一喜‧燒肉

營業中

休息中

「店舖一喜燒肉」 - 一座美食天堂踏入店內,您會發現肉類選擇豐富多樣。無論您偏好牛肉、豬肉還是其他肉類,這裏應有盡有。每一塊肉都新鮮可口,經過燒烤精心烹調,散發著引人的香氣，厚薄適中，特別鍾意佢嘅牛板腱。值得一提的是,店舖非常講究衛生清潔。無論是就餐環境,還是廚房後場,處處井然有序,整潔有致。這不僅讓用餐體驗更加愉悅,也彰顯了員工的專業與用心。當您下單後,不需等待太久,便會快速送達桌前。這不僅令人感到滿足,也讓整個用餐過程變得更加爽快。唔會因為等待時間太長，導致唔夠時間用餐。另外我同時喜愛的螺肉和中華沙律任食，仲有麻醬凍豆腐！除此之外,店家還提供了泡菜和新鮮生菜,讓整個用餐體驗更加豐富多彩。除了燒肉外，仲有壽喜燒湯底嘅打邊爐，一次過滿足兩樣飲食慾望。店舖內飲品選擇多，無論是喜歡解茶,還是其他各式各樣飲品,這裏都能滿足需求。總括來說,「一喜燒肉」能滿足的各種需求,絕對係抵食及超值。它的飲品選擇多。肉類種類豐富、環境清潔整潔,加上快捷的送餐效率等等。無疑是香港找尋燒肉美食的其中之選。

頭先去屯門圖書館還書嘅時候, 見到呢間餐廳有人派傳單而家仲做緊特價添, 鬼咁肚餓嘅我見佢有和牛定食+ Semi Buffet 👍🏻所以二話不說還完書就即刻去, 估唔到佢地方咁大而且Semi Buffet 都仲有好多種嘢食任君選擇, 熟食/炸物/蔬菜類/甜品雪糕樣樣有齊， 而且飲品仲好多添🫶🏻唔好以為佢哋係燒肉餐廳就好大浸油煙味， 講真完全都買唔到而且走嘅時候個身都冇味道， 佢哋嘅抽風系統好好而且非常乾淨， 地方又大坐又坐得舒服😌食物質素同服務都好好，地點好方便喺正屯門市中心😉佢哋而家仲做緊優惠四人同行有一人免費添🥳

男朋友幾個月冇去日本，燒肉癮又起了~~又冇提早BOOK位放工唯有去屯門時代廣場附近睇下有咩選擇。搵到喱間一喜.燒肉388價位有任食燒肉同埋壽喜燒，喱個價位仲包左食安格斯和牛同埋各種海鮮~今日星期三，人流唔算好高，入去侍應哥哥好好咁俾左張大台我地，可以坐得舒服好多!二話不說我地叫左牛油帶子/牛油煮蜆/牛油蠔等海鮮同埋每款牛都禁左一碟試下海鮮類海鮮類既食物大部分都係用左牛油，好香，最推介係牛油帶子，帶子肉厚襟燒，耐左少少都唔怕，我仲特別叫左蒜頭拎黎燒，加落海鮮到食一流!肉類個人最喜歡係和牛牛肩肉~雪花好靚，燒耐左少少都唔會覺得好柴。其次係和牛牛板睷，肉質有彈性。其實牛肉既種類非常多，其實每一款都可以試下，廚房會因應人數多少調整上菜份量有原味/燒汁/鹽醬味簡，我最鐘意鹽醬，簡單調味食到牛既味道又唔會太悶，而且唔需要再點醬。壽喜燒雖然今次黎係為左食燒肉，但壽喜燒係送既又冇理由唔食呢，一上台附送既牛肉片雪花分佈都非常靚，用黎火鍋可以話係入口即溶，另外壽喜鍋可以用黎淥下菜，平衡下油膩感另外，餐廳雪糕/甜品/飲品/配茶/醬料都係自取~種類都合乎期望，唔錯~~

今日同朋友去屯門食燒肉放題，星期一至五晚6點後惠顧，90分鐘收費，可免費升級至120分鐘，非常抵食。放題共有4款選擇，我哋揀左「樂放題」美國金標SRF安格斯和牛套餐，贈送三文魚剌身放題及美國SRF金標和牛壽喜燒鍋。餐廳採用QR code 落單，另外自助放題吧就有唔同既火鍋配料、關東煮、炸物、小食、飲品、甜品及雪糕，全部任飲任食。肉類選擇好多，每款牛、豬、雞都可選擇原味、燒肉汁、塩醬、味噌、辛味醬汁，牛既種類超級多，牛魔王不可錯過。壽喜燒湯底甜甜地，配料仲有蔬菜和金菇，食燒肉又可火鍋灼菜，食得更健康。三文魚刺身好厚切，肥美新鮮；炸南瓜餅、榴槤炸彈、日式芝士年糕，即叫即炸，唔會油膩。總結，餐廳環境舒適，上菜快，食物種類多，性價比高。

今日終於試到呢間嘅燒肉邊爐放題，之前星期六日經過都唔少人喺門口等位，今日平日早咗收工，所以就同另一半一齊去試吓，門口好似冇乜人，入到去原來坐滿大半間餐廳🙈🤣餐廳裝修新淨，抽風系統好，食完個身唔會有油煙味，今日試咗樂放題果個餐，大部份食物都係QR code落單，食物都好快送上枱，亦冇漏單嘅情況，有少部份食物係自助既，例如打邊爐嘅蔬菜，餐前小食，部分炸物，關東煮，蛋糕，雪糕雪條，同埋飲品等等飲品嘅款式都好多，一般嘅汽水同韓式汽水，無糖茶都會有，呢度仲有百事生可樂由於本人好鬼肚餓，等唔切打邊爐同燒肉，即時叫咗三文魚刺身同炸魷魚鬚，榴槤波波嚟食，三文魚嘅油脂唔算豐富，但都幾香三文魚味，而魷魚鬚同榴槤波波都係啱啱炸起，所以食落口都熱辣辣脆卜卜好好味壽喜燒邊爐壽喜燒邊爐好快就上枱，仲配咗兩盤金標和牛，牛肉嘅油脂唔算好多，食落口都重肉味同幾軟腍，幾好味😋😋燒肉燒肉亦好快上枱，叫咗好多野食，例如有牛仔骨，牛舌，牛板腱，封門柳，牛油生蠔帶子，蜆，大蝦，豬腩肉，雞腎等等，首先要讚一讚呢度嘅爐，火力好猛，好快就燒熟啲食物燒肉嚟講，我最鍾意食牛仔骨，牛舌同封門柳，牛仔骨燒到好香，貼骨位嘅肉特別香口😍😍而牛舌就

屯門「一喜燒肉」係我近排好想去食飯的餐廳，餐廳位於屯門時代廣場3樓40號舖，坐港鐵屯門站B出口穿過天橋行幾分鐘就到，好方便。 點解好想嚟食，因為比一個價錢就可以食到燒肉、火鍋、剌身三樣放題，啱晒我尼啲選擇困難嘅人😅 燒肉放題有4個選擇（愉、悅、樂和喜），價錢係根據食物嘅類別，款式多少及用餐時間而釐定，好有彈性👍宜加仲推出多種優惠添👍👍 我哋今晚就揀左「樂放題」每位$388/90分鐘。我哋坐低無耐，侍應姐姐就將壽喜燒鍋放到面前，裡面已經有菜和幾款菇菌類做湯底，另外跟一份美國SRF安格斯和牛，咁就可以食住再用QR Code點餐，好貼心❤️❤️ 燒肉有豬、牛、雞和海鮮，調味可以揀原味、鹽味、燒汁、辛辣味和味噌味，好多元化👍 牛控者嘅我特別鍾意和牛牛肩脊肉、一口牛、牛板腱、厚切牛舌、牛胸腩、封門柳、牛仔骨…各有特色，肉質新鮮又冇雪藏味，再經過燒烤就更加香口😋 自助區：有蔬菜🥬🫑，豆品類，菠蘿🍍… 熟食區：關東煮🍢、雞肉串、炸物、麵豉湯… 甜品區：美味蛋糕🍰，多口味雪糕🍦 飲品區：汽水、啤酒、咖啡和特色飲品 小食區：日式胡麻沙律、日式螺肉、中華沙律

屯門時代廣場「一喜‧燒肉」提供90分鐘讓人食到飽日式燒肉放題😍「愉」「悅」「樂」「喜」套餐🥩今次食左「樂放題」每位$388🤤好抵食到飽呢!首先，一坐低就免費送你食個「美國 SRF 金標和牛壽喜燒鍋」😋美國特選和牛：一次過QR code 點齊品嚐到不同部位的美國特選和牛，例如牛肩脊肉（搭配燒肉汁）、牛舌（塩醬）、一口牛（塩醬）、牛板腱（燒肉汁）和牛胸腩（燒肉汁）🐮美國封門柳：肉質鮮嫩，搭配塩醬🥰車海老：喜歡海鮮，車海老必點🦐熟食提供各種炸物🍡包括日本芝士年糕、珍寶炸帶子、日式章魚燒、牛油粟米和牛油本菇。而關東煮、新鮮沙律、甜品以及本港出品的Coco berry雪糕（有益力多、海鹽、提拉米蘇、豆腐等口味）🍖🔥

比較少有一間放題店係可以燒肉加埋打邊爐一次過滿足，而且價錢都算合理一喜燒肉位於屯門時代廣場，肉類蔬菜甜品飲品等選擇都算幾多，連我想食刺身嘅願望都可以滿足到，打邊爐嘅湯底係壽喜燒，甜甜地咁好開胃，蔬菜嘅種類好多，估唔到都會幾快賣晒，反而肉類供應就好充足， order完都好快上枱， 90分鐘真係可以食到幾round好滿足特別一提，美國S R F金標和牛超靚，入口即溶，同埋個人好鍾意食牛油廣島蠔，勁大粒勁飽滿多汁，超正

今日我去咗喺屯門嘅「一喜燒肉」,特別試咗佢哋嘅「樂放題」。總括嚟講,呢個體驗算係一次好嘅飲食經歷。首先,「美國SRF安格斯和牛」無疑係呢間店嘅賣點之一。佢哋將呢啲頂級食材燒得恰到好處,外表金黃色,入口卻好柔軟嫩滑,散發出濃濃嘅牛肉香味。其實我本人比較鍾意佢哋嘅「和風豚骨」,肉質吃落又軟又滑,一啖入口忍唔住食多幾啖。除咗呢兩款主打,佢哋嘅其他燒肉選擇,例如海鮮等,都各有特點,唔會太過單調。我好中意食海鮮，有扇貝同蜆食。至於一啲配菜,特別有三文魚,又爽口又解膩， 冇淨係食燒肉咁悶，飲品都好多選擇，啤酒都有得飲，配燒肉正。「樂放題」當中包羅萬有,無論係肉類定海鮮,種類都相當豐富。除咗食物本身,佢哋嘅服務態度同氣氛都算不錯,整體感覺十分舒適。

屯門嘅街坊有喜訊~一喜燒肉位於屯門時代廣場，每日都做緊不同嘅優惠，例如四人同行一人免費，二人同行第二位半價，啤酒節每位加$10任飲等，非常抵玩！餐廳本身嘅食物種類繁多，前菜中華沙律泡菜等不在話下，仲有三文魚刺身，更加驚喜嘅係估唔到食燒肉仲有涮涮鍋，肥牛仲可以無限添加！下次又想食shabushabu又想食燒肉就唔使煩惱了，why not both 😋燒肉方面更加係無懈可擊，肉有好多種任嗌，每款肉又有好幾個醃法，梗有一款啱你心水，包括辛辣、鹽味、原味等，又有好多不同部位嘅牛任君選擇，任食90分鐘包你食到過足癮！除咗仲有好多不同嘅海鮮，例如大隻海蝦、多春魚、牛油大蜆帶子等等，除咗海鮮仲有錫紙兜牛油燒金菇、芝士年糕等，無論鍾意食啲咩嘅朋友都一定揀到心水！如果今晚未諗到食咩，不妨考慮一下一喜燒肉，燒肉控海鮮控必選，以及大食者恩物！小編平時食燒肉都要5-600蚊蚊先食得飽，呢個高級燒肉餐90分鐘計埋加一大概$400一位，絕對物超所值😍你哋都快啲嚟試吓啦～

屯門有多間燒肉放題，尼間既有燒肉又可以打邊爐，當然唔可以錯過。掃qr code落單，食物好快就送到，值得讚。邊爐湯底壽喜燒，已有菇菌、菜，湯底甜易入口，肉片吸哂d湯汁，超惹味。自助區有各類打邊爐及燒烤食材，可能掃qr code寫已售罄，但其實係出面自助區可以夾到。肉類選擇超多，牛、豬、雞每樣都食少少。其中牛類最吸引，和牛一口牛、和牛牛肩脊肉多汁，鍾意調味可以揀鹽/燒肉汁醃製款。而牛舌唔膩，燒一陣好快可以食。另外，黑毛豬腩肉、豬大腸，屬油脂較重既食物，所以燒烤完好脆口，但注意會大火，燒時要小心。海鮮類，廣島蠔鮮甜，煮完冇縮水，有錫紙兜加牛油燒煮，放入去打邊爐又得。帶子、蜆、一樣鮮甜。而三文魚刺身厚切，紋理靚，即叫珍寶炸帶子、炸海苔魷魚、牛肉餅，外皮超脆，唔會油膩。墨魚仔係咁多款食物黎講，最少見，大大隻燒完會少少爆汁。雪櫃入面有大量調配好既沙律、前菜小食、雪糕、甜品等，其中香港製造既雪糕味道濃郁，飲品種類亦多，可加錢任飲啤酒添。整體，食物質素唔錯，無論肉類或現製食物，種類多花款，值得一食。

今日同老公放工後，係屯門市中心搵下好野食，慰勞下工作左一星期的我地係屯門西鐵站，沿着天橋行過去時代廣場，一入去，就見到呢間燒肉店，好多優惠，門口的大電視，啲優惠好搶眼！我地好肚餓，所以就搵放題食，呢度有燒肉，壽喜燒仲有三文魚刺身食，岩晒我地呀一入位，職員就送上壽喜燒湯底連SRF安格斯牛肉，職員仲好細心咁講話啲牛肉係火鍋用的，我諗一諗有咩差別，原來火鍋的比較薄，燒肉的比較厚身! 牛肉肉味好濃，肉質好滑！黎到主菜，燒肉，我地兩個食肉獸瘋狂落單，上菜速度很快，主要梗係識S R F安格斯牛板腱啦，當然仲有其他牛肉都好出色，例如一口牛，牛舌，牛肋條，燒完點埋燒肉汁或者喜馬拉雅山鹽，簡直絕配！除咗燒肉之外，三文魚刺身亦都好新鮮肥美，每一塊都有香濃嘅魚油，我哋點咗幾次，真係好好食當然仲有熟食啦，我覺得牛肉薯餅，海苔魷魚鬚仲有味醂雞泡魚乾係至正的！除咗喺手機落單之外，外邊仲有雞肉串燒，炸餃子，關東煮，豬紅等可以隨便拎！飲品有特別嘅紅豆薏米水，呢個飲品喺外邊好似好少見，係可以去水腫減肥嘅飲品，食咗邪惡嘅燒肉梗係要飲返一罐啦！而其他汽水綠茶呢啲一定有，佢仲有咖啡同埋加$10可以任飲啤酒，款式都唔少！而甜品

好辛苦捱到星期三😮‍💨😮‍💨仲要等多兩日先到星期五🫠🫠我冇辦法為自己嘅幸福着想😂😂😂😂所以我決定慰勞一下自己！！話說最近聽到朋友講，屯門開咗間新嘅燒肉🥩🥩性價比唔錯，呢啲情況梗係要去試吓啦😛😛今日要講嘅就係一喜·燒肉，一去到睇佢個Menu，其實同平時某集團嘅燒肉放題餐廳差唔多，都係有唔同程度嘅肉比客人選擇，呢個Menu唔使諗一定係揀中間嘅樂放題～最平嗰個冇牛肉根本冇可能揀，而第一次食唔知道啲肉嘅質素係點，亦都唔夠膽貿貿然就揀最高級嘅和牛放題🙂‍↔️🙂‍↔️於是就揀咗中間嘅樂放題🤣😂🤣😂一入到餐廳環境相當之大，可能因為閒日嘅關係，所以唔係太多人食，一坐低例牌要試晒咁多款肉，所以每樣都嗌啲😚😚分別嗌咗：牛板鍵、牛肩肉、牛肋條、牛舌，另外除咗燒肉啦，其實佢仲有一個煲可以攞嚟食shabu shabu🍲🍲，但就只有一款肥牛可以揀，不過一場嚟到梗係試埋佢啦🤤🤤🤤除咗牛之外，我仲叫咗雞翼、雞腿肉🍗、廣島蠔🦪金菇、粟米🌽、菠蘿🍍等等等等！！飲品方面，餐廳主要提供一啲韓國嘅飲品譬如樂天嘅Milkis，而鍾意飲啤酒嘅朋友呢就唔好錯過佢嘅生啤，呢度係提供三得利嘅生啤，不過就要續杯計，唔係任飲，可惜我係唔飲酒嘅😂

今次又試左間燒肉, 燒肉總係有種吸引力😝依間食物選擇唔少! 肉類海鮮熟食飲品生啤甜品雪糕一樣都唔會少💓竟然仲有壽喜燒鍋, 真係一個價錢, 好多選擇❇️今次我地就揀左『樂放題-美國SRF安格斯和牛』HK$388 加一, 90分鐘任食🕗由於選擇非常多, 我哋大概講講心目中👉🏻值得食完再食嘅選擇, 可以節省唔少quota😆美國肩脊肉、美國特選和牛牛肩脊肉、牛舌、美國封門柳、美國SRF安格斯和牛牛板腱、美國牛胸腩、美國牛板腱、雞翼 (燒肉汁)、豬頸肉 (原味)、塩燒牛油帶子、牛油廣島蠔、紫菜玉子飯、三文魚刺身🙆🏻‍♀️美國牛胸腩油脂極豐富🥩肩脊肉扎實肉味濃🍴廣島蠔燒完仍然有汁🦪燒肉二人一爐, 用格仔網, 燒出嚟有燒痕又唔易燶!°°°°°°°°°°°°°°°°°°°°°°°°°°°°°°一喜‧燒肉📍 屯門屯隆街2號屯門時代廣場L3樓40號舖#MrsLong #hk #hkbloggermama #Longs #mamablogger #香港美食 #餐廳推介 #hkfoodie #假日好去處 #香港探店 #foodieshk #hkigfood #tasteofhk #hkfoodlovers #一

屯門抵食火鍋放題，有燒肉有刺身，仲送壽喜燒✌🏻屯門有好嘢食啦，主打燒烤放題，入邊啲肉系任叫任食😊😊咁就唔驚食唔飽。去到餐廳門口嗰陣嚇親我，好多人食呢間餐廳。入到去覺得燒肉店抽風幾好，唔覺得好臭油煙味。上到自助區，全部都好企理。嘢食擺放得好整齊，而且種類多。自己比較鐘意食美國牛肩胛、五花腩，因為燒到咁上下脆卜卜好正正子😍 牛肉好新鮮，好有牛味又香滑，油脂同瘦肉嘅比例啱啱好😝😝另外單骨雞翼、雞腿肉都滑，食到好飽！壽喜燒啲牛好靚，有得任叫任食🤓而且冇燒肉咁熱氣，真系冇得輸，非常之推介佢哋嘅壽喜燒!!去到最後仲有好多唔同種類嘅甜品，好鐘意佢哋有本地嘅雪糕，爆谷味❤️