一幻拉麵 (已結業)

在日本旅行曾經看到好長的人龍，卻沒有機會試，剛好這天提早午飯竟然沒有人，於是立刻搶先入內。有別於其他拉面店，這裡是用蝦湯底而不是豚骨。蝦湯底勁濃郁蝦味，湯底可以明顯看到細少的顆粒，應該是蝦碎。拉面份量正常，面條亦沒有什麼特別。另有半隻半熟蛋，兩片豚肉，加上少少配菜。整體而言，食物質素不高，只是一般的拉面，不過以蝦作湯底的拉面卻實少見。座位上設有飲水機，可以自己倒水，因為湯底也有點咸，幸好可以隨時喝。

聽講呢度附近有間拉麵好評好多，今日約唔到friend，咁就自己過去試下。要左份豬骨濃湯拉麵，噶豬骨湯底好濃，但系唔系個種味精重噶濃，而系真系好自然噶豬骨香。拉麵就好彈牙，而且豬骨湯噶味滲入拉麵入邊，令到拉麵唔單止彈牙，而且好似蝦餃咁一咬就有汁流出來，食落去超級滿足。

今日lunch終於同同事食左北海道蝦湯拉麵，可能因為已經過左熱潮，排左一陣隊就可以坐低。座位都舒服，點了個招牌蝦湯拉麵，d湯好濃蝦味，好鮮味！可以值得再次嘅🍜！

又來食拉麵今次食過江龍 一幻店鋪位處比較偏遠不過環境乾淨舒服叫了辛辣味噌湯拉麵正常份量~豚肉2大片 普通~麵底正常水準~比較特別係有麵酥大部分拉麵店都冇呢樣野配上拉麵可以增加口感~~特別想講講湯底辛辣味噌湯有辣味 不過唔算好辣不過味噌我覺得欠奉味道並唔似Miso亦非很咸不過湯汁算是濃郁總體還可以~~以上係order紙 選擇都算豐富Finally 拉麵店並無開胃小吃 例如芽菜提供有+1服務費 但服務卻一般 無茶水CP值體唔高

午膳時間，門口總是大排長龍。今天午餐晚了，排的隊短了。一碗拉麵，加$11配一碟餃子，一樽汽水，這樣的配搭只有這個一間分店才有（職員說的）。上次來光顧時，已覺得這裏的餃子味道不錯，所以當聽到職員這是樣推介，就點了這樣的組合。麵的水準沒變，味道亦同從前一樣，雖然個人喜歡偏清淡的口味，已做了最清淡的選擇，但仍然覺得它的味道偏濃！

其實個蝦湯拉麵一點也不差， 但回想起一開始的失望，真的下不了手給個好評......先說失望位吧。一間一開始要排隊，有名氣，還要加一服務費的拉麵店，竟然沒有辣芽菜，真的接受不到。當十間有八間拉麵店提供免費辣芽菜的時候，一幻竟然芽菜都沒有一條， 紅薑、七味粉，影都唔見很多時候我去拉麵店，拉麵未到之前，我都會先吃一下辣芽菜，可以吊一下胃口，準備迎接拉麵。拉麵來到，放進辣芽菜，令拉麵多一點香辣。一幻的調味架上，只有拉麵胡椒，辣椒粉和牙籤。完。還有其他細節位都有進步的空間。圓櫈有點太高了，吃起來有點麻煩。我點的拉麵是幼麵，但與我一般所認知的或其他拉麵店的幼麵有所不同，我喜歡吃幼麵， 所以如果有更幼的選擇便好了。上面提到蝦湯拉麵其實不錯，由於家父很喜歡煮蝦湯，嚐得蝦湯多的我，試第一口湯便肯定 這是真材實料用蝦淆成的湯，因為我選了適當豚骨湯底，所以蝦味當中帶點豬骨湯味， 湯底pass🐖🦐拉麵附有兩片叉燒，半隻糖心蛋，蔥和紅薑天婦羅，所有配料都到水準附帶一提服務員都很有禮貌。雖然拉麵都做得不錯，但總是覺欠了一點什麼的，吃完沒有一種很大滿足的感覺，可能， 一幻，幻覺嚟嘅啫

要去灣仔交錢，為左令成件事增添意義，加上見訂位APP食朝早11半有折，就去左食啦，可能落大雨加太早，所以得我地一台客，姐姐超有心介紹！講曬有咩拉面出面、味道同個人推介！我自己鐘意食濃面，就叫左辛辣味噌蝦湯拉面，姐姐同我講bb辣，但實際上都唔係bb咁簡單，第一下辣到嚇親！不過又未去到過辣食唔出味的程度，幾爽幾爽，但唔食得辣千奇唔好叫！面質粗幼好鐘意，味道濃郁，朋友叫唔辣就蝦味更出，蛋就唔夠溏心，但整體好食^^餃子唔得，完全唔脆好失望😞唔洗叫筍又有驚喜，好好食，爽脆甜甜咸咸，好開胃分量又多，可以一試！如果有折食我都幾推介啊！

果日成家黎尖沙咀一幻拉麵食野，啲麵好好食呀，餃子又好正！仲有果個蘋果Chu-hi ! 好抵讚讚係啲員工，禮貌又好。唔止介紹小食，仲詳細介紹晒啲湯底同拉麵！好似果位Angel咁，真係好似天使咁照顧我地！Very Good!!!! 特濃蝦汁叉燒拌麵雖然無湯，但啲濃厚蝦汁，真係令我極道回味！另外，辛辣味僧蝦湯拉麵，唔太辣味道適中，我男友食完都話超正！自選豬骨湯仲有多葱選揀，啲叉燒同唐心蛋又有得加，超級滿足！一定再去幫襯呀！

知道佢係以蝦湯底做主打就已經仆到去試！身為北海道過江龍，秉承日本貴精不貴多嘅精神，菜色沒有太多選擇，只賣幾款拉麵，極其量俾你微調一下自己心水嘅口味或配菜、麵嘅軟硬程度等，就係那種「我只做好一件事」嘅精神，就係佢個蝦！湯！底！果然拉麵「蝦香撲鼻」，配濃湯建議選擇較粗身可以「掛湯」嘅麵條，啖啖滋味！值得一提嘅係店員熱情嘅招待，一坐低就主動細心講解每款拉麵嘅特色，甚至為你推介合你口味嘅拉麵！

隔咗一段時間冇寫食評啦 ！而家加入左失業大軍行列 ，不斷努力希望搵返自己有豐富經驗嘅相關職業， 積極見工但係同時我又會不斷諗究竟自己係咪真係想繼續原有嘅刻板生活？就係唔想俾太多無謂嘅規矩束縛住，但係有太多外來因素影響，一直忍耐⋯終於忍唔住要裸辭。突然諗起其實我對飲食都好有興趣㗎喎，成日都走去搵啲新餐廳試吓，因為我嘅夢想就係希望開一間屬於自己的咖啡店，希望快啲夢想成真，而響我未實現到之前唯有寫住食評先。😅入正題：呢間拉麵之前試過一次，當其時仲要排隊添。今次黎大把位坐，可能同落雨有啲關係吧！其實之前我嘅印象麻麻咋，印象中只有好強烈嘅蝦味同埋個湯有啲油！本身我男朋友話想食拉麵，而響港島區我就淨係諗到跑馬地有一間，不過佢又好似麻麻哋，提議嚟灣仔呢一間食，咁算啦當就下佢啦！一入去就有位坐，店員仲好殷勤咁介紹咗成個Menu俾我哋聽，另一位店員再重複一次我哋嘅order仲提議我哋飲佢哋新出嘅蘋果梳打酒tim!我哋分別叫咗一個拌麵同埋一個辛辣拉麵 （店員聲稱小朋友都食到嘅辣）。另外叫咗個飯團同埋一碟餃子。個拌麵預設左係要伴粗麵食嘅，我本人本身麻麻哋鍾意拌麵亦都麻麻地鍾意粗面，雖然最終我都有食過一小部份

今日同老公仔過開黎灣仔，終於都試到呢間用蝦湯做湯底既拉麵期待左好耐~平日夜晚7點幾，都算大半滿，我地兩個坐係窗邊，舒服~店員耐心介紹，超讚結果我揀左蝦湯，老公揀左豬骨湯，都點了店員超級推介的飯團。上麵了~我個蝦湯沒有失望，鮮蝦味，好香，老公加埋豬骨的都唔錯，飯團都好食。麵質方面偏向似油麵，我個人就比較鐘意食幼身的印象中唔太多係純蝦湯底拉麵……所以如果喜歡蝦湯底朋友可以一試，大滿足我會再來~加埋豬骨就感覺似出面一般的豬骨湯底，下次試埋

灣仔剛見完客，12:30左右，經過一幻拉麵，已經比佢既招牌蝦湯底吸引，基本上前後幾個鋪位都會聞到，又見到無咩人排隊，膽粗粗走左入試!北海道人氣NO.1，等我一試究竟!!!!唔好以為無人排隊就無人食，你地睇下，係坐滿哂人嫁!!我叫左個原味拉麵$88，醬油口味加幼麵麵身，正常份量，半隻半熟蛋，2片豚肉，加少少配菜同蝦子。個蝦湯底係勁勁勁濃郁，鐘意食蝦既一定唔可以錯過，之但係我覺得咸得濟，時不時要飲水沖淡D味….價錢就適中…食拉麵$100落樓算差不多了~呀佢仲有BOX SET買，$68盒，如果經過又想食但又大排長龍…可以考慮買黎止下口癮既但應該都比唔上堂食嫁啦哈哈推薦度6.5分!!!

係香港有好多嘅拉麵店，但好食又有feel 吾多。我比較中意一啲靜些的店，一幻在灣仔的店不是很大。入去的感覺是很傳統日本拉麵店的格局。香港分店有兩款限定款式，分別是辛辣蝦湯底拉麵同蝦汁撈拉麵。 蝦湯底濃郁得來又唔會好似食咗味精咁，喉嚨乾。加上小小辣味令到個蝦鮮味更加突出。 蝦汁撈拉麵方面，他的醬汁剛剛好，十分好吃。配菜方面，他的溏心蛋好流心，义燒好入味額外資訊：如果喜歡他家的湯底，可以在店內購買他獨有的蝦湯底回家。

今日見經 app 訂位有50% off，就決定去試下一幻既蝦湯拉麵。佢半價既優惠只係 1100 先有，所以要一早去。唔知係咪因為 1100 去到佢冇咩人，所以個 staff 好詳細咁介紹左佢地唔同麵同湯底既特色。🤩咁黎到就一定要試下招牌蝦湯拉麵，佢既原味湯底係冇加入豚骨煮，鹽味亦係佢最清淡既選擇，所以揀鹽味既原味湯底就會係最純正既蝦湯。🥰 成碗麵一黎到就聞到好香既蝦味，可惜佢既拉麵掛湯力唔強，所以拉麵係冇咩蝦味。🙁 而隻蛋都有少少熟，溏心既效果唔強。🤦🏻‍♀️ 個兩塊豚肉好薄，係半肥瘦，但係好落就有少少油。😶 不過值得一讚既係，食完成碗麵個一陣蝦味會係個口停留好耐，所以佢既蝦味真係好濃😋（不過只係個湯而唔係個拉麵😂）。整體而言，半價係抵食既，但如果冇半價就唔使特別去試佢既蝦湯。🙈

This yummy ramen with the thickest juicy broth made with shrimp shells, it has the perfect balance of sweet and saltiness. Must add he deep fried ginger gives an interesting bloossomI prefer my noodles more aldante with ramen sauce and extra onions! 😍This place is definitely worth a visit if you are craving for a warm gastronomic symphony in your mouth!