一生懸麵 (荃灣千色匯I) (已結業)

太耐沒有去日本，突然又想吃拉麵，上網發現附近這家新開張的一生懸麵，就來試試水準。餐廳位於荃灣千色匯的三樓，環境比一般拉麵店寬敞得多，有吧枱及卡位，坐得比較舒服。餐廳有多種沾麵和拉麵，亦有不同的小食。特濃豚骨沾麵先點一客招牌的豚骨沾麵，吃沾麵習慣先品嘗麵條本身的味道及口感，口感筋道醇厚，頗有嚼勁，富小麥香味，而後味甘甜。接下來把麵條放入豚骨湯底中，把上面的魚介混入湯底，入口醇厚香濃，實屬上品！另外一提，半熟味玉蛋黃相當濃郁。野菜山拉麵另一客點了野菜山拉麵，有大量的野菜，風味與豚骨沾麵截然不同，滿滿的野菜充滿了清爽的口感，加上極大量的新鮮蒜泥濃郁香醇的滋味，而炙燒過的日式叉燒，肥瘦比例適中，帶有濃郁的炭烤焦香，各種材料之間平衡恰當，不會彼此掩蓋味道，反而能調和到一起。唐揚炸雞日式炸雞比坊間的更大件，外層焦香酥脆而內裡嫩滑，雞肉肉質軟嫩不乾澀，配以日式蛋黃醬，令人吃完一口又一口，十分惹味。章魚燒章魚燒即叫即製，上枱熱辣辣，又做到日本地道的外脆內軟，份量十足有五粒，配上日式醬汁十分滋味。

自從有次在社交媒體看到有網友介紹「一生懸麵」，就一直想試。最近得知它在荃灣開了分店，既然地理位置如此方便，這天下班後便和朋友過來食返碗拉麵。拉麵店在千色匯的3樓，同層還有兩間日式餐廳，競爭都頗大。當天抵達時間尚早，所以拍這張照片的時候，食客不多。後來吃到尾聲之際，才發現餐廳已人頭湧湧 。湯底舖滿了海量的櫻花蝦，湯的質感較稠身，入口有豚骨香之餘，還會有陣陣蝦的鮮味，似是混合了肉和海鮮去熬煮。麵條甚為掛湯，湯底很快就被麵條索去了一半。拉麵附有叉燒、荀片、野菜等，其中叉燒可是驚喜之作，肥瘦度適中，而且經炙燒處理，咀嚼間帶著豚肉油脂香。這邊的麵條可選硬度，2碗都選了“較硬”。個人喜歡吃沾麵的時候，用的是粗麵條；可惜餐廳未有提供粗幼度選擇，統一全部用標準的麵條。辛辣湯汁開始食用前需先和好湯粉，湯質感同樣是稠身，裡面附有叉燒粒、大葱等食材。夾起麵條，掛上沾麵汁，入口有著湯頭的濃郁鹹香味，再滲出一股辛辣感，惹味又過癮。炸雞有4大件，炸至外脆內嫩，咬開外皮看到溢出的肉汁。個人覺得配上檸檬汁後，味道更有層次，檸檬的酸味不但中和了炸雞油膩感，還多一份fresh感覺。甫上枱已聞到香味，圓滾滾的每顆配上沙律醬

揾食在荃灣，選擇確實多，今晚我想食湯拉麵，朋友想食沾麵，估不到在這兒，一間麵店，可同時滿足兩人需求!店面非常新淨，原來開業不久我的海老拉麵一上桌，滿滿的鮮橙紅色，我這以為店員落錯單，我不是點了地獄拉麵；再望真一下，原來那些是一隻一隻細小的櫻花蝦。。。拉麵湯頭非常濃郁，豬骨香加上蝦味甜，竟出奇地搭配，幼麵質感爽滑有彈性，厚切叉燒夠入味，加上入口即化的少許肥肉真是絕配呀，湯連麵都食得清光，之后都不覺得口喝，證明是真材實料豬骨湯底。沾麵的汁也是舗滿櫻花蝦。。。絕對鮮味甜味集於一碗湯汁內。沾麵用上較粗身的麵條，可掛上更多醬汁，令每食一口麵都滿口鮮甜香，佩服店家的細心鱆魚小丸子夠香口、夠地道，粒粒都有鮮甜鱆魚肉在其中。。。香軟而煙靱，Q彈有咬口，一試難忘小食唐揚炸雞也做得好，脆漿薄得很，調味也足，火喉控制也適當，沒有浪費鮮嫩香滑多汁的雞肉值得一試再試的炸雞

一直都想食沾麵 今晚有時間又知道一生懸麵在荃灣城市中心開店便提議友人一齊食餐廳在商場的三樓 需要搭電梯上去轉彎就見到疫情關係同埋早食 餐廳都係有位的 餐牌即係點餐紙 每個麵用一張方便店員睇可以選擇沾麵或湯麵 湯底 麵條軟硬度 加小食配菜飲品等朋友想食拉麵就叫左最大路既豚骨拉麵我就緊係試沾麵 仲要叫最貴嘅海老（蝦仔）沾麵見到滿滿的蝦在湯汁上 視覺滿足了撈啲麵過去 麵條我選正常 吸湯能力也不錯我試左一啖湯 係咸鮮味 比拉麵湯濃稠啲用湯匙啖啖蝦仔夾麵一齊食 比食拉麵更享受啊！食左一半仲有甘多蝦 對得起83呢個價食完麵仲可以叫店員加白湯 令個湯底味變返正常濃度 鍾意飲湯既就可以飲埋佢我哋仲叫左兩款小食 雞塊和章魚小丸子味道正常！

終於唔駛去旺角排隊喇 以前每次都要排起碼半個鐘 荃灣店比旺角大同坐得舒服1. 海老拉麵（$83） （8.5/10）湯表面佈滿左櫻花蝦 食麵嘅時候仲會掛起埋蝦麵質剛好 同係我鍾意嘅幼麵 豚肉就普通 有d肥但冇咩特式 湯好濃郁 係我係一生懸麵最愛2. 辛辣沾麵（$78+$15) (8.5/10）加左$15加麵 其實本身已好多但我地大食😂唔算好掛湯 但辛辣味重 所以都唔會覺得冇味荃灣店特點係有自助翻熱電磁爐 係沾麵最佳拍擋 食沾麵最怕湯凍左 有電子爐真係好正😭大大加分味道：服務環境性價比：回頭率

呢間旺角一路排長龍既人氣拉麵店終於開到嚟荃灣🤣嚟到梗係要試佢招牌沾麵，我揀左海老沾麵🍜相比起拉麵個湯會濃味少少，配菜有糖心蛋、荀，第一口先試下唔加湯，淨係加少少青檸汁開下胃🍋櫻花蝦既分量簡直係海量😂完全唔使慳住食，每一啖至少食左十幾隻蝦🦐小食叫左唐揚雞，炸雞一上枱就好香，冇諗過每件份量好大，咬落好熱要小心🤯🤣燒餃子食拉麵基本上我都一定跟個煎餃做小食🥟淨係望外表已經好靚，煎得好脆好香，一咬落入面係好實，完全滿晒既餡料，出面食日式餃子多數入面都只有一半餡料一半空氣，估唔到呢一個咁足料海老拉麵🍜呢個比起沾麵既湯相對清少少，少咗鹽味但係反而櫻花蝦味更出，配埋彈牙既拉麵，麵同汁好快就已經食晒，成個拉麵連湯飲晒😋

琴晚放工同朋友專登嚟咗呢間餐廳食，由以前旺角開始第一間店到而家連荃灣已經有埋分店，所以方便左對我黎講。這間餐廳枱櫈不會太過窄，方便食用。枱上側邊有埋紙巾提供👍沾麵價錢已經算不貴，我食嘅是特濃豬骨沾麵，麵質要柔。我朋友叫的是辛辣沾麵。2個同樣有驚喜沾麵湯底不會太鹹，湯底濃而很美味。當麵沾上湯底，都會吃到麵同湯底很強混合味道，不會覺得淡。而我朋友個辛辣沾麵，不會太辣，辣得來不會太霸道。所以我朋友都覺得好食。重點麵質非常彈牙小食我哋叫咗雞軟骨棒同埋章魚燒，雞軟骨棒美味，佢既沙律醬和蔥都帶出了，香既味道，吃下的時候，也有爽口的感覺。🤩至於章魚燒他的皮不會太厚，同埋他它的章魚燒醬，都係好配合。不會太甜。整體來講餐廳算乾淨，味道也不錯，坐得不會太過迫。

之前係旺角分店食過，今次荃灣一開，就又去試吓😃 濃厚豚骨沾麵 $78最基本款, 麵底係正常 size , 男士 / 肚餓人士我諗要加麵底先夠 😂 湯底一樣好香，荃灣分店最驚喜係希有得整熱掛湯😍😍 實在超讚，同令人感動☺️☺️ 熱辣辣嘅湯真係滿滿日本🇯🇵嘅感覺.... （自我陶醉中☺️）麵條有分硬、柔同標準，我揀嘅係標準，有韌度，唔錯👍🏻燒餃子 $28 - 5 隻即叫即整👍🏻 餡料適中，還可加飯$15又係荃灣分店獨有嘅新嘢👏🏻👏🏻 侍應會幫你整嘅，份量都有一個飯碗量，倒落食完沾麵嘅掛湯裡面撈埋👍🏻 真係超好味呀！仲有拉絲芝士更加惹味❤️ 大愛呀，我覺得可以叫一個人，一枱朋友一齊試吓，又唔會太飽 綠茶可樂 $20

今晚同爸爸黎食拉麵呢間拉麵都係新進駐荃灣，我見其他區都有分店，行過餐廳門面見到餐廳見到價錢合理，而且仲有香香噴噴既味，所以同爸爸去一試了。食物款式唔算好多，都係比較集中，主要是食拉麵或沾麵，再配上不同小食。但一定會搵到岩自己口味既食物。而我同爸爸一人點了一個拉麵，一個沾麵。先說說海老拉麵，有超多細細蝦係拉麵鋪上，好滿好多好豐富，看到已經令人好想食。而且入面仲好多料，好豐富。有兩片又大又長既豚肉，真係好夠份量，而且豚肉好好味，一咬好腍，而且肉類入口即融，好正。大滿足，因為肉都幾夠份量，所以呢好飽的。除外，麵量都不少，拉麵既麵條會較為幼身少少，吃起來會掛上湯汁，好好吃，仲有好多蝦會沾住，好好味。呢個湯底都好濃好甜，有滿滿既豚肉味外，仲有鮮甜清新既蝦味，唔錯唔錯。另外一款魚介濃湯沾麵，都的不錯。清楚看到麵條份量不少，都是配了兩片又肉厚又正既豚肉、溏心蛋。沾麵的麵條會較為粗身，有咬口，方便沾上湯汁。好正湯底好惹味，濃濃既豚肉味，好濃烈，有點張住咀的感覺，膠質都重。正呀，我好鍾意食沾麵，因為湯底會較濃，把麵條沾一沾再吃，口感味道都大滿足小食方面點了好好吃既唐揚雞其實炸雞好難唔好食，外皮又香脆，又

在荃灣接太太下班後，想一起去食沾麵，但又懶得走太遠，最後在網上找到這家日式麵店設於荃灣的新分店位置：在荃灣千色匯一期的三樓，旁邊就是通往大廈高層的電梯，不算難找。由港鐵荃灣站走路過去商場約十分鐘，旁邊就是有多條小巴線的德華公園，地點相當方便環境：餐廳位於商場較寧靜位置，本身環境已很舒適。餐廳裝修一如日本料理的簡約，較特別是有一幅特色磚牆，其他都是以木傢俬為主，整體很和諧溫暖服務：每枱枱面設有清毒潔手液供客人使用，同時亦有一壺保溫凍開水，因本人喜歡食辣，這壺冰水實在是解辣的恩物，絕對加分不少每枱同時設有電爐供自行加熱沾麵湯，少見的貼心另外，店員很有禮貌，當我們想使用電爐時，更主動提問是否需要幫忙食物：濃厚豚骨沾麵（$78）豬骨湯配合香蔥及湯面的味粉，太太說非常濃郁，用來沾麵非常美味，意想不到的是湯內竟有數塊豬肉沾麵可選較硬、標準及較柔三種硬度，而我們都選了標準，麵質幼滑彈牙，由於沾麵湯濃，很易吸味。配菜有半隻流心蛋、幾片味道剛好的筍片及兩大片日式叉燒，叉燒肥瘦適中，煮得軟滑入口即溶辛辣沾麵（$78）我選了辛辣口味，麵及配料和濃厚豚骨沾麵無異，所以不重覆介紹而辛辣湯底比想像中還辣，味道刺激

食過幾次喺旺角嘅「一生懸麵」，經常要排隊；呢日下午喺呢個商場，見到原來新開咗分店，唔使等位，咁冇乜考慮之下就入咗去開餐😆叫咗$73嘅「野菜山拉麵」，再加$15嘅「叉燒」做toppings，因為我好鍾意食日式叉燒😆，拉麵我要求「超硬」，另加一個$32嘅小食「唐揚炸雞」😋拉麵夠晒硬身，啱我口胃，師傅淥麵嘅時間控制得唔錯😋；野菜係芽菜加椰菜，真係好似一座小山咁😆，幾鮮甜😋；叉燒表面燒到微焦，香口又美味😋；仲有切成極小粒嘅生蒜頭，令整體味道更加濃郁😋。「唐揚炸雞」外邊脆脆哋裏邊雞肉幾嫩滑😋。仲有，呢度比旺角店更大更闊落，坐得幾舒服😌

今日終於嚟咗千色匯一生懸麵食哥哥一直都好想食嘅櫻花蝦拉麵🍜之前行商場嘅時候經過見到哥哥已經話好想試吓😍因為見到有好多隻蝦仔🦐所以哥哥就揀咗熱食既海老沾麵🦐麵就揀左標準硬度走青✅黎到時候有兩個碗💗一個碗裝拉麵同埋配菜！另外一個碗用黎沾麵既櫻花蝦湯🦐湯底真材實料，有海量櫻花蝦，勁香濃！食落鮮味十足😍叉燒香烤過好惹味😍，仲有恰到好處嘅半熟蛋😘小食加左章魚燒🐙，每一粒裏面都材料十足，有彈牙章魚粒粒，配埋木魚絲同醬汁，一啖一粒非常有咬口😁我就揀咗個最基本白湯豚骨拉麵🍜淨係個賣相已經好吸引！勁大片紫菜仲有兩大片叉燒同埋一大堆木耳絲加半熟蛋💗首先第一啖就梗係飲湯啦！入口非常香濃嘅豚骨味拉麵夠煙韌感！小食我就加咗雞軟骨棒！用雞軟骨同肉碎做出嚟一串肉棒😍食落好有咬口😋

今天晚餐想食拉麵，行經千色匯發現之前舊鋪位x 府，原來已經轉左一間拉麵店，呢間一生懸麵係荃灣開左分店，之前已經想去試，點知今日俾我無意中遇上，太好了。今日到達時間太約晚上6:15左右，唔駛等位，我選擇了沾麵...辛辣味道，原來沾麵係分開湯同麵，一碗沾麵可以加配菜...半熟旦..紫菜...椰菜...木耳...等等，沾麵可揀軟身，硬身，又可揀走青...可以任由自己選擇。點知辛辣沾麵來到我面前，咦竟然有咁多椰菜呢....明明我係剔左加紫菜，跟著我問店員是否我剔錯左，睇返張點菜單，原來我剔錯隔離😅，咁唯有照食啦！點知店員轉頭攞左碗紫菜俾我，話老闆照送俾我地食...開心哂（仲有4塊咁多😱）講返碗麵，真係好味...湯夠熱，味道濃，麵份量夠，叉燒夠淋，如果多一塊叉燒就完美了（本身碗麵有半隻旦，2塊叉燒）可自行再加叉燒，因為未食過，所以唔知份量，下次再去要加...加...加最後再講下收費，平時食開既拉麵店，2碗拉麵+餃子+飲品，都要3xx埋單，今日2碗麵+餃子+1支綠茶可樂，埋單只係$204，抵食啊⋯⋯大家去支持一下啦💛💛💪🏻

一生懸麵是我前幾年經常光顧的拉麵店，當然近期疫情嚴重就少去了。牛頭角原店細細間又有佬味，適合一條友去食，旺角分店方便又易揾，味道我覺得原本麵款穩陣又飽肚，期間限定麵款就水準較為飄忽，有時歡喜有時成為白老鼠。 疫情嚴重不少拉麵店倒閉，一生懸麵卻可以堅持不特止，還逆市開分店，荃灣店比以往兩間店舖還大，約有四十多個座位，舖位雖然在人流極旺的千色匯內，但是卻位於三樓，幾重電梯才能找到，不太易揾，肥佬如我肚餓行到中途已無力了。 鋪位雖然是大了，但是桌子我認為太少了，我叫了一款沾麵及兩款小食，已經沒有空餘的位置，更何況兩個人叫兩款沾麵及兩款小食，我真是不敢想像。另外荃灣店亦沒有地方讓客人的手袋或背囊放置，只能放在地上或放在兩腿間。 荃灣店的點菜紙和其他姊妹店沒有分别，一張紙亦沒有圖片，限定麵款又是無出現在點菜紙上，如果有推出限定麵款，要直接開口和店員講我要限定。在點菜紙上最特別是有兩款拉麵改了名字，名古屋二郎系拉麵沒有了，改名叫野菜山拉麵；濃香櫻蝦拉麵/沾麵改了叫海老拉麵/沾麵。 荃灣店雖然新開，但是菜單和其他店的一樣，沒有新店限定麵款，價錢是加了點價，而荃灣店最大特點是每張枱

在千色店購物完再沿天橋通往千色滙，這個購物，飲食集中的商埸人流暢旺，是個消閒好去處。 與男友於三樓覓食，這裡除了馬來西亞美食還有日式壽司店，最近還開了一間日式麵店"一生懸麵"。 這家麵店之前在別區見過，今天遇上很有興趣一試…… 內進麵店地方寬敞~主打拉麵和沾麵，小食，啤酒汽水……等。枱上點麵單非常清晰，拉麵沾麵各四款，可自由選麵的軟硬度，不要蒜和不要筍等等。 還可另加錢選擇配菜，落單非常方便！經常吃拉麵今次嚐嚐沾麵！豚骨沾麵 $ 78湯汁濃厚得來不覺咸，麵條爽彈口感，湯汁掛在麵上有豚肉的鮮香！最基本有的配料;流心蛋，蔬菜，豚肉，麵的份量也很足夠……海老沾麵 $ 83這個佈滿櫻花蝦的濃湯熱辣燙口，濃郁而帶着鮮味！麵條沾上湯汁掛滿小蝦入口爆發鮮味，又爽又脆口感真一流！小食~燒餃子 $ 28外皮香脆，味道不錯！章魚燒 $ 28丸子鬆軟醬汁惹味！很滋味的沾麵，今次體驗了日式麵食除了拉麵出名，原來沾麵也不遑多讓的！