！！！！！！！！！！！！！！！！！！！！！！！！！

台灣菜俾人感覺不嬲都好健康(夜市小食除外haha)，今日黎到呢間老闆係台灣人，又有台灣食客既地道小店，都叫得幾健康嫁 ☺櫻花蝦炒高麗菜 ($78) 高麗菜又名台灣生菜，堆到山咁高，好高纖呀，中間仲好多櫻花蝦，鹹鹹甜甜，係青菜中既點綴 😜沙茶羊肉 ($113) 有洋蔥、韭黃、蔥絲、冬菇絲、同大大塊既羊肉片，沙茶味道唔會太鹹，岩晒我健康口味，但就好均勻散佈係每塊羊肉同配菜身上。特別要讚D洋蔥炒熟晒，又唔會太林，配肉好夾 👍🏻台式炒米粉 ($75) 係肉躁飯以外另一好選擇，大大碟米粉當中又不乏高麗菜，睇黎呀高麗真係好台灣，仲有一堆仔肉躁係面，撈埋食好開心呀。米粉好幼身，炒得油份適中，食到底都唔見好多油，反而有唔少冬菇絲、肉躁、菜絲。米粉有味得黎又唔會搶左肉食既風頭，好送餸 🤩初戀蜜桃 ($24) 係乳酪、梳打、蜜桃汁，賣相靚，乳酪梳打蜜桃都幾夾，但就同我初戀有D唔似 😂😂😂焦糖手工布丁 ($15) 係台灣入口，食落feel到有氣泡，都幾特別 😛

今晚同朋友捐窿捐罅搵到嚟呢間小巷嘅台灣菜，地鐵出口行幾步就到，都好方便。羊肉湯米$78-湯底有香而不騷嘅羊肉味，米粉好幼身，可以索曬啲湯汁食，羊肉片都好多下金沙四季豆$78-送上嚟時熱辣辣香噴噴，金黃色蛋黃配四季豆顏色同味道都好match，推介！台式香腸$55-甜甜地令人忍唔住一食再食黑糖珍珠奶茶$24-好抵飲，黑糖味道似蔗糖，珍珠幾好咬口台式黑糖糕$22-黑糖唔算好甜，食落口感厚實九份綜合小丸子$28-食台灣嘢甜品必食芋圓，都夠煙韌，份量夠一至兩人食

嗰日返到母校探老師之後，就嚟咗呢間以前中學成日食嘅台式餐廳記得以前佢有幫才可以比啲食客簽名留言，而家佢裝修左感覺更加乾淨感覺上款式比以前多咗 野飲都好似多款左我哋兩個女仔嗌咗啲嘢嚟share，第一個就係台式蔥油拌麵配雞扒 拌麵味道適中唔會太鹹，溫度係偏凍嘅係，係特色之一，配埋個雞扒就味道啱啱好夠。大雞扒係鹽酥味，外皮脆得來𥚃面啲肉好juicy二碟餸就係皮蛋豆腐，冷盤嚟嘅，豆腐切粒左依然係咁亂畫，配埋啲皮蛋同埋啲醬汁，真係好開胃，第三碟餸係黑椒炒松板肉值得一讚嘅係肉質好彈口，切到一條條琴配埋啲青椒紅椒好易入口就咁望都覺得好吸引 流哂口水之後帶咗兩杯野飲 一杯係蜂蜜檸檬茶另外一杯係初戀密桃，係乳酸梳打嚟嘅，密桃甜味會酸酸嘅乳酸梳打，值得一試

伙記好快手，落完單唔洗5分鐘就有野食😋首先登場既係蔥爆豬肉🐖有鑊氣，蔥同肉各佔半隻碟，足料👍🏻蕃茄牛肉面🍅🐂🍜食台灣菜點小得牛肉面呢？濃郁既蕃茄湯底配三舊軟腍腍既牛，perfect😍台式炒合菜🍳🥬有蛋有菜有肉絲，炒埋一碟好juicy，有新意又好味，唔太鹹又有菜有肉食😌Drinks:同朋友分別揀左紅棗桂園茶同埋黑糖珍珠奶茶兩杯既甜度都啱啱好，一杯健康啲，一杯邪惡啲，兩個人share就啱哂👯🏼

呢間台灣菜地段位置比較不利，因為鰂魚涌比較遠，鋪頭位置亦都比較入，人流比較少，但我見佢哋外賣單都比較多，但如果佢哋開係人流比較旺嘅位置我相信會好好生意，因為佢哋嘅台灣菜真係煮得好好味，好獨特，非常出色，我哋就叫咗一個擔擔麵，唔使等太耐已經好快黎到，擔擔面好香，本身我哋都抱着普通嘅心態去食，點知一入口就覺得口味好獨特，湯底好特別好好味，同出邊嘅擔擔麵一啲都唔同，一個普通嘅擔擔麵已經住得咁好食嘅話，我相信之後所叫嘅餸菜都會好好味，之後就係鹽酥花枝丸，係即叫即整，因為熱辣辣同埋卜卜脆，面哂亦都落左一啲辣粉之類所以入口有少少辣，但接受到，之後就叫咗個金沙炒苦瓜，以為佢就只係普通嘅炒苦瓜，原來係落咗鹹蛋黃炒苦瓜，苦瓜唔會太夾，好爽口超正再配埋鹹蛋黃唔會太鹹，呢度菜好開胃，最後就係個麻辣水煮魚，你都好大碗，滿滿的，魚肉好嫩好滑，入口即溶嘅感覺，而裏面有嘅材料係大量芽菜，花椒，麻籽，一啲用嚟煮水煮野嘅材料，整體來講所有菜式我都好滿意，值得推薦俾大家👍🏻

呢間舖頭喺內街收收埋埋，唔係街坊都好難知道，原來鰂魚涌有一間咁好食既台式小店！佢有好多台式小食，例如台式香腸、鹽酥雞，而我當然就揀我最愛既柯仔酥。椒鹽味好開胃，唔會油膩，新鮮炸起，仲有九層塔做香草提味，唔係度度都會咁做㗎。而另我地食到即係鳳梨蝦球，本身睇menu唔知咩嚟，老闆娘介紹係炸大蝦加沙律醬同菠蘿，最鍾意食蝦既我一定要試啦！蝦好大隻，加沙律醬甜甜地，送飯一流！而個素炒米粉就用台式米粉，食落唔會乾又唔會油，好食！d餸好惹味，嗌個甜甜地既菠蘿啤，就夾得啱啱好！

朋友今日係鰂魚涌上training,就順便約佢係附近食台灣菜。呢間一葉台灣料理係係鰂魚涌地鐵站附近內街既一間小鋪，一出左地鐵站轉左就搵到，其實唔算難搵，但由於我同朋友除左返工之外都唔會經過鰂魚涌，結果都不約而同咁行錯左路。店面裝修都係小店風格，但係又於內街無街燈，夜晚經過可能一不留神就過左，但只要小心留意都唔算難搵。入到去侍應就比左兩款餐牌我地，一份有夏日推介同特飲，另一份就係主餐牌，晚市主要都係台灣小菜。而侍應都相當親切，用心咁介紹左幾款招牌菜比我地。首先上菜既係沙茶牛肉($103), 一上菜就見到鑊氣十足，食落口有d 沙爹味，而且相當大份，算係抵食。之後就係金沙蝦球($155)，外皮炸得非常脆，仲加左咸蛋黃落d炸槳到，食落有陣陣既咸蛋黃香，而d蝦就仲保持得好彈牙。另外我地每人叫左碗肉燥飯($28)，d肉燥鋪到滿滿，算係足料。我地又各自叫左杯特飲：冬瓜茶檸檬($20)，同蜂蜜檸檬($20), 消暑解渴。埋單之際，店主仲送左碟黑糖蛋糕比我地，相當有心。蛋糕食落去唔會太甜，作為甜品剛剛好。埋單總共$354, 餐廳份量都算大份，我同朋友都食得好飽。

之前已來過一葉吃晚餐，非常欣賞這裏的食物美味之餘，亦感受到家的味道。而且店員服務很好，所以今次帶了朋友來試。台式鮮魚羹每次和這位朋友吃晚餐都必定會叫一些湯品，今次我們點了這款鮮魚羹。店員一奉上時，我們被分量嚇了一跳，裝得滿滿的，相信3至4人分享也非常足夠。 魚羹用料十足，加了蛋白，香滑的鮮魚片，蝦仁，清新得來也有鮮味。紅燒牛肉麵 牛肉麵湯底濃而不膩，帶有牛香。麵質十分彈牙順滑，這裏的麵條較為粗身，掛湯能力亦隨之提升。牛肉方面有四大件，牛肉煮得軟淋之餘，也不失牛肉本身的質感。鹽酥蚵仔 這款小食性價比很高，目測有約20 隻的蚵仔，非常飽滿。蚵仔炸得非常出色，不會油膩，卻帶有香濃的蚵仔味道，最欣賞是加了九層塔，為這道菜增添多一份層次。樹子炒油麥菜油麥菜清甜爽脆，最特別是第一次品嚐樹子，酸酸甜甜的，非常開胃，有點像話梅，中間也有一顆細核，我和朋友都感到非常好奇。這裏除了食物高質外，也有台灣獨有的人情味。 店員間中也會過來問我們食物味道如何，態度很親切，最後每枱的客人也送了一份台灣直送的黑糖蛋糕，為這頓晚餐畫上完美句點。

今晚約左妹妹，在她屋企附近食台灣菜，這間一葉位於不起眼的角落，如果唔係之前上網做下功課，都不知道有這間餐廳存在。店子不算大，但裝修明亮企理，坐得舒適。點了黑糖珍珠奶茶，番茄牛肉麵，台式一葉小炒，蚵仔煎蛋，肉燥飯。好喜歡黑糖珍珠奶茶，黑糖味香濃，珍珠好彈牙。食物方面，最驚喜係番茄牛肉麵，番茄湯底超濃郁，見到很多番茄粒粒，牛肉炆得好霖，麵質爽彈，美味。蚵仔煎蛋份量多，很多大大隻的蠔，蠔味新鮮。小炒幾香，不過鹹左少少，同埋有d油膩，所以我們食曬d韭菜，五花腩食唔曬。肉燥飯幾好食，飯面上的肉燥好多，好送飯，很快清曬。最後來個焦糖布丁，好滿足。