一幻拉麵 (已結業)

早排聽同事講一幻嘅拉麵同湯底幾好食, 決定去大館玩之前醫下個肚仔🤗 餐廳嘅地方唔算大, 我同男朋友12點幾去到, 人流唔算多, 所以都幾多位, 我地就揀左對住窗口嘅一個小角落。拉麵方面, 佢有拌麵同湯麵比你揀, 同好多嘅拉麵店一樣可以比你揀湯底, 口味, 麵嘅軟硬度, 加唔加蔥/麵酥/其他配料, 一場嚟到就緊係試下佢嘅招牌特濃蝦湯底🦐🦐🍜 我地叫左一個特濃蝦汁叉燒拌麵, 一個蝦湯拉麵🍜, 一客餃子🥟同一杯北海道梳打🍹北海道梳打⬆️⬆️ 係淡淡嘅橙味梳打🍹 味道ok而且幾解渴😊😊蝦湯拉麵⬆️⬆️ 第一件事就係呷一啖湯先, 果然湯底極濃, 成碗都係🦐嘅精華, 鮮甜美味, 飲完第一啖, 成個口腔都比濃蝦湯覆蓋, 麵質彈牙, 好味!特濃蝦汁叉燒拌麵⬆️⬆️ 拌麵味道無湯麵咁濃, 但同樣好食, 配料同叉燒粒都算多, 撈埋一齊食有另一番風味😋😋🥟餃子⬆️⬆️ 餃子味道ok, 不過不失, 煎得幾香口😊

一直都未有機會黎試哩間日本札幌過江龍 - 一幻拉麵🍜 今日嚟開灣仔上堂就試一試佢啦 🤩 大約12左右黎到，唔使等就入得啦但就剩番自修室位可以坐。午餐時段人流都算唔錯，但就未止於要排隊等位。嚟等一幻就梗係想試下佢個🦐🍜，哩到同某知名拉麵店一樣，你可以自己DIY心中既拉麵🤩，只係差在冇等選擇麵條既軟硬度。一睇個湯底就知真材實料，真係隔住個MON都聞到陣🦐味😆。我揀左鹽味幼麵+原味湯底，麵條煮得唔錯、唔會過硬或者過腍；叉燒肥瘦度適中、夠入味；溏心蛋夠哂流心！ 另加既日式餃子皮薄同煎得香脆，都可一試。

睇戲前輕鬆一下，去食碗拉麵先！呢間一幻拉麵之前在北海道食過淨係得原味，還記得當時凍冰冰而食到一碗熱騰騰的拉麵，真係好深刻！嚟到香港分店則配合香港人口味，創造了多款新麵。喜歡食辣的我當然叫了「辛辣味噌蝦湯拉麵」。一幻的幼麵彈牙，湯頭蝦味濃郁鮮甜，雖然加了辛辣味噌，但完全冇搶到蝦的鮮味。上面的麵酥更是畫龍點睛，有少許紅薑味，令整體味道都提升了。呢個價錢有濃郁既蝦湯拉麵，係午餐既好選擇！聽聞中環新店有冷麵，遲些再試！

日本拉麵：香港人通常都會諗起去食豬骨濃湯拉麵。最近知道香港都開咗北海道過江龍蝦湯底嘅拉麵，就約埋家姐一齊去試一試佢！  (原來一幻响香港已經開咗3間分店。我哋揀咗灣仔店，因為就家姐公司。灣仔店近船街，係佢哋第一間响香港開嘅分店。)我哋諗住試多啲唔同嘢，就share一碗拉麵、一碗叉燒飯同埋豚肉餃子。拉麵 $88一碗: 可以選擇粗麵、幼麵或者 mix 都得。我哋呢碗係粗麵! 加咗一隻糖心蛋 extra $10。蝦湯麵同豬骨濃湯麵嘅分別: 我覺得係蝦湯好似無咁油膩、好似無咁多味精。呢碗叉燒飯原來係香港限定。可能因為覺得香港人好鍾意食叉燒飯卦！佢同我哋香港燒味叉燒飯係好唔同嘅。佢將日式叉燒切粒，再加左佢哋嘅秘製蝦麵酥同蔥花鋪上白飯度，都好惹味。食拉麵好似一定要襯煎餃子～ 呢個餃子煎得好香脆！

前幾天同朋友經過覺得店內裝修幾得意同埋都想食拉麵就入咗去覺得好似唔錯就入咗去一入到去店員就好熱心咁問我地係咪第一次嚟，跟住就開始介紹有佢哋啲拉麵咩特別跟住我哋就嗌咗佢推介嘅拉麵嚟食le款係朋友叫嘅，係辛辣味增蝦湯拉麵一嚟就已經知d湯好濃跟住就係我嘅一開始我哋加咗5隻餃子🥟但店員見到之後就推介我哋加11蚊就可以有三隻餃子🥟同一罐汽水🥤所以我哋兩個就加咗🥴d叉燒真係好好食 應該額外加啲叉燒D湯真係好好，朋友仲因為預咗啲湯會飲唔晒所以叫咗個白飯撈湯食最後食咗234(已+1) 覺得已拉麵來講食到咁飽，都好好

一如既往，星期三夜晚同男朋友拍拖食飯。 今晚就嚟到灣仔合和附近嘅一幻拉麵。 雖然佢係介乎係內街嘅位置，但係都唔難搵因為成間餐廳嘅主調係好搶眼嘅紅色，連招牌都唔例外。入到去餐廳，店員好細心咁同我哋講舖頭較入嘅位置比較涼，所以就安排咗我哋坐入去。一幻拉麵係日本北海道札幌的人氣拉麵店，出名食蝦味拉麵。 經過店員嘅一番解釋，我同男朋友都決定要食下佢嘅主打！為咗食下加入咗豚骨嘅湯頭有咩分別，我地嗌咗一碗適量豚骨， 一碗原味嚟試下。溫馨提示：拉麵本身已經包咗兩塊叉燒同半粒溏心蛋。我同男朋友仲傻下傻下嗌咗一碗加蛋，變咗一人有一粒完整嘅蛋食。 其他配料都可以自由選擇要定唔要。我地當然要蔥同麵酥啦！咁先夠地道吖嘛！大約等咗十分鐘，拉麵就上枱啦！先講下原味湯底、 鹽味口味嘅蝦味拉麵。 蝦味湯好 濃郁，鹽味口味亦有帶出蝦本身嘅鮮香！加分！叉燒好淋，浸埋蝦湯食又係另一種風味！ 溏心蛋嘅發揮就正正常常。我地建議點麵嘅時候一定要點埋麵酥嚟食。所謂麵酥係炸咗嘅薑，撈埋啲湯一齊食會成個口感更上一層樓！ 唯一要挑剔嘅就係個拉麵可能煮耐咗，麵質有啲偏淋身。至於揀咗加入適量豚骨嘅嗰款蝦味拉麵，我同男朋友都認為豚骨有啲喧賓奪

今天約了朋友在灣仔行街，順道去一直都好想試的北海渡一幻拉麵，我們等了大約五分鐘便有位了，看看餐牌上的湯麵有百份百蝦湯，加了豬骨湯的蝦豬骨湯和最後一款豬骨湯，我當然選了蝦湯粗麵，而朋友便點了蝦豬骨幼麵，及一份胶子(忘記了影相)，當湯麵送到熱騰騰的即試一口湯。一個字形容(鲜)，配上Q彈的麵條薄薄的叉燒和半個温泉蛋真使人覺得自己置身北海渡，而朋友的湯麵湯濃郁一些再配合幼麵亦有另一種味道，每口麵條都沾滿了濃濃的湯好味，本來想試試叉燒飯但實在太飽了只好留待下次了，又或者去一幻的其他分店！哈哈真是太滿足了！,

【 想念 • 札幌 🍜 的味道】The taste of Hokkaido 🇯🇵每逢雪季都會相約一班雪友到 #北海道 🏂，一落機大家都會嚷著要先吃一碗札幌名物『一幻』。過江龍終於黎到香港，當然要黎試一試。一幻拉麵 的湯底以鮮甜的蝦湯底為名，有三種湯底選擇，純蝦湯、豚骨蝦湯及濃厚豚骨蝦湯。調味亦有三種 (鹽味、醬油及味噌)，鹽味最具代表性，純蝦湯加鹽味最能帶出湯底的鮮甜味道，將北海道的海洋味道濃縮到一碗拉麵之中。當日我自選了蝦湯+豚骨湯，配鹽味。每碗都有兩片薄身叉燒加半隻糖蛋。亦可自行選擇粗身拉麵 / 幼身拉麵。湯底味道充滿蝦頭的鮮甜，有別於一般豚骨湯底，少了一份油膩感，反而鹽味的後勁很犀害，之後再品嚐湯底時，有點略咸的味道。拉麵底非常足夠，一般男士吃一碗都夠飽，不用再加麵底！店裡還設有三款口味的一幻生拉麵加底湯。粉絲們可以係屋企就食到一幻拉麵的味道。雪季未到，終於可以係香港一嚐北海道的味道，幻想一下置身於北海道旅遊當中。🍜純蝦湯鹽味粗麵＄88

想試好耐的一幻拉麵！！一入門口聞到超濃蝦湯味，兩點幾未食lunch，流曬口水..男友點咗：特濃蝦汁叉燒拌麵$88拌麵熱上，蝦汁仲濃過湯麵，較重口好啱男友🤣叉燒好甜好香!!麵酥（炸薑）超好食呀😋一定要剔！我點咗：辛辣味噌蝦湯拉麵$88湯不算稠但好濃蝦味！！譚仔食五小既我覺得唔算好辣，好開胃。麵身我揀咗普通粗度，份量不少～叉燒夠稔身，好入味～溏心蛋都好出色😛蘋果梳打酒$38蘋果味好香，梳打味>酒精(3%)同平時飲開個啲唔同既係，佢甜度較低。😍同湯麵勁配合到，一濃一清，超enjoy！蝦味飯團20$蝦汁漬飯不過不失，如果有肉鬆做餡提味唔知會唔會好正，不過淨係拉麵已經夠食～__________________另外要讚既係呢到既服務！雖然主打拉麵，配菜不多，但店員仍好熱心介紹有咩食，而且上野食速度好快～相信會再來🤗

喺附近學整果撻 整完都差唔多兩個鐘有多 經過見到有間拉麵店 見裏面一啲都唔多人裝修新穎 價錢又好合理 就入去試試啦 入到去坐低 店員主動主動走過黎問 洗唔洗幫我地雪住過tart 勁好人🥰🥰 超加分！又問我地食過呢間拉麵未 跟住仲介紹下點樣點餐同埋有套餐嘅選擇我哋揀咗基本蝦湯拉麵唔駛等好耐就有啦湯頭好有蝦味 同其他拉麵店 好唔同 👍🏻👍🏻唔洗下下都係豚味拉麵 🍜拉麵軟硬適中 個湯頭真係好正 好出色 但係 拉麵上既紅色碎碎 -紅薑天婦羅  麵酥 先係重點！！ 食完好開胃 同個蝦湯好夾！ 可惜朋友無點！食晒面嘅時候 我最後都忍唔住飲咗兩啖湯 （平時我唔飲湯， 因為擔心味精多口渴） 點知完全無口渴！面嘅份量適中（男仔都應該夠食）叉燒質素不錯 👌🏻 但份量就少咗啲啲 可以考慮叫套餐（有餃子同可樂） 或者加多份叉燒 補充返多啲肉類👌🏻👌🏻 如果下次再食 我會試下幼面可以掛多啲湯汁 應該勁正 😍😍😍上網睇返原來尖沙咀都有分店不過如果大家係開灣仔就梗係食灣仔啦 因為店員服務真係勁好勁好禮貌☺️☺️ 食得好開心👍🏻👍🏻

星期六放假同女朋友傾開想食拉面！女友就即刻推介左我食呢間佢都好鐘意食既一幻拉面！我地果日星期六大概2點零鐘去到，不用等位即可入座，一開頭仲諗住要等好耐位先有得食，真係lucky!一坐低，唔好講咁多，緊係即刻叫番碗面食先啦，女友話呢間拉面店最特別既係用蝦湯做湯底，咁緊係叫佢既招牌蝦湯拉面啦，而友人則叫左辛辣味噌蝦湯拉面。填完紙仔就開始留意下鋪面既裝修幾有日本味道，座位不多，相對其他拉面鋪較闊落，岩曬我呢d怕迫怕熱既人。由於無咩幾枱客既關係，拉面好快就上枱了，首先黎既係我既蝦湯拉面，黎到緊係先飲啖湯..一飲落去....熱辣辣濃郁而厚實既蝦湯係我口腔爆出黎（無誇張真係好濃既蝦味）..再發現湯上面有少許紅薑天婦羅碎粒，食落去都幾好味幾有口感，配上幼身既拉面，拉面面質不錯亦做到掛湯，非常唔錯。而溏心蛋煮既時間都拿捏得好好，生熟適中，蛋味都叫濃，但叉燒就無咩特別就唔多講了。另外提一提既係女友食既辛辣湯蝦拉面配粗身拉面，佢話辣得黎好有蝦味，話配埋粗身拉面掛湯既效果更佳。呢次既美食經驗我十分滿意，睇黎我好快會再次黎幫襯呢間咁好食既拉面（下次一定要試下佢既辛辣蝦湯）。完。

5月頭經過見到新開已經好想試，星期五收工happy hour 去試。招牌蝦湯拉麵，店員聲稱用左原隻大蝦去煮湯底，所以好鮮味。香港普遍拉麵用豚肉為湯底。很少拉麵會用鮮蝦湯底為主。麵可以選擇軟硬普通 我選擇左普通 。味道好似在札幌總店食的都是很爽口，而且吸收曬湯底的蝦湯。店舖環境裝修以總店札幌為藍本，外牆用大小木塊拼砌而成。飲料方面，店員推薦蘋果味果汁酒，果汁濃度比較高，但亦有酒精。最啱一班同事收工happy hour 。

呢幾年好多過江龍的日本餐廳, 但多數整體評價都一般一幻係北海道出名的蝦湯拉麵, 我未係日本食過 唔可以作比較我對呢間拉麵店最深的印象係有一次係對面街經過( 唔係誇張, 真係隔條馬路) 都聞到好大陣蝦味, 所以決定一定揾次要試因為係訂台app 11點有50% off 所以我就假日晨早流流去食啦 一入店, 我覺得好光猛, 好企理, 但店好細店員好好禮貌, 明知我地係用訂台app 的優惠, 都好用心介紹店的食物一睇menu 好簡單, 選擇都係幾款唔洗講咁多, 當然叫signature 蝦湯麵碗麵一來到, 聞都好濃的蝦味, 立刻試一啖個湯, 唔知點解冇想像咁濃蝦味湯: 有蝦味, 但唔算濃陏, 味道偏咸, 但我接受到麵: 彈牙, 掛湯唔錯 份量: 溏心蛋半隻做得好, 生熟程度唔錯. 叉燒有4塊左右 正常 我覺得食晒都飽肚整體我係比到合格 會再食仲有叫到叉燒飯, 細細碗, 又估唔到幾好食, 叉燒多肉汁, 層次感幾好 (如果細食的女仔, 可能呢碗飯都夠飽)另外仲叫左蝦飯糰, 唔知點解好似食緊蝦味的粽總括來講,50% off 真係好值, 幾十蚊食魚蛋粉都要啦!  如果要比正價$88一碗麵, 經過我都會

話說 約左以前同事食飯 原本 去金鐘PP 食的 點鬼知午飯時段超多人 決定行去灣仔搵野食 見到呢間拉麵有少少人排隊 就決定 等一等 試食呢間 一幻 睇過YouTuber 去日本旅行介紹過 而我從來未食過日本或香港的一幻 （申利） 點左一個午餐套餐 HKD 99+1蝦湯拉麵 (兩片豚肉 + 半隻唐心蛋 + 三隻餃子 + 汽水） 我個人 吾太鐘意食 拉麵 覺得拉麵豬骨湯好濃味 但今次試食蝦湯拉麵 真係有驚喜 都幾濃蝦鮮味 濃得來 好好飲 一些都吾膩的 我點的是幼麵 吸湯能力多些 所以 食起來 覺得好好食 勝過 豬骨拉麵好多 總之蝦湯超讚啦 兩片豚肉 我覺得無咩驚喜 但肥瘦剛剛好的 正常發揮 唐心蛋做得吾錯 夠唐心 至於餃子 🥟 都吾錯 吾係超市果種急凍餃子素 有菜在內面 食起來有口感的 汽水不用評價啦 因為罐裝汽水環境拉麵店來講算舒服 大 ， 有卡位 有 台位 服務都很好 食完 服務生仲問我地拉麵如何 我答左好食

上個月去北海道旅遊，臨走喺機場食咗碗一幻拉麵，返到香港仍念念不忘，好掛住佢個濃濃的蝦湯。尋日去灣仔探朋友，原來船街都有間一幻，二話不說即刻入去幫襯，原本諗住食碗麵，又好想食餃子，兩樣食晒又太飽，見隔離位食緊飯，睇睇個 menu，原來有叉燒飯，上次喺北海道無的，見佢唔係好大碗，加埋餃子就啱啱好，雖然好掛住個蝦湯，最後都係決定試新嘢。餃子係一貫好穩陣皮薄餡靚的日式餃子，反而個叉燒飯真係估佢唔到咁好食，日本叉燒碎上，一啲都唔乾，好 juicy，加埋一堆紅色的脆脆蝦酥同埋蔥粒，日本米又香又軟，成個組合好完美，尤其係大熱天時，唔想食得咁 heavy 嘅話，叉燒飯真係蝦湯拉麵以外的另一推介。