一生懸麵

營業中

休息中

一間位於旺角的拉麵店，每次都會見到人龍係店外，但呢間小店拉麵館絕對值得你排隊_____________ 牡蠣沾麵 HKD128不得不說呢個蠔拉麵味道非常濃郁！值得一試，蠔味比想像中更濃，沾麵醬汁濃厚，溫度剛好，配上拉麵真係非常滿足，淡淡都是海鮮嘅味道！仲有三隻蠔，份量十足！海老拉麵 HKD88海老拉麵同樣出色，湯底清甜，蝦味香，麵上有櫻花蝦，仲有溫泉蛋。同樣係海鮮湯底，飲完湯唔會好想飲水，欣賞！_____________ 評價： 誠意之作開心拉麵之選值得排隊推介指數：❤️❤️❤️❤️❤️ （五個心心為滿分）

雖然要排隊但其實入座好快等一等就ok了qr code 落單拉麵份量足而且重味個人覺得細食一碗麵都夠大食少少就建議加個小食係會encore既拉麵店沾麵好香濃夠油脂沾麵份量都唔細，飽肚

同朋友去旺角做d嘢，見到呢間拉麵店大排長龍，之前都食過一次，今次要再食下唔同口味。辛辣拉麵呢個湯底夠哂辛辣，好濃厚既湯底，叉燒好香，厚身，多瘦少肥膏，瘦得黎唔乾身。海老沾麵呢個之前未食過，所以叫黎食下，個汁好多好多櫻花蝦鋪上汁面，汁好濃蝦味，有啲似合味道海鮮杯麵味，哈哈，但好好食😋拉麵掛起d汁好惹味！如果想飲湯，可以叫店員俾碗清湯加沾麵汁飲。章魚燒章魚$29有5粒都算係抵食，熱食先有外脆內軟的口感，粉漿感重唐揚雞4件大大件炸雞，好滑身，炸皮好脆！推薦

呢間係香港好有人氣嘅拉麵今日經過見到冇咩人排隊就入咗去❤️門面都幾有氣派🏮🎎似足日本嘅拉麵店坐得都幾舒服💛魚介豚骨沾麵💲8️⃣2️⃣面既軟硬度有得揀🫶🏻非常貼心沾麵湯底有豬腩肉、蔥、洋蔥等等嘅配料有淡淡嘅魚骨味 唔會太鹹💕兩塊燒肉灴得好香🍖💛辛辣拉麵💲8️⃣2️⃣配菜一樣，有半隻糖心蛋、筍、兩塊燒肉同沾麵有少少唔同，拉麵有青菜🥗面都係一樣粗身嘅面～湯底唔會話太辣 係傳統嘅辣味拉麵不得不說佢哋隻糖心蛋做得幾出色🍳💛雞軟骨棒💲2️⃣9️⃣💛唐揚炸雞💲3️⃣5️⃣雞軟骨棒入面係其實一條雞肉串燒 🍗混合左啲雞軟骨🦴唐揚炸雞都幾香口🔥

真係唔覺得好食 外賣自取 以為住附近 唔需要排隊就有得食啦 點知返到屋企發現俾少咗餸 個餸係加錢的 打電話問佢哋話下次補返俾我 講真如果好食 我下次會追究返個餸😂但一食就知唔會有下次囉😕唔明啲人點解話好食囉🤔

🔺魚介豚骨沾麵$82❅ 識食一定是選擇凍麵條，一來可以保持煙韌度，二來冷熱的口感吃起來更過癮❅麵條的麥味重，可以看得見麵條中的麥粒，而且口感非常煙韌彈牙❅魚介湯不會超級濃/鹹，清湯底所以整個喝起來很舒服，也不會很口渴，是吃過比較喜歡的魚介湯底❅上面的厚切炙燒叉燒也是重頭戲之一，有2大片厚度大概1cm左右，肥瘦的層次很分明，瘦肉比例較多卻完全不會鞋，吃一口的時後肥膏層滲透一些油分到瘦肉那邊，吃起來還是入口即化的感覺，肉味也濃相對來說溏心蛋會比較淡味，沒有用醬油而是以鹽味簡單調味🔺海老拉麵$88❅ 先喝一口海老湯，蝦味非常濃郁，加上大量櫻花蝦乾整個海洋的感覺馬上出來，湯底濃郁程度跟沾麵有得比🤩❅拉麵款用幼麵入饌，跟沾麵的粗麵口感完全不同❅幼麵相對來說麥味沒有那麼濃，不過還是吃到淡淡的麥香❅口感也是煙韌的，掛湯力高，而且份量很多非常夠吃🔺雞軟骨棒$29❅ 雞軟骨棒吃得到脆脆的雞軟骨同時跟雞肉混合得很好，味道鮮美，並且以照燒汁提味❅略嫌照燒汁有點甜，不過跟mayo混在一起就很清新🔺煎餃子$29❅ 簡單的煎餃子帶點油香，跟麵很配，煎得香脆

今日難得有朋友陪我去食晚飯，早前見到旺角有一間好多人排隊嘅拉麵店，就拉埋佢去試下。舖頭雖少但非常光猛及乾淨。特濃豚骨沾麵 $85沾麵粗身夠蛋味，好彈牙，有筍、溫泉蛋及兩塊超厚切特濃豚肉。 豚肉脂肪較多，食落好Juice。章魚燒 $29一碟5粒，粉漿非常香脆，每一粒章魚丸有一粒八爪魚，好足料。蜂蜜綠茶 $15好有蜂蜜味嘅綠茶，值得推介。綠茶夠清新，茶香濃郁。桂花烏龍冷泡茶 $18烏龍冷泡茶好夠茶香味，再加埋桂花嘅花香味好正好清新幫助去除食完豚肉超油膩嘅感覺。海老拉麵 $88點了招牌海老拉麵，用蝦殼煲成嘅湯底，每一啖都充滿蝦肉味。唔會過胜，蝦肉令整個湯非常解味而帶點清甜味。 裡面滿滿嘅香蔥蒲在麵上，好吸引，拉麵麵質食落口感煙銀，豚肉新鮮，吃完後好幸福。燒餃子 $29一碟有五件餃子。新鮮煎出來，餃子皮煎到金黃色，食落脆而軟，口感超好。排盤非常漂亮，好似花一樣。 豬肉餡好新鮮，豬肉超彈牙，食落有肉汁濺出。

一生懸麵旺角通菜街73號地下經開旺角老友想食拉麵，帶咗我去女人街，估唔到而家啲沾麵同拉麵高質咗咁多。😸濃厚豚骨沾麵炙燒豚肉，口感煙韌，脂肪比例好，陣陣焦香味，好正，溏心蛋處理得很好，蛋味濃沃，蛋白香滑，流心出色。沾麵爽口彈牙，沒有鹼水味。豚骨濃湯真材實料，沒有味精，加了香蔥和豬肉粒增加層次，炙燒豚肉+沾麵和豚骨濃湯十分夾，推薦！🤤海老拉麵濃厚的湯底加了大量的櫻花蝦，香氣四溢，配料有炙燒豚肉、糖心蛋、香蔥和筍片。我把湯底喝光了。拉麵煙韌彈牙，食到雪雪聲。😹雞軟骨棒大廚處理得很好，外層鬆軟，雞軟骨夠煙韌，面層加了香蔥、沙律醬、白芝麻和日式醬汁，好開胃。🤗章魚燒即叫即製，要趁熱食，外脆內軟，面層加了紫菜，木魚，沙律醬和日式醬汁，好味道。😻一生懸麵，食物高質，真材實料，沒有味精，服務好，還會再來。😎🤘🏻

呢間每次經過都好多人排隊，無論咩時間都有人龍，自己之前都睇過佢哋個餐牌，對佢哋啲海路拉麵好有興趣，所以今日特登約啲唔介意為咗美食而排隊嘅朋友來試下！我哋兩個人，一人叫咗一個麵餐，麵餐包括一個麵，一個小食同埋一杯嘢飲。本人叫左凍海老沾麵 $88 同唐揚炸雞 $35 再加綠茶可樂 $20。沾麵有時會好油，但呢到冇呢個感覺，好快就食完，麵身口感都好好！朋友叫左海老拉麵 $88 ，煎餃子 $29同SAGE有氣茶 蘋果桂花 $20。我試左一口呢個飲品，第一次飲呢個味道，覺得幾特別，有蘋果桂花香，我最鐘意嘅味道，好情新，又有氣，飲得好爽！

旺角女人街左右兩旁都是食肆，常常都會走到這街上「搵食」😋今天難得早收工，便光顧這家入夜後常常大排長龍的麵店👍🏻本來想吃拉麵的，但見到他們的招牌沾麵又忍不住想試。之前一直吃魚介豚骨口味的，今次試試海老沾麵🦐海老沾麵的沾麵汁上方佈滿櫻花蝦，但蝦味的來源不單靠櫻花蝦，沾麵汁本來亦有濃郁的蝦湯香味，調味亦不會過鹹，偷偷當湯喝了幾口也沒問題呢🤭朋友點了我之前愛吃的魚介豚骨沾麵，沾麵汁與海老口味完全不同，感覺有點像味噌的味道。兩碗沾麵的麵條有一定粗度，掛汁又有咬口，上面的叉燒肥瘦均勻，入口不會有騷味。糖心蛋是呈完美的半熟狀態又入味，整碗沾麵都沒甚麼可挑剔呢🫶🏻

告訴大家一家旺角超人氣的拉麵店，真的搞不懂，這裡經常排長龍，每次都要排好久，這次自己一人經過，見人數不算太多，趕緊排隊近來吃吃看，到底拉麵賣了什麼葫蘆藥。這裡的服務員真的超級忙碌，卻也耐心回答點餐，我就點了小食，一份拉麵和飲料。小食：雞軟骨棒（好好吃的雞軟骨棒，每一口都是脆脆的雞軟骨，必食小食啊）主食：海老拉麵🍜（麵選擇了標準硬度，原來海老拉麵是有超級多的櫻花蝦，筍子，半顆流心蛋，還有半肥瘦烤的叉燒，湯底超濃郁又香，而且特別正宗拉麵，難怪這麼多人來吃喔）蜜桃紅茶有氣茶（好特別的汽水，濃濃的蜜桃紅茶味，充滿香港風情的包裝，香港製造，夠地道）吃完飽飽超級滿足，拉麵控不要錯過喔。

終於試到這間人氣拉麵店！網上有眾多好評及推介，餐廳好受歡迎，6點已經全店滿座，需要排隊等候餐廳空間細 裝潢簡約，氣氛熱鬧，環境乾淨企理，適合二人或朋友約會🤗 食物方面有5款沾麵、4款拉麵、4款小食及飲品 (可選麵條硬度)，質素高，價格偏低，性價比高🥰晚市二人消費：$261 𝑹𝒂𝒎𝒆𝒏🍜海老拉麵 ($88)✨鋪滿大量櫻花蝦😍 蝦味好香濃🔥 配上兩片厚身叉燒，經炙燒後 明顯見到烤印，半肥瘦，肉質相當軟腍👍🏻 溏心蛋口感味道一流湯底偏濃稠，拉麵幼身，麵質軟硬適中 口感煙韌彈牙😋👍🏻🍜魚介豚骨沾麵 ($82)✨味道非常香濃，鹹香惹味🤤 配上兩片厚身叉燒，經炙燒後 明顯見到烤印，半肥瘦，肉質相當軟腍👍🏻 溏心蛋口感味道一流湯底非常濃稠，拉麵粗身 好掛湯，麵質軟硬適中 口感煙韌彈牙😋👍🏻𝑺𝒏𝒂𝒄𝒌燒餃子 ($29/5件)✨餃子煎得好香，外爽內軟👍🏻章魚燒 ($29/5粒)✨熱辣辣，口感味道很不錯👍🏻𝑫𝒓𝒊𝒏𝒌白桃烏龍冷泡茶 ($18)✨蜂蜜綠茶 ($15)✨

開業開咗好耐，聽人講話好出名，但一直都未食過，今次去到竟然唔使排隊，而且呢個拉麵都幾濃郁，好味到少少回味！我最鍾意就係佢嗰個櫻花蝦，同埋佢個流心蛋！整得幾出色！

今日想同大家分享一個我個人非常喜愛嘅日本料理 - 海老沾麵！喺香港出現咗三間！今日出去旺角哩間食呀！海老沾麵是一種非常簡單但美味的麵食，主要材料包括拉麵、海鮮湯底、炸蝦和蔥花。首先，我們需要煮好拉麵，然後將其放置在碗中。接下來，將炸蝦放在拉麵上面，再倒入熱騰騰的海鮮湯底有大粒叉燒粒。最後，撒上一些櫻花蝦，就大功告成了！這道海老沾麵口感非常鮮美，湯底濃郁，有海鮮的鮮味，而蝦的口感也非常好吃。此外，這道麵食還吸引非常多人嚟食，即使沒有經驗的人也能輕鬆地進食沾麵。如果你也喜愛日本料理，不妨試試看這道海老沾麵，相信你也會愛上它的美味！

出開旺角整完嘢，周圍睇吓有冇咩食，行完成條女人街見到呢間舖頭，一生懸麵，嗯，個名似曾相悉，應該係上網見過，咁都留有印象應該好多人講過。知道係食沾麵，我未試過，見唔使等位就不如入去試吓啦。叫咗個辛辣麵，啲湯可以揀凍或熱，凍湯唔好喇啩，梗係熱啦。啲麵條比平時啲拉麵粗，又冇烏冬咁粗，其實更似上海拉麵。呢樣好奇怪，既然係沾麵，即係用麵條浸湯，希望啲湯會黐住啲麵一齊放入口，咁梗係越幼越掛得湯多啦，點會整咁粗㗎？我估計係貪方便，啲麵一早淥定攤凍一碗碗擺喺度，攤耐咗啲麵條會黐埋一餅，越幼越黐，佢俾粗麵唔係為咗口感味道，只係為咗慳時間降低成本。諗到呢度就冇乜癮，為咗驗證我嘅諗法，專登上Wikipedia 睇吓人哋啲沾麵係點。果然，冇一幅相係粗麵，有啲甚至比拉麵更幼。咁樣唔得囉，又唔係茶記，收人成舊水淥一碗爛鬼麵都咁懶，認真啲唔得嘅？雖然食落唔算難食，但啲汁就滴到一枱都係，好難搞。叉燒都嫩滑，湯都夠濃夠味。但如果俾我揀，我寧願食湯拉麵。其實反正都係浸湯食，真係唔明點解要分開上，又唔係外賣驚浸淋啲麵。咁樣做除咗拉長咗個進食時間，又唔見得比湯麵好食咗，搵嚟搞。沾麵呢種食法都係呢幾年忽然間興起，綽頭嘢多。網上