一幻拉麵

營業中

休息中

用一個book 枱app有折，所以見有優惠就試一試。原來book左枱都要排隊等位，好彩唔係繁忙時間所以唔洗等太耐。帶位個個完全冇講過歡迎光臨，抄低我個promotion code，淨係講”依邊”之後指住個位，放低張點單紙就算。第一次食我就揀咗original 拉麵，佢有得加豬骨味落湯到，不過第一次食都係試原味穩陣啲。依到出名嘅蝦湯真係好香都幾濃郁，不過食落有啲咸。麵質都好彈牙，無發脹，煮嘅時間啱啱好👍🏻👍🏻另外每碗麵都有跟半隻糖心蛋同兩塊叉燒。個人鍾意咬落去個蛋黃黏住d 牙嘅感覺，不過依度嘅糖心蛋做唔到呢一種感覺，糖心蛋整得還好。叉燒同一蘭塊叉燒厚薄差唔多。餃子幾好食，皮薄啲肉好Juice同煎得好脆，大力推介。埋單個時佢忘記咗我有個折扣優惠，我要再show多次promotion code，佢先同我改單，原來帶位嗰個同收銀係同一個人，我覺得佢好唔誠實👎🏻👎🏻👎🏻👎🏻 埋單連講句多謝都無。結論係試過一次唔會再幫襯，食物同服務一樣都係好重要，而且呢一間係日本過江龍餐廳，估唔到服務同茶餐廳水平一樣。

近排海港城有好多優惠，shopping🛍餐廳🍴等都有優惠，今晚就選擇了一幻試下，見門口排隊都吾少人，不過食拉麵都應該吾會等好耐，大約等了半個鐘，終於有位，疫情期間要量體溫入座。在門口時已諗定叫咩，所以坐下後就開始落單先講個叉燒飯，唔算好大碗，肉質鮮美吾鞋口。跟著是辛辣味噌蝦湯拉麵🍜湯底濃郁，叉燒肥瘦適中。最後是-幻炸醬麵，炸醬麵醬汁激濃，比較重口味，蝦肉彈口。總括是比較重口味的食物，喜愛濃口味的朋友極啱！

招牌蝦湯、鹽味、濃厚豚骨、粗麵、走蔥、紅薑天婦羅湯底 ： 濃厚，堅重蝦味，唔算好咸麵 ： 彈牙唔會好淋，份量唔少叉燒 ： 睇佢白曬曬，但夠味又唔會有腥羶味，不過好薄蛋 ： 冇乜味，但質感幾好價錢 $88香港限定 - 辛辣蝦湯 $88（湯底已經配方調整好，所以冇得選）配料同上面碗一樣湯底都係好濃厚比上面碗咸啲唔算好辣餃子唔算好脆 不過不失啦！$35難食叉燒飯 $45 睇個樣就知道唔好食得去邊啦！如果你哋都想試吓有幾唔好食嘅都可以試吓嘅😆佢支烏龍茶都幾好飲不過睇到佢有行細字寫住中國福建省茶葉使用下次應該唔會再叫 $25綠茶都好飲香得嚟唔苦澀而且係100% 國產茶葉使用👍🏻$25鍾意飲邊隻就自己揀啦！

是星期日的下午3點右左，大約需要等位15-20分鐘吧，門多約有10人左右。入到去見環境都不錯，食拉麵店黎講都幾寬敞，bar枱都寬闊，不過坐在二人卡位時，天花上會是滴水，幸好不是滴落食物上面吧.......不然是全部都不想再食呢個出水位有點難按餃子是普通正常吧，上枱最快。叫了辛辣蝦湯拉麵，話係期間限定，有小小的辛辣不算非常辣，要了粗面，味噌湯......义燒是有兩片，飲咗湯係好味濃好重蝦米乾的味道。另一個豬骨濃湯，要勁濃，要幼面，覺得同粗的差別真心不大.....义燒一樣是兩片不過兩種湯底都非常的咸，而且非常之多油，吃完之後都濟濟地.........每滿$100會送$50優惠可下次用，不過都不想再去食了，冇下次。

吃了香港限定的辛辣味噌蝦湯拉麵。蝦湯味濃，夠辣，好味。幼麵剛剛好，不會太硬亦不會太軟。加了蔥和麵酥更好吃。不過吃久了會覺得有一點油膩和少許咸，但屬於可接受範圍。

相信呢間餐廳嘅其中一個賣點就係佢嘅維港景色。今次都係第一次嚟到呢間過江龍拉麵試吓新野，好好彩地有得坐近海高枱，自成一個，成餐飯都係對住個維港食嘢，五光十色，別有一番風味。講返食物，當日叫咗兩個拉麵，同埋一份餃子，兩個拉麵分別係招牌蝦湯拉麵同埋特濃蝦汁叉燒拌麵。識開重口味同埋鍾意特濃嘢嘅我，喺拉麵嘅湯底入面都選擇咗特濃，碗拉麵嚟咗之後，成碗湯都好濃味又結結稠稠地，果然夠特濃。餃子作為小食我覺得煎得唔錯，值得推介。

一幻灣仔店我之前已經食過，蝦湯麵頗難食，但尖沙咀店見咁多人去，朋友又話ok，我鼓起勇氣再入去食一次先上係餃子，皮唔會厚，豬肉幾嫩同新鮮，外層有少燶，都唔錯到拉麵，湯底冇得揀少辣走辣，成碗麵得隻辣味，蝦味有少少麵就多，叉燒兩塊超薄，蛋又冇咩特別，好失望，同之前一樣咁差雖然送左兩張$50 coupon俾我，但係質素冇改善，冇下次喇最後送上餐牌俾你參考如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️

知道一幻拉麵黎左海港城好耐，但次次都見到好長龍唔想等就一直都未有機會嚟試。咁岩今日經過見到唔太多人排隊就是一次啦😋大概等左15分鐘就有位今次叫左香港限定辛辣味增蝦湯拉麵$88同埋$35餃子拉麵湯底夠晒濃郁又有香濃蝦味。不過都幾辣，如果唔食得辣可以要求小辣🔥或者食返原味餃子煎至有焦，餃子皮算有咬口，黎到影完相都仲好夠熱 好抵讚👍🏻整體黎講都好唔錯，整得回頭PS 如坐到窗口位仲可以觀賞維港景色🌃呢個價錢物超所值🤩

店員係跟據你嘅Order Sheet落單，全店共有4款麵，每款都喺💲88。😌男友揀招牌蝦湯拉麵，我就揀咗特濃蝦汁叉燒拌麵。🦐招牌蝦湯拉麵一放低碗拉麵，已經聞到陣陣蝦味，湯麵顏色相當刺激食慾😆。湯底同預期一樣有好濃郁嘅蝦味👍🏻粗麵質感很好，溏心蛋賣相同味道都OK。🦐特濃蝦汁叉燒拌麵拌麵有紫菜、叉燒、蔥花、溏心蛋，底部會有蝦汁，攪均後食到每條麵都沾上蝦汁，味道唔會過咸。粒粒叉燒好食😍唔會好『鞋』口，推介一試！我哋另加小食叉燒3片💲30，餃子5隻💲35，雞髀菇一小碗💲22。叉燒可選一粒粒/一片片，我哋揀片，試完異口同聲覺得粒粒叉燒好食啲！餃子唔太熱，感覺放咗陣先送過嚟，唔係算juicy亦唔算好乾，一般。雞髀菇有木魚放面，但味道很好，食得出係炭燒，可惜量少，唔抵食。

一幻拉麵是去年九月光顧的，當時與好友相約尖沙咀海港城行街，朋友推薦我去品嚐的，所以我便隨他到此進餐。店內裝潢簡約樸素，以木材為主元素，整體風格富有日本風味，位於店舖盡頭的座位更可飽覽維港景色。辛辣味噌蝦湯拉麵這款拉麵是香港限定的，蝦湯湯底有一層薄薄的油，入口蝦味濃厚，黏度適中，拉麵選用蛋黃粗麵，麵條掛湯力高，口感煙韌彈牙，嚼勁十足。拉麵加入了麵酥作調味，麵酥是指紅薑天婦羅，把紅薑切碎再油炸而成，味道香脆可口，帶有薑的辣味，辣度適中，配料則有叉燒以及溏心蛋，叉燒肉味香濃，軟腍嫩滑，溏心蛋稠密緻滑，蛋香味濃。札幌啤酒啤酒是樽裝的，色澤金黃亮麗，泡沫綿密豐厚，入口味道清爽柔和，不會苦澀，即使日常不太愛喝酒的人士也適合。朋友點選了招牌蝦湯拉麵以及蘋果梳打酒，拉麵上桌時香氣撲鼻而來，麵條使用蛋黃粗麵，但這款並沒有加入麵酥，而豚骨湯的氣味濃郁，梳打酒則帶有淡淡清新的蘋果香，味道方面我沒有品嚐，就不作詳細評論了。整體而言，環境簡約舒適，整潔衛生，食材新鮮，製作美味可口，而且更可以欣賞維港景色，是與朋友吃拉麵的好地方。

當一幻在香港插旗時，我已經好想試！但無奈個時排太耐隊～最後放棄了～e+競爭大了熱潮過去左！今晚經過居然未有人排隊！！即刻入去試！！😍😍😍早一排食過一燈沾麵～覺得入面裝修雖然開揚寬敞但座位太少～一幻反而做得幾好～除左安排一排bar檯對住維港亦有卡位～同圖書館式座位～圖書館式座位仲有自助飲水機～5需要成日叫人加水～🤣🤣香港店有d個人限定湯底啊菜式～但我地第一次黎食當然試佢招牌啦～🌟招牌蝦湯拉麵（$88）我要了味噌幼麵！～先飲一啖湯～好濃蝦味但又5會太腥～但食到最後有d滯🤣🤣🤣可能湯太濃但好味！！🌟招牌蝦湯拉麵（$88）男朋友叫左一樣拉麵～但要左濃厚豚骨湯同粗麵！～飲左佢一啖湯！佢個個再濃味d！！好豬骨味反而蝦味冇乜～🌟餃子（每人加$18）e+原來佢地做緊promotion只要每人加$18就可以有「餃子放題」！！如果單叫都$36所以其實叫兩碟已經抵番啦！！而且重點佢5係煎定！！所以好味！！！抵啊！！🌟🌟🌟🌟🌟🌟🌟🌟🌟🌟🌟🌟🌟🌟🌟🌟比起一燈我覺得佢抵食好多～例如每碗已經有半隻蛋送湯底又好味！～反而我食一燈5夠飽啊！！值得去食！！！啊！e+食滿$100再送cash cuopon啊！！再抵上抵！

好耐冇同朋友見面啦😌今日week day 行下海港城經過就試吓呢一幻拉麵店醫肚估唔到佢個蝦湯拉麵個湯底又幾濃郁喎🤩岩哂我呢啲濃味怪😂不過個麵底就偏硬我就覺得有小小美中不足🙈申利：純粹個人口味喜好我地另外叫左個煎餃子🥟味度就不過不失啦佢另外有個撈麵，我下次都會再試埋佢😋😋始終疫情問題都比較小員工可能落單既時間會耐小小，但都可以接受佢既環境都舒適，我見隔離枱有兩個小朋友佢都有提供小童櫈，設備齊全岩哂一家大細黎食野👍🏻

今次係第三次幫襯一幻，第一次係喺札幌，第二次都係呢間海運大廈不過上次懶寫食評，喺札幌食過非常好食，所以喺香港再幫襯，今次禮拜日晚七點幾唔洗等位直入bar枱，兩個人叫咗兩碗招牌蝦湯拉麵和一碟五隻餃子，幾分鐘後餃子嚟到，餃子好熱不過餡料淋嘅不太新鮮，而拉麵呢我喺點餐紙上tick咗粗麵和濃湯，食完餃子好快拉麵嚟到，蝦湯底非常鮮，流心蛋ok係流心嘅，叉燒薄薄地兩片ok啦不過唔係入口即溶嗰隻，粗拉麵有咬口係我至愛，朋友叫咗幼麵，不過我分唔到同幼拉麵有幾大分別，個人覺得整碗拉麵最特別之處係個湯底非常好飲而且熱辣辣出煙，還以為自己身處於日本食緊拉麵，我以前喺香港食過好多日本拉麵店佢夠膽死整碗拉麵係暖嘅，$88一碗拉麵另加一喺海運大廈來講價錢算便宜

行完誠品，見餓餓地就諗住搵啲嘢食下啦，過咗隔離海港城嘅依間一幻拉麵，有望住海景嘅吧枱位，又有卡位，坐得都幾舒服。每個位仲有熱水位，又有冰水提供，硬件嘢都做得唔錯。第一次食，自己就叫咗個招牌蝦湯拉麵，佢嘅配搭係可以湯底（原味、適量豚骨、濃厚豚骨）再配個口味（味噌、鹽味、醬油），今次就揀咗個原味配味噌，係幾濃嘅蝦味，又唔會太腥，但就真係重口味之選，個湯頭有啲「結」，對我而言係鹹到有腎病咁嘅，食完要即刻飲番一公升水。而個幼麵配依個湯就不過不失啦，叉燒同蛋都係正正常常咁啦，不值一提......而朋友就叫左個特濃蝦汁叉燒拌面，依個係香港限定款黎，而個麵底就set死咗配粗麵，拌麵的而且確係配粗嘅麵條係最夾，但啲切成粒狀嘅叉燒就真係一啲都唔吸引啦，粒粒都係叼柴皮咁，香口膠咁。而除咗食物質素以外有好大嘅改善空間之外，最需要改善嘅就係員工嘅態度，話曬都日式餐廳啊，就算做唔到日本嗰套，都唔好俾差過茶餐廳嘅服務態度我呀，黑口黑面咁，仲要收我加一......

Its my second visit to this ramen shop and this one I was attracted by the all-you-can-eat ramen promotion for only $18 upon ordering one ramen. As a dumpling lover, I ordered 3 rounds of dumplings, as they are really good and meaty, and its not oily at all! One thing to highlight is there is no spring onion in the dumplings, which I usually hate, so I would say its a very good all-you-can-eat offer! (The original price of 6 pieces of dumplings is $35) For the ramen, I ordered the spicy prawn on