一杯鐵板燒居酒屋

營業中

休息中

今日同朋友去觀塘apm食飯，意外發現有一間好地道既居酒屋！入到去坐底，感覺非常舒服，因為入邊座位與座位之間有一定既距離，私隱度極高，講野大聲少少都唔怕隔離啲人聽到！侍應更態度友善！我哋嗌左茶漬飯，超好飲既茶，又唔鹹！又香！我哋食晒啲飯都忍唔住係咁飲嗰啲茶！呢個一定會再返嚟食！最後仲嗌左人氣好高嘅關西燒，芝燒汁好好味，啲餡好足夠，又有好多好好味嘅椰菜，再加埋沙律醬同埋海苔粉，真係好滋味，香濃得黎，又唔會好鹹，擺落口又鬆軟又香，口感一流，唔怪得係人氣食物之一。

周末三十幾度熱辣辣想食個涼浸浸嘅午餐有鑒於上次喺板長食到個魚生飯真係麻麻地所以今次大家都決定轉戰一杯*一行二人分別叫咗兩個午市套餐一個係極上刺身set另一個係芥末牛肉加三款刺身*跟餐附送嘅味噌湯同埋沙律都冇乜誠意可言沙律嘅菜算係新鮮嘅口味都比較清淡啲口味清淡算係唯一嘅可取之處😂😂😂😂😂*有個蕃茄牛舌煮都係一樣極之普通嘅貨式*芥末牛肉牛肉得三兩條😂😂😂😂啲野菌仲多過牛肉跟芥末牛肉果個餐既三款刺身普通～～*極上刺身set個極上⋯老實講我真係唔太知係極上係邊🥸⋯⋯可能講緊隻碟都係好普通既貨式*跟刺身餐個飯仲要熱既成餐飯好似玩緊冰火二重天咁我呢啲平民真係唔識欣賞😅食到懷疑人生*餐飲我費事影普通港式日本野味道*埋單都要五百蚊海膽得果三兩滴仲要有少少腥哎我都唔識講當食佢個裝修啦😅😅😅

Hello, 大家好，我係賜哥. 事不宜遲，立即黎料.一去到，個環境係好似日本既居酒屋，樓底高，都好適合傾計.老板推介三文魚海膽飯，埋吞拿魚海膽飯，咁我就緊係試下佢乜野料子.三文魚海膽飯海膽好鮮甜，有海水既味道.三文魚腩好肥美，有啲薄. 配料有魚子仲有其他，多重口感.飯就細碗左d. 如果大食，就食其他餐。吞拿魚海膽飯海膽一樣咁新鮮，呑拿魚蓉好滑無筋，用埋紫菜包嚟食又有另一個口感。唯一缺點就係份量好少.今次食評到呢度，鐘意就係下面留言

個人超鍾意居酒屋呢樣野，樣樣小小小小咁，可以叫好多唔同款，位於觀塘apm嘅居一杯， 平時都係食午餐，今日約朋友食晚餐，無訂位之下，等左個半鐘，腳仔都軟，好在對面有超多扭蛋機😆正呀♥️♥️。一杯嘅大阪燒可以揀唔同配料，今日雞+蟹肉，醬汁唔會好咸，多菜小肉，雖然高小肉但蟹肉都好多架。牛油果唔記等乜卷，size 對於我地女仔真係剛剛好，唔洗食到無儀態 炸雞雞，送啤酒一流呀不過 本人 都係覺得 食晏抵好多。咁嘅價錢 可以有更多選擇，就係咁多。

真係好耐都冇嚟呢到食啦, LUNCH見唔太多人等位, 試下等位, 估唔到等咗陣就有得入座, 午餐餐牌都轉咗好多新款, 價錢方面都係中上價, 但味道同賣相呢到可以話係有保證既壽司定食配蕎麥麵 - 賣相吸引, 壽司刺身夠新鮮錆魚定食 - 魚燒得剛剛好, 肉質嫩口凍濘茶 - 茶底唔算太濃, 檸檬夠新鮮橙汁 - 味道酸酸的總結 ; 呢到食物水準咁耐以來都能夠保持水準, 真係值得讚賞, 難怪咁多客人去食, 如果LUNCH時間多人去食既話, 最好就係預早訂定位, 因為WALKIN多數好難有位, 同埋即日打去訂位試過係訂唔到既, 最好預早三日前打去

試咗一杯關西燒🇯🇵鍾意食大阪燒嘅朋友👭👫就一定唔可以錯過ʕ •ᴥ•ʔ入面有牛肉牛筋🐂同埋試咗芝士豚肉定食🍱豚肉之間夾住芝士🧀🧀🧀肉質嫩🥩(๑´ㅂ`๑）會再去幫襯嘅居酒屋🏮٩(●˙▿˙●)۶

lunch time繼續揾好野食, 畢竟是一日工作中爲自己打打氣的break. 餐廳提供lunch set, 有好多唔同的選擇, 我就order左安格斯牛鐵板燒lunch set, 套餐包三款刺身, 味噌湯, 小菜同一碗白飯. 主角安格斯牛, 有小小失望, 應該過熟,有小小老, 咬落去好費力, 雖然好多舊肉, 但食得好辛苦. 伴碟的芽菜俾得好慷慨, 同埋吸收了牛肉汁的精華, 所以特別好味. 刺身: 中規中矩, 正正常常. 整體我覺得麻麻地, 但友人説佢個lunch set ok, 俾多次個機會, 或許下次試下其他set.

🐷店名： 一杯鐵板燒居酒屋小編去過 「一杯」食Lunch好幾次，每次都要排好～耐隊，究竟有咩咁吸引D人排隊呢？！ 老實講，以依個價錢食個Lunch都唔平，今次就同大家Share下小編平時會叫咩食啦🥰！🍣 雜錦壽司定食 （價錢： $98）評分： 4/5依個午餐定食有6️⃣件壽司同4️⃣舊小卷物🍙，仲有一小碟前菜，壽司方面，每次食都keep到一定既水準，壽司飯味道適中，而且壽司唔會一夾就散，值得一讚👍🏻。不過食完壽司相信大家都唔會覺得飽，好彩個餐包左碗熱辣辣既烏冬，滿足曬一班烏冬控呀😋。🦐 刺身定食 （價錢： $128）評分： 3.8/5刺身定食係有一碟刺身、白飯🍚，同一碗麵豉湯🍲，但小編太肚餓既關係，唔記得左影低佢🤣，刺身質素同壽司定食一樣高質，有🦐，三文魚、吞拿魚、吞拿魚蓉、帶子、海膽... 海膽幾鮮甜無苦澀味，小編覺得可以一試🤩！🧇 豚平關西燒 （價錢： $76）評分； 4/5相信鐵板燒應該係「一杯」既招牌菜的之一，平時都係食個定食就算，今日就一於試埋關西燒啦😋！關西燒都有好幾個選擇，可以自己揀唔同Toppings做配料，小編就揀左豚平🐷關西燒，即係用雞蛋、豚肉片系鐵板上炒，用日式式燒汁同沙

本身去APM係要買嘢因為太掛住日本，所以揀咗一杯所以買衫之前我已經攞定飛shopping完一輪返到去啱啱好有位安排咗卡位成個環境其實都幾似日本嘅居酒屋當解吓冇得去旅行嘅苦啦☹️🤩關西燒一上枱就脹卜卜，店員有問使唔使代切因為要影相嘅關係所以我揀咗親自動手可以自選餡料，我就揀咗豚肉同牛筋入邊有大量切成絲嘅椰菜蒟蒻同埋芝士蒟蒻煙靭嘅感覺令到口感更加豐富燒汁沙律醬同埋海苔粉🤤成件關西燒十分惹味🤩銀鱈魚西京燒魚嘅肉質實淨，調味亦唔會過鹹擔擔嘅日本麵豉味超香 ：）🤤上湯揚豆腐呢個菜式唔算十分特別但一杯算係整得合格嘅係會回頭嘅餐廳

以前好鐘意去銅鑼灣嗰間一門, 一杯係佢嘅兄弟店, 但因為佢係觀塘離屋企好遠所以未有機會去過, 今日黎APM順便搵下有咩好食嘅時候記得有呢間一杯, 所以就決定去食啦🤗去到既時候已經好長龍, 排咗至少九個字先入到去, 去嘅原因除咗好掛住佢哋既signature東洋卷之外, 仲好想食日本串燒, 所以就諗都唔諗就買嗌咗呢兩樣野再加一個壽司定食🍣D壽司surprisingly都幾新鮮! D串燒唔使講係勁正, 特別有個係豚肉包住粒車厘茄, 超級Juicy🤤東洋卷係我一直我之前去一門必嗌既! 黎到一杯都一定要叫一客😬牛油果鰻魚蟹子出面再有層pancake皮🤤真係好match! 而家已經去到$68兩件但食完真係好滿足🤤

同朋友慶祝生日， 有小朋友同行，所以都揀坐得舒服既餐廳～今日紅日竟然冇乜人等位， 仲安排左坐卡位 坐得好舒適！食物方面點左：和牛湯鳥冬 ($180) 唔記得相機食先 唯有post meun喇鰻魚串燒 ($72) 一客有2串， 口感彈牙 ～但唔記得影套餐 - 梅 （$380)雖然meun寫一人前， 但份量都多 可以2個人share再點其它野食都ok白身魚新鮮， 野菜炒黑豚都好味 小朋友食得好開心黑豚入口都好滑 唔會好鞋口海膽吞拿魚壽司($200) + 海膽蟹肉牛油果卷($180)卷物冇乜特別 如果再黎食會想點串燒牛肉蕃茄串($30)一串有3粒 蕃茄都好甜八爪魚沙律 (冇影到相)個汁酸酸地好開胃， 八爪魚都切到好簿 一啲都唔會un~和牛玉子燒略為咸左啲， 同因為有汁 成件玉子燒都好濕如果乾身啲會仲好味

估唔到平日都咁多人呀20:15黎到都要等廿分鐘好彩唔駛坐BAR 位咁啱有二人檯走就坐得舒服DD呀點左~豚肉露筍卷串燒呢個好惹味露筍好嫰豚肉又唔會好肥讚~雞肉京蔥串燒京蔥熟既程度適中最怕個心唔夠熟呢個可以一層層咁食每層都香口雞肉就正常呀~兩杯黑啤比較少見SUNTORY 黑啤所以啤啤佢呀~炸雞軟骨點左呢個送酒夠脆口同啤酒好夾份量正常但可能因為有黑椒關係食落都幾辣呀

老闆請食生日飯，觀塘APM 四樓的一杯居酒屋， 2個唔飲酒只食熟食的女人，都有好西食。服務員唔知係咪好多係日本人， 溝通唔到。環境枱與枱之間只有膠板相隔， 在疫情下， 實屬少見。而且講話都給別人聽清楚了。海大蝦一串（$68）雖然覺得超級貴，但海大蝦跟我的臉一樣長，蝦肉彈牙爽口， 蝦頭無咩肉汁， 粗大粒海鹽好鬼咸。一杯關西燒（$86）這款主要係牛肉做餡料，煎得香，重中之重的麵糊，先由高湯做起，把昆布、木魚煲滾，令其出味，翌日用前再滾起，加入手磨的長芋泥、細滑的日本薄力粉，發酵一整晚才能用。先將麵糊煎至乾身，但需保留少許空氣，吃時才更香脆，隨後加入芝士、本地京椰菜。選用京椰菜，比大椰菜鮮甜，不會有苦澀味。椰菜份量要特別多，才能稱得上為大阪燒，師傅係切絲唔係條。羊架仲有血水，唔太羶，無咩味，難咬。炒雜菜又係椰菜多， 仲有香菇，芽菜，露筍等等 ，調味醬香甜。

員工之間不斷講客人是非,吾係食貴價野,一定會睇吾起你服務態度極度惡劣,想叫野食,會扮聽吾到 越叫越走,不知所謂！餐廳員工,成餐飯會不繼望住你,睇下你幾時走！個個好似趕住收工甘樣,營造的大壓力給你

突然之間🤤好想食🏯關西燒🔥，即刻就😏諗起呢間居酒屋🥢！呢間居酒屋🏮已經係 APM 好多年，都幾大間幾多位🪑。餐廳裝修走🇯🇵日式懷舊風🧐。餐廳周圍都有唔同嘅🇯🇵日式佈置，感覺有啲似去咗🗾日本😂。呢個就係🏯一杯關西燒🫓，好香好好味😋，入邊餡料十分豐富🥰，我每次嚟都必食🤤！最開心嘅係佢入邊有🐂牛筋😍，令到成個關西燒味道更加有層次感😆！燒芝士年糕外面🔥燒到焦香，入面煙韌有米香，🧀芝士醬就唔算特別濃味，不過食起上嚟都幾滋味😋。呢個🌊東洋卷🤤係我心水之一，因為佢入邊有牛油果🥑同鰻魚，連埋飛魚子同外邊嘅班戟皮一齊食好好👍味😋！總結來講，呢間居酒屋🏮食物款式十分多，但佢哋嘅🏯關西燒🤤一定係必食嘅！