一幻拉麵

營業中

休息中

而家一幻做優惠，堂食係買一送一，咁樣除翻開兩個人都係40幾$一碗拉麵勁平。我好鐘意尖沙咀呢間一幻係因為佢可以對住個海景。而家40幾就可以對住海景食拉麵真係要日日黎先得。我叫左香港限定既特濃蝦汁叉燒拌麵 而我朋友就叫左普通既蝦湯拉麵。其實我好少食蝦味既拌麵，覺得好新鮮。雖然而家做特價，但係材料無偷工減料，個汁真係好濃好有鮮味。呢度無得選麵既彈性，我覺得呢度係偏硬但係又爽口。我試左朋友個湯，比起普通豚骨拉麵都係偏重口味，岩晒我。另外估唔到原來叉燒同蝦味原來都幾match，有特別驚喜。仲有個流心蛋熟度控制得好好。

The food there is delicious. That was the second visit I made to Ebisoba Ichigen. The soup broth for ramen was not too salty and the gyozas were served at the right temperature. I am obviously going there again. 

去了跑馬地辦點事後，下午百無聊賴駕車去了海港城。 到達時已是五時，我們趕緊去找食店，冀在六時前提前吃晚餐。這店平時一向有一班年輕人排隊，今天今日商場人流稀少，門前人龍沒有了。店員在門前為我們量了體温後，帶我們到近窗口位就座。 店員這時對我們說這時段是點一送一優惠，主菜、飲品都享有這優惠，加一照計。我們點了適量豚骨蝦湯拉麵湯底和特濃蝦汁叉燒拌麵，並點了綠茶和烏龍茶。我曾經在香港光顧了很多「過江龍」的日本拉麵，每次吃完都有點失望。 曾想過，是否在日本光顧這些名店時，心裏已加了分數，所以例必讚不絕口？  有一間出名壽司店，每次去東京，差不多一到埗行李未執拾便去朝聖。他們在旺角開店時，我第一天就去光顧，但感覺質素和日本是有一些差距。 同樣，一間以醬油麵馳名的日本店，在香港品噹時卻覺得太油。 那麼，究竟是香港店有落差還是我們一廂情願？（感覺上日本地道店永遠是好些？）說回此店，兩碗麵備上後，我倆不約而同拿起勺去嚐嚐蝦湯。 嚐一口後，腦裏回憶起久違了的濃濃蝦湯味。上一次我們體驗這樣的蝦湯是一間在灣仔的麵店，可惜老閭退休後，蝦味也隨他走了。據聞此店每日以大量甜蝦蝦頭新鮮熬製，用上北海道的海洋鹽，再加上

疫情過咗一定會再去食😍佢哋嘅招牌蝦湯實在太令我驚喜了😍😍辛辣味增蝦湯拉麵 $88飲頭啖湯，蝦味濃到好似全部都係蝦膏甘，將全部蝦嘅精華都放晒落個湯底到😍😍😍其實唔使食，喺店面排隊等入去嘅時候已經聞到勁香蝦味😭😭冇咩耐性排隊嘅我都堅持排落去😂🙈拉麵度軟硬都冇得揀，個人意見認為軟硬適中叉燒肥瘦部位均勻，糖心蛋外圍略嫌熟咗少少-另外店家可以額外加 紅薑天婦羅（相片見到紅色一粒粒有啲就係啦）吹卜卜，咬落有薑嘅香味，幾正㗎🤫🙆🏻‍♀️：真係好鍾意個湯底，就算冇其他配料淨麵加湯底我都可以🙆🏻‍♀️，拉麵愛好者歡迎話俾我知有邊間都不容錯過🤫🙏🏻

星期六去左海港城行下，見到一幻拉麵門口好多人排隊，所以八卦望下😅門口電視機大大隻字寫住買一送一，即刻羊群心態排隊食麵😆。排隊唔算好耐，大約15分鐘，坐低左，即刻問待應姐姐邊啲有買一送一，原來全部點餐紙上嘅拉麵都有半價🤩🤩招牌蝦湯拉麵 $88 入面有兩塊叉燒，叉燒好淋好入味，半肥瘦，唔鞋口，湯底濃郁，我無加豬骨湯，原汁原味嘅蝦湯，正👍，濃郁但唔會”漏”，麵底我揀左幼麵，不過原來幼麵係同一般拉麵一樣，唔係特別幼，不過都唔錯，但有少少lup口🤪我以為買一送一份量會少左，所以叫左加麵底$15，不過原來係我小人之心，最後食唔哂😭 下次再食唔會再加大😅買一送一其實係一成張單，先加一再減一個麵嘅價錢$88，我加麵底嘅15蚊係無得減㗎喎😛

以下由於是閑日，窗邊位不用等，有無敵大海景，對住呢個景食野，心情都特別愉悅。✔️招牌蝦湯拉麵 （HK$88)湯底有唔同濃味程度選擇，有原味豚骨，適量豚骨及濃厚豚骨。選擇了濃厚豚骨湯，蝦味帶點豬骨湯味，十分濃郁。而麵底選擇了幼麵，麵質彈牙。而配料方面，有半只溏心蛋，兩片叉燒，同蔥和炸紅薑天婦羅，所有配料都達到水準。✔️餃子 (HK$35/5隻） 拉麵配餃子，永遠都係perfect match ! 但餃子略嫌煎得不夠脆，沒有鎖死肉汁，不過不失。

1️⃣招牌蝦湯拉麵 $88 (7.5/10)呢碗仲揀咗要濃厚豚骨湯底同埋鹽味口味，同蝦湯非常夾🥰哈湯味道依然突出，但同時後亦都有豚骨香味🤤拉麵包埋兩塊豚肉，肥瘦適中但佢本身帶有醬油味，影響整體嘅味🥺拉麵揀咗幼麵但都唔算太幼，Pooh仲比$10要多蔥，正到無朋友🥳2️⃣辛辣味噌蝦湯拉麵 $88 (7/10)呢個係香港限定口味無得揀湯底同口味🥺味噌同蝦湯融合埋一齊，係唔錯嘅，但就蓋過咗呢間最出名嘅蝦湯味😗相反佢嘅辛辣味幾好，唔會太辣但又可以提升成個拉麵嘅味道💕📌Polaf大概6:20去到坐到最後一張海景枱，想邊食邊睇靚景嘅朋友要早啲去啦☺️📌宜家食夠100蚊仲會送50蚊coupon下次用嫁

有朋友食過話唔錯今晚特意來試一試味道因為海景位太少所以都要等一陣先有 入到去發現原來有一台食客坐咗喺海景枱好耐一入到去就叫返個蝦湯拉麵試吓先一上枱梗係試一啖湯先啦真係好濃嘅蝦味 （其實成間鋪都係蝦味）個湯底以蝦做湯底嘅拉麵嚟講暫時係最好嘅一間但可惜敗筆之處就係喺個拉麵度如果個拉麵都做返好食啲嘅話就Perfect🤣原本想加個拉麵底 但改咗加份餃子🥟算啦個餃子平平無奇就好似喺超市自己買一樣另外因為飲品做緊買一送一所以嗌左波子汽水因為唔夠力開店員幫手開服務都還好但都買單嘅時候先發現嘢飲買一送一唔係真係送一支㗎送嗰支都係要比10% 服務費$28 買一送一 變咗第二支收左$2.8 如果咁樣店員就唔應該講話買一送一如果真係送嘅點解又要計返10%呢😒送嘅意思即係冇消費過 但係又計返個服務費咁應該係客人點嘢飲嘅時候佢話第二支有優惠囉好在而家做緊$100送$50 如果冇咗呢個優惠都唔會再嚟食啦😩總結：味道：3.5/5 ⭐️ 環境/衛生： 4/5 ⭐️ （提供即棄木筷子🥢）服務： 3.5/5 ⭐️ 題外話： 排隊嘅時候見到佢有賣自煮拉麵，$68 兩個麵但食完之後又唔想買啦

拉麵蟲咬，今次試下一幻，一間好🦐既拉麵店👍🏻網上book左9點2位，但都要排隊，好彩有冷氣，唔係熱💩🐶。本來諗住等海景位，但冇人肯走，唯有坐bar枱。一坐低，好濃烈既🦐味，好香！叫左兩碗招牌🦐湯🍜，一碗鹽味一碗醬油，都好好味。個餃子都唔錯，但個🦐味🍙就一般。下次再黎的話我想試埋個冷麵同伴麵🤗。走個陣佢仲俾左兩張coupon，我諗我會用左佢既🤗

尼間一幻拉麵位於海運大廈地下，裏面有啲坐位係望海景 如果咁岩有得坐海景位食拉麵真係幾抵架😂講返拉麵先～尼間招牌蝦湯拉麵有得揀湯底(原味、適量豚骨、濃厚豚骨)+口味(鹽味、味噌、醬油）選擇都幾多 可以組合出自己岩心水既味道☺️招牌蝦湯拉麵湯底：原味口味：鹽味配料：每碗都有兩塊叉燒同半隻糖心蛋蝦湯非常香濃，飲落好重蝦味唔算太鹹，不過愈食愈重味，最後都係要飲好多水先中和返。叉燒同蛋正常，不過叉燒太薄唔夠喉😂

相隔一星期又黎，因為有coupon，同埋依家海港城5pm後餐廳消費滿$100，就可以免費泊車到凌晨12點，實在好方便好抵。今次都係閒日，2位，想坐海景位，等十分鐘左右，坐其他位唔使排隊。飲品買一送一。我地本身都有叫啤酒，不過落單既時候，侍應冇主動同我地講買一送一，後尾我地發現，先叫佢加返，都幾無奈！原來要自己問先有，重點呢個牌唔係張張枱都有，客人唔提就會白白miss左呢個優惠。👎🏻👎🏻👎🏻札幌啤酒｜$38富士蘋果燒酌梳打｜$38餃子｜$35暖暖地，不是太脆，無乜肉汁，不過不失。 招牌蝦湯拉麵｜$88湯底：濃厚豚骨口味：味噌配料：叉燒2片，半隻溏心蛋自選：青蔥，麵酥（紅薑天婦羅）今次試味噌，好咸，蓋過咗蝦湯鮮味，都係推薦返鹽味。海景位大概有8個。都係哥句，有coupon或者有折，都會推介朋友黎，招牌蝦湯拉麵都值得一試。

近排海港城做緊優惠 用50蚊coupon食蝦湯拉麵🍜 同埋聽朋友講可以坐海景位 咪狗衝去試 等左陣入去 三個人排排坐望住個維港 咁啱撞正幻彩詠香江😆打埋卡都不過分都唔係重點！我地黎食嘅！三個人叫左唔同野 我試左個特濃蝦汁叉燒拌麵 啲叉燒唔柴皮 有啲啲肥肉 我就最鐘意食呢啲架啦～～ 個汁就無想像中咁濃 未係好掛到上個麵到 但都okay嘅 可能同我之後食埋呢度嘅招牌比係有啲差別。。。登登登 講緊嘅招牌 就係我朋友碗蝦湯麵啦蝦湯係好香濃💗💗（後悔無叫到）朋友叫個辛辣味蝦湯味噌拉麵🍜唔算好辣 但足夠吊到個香味出黎 忍唔住都偷左佢半碗湯😛😛仲有個開胃菜🥗甜辣小蝦🦐沙律 個蝦算香口 配埋啲汁 再加埋啲椰菜絲襯埋就啱啱好

經過海廣城見到咁多人排隊，之前又見過啲報導，心海來潮試下。失望....好失望！我未試過一碗150g既拉麵係會完成唔到。因為第一次食，所以全部選擇佢推介既經典款式同配菜。拉麵到既時候望落無乜特別，唔算吸引，第一眼見到隻溏心蛋熟晒已經心知不妙。先試一條麵，口感軟硬適中，但係食落似超市買既即食拉麵（可能係超市賣既拉麵太高質素？！）再試一試個湯，好濃既蝦湯味，唔知關唔關我揀左鹽味湯底既問題，個湯真係偏咸，起碼咸左兩度。重中之重係，個麵超勁梘水味。第一啖唔覺，愈食個梘水味愈濃，當你大大力啜啖麵入口既時間果陣梘水味真係令我想嘔，食左三份二碗之後我就棄麵。另外叫左個叉燒飯...無特別...普通飯一碗，可以唔需要試。結論係唔會再食，見到門口咁多人排隊，札幌人氣No.1 ....真係好想叫啲人唔好排，去食一蘭好過啦...味千都好食過佢..講真。完。

依間一幻真係不得了，店內有一排面向海景嘅bar枱，如果咁啱安排到坐海景位，真係抵返曬，好少拉麵店食拉麵仲有海景送嫁😂而且拉麵唔算特別貴，都係正常價錢！*********<招牌蝦湯拉麵> $88佢地最出名就係蝦湯拉麵，湯底有得揀原味、適量豚骨或濃厚豚骨，口味有味噌、鹽味或醬油，麵條都有分粗麵或幼麵嫁！蝦味真係好濃郁，湯底好似濃縮左好多隻蝦嘅精華😂另外有得揀要唔要麵酥，即係紅薑天婦羅，味道都唔錯嫁！

閒日九點幾，兩位，唔洗排隊。黎之前見到都幾多食評話服務差，內心都打左個底，但抱住試新野心態都選擇左呢間札幌過江龍。但我反而想講，間野服務態度唔差，重幾好喎😂事緣我見到落單紙寫住「香港限定」同「特濃蝦汁 」就即刻剔左，好彩店員收落單紙有問多一句：「係咪兩位都要湯麵？」先發現原來我剔左拌麵！於是轉返招牌蝦湯拉麵，店員都幾細心丫。叉燒飯，賣相一般，用既係豚肉粒，成個感覺好似台灣滷肉飯，不過肉質比較嚡，肉份量較少，個人覺得麻麻。湯底：濃厚豚骨湯底口味：鹽味配料：每碗附有叉燒，半隻溏心蛋自選：蔥和麵酥（紅姜天婦羅）先飲一啖湯，Wow～好似飲緊一萬隻蝦煲出黎既湯咁😂真係好濃！鐘意食蝦既，湯底可以揀原味或者適量豚骨，應該會更更更濃！湯底重口味得黎唔會過咸，配埋啤酒，我覺得岩岩好，唔會話要狂灌水。叉燒，雖然好薄好薄，但肥瘦度適中，都算出色，但慳住食都唔夠送晒成碗麵，因為麵既份量麵都唔少。粗麵爽彈掛湯，食到最後食淨麵都唔算好齋。啤酒好夠凍😂👍🏼飲啤酒一定要夠凍！順帶一提，食食吓拉麵先發現漏左俾啤酒，揮手叫店員即刻有人理，重好快上返俾我，態度好好。食滿$100有$50 voucher，下次食滿$110就可