一糖 (屏山)

營業中

休息中

我地有一段時間經常食甜品，身體嚴重發漲，最近雖然少食左，但天氣太熱(姓賴)，不得不搵甜品食，換換心情。我地喺附近食完午飯，就過來食埋甜品先走。由於太熱，個個都坐哂室內喇。入面位置唔算好多，可能星期日，都好好生意，近乎滿座，最主要好多客人係一家大細，好好彩，近門口位有張二人枱可以搭，拿拿聲坐低。餐牌都好多選擇，而且應天氣都加入好多冰類。唔貪心一人點左一款甜品，再加杯西瓜汁解解暑，如果減番少少糖更好唔會加太多冰，但已經十分爽！焦糖布甸牛奶冰：冰類款式多，仲有綠茶、芒果等口味，可以on top追加配料，例如布甸、仙草、雜果、紅豆、脆米等。我地揀左焦糖牛奶冰，一上枱，賣相都幾靚架，幾賞心悅目，用小木盤裝住，幾日系感覺。另外附上焦糖醬，牛奶冰上面有少少脆米，口感唔錯。牛奶冰嘅質地幾綿，當然入口即溶，奶味唔會話十分重，實於幾清爽嘅甜品。我幾鐘意附上嘅焦糖醬，原本係加落布甸度，但我加左d落碗冰上面，其實又幾好食，甜甜地，味道幾搭布甸都幾大件，蛋味重，質地實淨，視乎個人喜好囉，有d人鐘意食滑d動L。仙草芋圓沙冰：底下以刨冰墊底，都幾大份，兩個share都夠，面頭放左一大份仙草，芋圓、地瓜圓、紫薯圓三款

食完正餐同男朋友遊車河..想去遠d..就決定去天水圍食甜品好遠揸左差唔多成個鐘先去到..一糖係個停車場入面..唔知係咪俾黎食糖水既人泊車定係邨入面既停車場..我地唔敢泊坐低食野果陣聽到職員係咁討論入黎既車. . “揸咁入應該係月租” 😅咁可能係佢地租俾人既車位😆好彩無揸入黎。細細間鋪..我見到有9個staffs .. 本menu勁重勁厚好多選擇..不過等緊野食果陣聽到佢地話有曱甴揀左Bailey's心太軟 $58比較特別..其他鋪頭暫時未見過..因為即叫即整，所以等左一陣先有得食。要有耐性先好叫..心急既人可以揀其他可以配搭自己鐘意口味既雪糕..但係我都係覺得朱古力夾d..上檯果陣朱古力已經流緊出黎😋心太軟上面既mousse好重Baileys味相反心太軟就無咩Baileys味。隔離既生果好多款式，有火龍果，西瓜，香蕉，哈蜜瓜。 我都係覺得食過既心太軟之中，最好食都係九龍城小店，無得輸不過Baileys心太軟真係幾特別。蜂蜜綠茶梳打 $32左邊係蜂蜜中間係綠茶右邊係梳打普通😊因為口渴..叫黎解渴

星期日突然想食甜品, 就立即約朋友出來, 落雨天唔想行太遠, 最後決定去天水圍西鐵站附近的一糖。以前都有食過, 覺得款式及味道也不錯, 今次去發現多了新款式當然要叫一大堆開心share啦~新出了幾款綿綿冰, 點了其中一款試, 另外加了$12日式布甸, $8雪糕, 芒果汁與乳酸冰很配~ 乳酸冰夠晒綿~朋友最愛吃心太軟, 每次約食甜品見到都會點, 一糖的心太軟有好幾款口味, 我們點的抹茶味味道很濃我好鐘意切開心太軟，然後抹茶醬流行來的時刻另外點的焦糖燉蛋口感結實很滑，跟乳酸冰另加的布甸很像，但配合面層的焦糖吃，更是美味！我最喜歡是芝士蛋撻套餐！芝士蛋撻很細滑，濃濃的芝士味，我可以把兩份撻都吃掉～吃完再食水果就唔會覺得膩朋友最愛是抹茶芭菲，但看外表已經被吸引,每層也有不同配料，我贊同抹茶同紅豆是絕配可能因為是下雨天，難得來到一糖是不用等位，約好下次再來吃其他新款甜品，當然我要再點我的芝士撻

前排食完一糖都一直好懷念D度既高質甜品咁岩一個住天水圍既FD想揾我聚一聚, 我即刻提議去一糖!朋友都好驚訝點解我會識D間甜品店睇相會以為D度係好唔就腳, 但事實係西鐵站行5分鐘就可以到入到黎想食D咸野再食甜野, 我地叫左咖哩汁燒賣, 魚旦, 同埋腸仔, 因為個咖哩汁唔錯, 所以咁平凡既食材中都食得出美味焦糖燉蛋-$28D個係凍的, 得上面燒完果PART係熱, 岩晒SUMMER食, D個焦糖燉蛋食落好有質感, 蛋味濃得黎好香, 而且唔會過甜, 高質百利甜酒朱古力窩夫-$50因為我好鐘意百利甜酒, 所以D度D個窩夫係必叫得, 簡直係為我度身而做咁, 個甜酒味好夾個窩夫, 個窩夫係即叫即做, 蛋味香, 而且做得好鬆軟, D個真係必須要叫的!榴槤皇子-$60我係榴槤公主, 就一定要叫D個榴槤皇子黎試下, 食落榴槤味好濃好香, 榴槤肉都唔少, 而且入面既椰肉係已經起好架啦, 混合榴槤肉食好MATCH, 而且仲食得好方便!白桃/抺茶活乳酸梳打-各$32因為食完甜品想再吹多陣水, 每人叫杯野坐多陣, 支梳打水係另上的, 加埋落入唔會過甜, 而且仲有D活乳酸味, 唔錯的清新選擇總結一糖冇令我地失望,

我們分別點了百利甜酒朱古力窩夫配曲奇雪糕和綠茶心太軟配朱古力雪糕。百利甜酒朱古力窩夫：窩夫外脆內軟，而且熱烘烘的，雖然吃不到百利甜酒味，但朱古力味很重，朱古力忌廉及雪糕配窩夫一冷一熱很配合，而且很美味。綠茶心太軟配雪糕：綠茶心太軟奶味較重，流心部份做得很好，而綠茶忌廉茶則味較濃，朱古力雪糕比想像中好吃，雪糕內的朱古力片很美味，紅豆蓉亦不會太甜，整體來說很不錯!

窩夫與蝦子餅又去了一糖吃東西。先點飲品，窩夫喝的是蜂蜜白桃梳打($32)，要自己動手將梳打水加進杯子，再按個人口味加入適量蜂蜜，有得玩又有得飲。蝦子餅則點了菠蘿沙冰($38)，放上一大片菠蘿點綴，賣相很吸引，沙冰的菠蘿味十分香濃，夏日推介。一糖最近推出了全新冰之系列，窩夫與蝦子餅點了芒果乳酸冰($58)，益力多冰不會太甜，芒果粒非常香甜，加了Q果令口感更加豐富。還點了一客抹茶麻薯窩夫($50)，水準依舊，窩夫外脆內軟，帶抹茶香味，配料紅豆大大粒，味道偏甜。窩夫裡面加了麻薯，口感更加軟糯。

睇左好多食評，專程去試。夜晚8點到，諗住食甜品當dinner ，入到去侍應笑容滿面，得一枱情侶幫襯。叫左兩份窩夫，兩杯沙冰，雞翼尖，腸粉魚蛋腸仔。先講雞翼尖，完全唔係辣味仲有少少怪味，或者唔岩我個人口味。腸粉熱辣辣無問題。（不過好多豉油好咸）腸仔唔似係廚師腸，唔知佢係第二隻腸定烚得太耐。魚蛋一咬落去係散既，相信佢都係拎貨唔會係自製，建議搵過第2間入貨。窩夫因個人問題凍左少少先食，正常熱食應該係ok既，凍左都唔算太差。沙冰都正常，有d粒粒果咬下，同埋個益力多沙冰個造型真係幾搞野。成晚最令人反感既係我2個人叫左呢d野食, 都要d時間食架嘛，全程食左你1個鐘，食左$246都唔算話白坐霸住你張枱，如果爆場有客等，你用眼神表情想我快d走都理解，但你又無人等又有吉枱，都要咁樣令我食得唔安樂，仲要埋尼收野一句聲都唔出，其實有d腸粉仲未食完囉。小弟比較少周圍食甜品糖水，但好肯定呢間唔係我覺得最好食既一間，但肯定係我暫時遇過服務態度最差既一間。😤😡😠

行山後，相約朋友出去飲茶吹水。朋友推介這間甜品屋，知我喜歡吃窩夫，特別推介。地點易找， 一出西鐵天水圍站就見到。店員推介沙冰系列及榴槤系列，今期主打，真係不錯。但我鍾情窩夫，朋友推介亦沒有錯，窩夫超好味，鬆夾脆。朋友叫左沙冰，亦都不錯，經過天水圍，不妨試吓。

好耐之前已經試過一次綠茶窩夫 好一般但友人提議 決定再試一次。晚上大約8點半 冇乜人 坐鋪頭入面明明都仲有大把位 都要客人搭枱😓呢個甜酒朱古力窩夫 $50窩夫內麻糬仍然係得好少 食唔出有🤥右邊果堆朱古力忌廉就有酒味整體唔夾 又唔好食紫薯窩夫 $58似返d樣 窩夫入面有紫薯餡窩夫底下有d蜜糖 都尚算放得入口另外 窩夫面放左幾塊紫薯片勁淋身 又難食 只作裝飾用都還可以👎🏻P.S. 鋪頭不提供清水，食到個口甜爺爺，店員會建議你比$8買枝水，加上周圍都冇鋪頭，我諗如果你好想飲，都要比錢佢賺😪不 會 再 幫 襯。

星期日，同朋友喺天水圍食甜品傾計。朋友揀了這間人氣店。佢哋門口有個大停車場，駕車來泊車好方便。雖然時間尚早，都已經有四、五枱客，都幾多人。其實坐西鐵來都好近，一出西鐵，行2分鐘就到。呢度啲甜品好多款式，有榴槤系列、紫薯系列、沙冰、雪糕、芒果、花茶等等。天氣炎熱，一入來就叫了兩杯飲品，分別是：蜂蜜綠茶梳打和紫黃特飲。蜂蜜綠茶梳打，係用宇治抹茶製造，充滿日式風味，綠茶味濃厚，配上梳打，非常清涼解渴。紫黃特飲，紫代表蝶荳花汁，黃代表金橘，送來後須自己把梳打水及蝶荳花汁放於杯裹，再加檸檬汁。因天氣炎熱飲梳打水非常清涼。跟着我們叫了生磨芝士窩夫，窩夫鬆脆內軟，口感非常好，配上朱古力雪糕，真係一絕，價錢不貴，其賣相及味道，分量充足，感覺與韓國吃嘅差不多，值得一試。又叫了一個近期推介嘅榴槤皇子。佢在椰皇內裝了燉蛋白，然後上面放上榴槤蓉及海草爆珠，兩樣又幾夾，吃起來滿口榴槤香氣，爆朱在口裏爆開，又幾特別，佢啲爆珠好細粒，好似西米咁細粒。最後還叫了一個黑糖芋圓紅豆仙草剉冰，見到已透心涼，啲仙草粉超滑，一放進嘴已滑了落去，紅豆蓉係日本紅豆，超甜大粒，芋圓有點未熟透，比較硬，剉冰加上黑糖，甜度剛剛好，不是太

今晚同屋企人食完飯，心思思想食返個甜品。 突然令我聯想起一糖，所以就即刻揸車過去食!當時只係晚上8點鐘，已經人山人海了。裏面已經滿座，只剩下出面二張枱，有點兒誇張!設計獨特也帶點日式風格， 四圍也有日文字，好像置身於日本甜品店焦糖布甸牛奶冰牛奶冰看起來一層層的，好棉好凍，即叫即整，再配上香滑煉奶，味道清甜，再加上少量焦糖粒，唔會太甜而且分量岩岩好，真係一食難忘。 另外還有一個布甸，蛋味濃郁，布甸香滑彈牙， 水準非常高我係一個綠茶控，當然唔少得食個綠茶心太軟啦！ 心太軟新鮮出爐，當然昰熱辣辣之餘還帶脆脆的，一穿之下，綠茶汁慢慢流出來， 味道不會太濃太結，即叫即焗，需時20分鐘，非常美味呀甜品選擇非常多， 有熱食又有凍食， 我忍唔住一個人都食咗兩個甜品。😋😋😋小食也有好幾款榴槤系列既甜品都幾特別， 榴槤控嘅人士不妨都可以試下。

當晚叫了以下甜品：芒果小丸子 $30幾蚊 貴！友人表示- 一般，碗大但份量少楊枝甘露 $30幾蚊 貴！友人表示 - 普通楊枝甘露，同樣都是碗大但份量少鮮雜果窩夫 $50幾蚊 正常價！小朋友表示滿意 - 上檯時香味撲鼻，口感都能做到軟硬適中，1開4件，份量及窩夫厚度合格。Balley’s朱古力心太軟 $50幾貴 正常價！小朋友及本人表示合格有改善空間 - 沒有Balley’s 味，心太軟沒有太爆炸性的流心，朱古力味都強烈，不是太甜！環境/裝修 80分 - 非常日式 ，頭10分鐘 ，真的以為是哪間日式連鎖店的分店！當服務員拿了一本極度土炮的menu 就知道只是一間偽日系甜品。服務 30分 - 當發現匙有一個位置爛了想要求更換一隻，店內較中年的女侍應看了又看極不原意地回了一句 ’爛左咋喎！’我及時來不了反應。如果爛左都唔可以換咁咩情況可以換呢？總結：中式甜品方面價錢確實是貴的！假如你花了這麼多心機打造一間如此日系的日系甜品店，唔該做戲做全套服務水平方面提高少少。日本咁受香港人熱捧唔係得個殻確實內涵先係總點！你間鋪係日系到不能，但只可以講真係得個殻！

因為住喺附近，所以成日都會同男朋友落嚟食甜品，因為知道隔一排就會有新甜品出，所以定時定候都會嚟食嘢，今次嚟到知道佢哋有新攪作，見到有四款刨冰，我哋就揀咗芒果乳酸冰，d冰係有益力多味㗎，之後再淋上芒果汁先食，好食過出邊嘅一般刨冰丫，有跟芒果粒同Q果，芒果好甜亦都好大粒，兩個人食啱啱好，仲有個肚可以試埋其他新野，之前次次黎都係食開朱古力窩夫，今次想試吓其他味，所以就試咗抺茶麻薯窩夫，同埋mocha脆脆麻薯窩夫，抹茶味窩夫唔係太甜，好啱我，我就揀埋抹茶雪糕撈埋一齊食，一於抺茶到底～而脆脆麻薯窩夫就揀咗薄荷朱古力雪糕，加埋上面啲棉花糖一齊食，簡直滿足食甜品嘅慾望

呢日三五良朋去完天水圍食飯就嚟左呢間位於天水圍西鐵站附近的一糖食甜品。舖頭前面有一大片車位可以泊車，又喺西鐵站旁邊都算方便。有室外同室內位可以揀，我哋就揀左坐室內。餐牌上面冷、熱、中式同西式的甜品都有，夠晒多選擇。我哋點左香芒雪糕奶凍、焦糖燉蛋、榴蓮皇子、蜂蜜白桃梳打、蜂蜜荔枝梳打、Bailey's 心太軟。香芒雪糕奶凍($32)，奶凍香甜滑溜，加上新鮮芒果肉、芒果汁同芒果雪糕，芒果控一定唔會失望。焦糖燉蛋($28)，賣相甜美，燉蛋香滑挺身，滋潤養顏。榴蓮皇子($60)，榴蓮蓉用椰皇嘅味好夾，食落香甜順滑，正！蜂蜜白桃梳打($32)、蜂蜜荔枝梳打($32)，白桃汁、荔枝汁；梳打水；蜂蜜係分開三個器皿上嘅，客人可以調配適合自己的口味。Bailey's 心太軟($58)，賣相真係無得輸，暖暖地的心太軟夠香甜，生果新鮮，加上綠茶雪糕，色、香、味俱全！呢度甜品夠晒多選擇，價錢又合理，泊車又方面，真係好啱一班朋友嚟呢度聚腳。呢度營業時間到凌晨一時，下次一於約埋班friend一邊喺户外嘆甜品，一邊數星星。

近排聽過好多次天水圍西鐵站附近有間甜品店非常出色，名字叫“一糖”,位於天水圍西鐵站步行大約五分鐘左右。如果選擇揸車都有一個好大嘅停車場免費提供，非常方便。店內除左有約二十多個位之外，出面都可以容納到三至四十人，地方非常闊落。焦糖布甸牛奶冰:好重牛奶味，甜度適中，倒埋焦糖汁一起食，軟綿綿的感覺。焦糖布甸 整得非常之滑,吾會好硬，香濃的焦糖，絕配。鮮芒果河粉：用椰子肉整出嚟河粉， 冇諗過會咁滑， 啖啖有椰子嘅香味，再配上新鮮嘅芒果，好少地方食到一個咁好味嘅。店內其實仲有好多選擇，下次如果叫埋一班朋友更加好，因為分量都比較大，同埋可以食一啲唔同嘅嘢。