影片
以上資料只供參考, 請與餐廳確認詳情
同班食肉獸殺入屯門呢間「一喜•燒肉」歎燒肉火鍋放題（$225位），未坐低已經睇到雪糕櫃有港式奶茶味雪糕，仲有即磨咖啡機，心諗：「今次回本位係飲品區啦啩？」 🔥 燒肉主角｜牛魔王必掃！▪️ 澳洲安格斯牛板腱：脂肪雪花靚到似藝術品！燒到五成熟啱啱好，肉汁爆出嚟仲帶炭香▪️ 牛肩肉：薄切夠快熟，蘸佢自家製燒汁，惹味到停唔到口（4.5/5分） ▪️ 牛油帶子：錫紙兜加牛油燒，帶子爽甜仲吸晒牛油香～小心燒過火會縮水（4/5分） ▪️ 多春魚+墨魚仔：海鮮新鮮冇雪味，多春魚燒到脆卜卜！墨魚仔細細隻好爽脆（3.5/5分） 🍲 壽喜燒火鍋｜湯底驚喜！▪️ 壽喜燒湯底：甜醬油湯底超正宗！落咗昆布同木魚花熬，涮火鍋專用牛肉秒熟超滑，娃娃菜索晒湯甜到想飲埋（必點！） ▪️ 豚肉片：火鍋比燒烤更出色，薄切滾兩滾就食得～（4/5分） ❄️ 爆炸性回本區｜雪糕飲品任搬！▪️ 任食雪條/雪糕：港式奶茶味茶香超濃！Muji藍莓乳酪酸甜解膩，雲呢拿就穩陣之選（食3條先夠皮） ▪️ 即磨咖啡機：估唔到有Latte仲拉倒花！飲落唔輸cafe～ ▪️ 炸物+沙律吧：中華沙律爽脆無渣，炸咖哩角夠香口；可惜章魚丸放耐咗少少淋身（3/5分） ▪️ 紙包飲品牆：由道地各式茶到韓國果汁十幾款，仲有冷泡茶解油膩 ▪️ 菇類得冬菇，種類少咗啲 總結：牛板腱同壽喜燒湯底係靈魂！飲品區誇張到似便利店，淨係食奶茶雪糕+muji雪條都值回票價～下次會skip炸物專攻牛肉同海鮮！
繼續閱讀
一起去燒肉！屯門有好多間燒肉店，難得母親大人點名想食燒肉，就試吓啲未試過嘅舖頭。呢間一喜燒肉位於千色對面，開咗都有一陣子，見佢套餐都多選擇，店內闊落平日去食，試吓個平價任食燒肉自助區有茄瓜類、炸物、凍前菜（中華沙律、魚皮、麻醬豆腐）、甜品、咖啡、任飲罐裝♨️任食澳安格斯牛板腱餐 配 壽喜燒（連加一） HKD225由於依個係最平嘅套餐，選擇就冇牛舌點啦，不過點菜嗰陣時就專攻安格斯牛板腱，肉味濃厚，都唔錯。另外佢仲有啲海鮮可以點，最鍾意多春魚同埋墨魚仔，正！壽喜燒可以轉豬骨湯，夾埋佢啲火鍋肥牛都好正， encore咗好多碟。不過菜嘅種類有啲少就可惜嘅，如果有得任食金菇就好啦🥹🥹總體都唔錯，出餐快，換網快。平日冇乜人又坐得舒服唔會趕你走，食到捧住個肚返屋企
繼續閱讀
今日父親節食飯，一早拎位但好多都要等好耐，老人家好肚餓唔舒服，見呢間無乜人排時間相對唔洗等好耐，又見做緊優惠，所以等位入去食。但見無乜人排隊，已經覺得少伏，但老人家肚餓無計。收費絕對唔算平 叫咗個B餐嚟食（佢明明係寫『主餐牌同行第二位半價』，但佢淨係得A個個先有半價！埋單見佢無寫問佢無計優惠，佢先話要叫A餐先有。可以嘅話應該係直接寫A餐半價，唔應該係寫主餐牌)嘢食種類算少 基本上都係得啲雞牛豬 加幾樣海鮮比你燒B餐係送個壽喜燒打邊爐火鍋但佢打邊爐嘅料係得肥牛 豬 獅子狗 烏冬同3款菜 無丸類咁濟佢主打係食燒肉，但燒肉汁係得枱面一樽 無其他選擇而佢主打食燒肉 佢嘅肉同行5人全部都覺得好難食啲肉有分幾種汁叫 但完全唔覺有咩分別…第一次食燒肉放題係覺得啲肉咁難食到 食咗第一轉就唔想再叫…佢係豬牛雞都唔好食仲要除咗啲肉之外係冇其他嘢有得食至於環境 佢燒肉個網係用一次食嗰啲網但係佢個爐自係好污糟 完全無清潔過咁一路飲一路警鐘係咁響 唔知係佢個防煙器問題定商場問題啦但響咗幾次 每次都15-20mins 嘈到好頭痛 又傾唔到計嘢飲種類好少慶祝父親節搞到大家都好無癮 一肚氣！埋單五個人2000幾，但唔好食真心，無下次。唯一可以讚嘅係 出餐比較快。
繼續閱讀
今日黎到屯門呢間燒肉店，可以一次過滿足燒肉同打邊爐兩個願望！而家做緊優惠第二位仲有半價一坐低勁快就上左個邊爐湯底，入面已經有料放好左係入邊，好快就有得食今次叫左壽喜燒湯底，食落甜甜地又唔會太咸，最正係啲娃娃菜索晒啲味勁好食燒肉材料用手機落單，好多款式揀，豬牛雞海鮮類乜都有叫到成枱都係勁興奮肉類可以揀味道例如鹽味、燒肉汁等等，任君選擇。燒完出黎肉味都仲keep到唔會冰鮮左好耐食落去無晒肉味乾柴柴咁食燒肉當然唔少得紫菜飯，再打隻日本蛋落去就100分除左燒肉打邊爐，仲有少量熟食到炸物，好豐富飲品區飲品任拎，加$20於可以無限暢飲啤酒，配燒肉無得頂到最後當然唔少得要食埋甜品先走，到最後真係頂住個肚走！
繼續閱讀
一喜燒肉地方尚算寬敞冷氣足夠平時食燒肉嘅地方都好焗同好熱呢度都坐得好舒服牛肉種類有好多款每一款，我都試過最喜愛嘅就係安格斯牛版腱澳洲安格斯牛牛板腱餐，任飲任食有打邊爐和燒烤，豬骨湯鍋，長時間熬煮的豬骨釋放深沉醇厚的骨髓香氣，湯色乳白渾厚，入口綿密滑順，豐富的膠原蛋白湯汁濃稠，口感豐腴，略帶黏唇的口感安格斯牛板腱牛肉香嫩鮮明，無腥羶，油脂與瘦肉比例均衡，滋味濃厚不膩，彈嫩帶筋微脆有嚼勁，肉質緊實卻多汁，越嚼越湧現肉脂甘甜，油花細膩分布均勻，入口即化如奶油，粉嫩肉質，膠質軟糯牛舌濃郁肉香與細膩乳脂甜，質地獨特，外層彈脆，內裡柔嫩帶膠質黏唇感，鮮嫩多汁，越嚼越鮮味還有丸類，多款蔬菜，甜品泡芙，雪糕和雪條任食
繼續閱讀