一方堂居酒屋

營業中

休息中

🍣Sushi x izakaya 🏮 .⭐️Favourites:🍣 Sushi Platter (12 pcs) HKD 368 🍙 Unagi Cream cheese roll HKD 82🍢 Scallop skewer 🐟 Fried white bait .💭Thoughts: A new jap place in TST offering quality food and great service. The staffs were super helpful! They are also doing discounts on Openrice! .😋Recommend? ✅ 👩🏻‍🍳Food rating: 4/5👩🏻‍⚖️Overall experience rating: 4/5

星期四 每個星期中段就會覺得好難捱 好想快啲放假 但又無辦法🥲唯有收工去chill下 去居酒屋食下串燒飲下啤酒🍻🍻北寄貝刺身個北寄貝好新鮮 點左䜴油同芥末鮮味level up🤤真係大大隻 無花無假！本身想叫另一款刺身 但店員話無貨 有啲可惜🥹因為啲刺身係由日本空運到港 所以都係因應當日既來貨🇯🇵🍻一方堂奈良卷完全唔知係何方神聖 擺落口試下先知！賣相好靚 原來佢係三文魚粒粒係上面 下面壽司就好似包住左菠菜同忌廉芝士🧀🍻魷魚他他🦑魷魚呢啲炸物餸酒一流 食得出係用新鮮魷魚 🦑鮮又唔會好似平時急凍既硬掘掘🤣🍻串燒帆立貝、煙肉蝦串、露筍豚肉卷、大葱雞肉串👆🏻全部都勁好食 火侯夠之餘 個燒汁都調得好好🔥🍻Suntory beer 勁抵飲 唔知係咪因為happy hour🥳$78仲要買一送一 真係可以暢飲！

平時去開尖沙咀搵食，都知道厚福街係食街，除左街舖原來樓上舖都有咁多!想食日本野又唔想太貴，搵到間居酒屋價錢都合理，一於試試佢。北海道豚肉炒麵 $82 無諗過呢個價錢會有咁大碟炒麵!一向食開啲炒麵都係粗麵黎，呢到有surprise喎，竟然係好似幼麵黎，無粗麵咁漏食完都唔會太飽，重有空間食其他野!豚肉量都好足，肉味都好濃，菜都好夠。7味墨魚咀 $62我真係好中意呢啲香口野，粒粒都炸到卜卜脆又熱辣辣咁真係好邪惡啊!每一粒都好大粒，但炸粉又唔會好厚，同出面食到嘅好唔同，彈牙到以為自己食緊墨魚丸，超正!螢光魷魚沖漬 $68開頭都好擔心生嘅魷魚會唔會好腥，但佢完全唔會，好濃鹹香味，魷魚好有咬口好新鮮。雞心 $30以前去台灣夜市係我必食嘅，估唔到呢到都有!真係好耐無食過啦，超有咬口亦都唔會好似橡筋咁，好正!三文魚腩 $32三文魚味好濃，都唔會好腥，燒得好香脆。吉列廣島蠔 $68好明顯係岩岩炸起就送上枱，一咬啲蠔汁必出黎差啲辣親我，大家食嘅時候要小心啲啊!同樣地炸皮都唔會好厚，食落唔會好油膩，蠔食落係新鮮無臭味。鱈魚干 $33出面食過啲鱈魚干係有咬口，但呢到係卜卜脆嘅，如果黎到會叫酒飲就一定要叫一客啦

電梯大堂非常港味，但一出電梯彷彿隨意門一開將我帶到新宿嘅大樓上！日本嘅流行曲柔柔送上，加上門外嘅木製牆身與暖簾營造出一份東洋味。 店員分享話材料都係由日本直送，咁當然要試下佢地嘅刺身，非常鮮美，兩款魚生都係厚切，完全無筋，溫度又適中！仲有牡丹蝦，海瞻都係上等！食完刺身啲串燒就上菜嘞！我地分別食左雞皮，雞軟骨，雞翼同燒帆立貝！樣樣都好好味，送啤酒一流，尤其係我本身最喜愛嘅雞軟骨同雞皮，火候都剛剛好，仍然保留雞軟骨爽脆嘅口感，但多左一份火燒後嘅油香！雞皮更不用說，處理去到燶與唔燶嘅邊緣，脆到連鄰座嘅食客都偷望我一眼！如果喜愛食辣嘅，可以沾少少七味粉，香味加倍，唔食辣嘅亦可以沾下係碟上嘅柚子鹽，鹹鹹酸酸，食再多都唔覺油膩呀！我仲點左嚟居酒屋必食嘅南蠻炸雞同吉列廣島蠔，外皮香脆得嚟雞肉仍然非常多汁，再加上些少南蠻漬汁同他他醬，合埋雙眼喺口裏咀嚼就好似望到當日葡萄牙商人將呢個料理帶到九州嘅場景一樣！小二，啤酒再嚟一打！！！再嚟唔食Carb嘅人都要試嘅牛肉稻庭烏冬！不單只湯底滿滿嘅牛肉香甜味再加上烏東煙煙韌韌嘅質感同小麥嘅香氣！我嘅胃都倒抽一口氣講滿足！食完呢一餐好似遊完日本一次，叉滿電一樣！價錢

-香蔥吞拿魚卷 -係吞拿蓉呀😍😍😍沾咗豉油食勁鮮美！！！加埋少少青檸汁，個味更出！用醬油包裹住啲飯，入面仲加入咗超濃郁嘅芝士粒。-串燒-串燒叫咗燒冬菇、雞中翼、雞心、帆立貝、露筍豚肉串，加埋醬汁淋喺串燒上面，好惹味！！冬菇燒完仲咁Juicy，雞中翼又厚肉、雞心口感好爽！帆立貝雖然細細粒，但係勁夠味，而且居然一啲都唔韌！露筍豚肉串好好味呀！用豚肉包住露筍，好清新！！-吉列廣島蠔-吉列廣島蠔超好食！！！！外脆內軟，一咬落去啲蠔汁出晒嚟( ´ ▽ ` )-大蝦天婦羅-最後我哋仲叫咗大蝦天婦羅！呢個天婦羅實在太好食！個皮炸到好酥脆，啲蝦勁鮮嫩，沾埋天婦羅醬食，超好味！

放假同阿女尖沙咀整指甲，佢突然想起同事推介藍馬商業大廈樓上有間一方堂居酒屋 ，食物水準唔錯，值得一試，阿女話今晚就同我去試吓！餐廳環境舒適且帶日本居酒屋氣氛。三文魚腩刺身：三文魚腩是魚身最肥美的部分，味道鮮美，油脂濃郁甘香，入口即溶。三文魚芝士卷即叫即製，豐腴的三文魚配上香滑的芝士，味道鹹香鮮甜。還加上少許黑松露，令味道更提升。吉列廣島蠔：廣島蠔炸至金黃色澤，外層酥化脆卜卜，內裏多汁鮮甜，伴以特製醬汁，味道清新不膩。燒雞翼皮脆肉嫩，加少許鹽更好味！銀鱈魚西京燒去日本米飯，燒好後的銀鱈魚表面金黃，魚肉帶有淡淡白味噌的甘甜味，配白飯一流！北海道豚肉炒麵，熱辣辣香噴噴，北海道出產的豬肉質量非常高，味道濃郁鮮美，脂肪平均分佈且甘甜，有入口即化的感覺，彈牙麵條掛上醬汁和豚肉味道完美配搭，充份展現正宗日本風味。

放工近近地去厚福街食居酒屋喺OpenRice訂檯食滿$600仲有85折啤酒又有買一送一，幾抵食！ 先以QR code 下單🥢香蔥吞拿魚卷一客6件，吞拿魚蓉分量好多，軟軟綿綿。壽司飯用左赤醋飯卷住芝士香蔥，一啖入口又香又軟🍢蘆筍豚肉卷豚肉燒得夠乾身香口，入面包住幼嫩蘆筍。🍢雞腎爽脆入味，送酒必備🍢雞心 烤得香軟嫩滑，彈牙有口感。🥘鰻魚柳川配日本白飯，可以揀多飯少飯🍚軟嫩鰻魚帶焦香洋蔥雞蛋，加埋味醂醬油汁甜甜地好惹味！ 🥢鵝肝多士 多士烤得香脆可口，鵝肝大件厚身肥美，一口咬下油香滿滿！ 🥬日式炒雜菜 炒椰菜、菠菜、洋蔥金菇，炒得幾爽脆加上芝麻木魚絲，充滿日式風味

今日放假出去尖沙咀，一早決定去厚福街搵食；皆因餐廳選擇多，總有一間啱口味。清楚知道午餐時段尖沙咀人頭湧湧，刻意上網搵定餐廳提早訂枱食晏。貪新鮮，搵到開張不久的【一方堂居酒屋】，一於試下。可能太遲訂位，侍應告知要12:30前去到才有位。準時12點去到，餐廳剛剛開門不久，仍在準備中；小編是第一枱客人。餐廳全部都是二人枱，方便散座；亦可將兩張枱併在一起變成四人枱。裝修風格仿照日本當地的個體小型居酒屋；不難想像晚市全場滿座時，客人拿著啤酒杯開懷暢飲的熱鬧情景。既然係日式居酒屋，當然不能缺少高身吧枱座位。刺身凍櫃當然也是指定設備。晚市食物選擇就非常豐富，除了主餐牌，牆上掛了兩塊黑板，用粉筆寫上是日廚師推介。午市餐牌只有一張，前後兩頁。一面是新張優惠午市限定，全部 $70以下，非常非常抵食！另一面就是正常午餐，價錢由 $78至$168。無論惠顧午餐抑或新張優惠午市限定，一律可以用 $15追加小食，共有六款選擇，無限追加 ⋯⋯ 當然，每款小食都要另外計錢（$15 / 款）。揀了4款小食：味噌牛舌、牛蒡漬、合桃小女子及雞皮餃子。味噌牛舌最好味。其他配料有木耳、金菇、冬菇，全部切幼絲，再混入芝麻及麻油撈

餐廳位於美食臨立既厚福街🍴裝潢以日式木系為主，環境雖小但溫馨，十分適合三五知己黎聚會🍻店員俾qr code我哋手機落單，服務態度唔錯! 壽司:🐟左口魚邊 左口魚邊肥美，火炙後魚油更豐富🐚帆立貝帆立貝新鮮可口🐟蜜柑鯛 帶有蜜柑香的蜜柑鯛魚，有魚油油香炒麵:🍝北海道豚肉炒麵麵炒得爽口，熱辣辣🔥加入濃濃黑椒香味，增加刺激感及辛辣感串燒:🐥雞軟骨粒粒有肉有軟骨，香脆惹味🐂牛舌海鹽調味，燒到外脆内嫩🐖露筍豚肉串爆汁露筍配上Juicy豚肉，入口滿足🦪吉列廣島蠔炸得脆脆，一咬蠔汁即流出🐚帆立貝4粒帆立貝，經過醬燒更惹味甜點:🍮櫻花水信玄餅未到觀賞櫻花季節，就食下櫻花水信玄餅先晶瑩剔透的水球Q彈可口，入口即化

朋友想食日本野 上網見到呢間新開無耐既居酒屋🏮睇相見佢既裝修好靚幾有feel 我地就上去試下😬白飯魚魚生沙律 $88朋友想食菜健康下就嗌左呢個 上面一塊塊個啲就係白飯魚食落好脆身鹹鹹地襯落個沙律醬到食幾正👍🏻魚生份量都幾多鰻魚柳川配日本米$92半熟滑蛋配上洋蔥 再加埋一粒粒嘅日本米 送飯一流👍🏻雞腎 $28 雞軟骨 $22黑豚腩 $38白蘑菇 $24鍾意食串燒既我地 當然要晏返你請試吓呢個師傅嘅手勢啦😋雞腎同雞軟骨幾好味好爽脆😙白蘑菇有驚喜又大粒又爆汁勁正🤩黑豚腩唔算肥亦都無豬騷味 以上串燒都可以一試😝牛舌$48牛舌每次食串燒都會叫 去到邊只要有牛舌都會叫🤓見到碟串燒就發現朋友竟然嗌漏咗牛舌 即刻嗌番 有三大塊厚切 好彩有嗌好好食推介☺️忌廉芝士鰻魚卷(六件)$82三文魚壽司(兩件)$48芝士鰻魚卷感覺上抵食啲 有多幾嚿🤣加上有芝士夾住鰻魚個口感好豐富同埋有啖啖肉既感覺😆三文魚壽司正常～👍🏻

厚福街真係勁多野食嘅地方，入到去真係唔難有野食！最近發現左一間新開樓上居酒屋，真係好似瞬間去左日本chill咁。【應有盡有日本料理】 無論係卷物、壽司、烏冬、天婦羅、刺身都有，價錢非常合理，一定有野想食~ 🌟舞茸天婦羅 $68- 係新出嘅精選款式，外層天婦羅皮炸得薄薄脆香，入面大大粒舞茸，不過一定要加埋七味粉食先夠滋味。🌟𩶘魚稻庭烏冬$108-呢款真係非一般嘅烏冬，湯底好鮮甜魚味，烏冬texture滑同彈口，吸曬湯底鮮香味，配埋好多唔同嘅菇同菜，好豐富。🌟三文魚芝士卷 $88- 三文魚上面加了黑松露，更能突出三文魚鮮味，配埋壽司内嘅爽香露荀同淋淋地濃香芝士，味道唔錯。值得一讚嘅係三文魚夠凍，感覺係即整即起。🦀️甲羅燒蟹道樂$98- 呢款係我成晚favorite，蟹膏本身非常香，撈上蟹籽、蟹肉等真係啖啖滋味，口感豐富。麵包本身好脆香，配蟹膏食一流！【滋味串燒】另外串燒都好有水準:🍢鹽燒黑豚腩$38- 係厚切的，肉質juicy而且唔多肥，配上微微碳燒香，夠香口🍢車厘茄豚肉串$32 - 外層薄片豬肉烤得香口，配入面蕃茄爆汁juicy，口感夠特別。🍢鹽燒雞腎$28- 雞腎幾厚，配上旁邊鹹鹹地醬料

鹿兒島黑豚腩鍋 $198豬肉脂肪較多, 入口油脂四溢, 配上酸汁降低膩度👍🏻鍋入面仲有葛粉、菜、豆腐、菇菇𩶘魚稻庭烏冬 $108用𩶘魚熬煮的湯底奶白色, 味道非常濃郁鮮甜, 烏冬煮得略淋但剛好可以盡吸湯汁🤤露筍豚肉串 $32冬菇 $22燒物雖然炭香欠奉但火候拿捏得好好, 露筍豚肉串非常juicy😬 冬菇上灑上鰹魚碎令味道同口感提升左層次👍🏻松島魚餅 $88味道甜甜地幾得意👌🏻➡️非常貼心的服務, 會主動添茶，又細心留意火鍋爐的火力😊➡️可惜大廈人流太高, 𨋢不勝負荷, 走果時等左15分鐘先落到樓🙃

係尖沙咀想找間可慢慢食及傾下偈的日本餐廳，見介紹似乎不錯所以來試試。位於厚福街大廈的樓上店，很易找。坐位算闊落，服務也不錯。食物方面，串燒不錯，尤其喜歡牛肉蘆筍卷，肉味十足，醬料也配得剛好。鵝肝多士也幾好，香口美味。香蔥吞拿魚卷也幾特色，壽司飯內還藏有芝士及菜，不過略嫌芝士味較濃，蓋過了吞拿魚的味道。北海道豚肉炒麵也炒得幾香口好味，日式炒雜菜也不錯。總括而言，若想喺尖沙咀找間日本餐廳可慢慢傾吓計敘吓舊，這是間可考慮的選擇。

客人坐得密密麻麻的熱鬧嘅氣氛，真係好似去咗日本居酒屋放咗工之後同朋友嚟吹吓水、飲嘢、食嘢除咗手機點餐之外牆上掛了黑板，寫了是日海鮮和廚師推介一芳堂奈良卷($128)自家創意卷物，外賣似燒賣，上邊是三文魚粒和蟹籽，中間有芝士，食落芝士味好重舞茸天婦羅($68)呢個好有驚喜，外層香脆，中間係依然好多汁的舞茸，仲有少少爆汁嘅感覺北海道豚肉炒麵($82)見啲人都鍾意嗌呢款，唔係拉麵，而係有啲似幼身嘅烏冬，所以食得煙韌，好香胡椒味呢度啲串燒好食，燒三文魚腩($32)入口即溶，仲有趣卜卜魚皮，蘆筍豚肉串($32)香口好食三文魚刺身($62)入口迅速溶化，又油又香好食串海老唐揚($68)，呢個絕對食到停唔到口，非常香脆，調味又夠鹹香

放假去食餐好，依間同朋友靜靜地食餐飯啱晒！首先叫咗客三文魚壽司（$48），三文魚入口好滑，味道鮮甜，個飯都唔錯，夠黏，除咗醋之外，仲已經加咗少少豉油調味，夠晒貼心仲叫左香蔥吞拿魚卷($98)，吞拿魚蓉入口軟綿綿，油脂同味道都好濃厚，配埋少少蔥花、芝士入口層次相當豐富！另外叫咗個鰻魚飯($92)，鰻魚入口柔軟，醬汁甜而不膩配埋雞蛋送飯真係一流！南蠻炸雞（ $78 ），好大塊雞，炸得幾乾身，咬落雞肉仲保持到水份，配埋他他醬味道啱啱好！最後仲有試埋啲串燒，叫左牛舌（$48）、京蔥雞肉（$30）、露筍豚肉（$32）同雞軟骨（ $22 ），串燒質素都幾好，燒得好靚，而且全部調味岩岩好！整體嚟講，依間選擇幾多坐得都舒服！