一喜‧燒肉

營業中

休息中

今日入左屯門時代廣場行街睇戲，玩到累就真接黎左依間燒肉食野，地理位置夠曬方便揀左個中間價位嘅安格斯和牛套餐，$388上菜速度好迅速，而且又唔會漏單，我寫幾多佢就嚟幾多。牛嘅種類好多，唔同位置嘅都食到壽喜燒係個套餐送嘅 佢送咗一碟和牛，食落超好味，我覺得有A4級。依碟和牛嘅片數都幾多，唔係古古寒寒一兩塊咁，每片都好大片另外我叫咗好多種唔同味道嘅牛舌，佢嘅牛舌薄得來有幫你醃咗。只係放上去燒就食得，夠晒簡單。佢有辣味、味噌味、鹽味等，都好多款俾我哋試，又唔使自己特登去調味，方便👍甜品大部份都唔會好甜 種類亦都唔少 食多啲都唔會膩而且可能因為新店嘅關係見到佢有好多promotion性價比相當高，依間店值得一試

一喜燒肉90分鐘任食放題，包括火鍋加燒肉。火鍋係日式壽喜燒湯底，入面有好多蔬菜，仲有大量新鮮雪花肥牛。湯底好濃郁，蔬菜吸收晒湯底嘅味道，蔬菜包括金菇、紹菜、冬菇。火鍋肥牛非常香滑，無筋，好林，接近入口即溶嘅感覺，又唔會覺得好肥膩。極力推介。燒烤方面，牛肉有好多款，包括美國牛肩肉、美國上級牛肋肉、美國封門柳、牛仔骨、牛板腱、牛胸腩、牛舌。牛肉全部切到好薄片，牛肉好新鮮，好有牛味，而且好香滑，油脂同瘦肉嘅比例啱啱好，調味方面，每款唔同部位唔同部位嘅肉，今日有得揀：鹽味、燒汁味、辣味、味噌。而豬就有：日本黑豚肉、豬腩肉、豬頸肉、豬大腸。雞肉包括：雞腿肉、單骨雞翼、雞胸肉、雞腎。所有肉都可以自選調味。特別推介雞腿肉，好香滑。另外，海鮮包括生蠔、半殼青口、鯖魚、多春魚、蜆肉。海鮮好新鮮。蔬菜包括：牛油粟米、秋葵、翠玉瓜、冬菇、菠蘿等等，全部都好新鮮。以上所有order嘅食物，落單後好快就送到，效率好高，唔會拖時間。而件數數得好準，點幾多件，就會送你指定件數，唔會俾少左你。另外，自助bar仲有好多熟悉可以選擇，例如麻醬沙律、炸薯餅、炸薯角、紫菜飯、炸帶子、大量日式前菜，仲有甜品：包括泡芙、雪糕、蛋

4月12日 星期五 16:00，今日本身叫咗一碟肉，送咗兩碟上嚟。之後同佢講返俾多咗，攞返去啦。咁呢位侍應姐姐呢就唔理人嘅。語氣態度極差嘅同我講咁你係咪要收埋佢。肯定係啦。之後又見佢返咗去同佢其他同事喺度陰陽怪氣嘅講返我啱啱同佢講嘅說話。請問呢個係咩服務態度啊？你哋仲要收10%嘅服務費喎之後收錢嗰陣時呢又係唔理人嘅，喺度翻白眼囉，咁我都唔知邊度得罪咗你不過呢其他侍應態度都還算OK，得佢一個咁差，真係唔理解呢個人點留喺度嘅。

之呢個鍋係勁加分，燒肉需時未咁快食得就俾個鍋你填住肚先！成個用餐體驗都愉快 肉類食得出好新鮮，冇咩雪藏味，今次我地主攻牛肉各款，SRF安格斯和牛牛板腱/特選和牛牛肩脊肉/特選和牛一口牛/封門柳，呢幾款係無限encore！！每款肉類都有五隻味可以揀，原味/燒肉汁/塩醬/味增/辛味醬汁，特別都推介燒肉汁同辛味醬汁 。另外有豬、雞、海鮮可以點，重要一提三文魚刺身係無限點！三文魚好肥美同新鮮，最尾我地encore左3次！自助食物又多款式，有沙律、螺肉、炸物、飯、湯、邊爐料etc。最值得一提係好好食既關東煮！！！野飲好多選擇，有啲飲品係出面好少！甜品有幾款自製甜品，好有心思。另外仲有香港製造既雪糕同雪條，個爆谷味雪糕還原度98%！成間鋪好闊落，枱與枱之間距離唔會太密，卡位坐位亦寬敞，坐得好舒服 。

平時經過一喜燒肉，見佢好似好多優惠，終於搵日去咗試，四人同行一位免費或者係二人同行第二位半價，其實都係四人同行一位免費，本來仲去一鼎睇，因為上次咁扺，但優惠已完了，最後決定食未食過嘅一喜燒肉，食中等價錢$318，假日加$20位，120分鐘又加$50/位，老公話即係其實都係$25/位，食多半個鐘！1:00 入去，我們叫了成人假期及前夕120分鐘，悅放題美國和牛放題$358，4人同行1人免費，四送一優惠送日本和牛。坐咗個轉角位，又好似一鼎咁有一忽凹入去係完全冇人，中間一排二人位又係完全冇人，都有10零張枱有人，有人打邊爐，座位同張枱太近，前面又有個爐頂住隻腳，要坐到八隻腳，座位又直，成餐飯個背脊個要坐到直一直，好心cut 咁啲位，令人坐得舒服，又唔會咁多吉枱咁肉酸！落單，都很快上：送的日本和牛還好：個爐細，放幾塊肉已經冇位！海鮮有墨魚仔、青口。小食有魚皮，幾辣，螺肉、泡菜、中華沙律，還好！炸帶子好假，是麵粉，當然唔通俾真的？炸漿厚，餃子皮炸漿又厚，薯角、紫薯正常。紫菜玉子飯牛舌（原味）美國牛板腱（原味）美國特選和牛牛肩脊肉（原味）海苔鮮魷天婦羅牛舌（原味）佢隻雪條寫明明治，流心，另一隻雪條

月尾啦～又係時候食番餐好既慰勞吓自己🤗又想食燒肉、又想食火鍋，又想食刺身！點揀好？一於嚟哩間一喜‧燒肉啦😆一次過滿足曬！多重既享受😍我地揀咗：「樂放題」，中間價位$388，食足90分鐘，食物上菜速度好快，火爐夠猛火，一定夠曬時間食😘食物方面有好多，哩個套餐可以食到美國等選和牛、美國入口牛肉、日本黑豚肉、任食三文魚刺身、火鍋海鮮、炸物，應有盡有‼️🌟每款肉都有鹽醬、味噌、辛味醬汁、原味可供選擇，我地比較喜歡鹽醬，更能突出牛既鮮味！味噌充滿咸香味，肉味更濃郁😋✨美國SRF金標和牛壽喜燒鍋和牛既雪花分佈好平均，肉質軟嫩，牛味香濃，配上甜甜既壽喜燒鍋，更香～仲有冬菇、金菇、菜，好新鮮👍🏻😍✨美國特選和牛牛肩脊肉燒和牛牛肩脊肉絕對係一流既做法，牛肩脊肉味道較濃郁，油脂充分發揮出作用，令和牛更香，更多肉汁，食落更香嫩🤗✨美國特選和牛一口牛更有口感，中間充滿肉汁，粉嫩粉嫩既肉質好軟嫩，牛味更濃！✨美國牛板鍵牛板鍵既油脂分佈靚到好似大板石一樣平均，有咬口卻保持多汁嫩滑，牛味豐富濃郁🥰✨牛仔骨大大件牛仔骨，肉質超嫩，肥肉較多，燒牛仔骨令肉油脂充份發揮，外焦內嫩滑，入口即融！牛味極濃！😍😍👍🏻✨紫菜玉子飯簡

朋友仔就黎搬，約埋食餐勁既先，係屯門搵燒肉食，呢間坐得舒服又抵食。入到黎，原來仲有一鍋壽喜燒要係十下十下，一個價錢兩種享受，正呀喂！壽喜燒係湯底甜甜地又幾好食，用黎打邊爐既牛鮮紅又有雪花。岀去行一圈，前菜、甜品、飯品、雪糕好吸引。叫左90分鐘安格斯和牛放題，可以選擇牛嘅部位非常多，仲可以有原味、辛味、燒肉汁，每樣叫兩件都有排試。牛牛燒完岀黎又香又軟腍。除左牛牛，仲有海鮮、沙律菜等等其他食品，真係要連lunch都唔食先試得晒!

收工想食燒肉就試間新開左陣既日本燒肉裝修光猛，設有大量卡位，坐得好舒適揀左90分鐘美SRF金標牛肉半自助燒肉放題$368menu 好多任點既items,樣樣試d,又好唔錯迷你肥牛壽喜燒湯底濃郁好味，煲中蔬菜冬菇金菇菌類全部索哂啲精華，好正waiter 拎左北海道A4 十勝和牛同極品牛肩肉眼各一碟比我地，色澤鮮艷，脂肪比例均勻，壽喜燒湯底淥一陣後食得，牛味香濃，肉質滑溜SRF 美國金標牛肩胛肉既原味同燒汁不得不提係牛肩胛，色澤新鮮，肉汁澎湃，有嚼勁，無論原味或者燒汁都好美味前後仲叫左幾碟燒，完全滿足到我食肉獸嘅需要牛舌喜愛食脷既我就當然試埋牛舌，薄切得黎大大塊，香濃嘅牛味又有咬口，必點鹽燒海蝦同多春魚都已瀝乾水份，燒熟後自然冇腥味，蝦實肉帶有香味，多春魚亦香脆可口仲點左美國極級牛肩胛肉既原味同燒汁，黑豚肉，肉質都唔錯又點左牛油帶子，牛油煮蜆，雞皮，黑豚肉牛肩肉眼，全部都好唔錯另外估唔到仲有三文魚刺身，厚切得黎又大塊，味道新鮮，食完即刻幾乎飽左自助吧有多樣化嘅飲品，仲有生啤機，蔬菜沙律，甜品有泡芙蛋糕雪糕總括黎講，上菜快，環境舒服，食物絕對對得住個價錢

#christine開飯日記 好耐冇食燒肉🥲成日都心思思。有日去左屯門行街。見到依間燒肉好似好抵食又好多優惠咁入到去已經見到好多甜品😍款款個樣都好吸引🤗仲有唔同款式嘅飲品，有咖啡、茶同汽水啤酒都有，一定有款啱你我地就叫左個90分鐘美國SRF金標牛肉半自助燒肉放題（$368）🌟美國SRF金標牛肩胛肉佢嘅肉質同牛味都得幾好架😍厚薄都好適中。燒幾分鐘就食得，我地都encore左幾碟🤭🌟牛舌好爽口😝燒完係面加少少鹽就夠晒味🤗又唔會蓋過左牛舌本身嘅味道🌟迷你肥牛壽喜燒佢依加餐會配一個肥牛壽喜燒比你。我幾中意佢嘅肥牛，睇落已經好靚🤭食落就更加唔洗講啦。而且佢有配到一鍋菇類同蔬菜比你，咁就唔怕變左食肉獸啦🌟三文魚刺身真係冇諗過食燒肉放題都可以食到刺身，質素都仲要幾唔錯架😍😍🍴一喜‧燒肉 (屯門)📍屯門屯隆街2號屯門時代廣場L3樓40號舖

今晚覺得好肚餓，同老婆去左屯門市中心揀左間放題。見呢間燒肉放題門面好靚，係開左無耐的，裝修好新淨，仲要閒日免費由90mins upgrade到120分鐘放題，仲要二人同行有一人半價，幾抵wo真心，一於入左去試。我地揀左價錢中間個餐，感覺性價比最高，368蚊已經有好多種唔同的種類的食物，大量肉類任君選擇，啱曬我呢d食肉獸。入到去d位好大，坐得都幾舒服，地下都好乾淨，去的時間比較早，人未算好多，環境好唔錯，店員好有禮貌咁開爐同擺低左個壽喜燒湯底，食物係掃qr code order的。我地即刻order左d靚肥牛食下個壽喜燒。壽喜燒的味道都唔錯，當然唔會有專門做壽喜燒的店鋪咁好味，而其實呢個只係提供多一個口感俾我地，主菜係燒肉，過下口癮係唔錯的！外面有個擺得好整齊好乾淨的配料區俾大家去調味。店員會不時過黎清潔個醬料區，睇落都覺得好舒服，小心翼翼咁調味，免得整骯髒，香港人確實有素質。外面有好多熟食俾食客選擇，我地都各自行左一個圈。d熟食都係熱辣辣ga，唔會好似外面果d cheap cheap放題咁擺到凍曬。我地就食左d金菇肥牛同雞軟骨串，老婆就話蘿蔔無得輸，非常入味。之後去到戲肉，既然係食放題

工作累了，放工一於出街食慰勞一下自己。這間燒肉店想試很耐，今次正好可以一試！門口有些放題套餐，我們最後選了個90分鐘美國SRF金標牛肉半自助燒肉放題。入內裝修新而乾淨，空間都頗闊落。放置有飲品，前菜及蔬菜的凍櫃，亦有雪糕及甜品凍櫃，還有幾款小食，如金菇肥牛，咖哩魚蛋，炒飯，也有比較少見的關東煮。另一邊有幾款蔬果可自取回位燒來食，如秋葵，茄子，菠蘿等。飲品櫃有低糖或無糖飲品可供選擇。蔬菜新鮮，前菜有常見的螺肉，或芝麻醬凍豆腐等。飲品也有熱的，如咖啡，朱古力，亦見有啤酒。坐下後開始點菜，食物好快上枱。我們每樣點些試試，叫了美國極級牛肩胛肉，美國SRF金標牛肩胛肉。這兩款是這個套餐的必叫重點。不同肉類都有幾款口味可選，燒汁味，鹽味，原味等。另外叫了厚切日本黑豚肉，雞腿肉，雞翼，墨魚仔，牛油煮蜆，海苔魷魚等。值得一讚是牛肉，脂肪均衡！燒的時候已經睇到油份在火燒之下迫了出來，封滿牛肉表面。食落口軟淋，咬下去時油脂由牛肉入面浸出來。實在好食！不同調味為牛肉增加一層淡淡口味，調味不會太濃。牛的油份令牛肉充滿牛味！厚切豚肉啖啖肉。至於雞肉十分嫩滑，完全不會韌。而雞翼是單骨，方便食用。墨魚仔爽口，牛油煮

雖然不是屯門人，但都成日喺屯門搵嘢食，食得最多係屯門市廣場，今次朋友推介一間開咗冇耐的烤肉店，佢坐落於屯門市廣場隔離的時代廣場，喺屯門站落車行過來都係5分鐘左近，交通非常之便利。两人點咗呢個90分鐘美國SRF金標牛肉半自助燒肉放題，可以食嘅嘢都唔少，因此都吸引咗好多人來幫襯。好特別嘅係呢個放題包咗個迷你雜錦關東煮鍋物，即係話烤肉嘅時候仲可以有D鍋物食，真係一舉二得。除咗牛之外，亦有豬、雞、海鮮、小食可點，而且D肉類除咗原味，仲有味噌、燒肉汁、塩醬、辛味可選擇，照顧唔同口味，够晒貼心。以下就係我哋揀嘅食物：牛舌(燒肉汁)、1美國SRF金標牛肩胛肉(味噌)、美國SRF金標牛肩胛肉(燒肉汁)、多春魚、豬頸肉(味噌）、日本豚梅肉(味噌)、牛舌(燒肉汁)、美國SRF金標、牛肩胛肉(原味)、車海老、牛油带子、牛油煮蜆、塩燒鯖魚、半殻青口、墨魚仔，多不勝數。其中金標肩胛肉，牛舌同埋海鮮類都嗌咗多轉，之後仲有甜品，雪糕，雪條食，好飽，好滿足。

今次嚟到時代廣場呢一間燒肉放題，見到做緊第二位半價，選擇又幾多，即刻入去試吓今次叫咗一個美國SRF金標牛肉套餐肥牛壽喜燒壽喜燒味道唔會太甜，剛剛好要讚，蔬菜新鮮。主角牛肉油脂分布相當靚，厚薄適中，淥3秒入口脂肪溶化非常幸福。美國極級牛肩胛肉牛肉嫩滑，燒嘅時候渣渣聲，唔使刻意調味，牛肉肉味都非常出，必試。厚切日本黑豚腩肉腩肉一定係食佢嘅油香，呢一款入口Juicy 海鮮牛油煮蜆用錫紙兜裝住，幾得意，配埋牛油嘅香味一流海蝦尺寸中上，食落都幾新鮮，夠爽彈鯖魚味道非常鮮甜，要讚吓，呢度嘅海鮮解凍都做得唔錯芝士雞肉雞肉同芝士嘅配搭一流，有種韓國燒烤嘅味道甜品時間先講吓雪糕櫃，呢度主打本地嘅雪糕品牌，有沖繩鹽、雲呢拿、芒果、港式奶茶同香蕉湯味。沖繩鹽入口鹹鹹地，之後同甜味嘅配搭相當夾。個人推介芒果味，芒果嘅味道唔會好假，比起雀巢更加香。雙味泡芙朱古力味唔會太甜朱古力士多啤梨切餅欣賞佢有餅底黃色小杯香蕉味感覺幾新奇，食落似布甸。整體嚟講，好耐冇食過咁多選擇嘅放題，牛肉更加係回本之選，甜品亦都有心思。

屯門最近又新開一間燒肉放題🤩除左燒肉任食之外～仲有得任打邊爐！勁正🤩我同男朋友都揀左90分鐘美國SRF金標牛肉半自助set, $368 +10% 一個人全自助落單超方便～除左必叫牛肉之外～雞肉都可以一試🤤邊爐可以揀關東煮或者壽喜燒我地揀左關東煮湯底好有驚喜！唔係真係得個湯～仲有配料👍🏻獅子狗蘿蔔魚腐應有盡有👍🏻唔夠喉仲可以refill配料添！叫左2碟打邊爐專用既肥牛肥膏同牛肉5:5既完美比例🤪入口油香十足燒肉點少得牛舌 ～ 仲有今次既主角SRF金標牛肉🥳超香牛味～咬落好多汁！！想無咁悶仲可以叫雞皮串、雞軟骨串、雞腿肉同芝士雞等等熟食必叫紫菜飯🤩超多飯素同紫菜！海苔魷魚配蛋黃醬我前後清左兩碟😋每舊魷魚充滿海苔味🥹每舊都超彈牙大大舊～勁滿足！仲清新解膩可以叫沙律～我揀左蟹籽蟹柳沙律超足料😗除左落單叫叫熟食～仲可以出去自助區揀有炒飯、咖哩魚蛋、關東煮等等甜品區都超多選擇😆揀到眼花蛋糕、慕絲、泡芙仲有勁多款雪糕雪條😙食到棒住個肚走都係一人$400左右 超抵👍🏻

屯門新開左一間燒肉店，見佢有做4人同行 1人免費等既不同優惠，所以搵日放工同朋友去試試佢90分鐘美國SRF金標牛肉半自助燒肉放題＄368呢個餐包左燒肉放題同埋一款鍋物，自助區有甜品、飲品、熟食等，店內環境闊落，乾淨燒肉方面肉類有牛、雞、豬、亦有海鮮既選擇Qr code落單，每次每款肉類最多可叫2份，即四片肉但每款肉類都分左唔同調味醬料，所以一次都可以叫到好多片肉個人比較推薦食美國SRF金標牛肩胛肉，肉質比較細嫩，油脂分布均勻，牛味重。牛仔骨都係幾好既選擇，肉質爽口，一啲都鞋，隻骨都好容易咬得走👍🏻肥牛壽喜燒方面內有生菜、娃娃菜、菇湯底清甜，可以減低燒肉帶來既油膩感甜品有cocoberry 雪糕、明治雪條，重有數款小甜點，都幾多款式