一幻拉麵

營業中

休息中

一幻拉麵終於開到嚟大西北屯門牛終於有幸唔使出去都有好味拉麵食北海道嘅一幻拉麵出哂名要排長龍今日專登Lunch之後先去，好彩唔使排好耐.舖頭入面好闊落好舒服我哋點咗屯門新店限定二人套餐 (兩個小食兩個麵兩個嘢飲).食拉麵當然要有味筍同餃子啦所以我哋都點咗食住等麵掛住影相加上餃子d皮太薄，餃子攤凍咗少少先食不過都無阻個味道.我就點咗招牌蝦湯拉麵 (幼麵)湯頭非常香！入口順口！極重蝦味！拉麵軟硬度適中！溏心蛋唔錯，叉燒比較瘦，不過薄切唔太覺瘦唯一係正常份量係150g，少麵係75g正常又太多少麵又太少不過始終未食嘢，所以都係叫正常啦 (最後食唔哂).友人就點咗辛辣味噌蝦湯拉麵 (粗麵)我試咗一啖個湯，仲濃過我個蝦湯，好好味呀友人話粗麵都好彈牙好好食！.最後提大家一定要加麵酥紅薑天婦羅！好正架！

之前同老公食過尖沙咀店，屯門開咗新分店後佢話想再食多次，都預咗新開實多人排，所以我地都提早左d出發行去市中心等位，不過條龍都係好長，起碼等20個🙈不過早左黎就試下等啦，晏d黎就更加等唔到，排隊嘅時候都有店員會不時提供餐牌同落單紙，又會幫你對單；等待嘅時間都比預期中快，我地叫左呢個餐，有齊飲品、小食、拉麵，仲送多個飯盒比你；先黎嘅係煎餃子，夠熱，但煎得唔夠脆屯門限定：蕃茄蝦湯拉麵開頭好驚2隻咁濃嘅食材擺埋一齊，會唔會搶左其中一種食材嘅味道🧐但又唔會喎，比例控制得好，分別細味到蝦湯同蕃茄嘅味道老公今次就叫左辣蝦湯拉麵佢話有辣好食過唔辣雞髀菇

多謝一幻邀請我去即將喺屯門開嘅分店試食🙈全面有成1,320平方尺，共65個座位，等我同大家分享下先🍜～#北の極番茄蝦湯拉麵 $78 8.5/10————————————呢款拉麵係屯門店限定，湯底依舊用上一幻嘅招牌甜蝦湯底，所以每一啖湯都有濃濃嘅蝦鮮味🦐不過由於蝦味太勁，反而食唔出番茄味🤔拉麵附有半隻溏心蛋、日本叉燒、切片番茄同粟米粒🌽可以自行選擇粗幼麵同配料，如麵酥同香蔥，原來麵酥即係紅薑粒天婦羅！平時我係咩薑都唔食🙈不過呢個炸過非常香口，配埋拉麵亦增添口感。#札幌咖喱蝦湯拉麵 $78 7/10————————————呢款係朋友揀嘅冬日限定，湯頭除咗沿用蝦湯外，亦有北海道湯咖喱，一上枱就聞到勁濃咖喱味👀由於我哋影咗好耐相，所以個麵都嗦晒啲湯咁滯，難免有啲偏鹹😂呢款麵附有大量角切瘦叉燒，我覺得呢碗比較重口味，啱男仔食多啲🙈#餃子5隻 $35 8.8/10————————————5隻餃子都煎得好香脆🥟豬肉新鮮又多汁，不過身為餃子控嘅我就略嫌細隻，如果裡面再多啲菜/蔥就更好😆總結：店舖環境非常乾淨，我哋影咗好耐相啲麵都無淋到😆如果落單時有得揀麵質軟硬度就更好♥️試食嘅呢兩款拉麵鮮蝦味甚濃，推薦

因為疫情而無法去旅行，好掛住日本之際⋯ 一幻竟然開到嚟屯門喇⋯！暫時留港品嚐正宗日本拉麵算係一解鄉愁吧～北海道嘅一幻拉麵，相信對經常遊日嘅香港人嚟講應該都唔陌生，因為日本本土幾間分店經常都大排長龍！原來除咗本身蝦湯拉麵之外，屯門呢間仲會有店舖限定嘅番茄蝦湯底，另外又有冬天推出嘅限定咖哩蝦湯拉麵⋯我喺店舖限定同冬天限定兩種口味糾結咗好耐因為兩款口味都好想試呀！最後決定咗要冬天限定嘅札幌咖哩蝦湯拉麵⋯！咖哩蝦湯拉麵上枱嘅時候，已經聞到濃濃嘅咖哩香氣～於是立刻品嚐一下湯頭如何，嘩，咖哩香氣喺口中化開，取而代之係極濃郁嘅蝦香，蝦香撲鼻！難怪會被稱為超夢幻拉麵，因為真係好驚喜！每碗拉麵都可以選擇配上一啲紅薑天婦羅，呢個紅薑天婦羅係必食，脆卜卜好香，希望呢個配料可以商品化就好喇！仲有啲叉燒係切成一粒粒，半肥瘦咁，有少少似背脂咁，大愛！！店員仲推薦咗呢個香辣甜蝦椰菜沙律，啲甜蝦脆脆地又少少辣，好味！原本好想試埋個蝦味飯團，但係今次食得太飽，佢地啲拉麵好大碗，下次叫少麵先～

一幻拉麵開業頭五日，個買一送一優惠吸引咗成個屯門公園嘅公公婆婆叔叔姨姨Nana排隊，遲啲喺屯門開壽司郎都唔知點😭● 北の極🍅蝦湯拉麵  屯門限定($78)●見「限定」呢兩個字就忍唔住試咗，本身自己都勁鍾意食蕃茄，碗麵有一塊叉燒加半嚿糖心蛋。麵底有粗麵（極太麵）及幼麵兩種，建議大家選擇幼麵，因為可以沾多的湯汁。好鍾意佢嘅湯底！一飲即刻嘩咗一聲！係我廿載青春飲過最好飲嘅番茄湯！唔會太鹹，太甜，太結，太稀，太味精，好多時番茄湯只係番茄醬味，唔係真。🍅，但係呢隻湯無以上任何問題！番茄同蝦呢兩款濃味嘅食材都balance得啱啱好，唔會互相搶味，淨係呢點已經好難得。埋單個陣個經理仲好好人咁行過嚟問我哋意見，先講返原來呢個湯係佢嘅idea，佢試咗好耐先調配到個比例架XD🐷🐷🐷● 🦐湯拉麵($88)●母上大人揀咗最經典嘅口味 配原味+鹽味嘅湯底+幼麵 全部都係店家推薦嘅~湯頭希杰適中，入口順口，麵條直身，粗幼適中，煙靭彈牙, 可惜無麵粉味。可以留意隻糖心蛋，比較生，熟多少少會好啲，而且醬油味較弱，唔需要加錢嘗試。叉燒雖然偏瘦，但肉質鬆軟，係唔鍾意肥叉燒嘅你嘅選擇。💭💭💭好味(9/⑩)抵食 (8/⑩)💭

每次經過都非常多人排隊，每次都排咗一陣就冇心機再排落去😂今日終於的起心肝要試一試！叫咗屯門店限定嘅蕃茄蝦湯底拉麵，試咗一啖湯底覺得好清甜，蝦味好清😍😍另外叫咗餃子，個皮好薄好食

一幻屯門分店一直都勁多人排隊，今次行過見到唔算多人，就排一排，試吓佢既拉麵。餐單上選擇唔算多，反而覺得好有日本特色，呢間分店有屯門店限定嘅蕃茄龍蝦湯拉麵，但我最後都係想試下佢既出名既拉麵湯底，揀左佢既濃蝦麵豉湯拉麵，再加餃子。拉麵一到，馬上喝一口湯先，好濃蝦味，勁正，啲拉麵質地彈牙，而餃子皮子薄，好好味，我個人覺得同日本食既一樣。如果想一解不能去日本之苦，食一幻絕對係一個好選擇。因為疫情關係，佢有6點後男士外賣特價套餐，我個人就覺得食拉麵係要堂食先正，但外賣餐又確實係好抵。

我本身對日本麵無特別興趣，見新開張，女朋友想食，我就一試無坊。其實我都擔心好似一蘭D麵有碱水味。環境：我喜歡樓面光猛，有兩邊嘅大玻璃射入光線，加上有我喜歡嘅淺木色，好舒服。木傢俬的手工相當好，再配合紅色的布作為裝飾。我最鍾意調味架和筷子、紙巾桶都懸掛，令到枱面有多些空間放食物。食：我最欣賞係麵，冇碱水味已經係好好。湯就比較油，我想尊重廚師而飲晒佢都唔得添。餃子就冇乜味，唔知係唔係同湯好濃味有關？飲：喺日本餐廳，自然飲同日本有關嘅飲品。服務：侍應帶我哋坐下之後，會從架上的ｍenu，點菜紙和筆，放在枱上，以不是高級食店嚟講，呢個動作係非常好。回應：我對呢間食店好滿意，所以臨走的時候，摺上紙鶴。不過，侍應好似get唔到意思。

🍅🍅🍅🍅🍅🍅🍅🍅🍅🍅🍅🍅🍅🍅屯門限定 - 「北の極蕃茄蝦湯拉麵」見只有屯門店先有蕃茄味，就諗住一於試試佢。但食落都幾失望，蕃茄湯一d都唔濃郁😔，蝦味亦淡，兩頭唔到岸嘅感覺😞，食咗一半就食唔到落去了。。🦐🦐🦐🦐🦐🦐🦐🦐🦐🦐🦐🦐🦐🦐🦐而另外一款「招牌蝦湯拉麵」反而呢款就好有驚喜，蝦味好濃郁，口味揀咗鹽味亦好夾。叉燒同糖心蛋都好食😋！值得一試😋！

之前喺尖沙咀同中環都有食過一幻，蝦湯超濃厚，好 impressive，喺新界開唔意外，但估佢唔到竟然揀屯門！由天水圍娘家搭西鐵去其實還算方便，真係屯元天牛嘅福音！新店推出番茄蝦湯同埋咖喱蝦湯，又係充滿驚喜地新出嘅特別湯底仲平過原味😂見到隔離枱嗌呢兩款都好吸引,不過今次嚟都係想食返原味,下次有機會先再試新味～XD　點了味噌幼麵，熱騰騰又濃郁嘅湯真係睇見都心心眼！屯門店保持到其他分店嘅水準，湯底蝦味香濃，亦足以掛麵～合乎期望！仲有重點係啲蝦酥，正正～喺social media出post，無打卡都畀人憑呢堆signature蝦酥認出一幻！重點係一幻真係算幾抵食，當有啲麵店標價過百蚊一碗麵，甚至港式拉麵都可以上到咁嘅價位，真係有點卻步...呢度一碗加埋10%都係一百蚊左右，而且質素係真．日本級，讚啊！

見大家食評都係正面,故一向不太好拉麵的我也要去屯門新開的一幻拉麵試吓佢個蝦湯拉麵,星期日大概早上11:45去到剛有位不用排隊,座位都舒適及環境光猛,侍應也反應快及有禮貌,拉麵等一陣便送上,熱辣辣的,原味蝦湯麵的湯較重蝦味及好食D,但湯面較多油,食幼麵好D,其實粗幼爭少少的,但由于幾大碗吓幼麵冇咁滯，跟餐的餃子也算大隻, 食完出外便見有十多人排隊.

屯赤隧道通車，由東涌揸車入去十幾分鐘就到，以後放假又多一個地方去玩。去到屯門巿廣場，睇均咁多間餐廳都無乜邊間想食，見到呢間拉麵店要排隊，心諗應該唔會太差掛，好彩入面啲人好快食完就走，唔洗等好耐，大約等咗20分鐘就有位，排緊隊已經揀定食咩，一坐低即刻俾張點菜紙個 server，唔洗一陣就有得食。我哋兩個人，叫咗一碗番茄蝦湯拉麵 share，另外仲叫咗餃子、蝦味飯團同辣蝦椰菜沙律。個番茄湯底超濃郁，甜甜酸酸好開胃，但又唔會蓋過蝦湯的鮮味，雖然得一塊叉燒，半肥瘦唔會鞋烚烚，隻溏心蛋啱啱好，流心的，都幾大碗，我一個人應該食唔晒成碗。餃子普普通通啦，但係個辣蝦椰菜沙律有驚喜，啲蝦仔甜甜地，小小辣，脆脆地好香口，椰菜絲好新鮮爽口。蝦味飯團熱辣辣，又香又軟，好食。原來個番茄蝦湯拉麵係屯門店限定，出面市區的分店無的，$88咁大碗，抵食。下次黎要試埋另一個冬季限定嘅咖喱蝦湯拉麵。

新開張限定期間買一送一既最後一日排隊都要排一個鍾😆😂試左佢個招牌蝦湯拉面 (HK$88)面都係有粗幼揀, 不過幼極都唔係一蘭個款, 所以個人對個面係一般🙃😌但湯方面就幾滿意~夠香夠濃!真係有蝦既鮮味😋😋😋 其實入到鋪頭座位區已經可以聞到濃濃既湯香味👃👃仲要坐係觀眾排~~可以睇住廚師煮~~好耐未試過飲到個湯見底🤣加埋滿滿既蒜蓉真係💯💯 另外仲有抗疫外賣套餐~ 睇落幾抵食咁~回頭既話我應該會因為佢個勁濃既蝦湯再食既😂😂😂

最近不少食店在逆市開張，例如在屯門市中心就有一幻拉麵進場，新開張優惠有首5天買1送1，這個優惠真是好吸引，結果是大排長龍。雖然有此心理準備，但真是從來沒有想過要排隊等侯一小時多十五分鐘才可以進入，當時我特意12點前到達，已有兩行人正排隊，可以想像有多誇張。位置：在TASTE的前面，要走到商場的轉角位。環境：店內空間頗大，但沒有入內參觀，只是被安排住在門口附近位置就座，不過桌與桌之間是寬敞舒適，以木系為風格，木桌木椅木牆，亦有窗景。服務：相當有禮和貼心，入座前已派定菜單選擇，入座後即刻入單。遇到不清桃的地方也會細心解釋，我覺得服務不錯。午市：辛辣味噌蝦湯拉麵$88(粗麵)其實我只是為了湯底而來，光看表面的色澤就知道湯底絕對是濃厚口味，而且傳來陣陣的蝦味。喝了第一口，味道是很豐富濃郁，因為有不同的蝦種來熬製，無疑湯底是一流的，是我吃過蝦味最濃的湯底，但也不應該忽略了配菜，就是叉燒。只有兩塊薄叉燒，而且缺乏焦香，好像是白灼叉燒，好失望。麵條有彈牙口感，沾滿湯汁。特濃蝦汁叉燒拌麵(粗麵)(送)這是家人點叫，沒有湯底，叉燒被切粒來撈麵，家人覺得有湯是更好吃。

🦐一幻拉麵🦐屯門限定「北の極番茄蝦湯拉麵」，比「招牌蝦湯拉麵」多帶一點清甜香味，兩款湯底都好好味😋。之後外賣嘅「蝦味飯團」，比起飯團專門店嘅凍冰冰飯團，暖暖哋加上鹹鹹哋嘅蝦味，係喜出望外咁好食。🦐曾經喺百佳買過日清出嘅急凍版一幻拉麵，今次餐廳售賣嘅盒裝拉麵，無論麵質同湯底都更出色，自己喺屋企都煮到好味拉麵。❤真心想稱讚一幻嘅經理同員工嘅服務👏🏻👏🏻，帶著媽媽食拉麵，經理見有長者，擔心食唔慣濃湯，主動問有無需要加點清湯，而侍應拎清湯嚟時，亦不忘提點：「婆婆，小心啲湯熱呀。」用餐後，經理再主動問我媽媽，好唔好味呀，又講解伴麵嘅麵酥「紅薑天婦羅」點樣整，最後更幫忙拉開枱櫈讓長者離開，讚～！👍🏻👍🏻👍🏻