一生懸麵

營業中

休息中

細細個已經係牛頭角四圍蒲...安基苑、淘大、德福 ... 但就係過門而不入得寶商場！！近日老友話得寶商場TBG Mall開左間拉麵店，近近地不如去試下。當日相約去拉麵店等 ，入左商場經過惠康，再入Foodcourt，左望右望就係見唔到拉麵店，原來間舖正正係海景粥店後面(係大街入口一入就見到)。間舖細細間一眼睇曬，一排吧枱再加4張大2人枱。當日雖然係下午茶時間，都有兩枱人分別係吧枱同2人枱。一坐低即時望下有咩食😎 四款拉麵＋四款沾麵＋兩款小食，簡簡單單唔多選擇，特別在舖頭細細竟然有沾麵。老友話香港唔係好多地方有沾麵食，一定要試下。我就冇咩興趣，因為話說有一次係銅鑼灣登龍街一店食過，味道太濃唔係我口味😕。我有個習慣，每次去試拉麵一定叫豬骨＋煎餃子😋 豬骨拉麵 湯底清清地唔油腻，兩片叉燒肥瘦適中，再加半隻半熟蛋 ，正👍🏻 如果隻蛋生d，再加送紫菜會仲吸引。thx 煎餃子 一碟$25蚊五隻，價錢超抵👏🏻👏🏻👏🏻d餃子望落好乾身唔油，好脆口，super like 😊至於老友試食左沾麵，侍應話麵底可以選擇熱身或凍身，但建議客人試凍身。老友試左話個湯好熱辣辣，湯底唔'杰'唔太濃，好好味。下次一定

平時食沾麵都係去銅鑼灣，屋企附近終於有間似樣既日式沾麵食啦。之前去得寶食譚仔無意間發現呢間隱世拉麵店。一直都好想試，趁今日下午茶時間人唔多可以去食個下午茶沾麵奢侈的享受其實除左沾麵佢仲有熱辣辣既拉麵簡，真係好想試哂佢今次選擇左試佢既魚介豚肉沾麵，個湯熱到辣咀，正好香同濃郁既魚介湯底，加上少少甜白葱我連湯底都飲哂！我簡左凍既麵條，麵條相對爽身，放入熱辣辣既濃湯，相當掛湯本身麵已經附送半隻半熟蛋，好味！豚肉有輕輕火炙過，好香口，肥瘦適中！店員仲提我加少少青檸，原來加左小小清新既酸檸好好味見到師傅一人包辦廚房都好辛苦，一間拉麵小店有如此既道地日式風味，令人一試難忘，支持支持！

今日同閨密們短聚,去了我們的老地方九龍灣，試試得寶新開既拉麵舖，一睇menu, 櫻花蝦my favourite!!!!!! 已經睇唔到其他拉麵，另加$25 要左5隻餃子。食後評價：- 賣相不錯- 麵質不錯- 湯底好rich夠濃- 最欣賞係個幾塊叉燒，出面個d多數都「孩」- 夠多櫻花蝦，呢下最like 我係一隻不留地食晒- 餃子就中規中舉，朋友叫左個雞軟骨棒我痴黎試，好好味噢服務方面：- 時間方面正正常常，不用等太耐；- 乾淨企理；- 侍應服務都不錯- 如果可以有生蒜自己夾蒜蓉件事更加perfect整體評分不錯，下次想食拉麵或係老地方搵食會再黎！

最近得寶新開左間拉麵店上星期都有經過，因為見到有人排緊隊所以冇入去試，但今日終於忍唔住，排一陣隊都要去試，結果冇令我失望！先講下舖面，果度好有日本風格，有啲似屋台嘅感覺，我叫左個白湯豚骨拉麵，面底軟硬適中，湯底亦好濃好香，真心好食！另外我叫左一客餃子，都唔錯，但都係個拉麵好食啲。當我差不多食完時，見到隔離台叫左個雞軟骨棒，望落好似好好食，所以我已經諗定下次黎試咩：1，沾麵，2，雞軟骨棒最後只能夠說，真係估唔到牛下都有咁正宗嘅日式拉麵店。

呢個舖位對面本身有一間日式放題同一間食烏冬嘅舖，不過兩間舖都相繼結業至於呢個位前身就係賣運動用品嘅，估唔到咁細個位都可以開一間拉麵舖，仲要有我未食過嘅沾麵根據商場 FB 嘅介紹，呢間係新開試業嘅，返正係新舖頭就入去試下啦如果 Google「一生懸麵」呢四隻字，結果好多都係講緊台南嘅一間同名拉麵店，未知兩者有冇關係二人同行，被安排坐普通枱，枱面已經放定點餐紙，另外都有紙巾、餐具、杯同埋檸檬水比客人用，不過水入面係冇落冰，而且水溫係偏向室溫，個人覺得有冰水會好啲今次我就食特濃豚骨沾麵，麵有得揀軟硬度，而我就揀標準嘅，落單果陣職員問我地要熱麵定冷麵，我自己就揀冷麵另外我地都叫左份煎餃子黎食稍為等左一陣，首先黎嘅係煎餃子（$25/5隻）個餃子皮煎得幾靚，有小小脆脆地嘅感覺，唔會成隻餃子散晒，賣相唔差同埋食落口感覺到有小小汁，唔會話太乾食唔落跟住就係特濃豚骨沾麵（$68，另加半熟蛋 $9/2隻）第一次食沾麵，其實都唔係太知咩叫正宗沾麵汁嘅豚骨味幾突出，個汁本身都幾濃郁，但個人而言唔會覺得太濃，亦都有小小蔥係入面麵條嘅口感都 ok，我食果個係冷麵，但係食落口又唔覺得好冷，不過鐘唔鐘意又係因人而異啦