一喜‧燒肉

營業中

休息中

一喜•燒肉今次要介紹一間喺屯門時代廣場3樓果層有一間一間好抵食嘅燒烤+打邊爐電叫「一喜•燒肉」，見到澳洲安格斯牛板腱燒肉及火鍋放題每位都係$198，如果想任飲啤酒嘅話都只係加$20一位，唔理咁多就同朋友入咗去食啦！自助區有炸春捲、炸雞塊、炸薯條等，打邊爐區有貢丸、獅子狗、翠玉瓜、青椒、生菜等，飲料區有兩個雪櫃入面飲品（啤酒除外）隨便飲，雪糕櫃總共有7款雪糕加1款雪條！火鍋湯底最初店員比我豬骨湯底，好彩店員肯幫我轉壽喜燒湯底，打邊爐除咗出面自助區可以拎食物之外，QR code入面仲有牛肉同黑毛豚肉，燒肉就有分五種味道，包括有原味、辛味醬汁、燒肉汁、塩鹽同蒜香！燒肉食物包括有雞中翼、美國雞腿肉、日本黑豚肉、牛舌、美國牛胸脯、美國牛肩肉、澳洲安格斯牛板腱！海鮮包括有墨魚仔、多春魚、牛油帶子等！以下係我推薦嘅食物：1.打邊爐嘅牛肉（9.5/10）有牛味，唔會好韌，唔錯！2.美國雞腿肉（9/10）呢個雞腿肉都算嫩滑，唔錯！3.多春魚（9/10）呢個多春魚自己燒得好焦香，入面都多好春，唔錯！4.牛舌（9.5/10）呢個牛舌係薄切，好容易燒，幾彈牙！5.味噌湯（9/10）有少少咸，整體好飲！6.紫菜

肉食控狂喜！屯門「一喜‧燒肉」燒肉火鍋放題連加一每人$225，CP值爆表！推介「澳洲安格斯牛板腱」——即叫即切肉色嫣紅，油脂分布均勻，蘸燒肉汁烤至焦香，入口柔嫩帶嚼勁「美國牛肩肉」更有鹽蔥、蒜香、辛味三種醃料，辛口味微辣惹味最涮嘴！牛舌控必點牛舌，蒜香醃製烤至微脆，脂香在齒間炸裂～🍖任食海鮮有帆立貝、墨魚仔、多春魚！自助區任食關東煮、冷盤螺肉爽脆，蔬菜選擇多到可自製燒肉菜卷! 甜品胃別錯過泡芙外脆內滑、任食多款雪糕收尾，飲品櫃更有汽水、茶類任拎！

屯門一喜燒肉提供多樣化的燒肉選擇和優質的用餐體驗😆店內環境寬敞舒適裝潢簡約而不失時尚適合家庭聚餐或朋友聚會🤟🏻⭐️牛肉三重奏套餐🐮集結多種不同部位牛肉選擇和牛：以其細膩的油花和柔嫩的肉質著稱，燒烤後風味獨特，入口即化🤩澳洲牛肉：肉質結實，味道濃郁，適合喜歡嚼勁的食客，燒烤後散發出濃厚香氣😳牛肩脊：經過慢燉或燒烤處理，帶有豐富的肉汁，口感柔軟，通常會搭配特製醬料，味道更加出眾搭配埋新鮮的蔬菜和調味醬超正😍⭐️熟食： - 炸餃子：外皮酥脆，內餡多汁，適合當作小食或開胃菜 - 肉丸：可以是豬肉或牛肉製成，搭配醬汁，口感豐富⭐️海鮮： - 蜆肉：鮮嫩可口，燒烤後更好食🥳 - 鯖魚：肉質鮮美，燒烤保留咗鮮嫩肉汁😊⭐️蔬菜： - 金菇：口感爽脆，加埋牛油底下，增添風味🤟🏻 - 菠蘿：甜酸可口，外面燒到焦香，提升菜餚的層次感🫶🏻 - 粟米：甜美多汁，加埋牛油更香濃❤️⭐️飲品可以選擇汽水、果汁或茶飲，搭配這些美食，增添用餐的樂趣😙⭐️甜品和雪糕提拉米蘇：這款義大利經典甜品以咖啡、奶酪和可可粉層層交疊，口感柔滑😉芝士蛋糕：濃郁的奶酪味搭配底部的餅乾底，無論是原味還是水果口味，都非常受歡迎

約咗朋友去屯門搵食，見巿廣場有呢間 一喜燒肉，可以邊烤肉邊打邊爐，估唔到試完咁正😊🥓🍲我哋叫咗個澳洲安格斯牛板腱100分鐘燒肉及火煱放題🥓🍲 優惠價$198加一超抵食，真係超抵呀🤑 湯底我哋要揀咗豬骨湯😋呢個餐可以任食澳洲安格斯牛板腱、美國牛肩肉、美國牛板腱、牛舌、黑豚肉、美國雞脾肉、雞中翼🥩🥓🍗🍖 全部肉都大大塊大大啖又鮮味，仲可以order原味、鹽味、燒肉味或者辛辣味，咁多花款真係不得了🧂🥩🌶️ 最正係可以邊玩燒爐、邊打邊爐，兩味任食真係好嘆呀🥓🍲 店員仲會好細心，到咁上下就幫我哋換燒網同加濃湯，服務一流👍🏻呢個餐可以任叫海鮮，有墨魚、帆立貝、多春魚🦑🐟 錫紙兜上燒下幾過癮。另外仲可以order紫菜飯同味噌湯🍚🥣自助放題區都好正呀🤤 食材新鮮，熟食有炸帶子、章魚小丸子、炸餃子🐙🍡🥟 仲有關東煮蘿蔔、魚腐、日式魚蛋、獅子狗等等🍢🍥 素菜類有響鈴、冬菇，白菜、翠玉瓜、凍櫃裡面仲有胡麻豆腐、螺肉、炸魚片、新鮮沙律菜🥗🥬 仲有烏冬提供雪糕有好多款口味，有海鹽、奶茶、豆腐、益力多、士多啤梨、雲呢拿，好特別☕️🍓🍦仲有明治藍莓乳酪條，好好味呀😋凍櫃仲有各款甜品，有慕士杯、芝士蛋糕、泡芙🍮 🍰 飲品

是晚約咗中學同學喺屯門市中心食飯～忙完一日工作嘅我哋勁肚餓～見到呢間晚市All You Can Eat燒肉店做緊優惠😍😍睇中咗✨澳洲安格斯牛板腱套餐✨連埋加一每人只係$225❗一個價錢已經可以食勻燒肉及火鍋❗二話不說排隊入座啦～被安排咗卡位位置～座位闊落坐得唔逼夾😁可以掃瞄二維碼落單及出去自助區拎飲品食物～兩個餓鬼急不及待行動呀！！.自助區有齊醬料、前菜🥠(冷盤小食、關東煮等等)、蔬菜🥬、甜品(泡芙、蛋糕、雪糕、雪條都有😍)、飲品(仲可以每位加$20任飲埋啤酒🍺)出去拎咗一輪之後～掃碼落嘅柯打都火速到齊啦🙌🏻🙌🏻火鍋湯底為壽喜燒鍋～滿滿蔬菜於其中～用甘甜美味湯汁灼一灼✨豚肉&牛肉～可口滋味；主打燒烤嘅食材重點推薦嘅當然係✨澳洲安格斯牛板腱～肉質鮮嫩又夠牛味🐂～分別有原味、蒜香、鹽味、燒肉汁、辛辣味可供選擇～😋必須瘋狂追加；✨牛舌都非常唔錯👍🏻👍🏻另外亦有🐔雞肉、🐷豚肉、🐚海鮮類(如：🐟多春魚,🧈牛油帶子,🐙墨魚仔等)、紫菜飯等等～食到我哋捧住肚番屋企😆😆

今日朋友帶我去屯門食呢間一喜·燒肉，90分鐘放題，星期一至五晚低至$188，可以任食超過80款精選美食，包括牛肉、豚肉、雞肉、海鮮、野菜、小食、飲品、甜品。放題有多款選擇，我哋兩個牛魔王揀左牛肉三重奏，澳洲黑安格斯牛板肉質細緻，色澤紅潤；日本和牛胸腩油花特別均勻幼細，齒頰留香；美國封門柳肉質細嫩多汁，入口油香強烈，很適合愛吃帶有濃郁油脂風味牛肉的朋友。厚切日本黑豚腩肉肉質豐厚，帶有豐富的脂肪紋理，令口感更加濃郁多汁；日本黑豚肉眼帶有細嫩和豐富既油脂，擁有濃郁獨特既風味。墨魚仔、青半殼口、塩燒鯖魚、牛油煮蜆，新鮮味道好。日式味付螺肉、麻醬椰菜、中華沙律，開胃又健康。總結，餐廳環境寬敞，坐得舒服，食物種類多，價格合理，高性價比。

今日去左屯門嘅一間燒肉店食晚餐，地理位置方便，環境乾淨。安格斯牛肉肉質鮮嫩多汁。安格斯牛肉散發出誘人的香氣，搭配簡單的調味料，便能讓其風味更加突出，令人回味無窮。美國牛胸腩肉質厚實且富有彈性。牛胸腩變得十分柔軟，脂肪的融化使得肉質更加香濃。搭配一些酸菜或醬汁，增添層次感，更能提升整體的味道體驗。美國牛板腱美國牛板腱是另一個受歡迎的部位，肉質緊實，適合多種烹調方式。這個部位的肉味濃郁，適合用於燒烤，並能帶來外焦內嫩的口感。搭配一些香料或醬汁，能讓其味道更加出色。豚肉燒豚肉燒以其獨特的香氣和柔嫩的口感而受到喜愛。豚肉的肉質鮮美，經過適當的調味和烹調，能夠釋放出豐富的肉汁。搭配一些新鮮的蔬菜或醬汁。一喜‧燒肉 (屯門)屯門屯隆街2號屯門時代廣場L3樓40號舖

最近，我造訪了位於屯門的一喜•燒肉，這是一家以燒肉放題為主打的餐廳。這裡的多樣化選擇與高性價比，為燒肉愛好者提供了一次豐富滿足的美食體驗。- *美國安格斯封門柳* 這道菜是放題中的亮點之一，肉質鮮嫩、帶有均勻的脂肪紋理。在炭火燒烤下，散發出濃郁的肉香。蒜香版本的調味尤其出色，口感濃郁而不膩，深得人心。 - *特選牛肩脊肉* 提供多種醬汁選擇，包括辛味醬汁與燒肉汁。燒烤後肉片柔嫩多汁，辛味醬汁的微辣感為味蕾帶來一絲驚喜，而燒肉汁則突顯了牛肉本身的鮮味。*套餐選擇與價格*本次體驗選擇了 *90分鐘的美國安格斯封門柳放題（$188）* ，這個價格十分合理，特別適合多人聚餐。每位顧客可根據個人口味選擇不同風味的肉類，再搭配特色燒肉醬，讓每一口都充滿驚喜。*服務與環境*一喜•燒肉的用餐環境乾淨整潔，燒烤設備操作簡單且無煙設計，讓人能專注於燒烤的樂趣。服務人員友善熱情，點單響應迅速，讓整體用餐體驗更加流暢。一喜•燒肉是一家結合多樣化選擇與高品質食材的餐廳。不論是愛好牛肉、豬肉還是雞肉的食客，都能在這裡找到滿足感。如果您在尋找一個高性價比、充滿樂趣的燒肉放題，一喜•燒肉絕對值得一試！

今次同fd黎食屯門呢間燒肉放題，$300有找任食，性價比唔錯！呢到用手機落單，有咩食一目了然，又唔洗等店員得閒先叫到野食，燒到咁上下就可以叫定下一round，千祈唔好比個口停！第一round梗係狂掃牛啦，啲雪花紋都算唔錯，燒到7成熟入口肉香爆燈！牛舌爽口彈牙，加少少鹽肉味勁出無得輸！ 豬腩肉、雞髀肉亦有驚喜，預先醃好甜甜哋，入面keep住juicy，抵讚！最邪惡一定係牛油煮蜆，錫紙兜勁多牛油，啲蜆肉吸晒精華，最正係放係到由佢燒到熟唔洗自己勞煩！食燒肉一定要整碗紫菜玉子飯，暖笠笠飯粒撈埋蛋香，中和返啲油膩感飲品櫃野飲同甜品櫃雪條甜品自己拎，選擇都叫多另外亦有好多款唔同熟食、小食炸物拎，唔會淨係得燒肉咁單調

年初五下午行經 一喜，燒肉 見2小時放題都係百幾蚊位就入去試吓。原本冇咩期望，諗住都係啲好肥嘅牛肉，豬肉。 但點了餐單內嘅牛脊肉，牛腱肉，腩肉等試試，嘩！ ok喎，冇咩肥膏，肉質嫩，筋腱位都有咬勁。 佢保鮮櫃內有獨立一碗碗的雜菜沙律可自行加沙律汁，呢一份雜菜沙律真係一流。 而生菜加燒肉檔次突然間提升咗！菠蘿都好好味，一路燒啲汁標曬出嚟！雖然海鮮只係得多春魚，墨魚仔，但200蚊唔使兩個鐘仲想點！另外侍應服務態度都好好！有講有笑！ 開心嘅一餐！

夜晚同朋友一齊食飯，咁星期六屯市周圍都好多人，唯獨呢間冇人等，心諗肚餓就入去食啦，一開始啲肉都OK呀後尾啲肉又薄又多油脂，我覺得我食完會生cancer，而餐單上本身應該有嘅雞腎雞鎚都冇得嗌，有得嗌嘅肉出到黎都係一舊冰咁，擺入燒爐燒就好似幫佢解凍咁，最離譜嘅係夠膽死半價嘅人服務費收我全價一百蚊，你服務過我啲咩，嗌九件肉上三件俾我，芝士年糕鹹到我食完要去醫院洗腎，甜品又非常之難食，非常大伏，各位避雷！

好評 好評 會推介給朋友😊值得嘗試嘅燒肉店😊肉類選擇種類多（不同部位）👍肉質不錯。仲有雞腎、大腸、墨魚仔選擇⋯⋯👍冷盤小食：藤椒魚皮、螺肉、芝麻醬豆腐⋯⋯炸物小食：餃子、春卷、炸帶子、芝士年糕仲有一個超好味嘅海苔魷魚酥👍👍👍👍👍⋯⋯飲品種類繁多👍啤酒、咖啡、熱茶⋯⋯環境衛生乾淨企理（坐得好舒服）👍👍樓面侍應和清潔姨姨都好好禮貌👍👍10月尾試一次，11月2第二次 價錢有$ 138 、$238、$ 298、$ 388、$ 598 有陣時會有優惠，所以幾抵

成日經過見到門口好似好吸引咁..又成日做優惠好似好抵咁..今日lunch去食..幾隻牛肉都勁普通..完全無牛味..枱面果枝汁好難食..粉紅色鹽又勁咸..Qrcode落單..一click入去..好多菜品類都售罄…自助吧唔好期望咁高..全部都係cheap野..甜品完全唔掂..雪糕係香港製造果隻牌子..冷盤都係中華沙律同螺肉果啲…唯一值得讚係女侍應幾有禮貌..做野好爽手..絕對唔會有下次..完全令人失望

之前有喺度食過，食物質素確係唔錯但態度….非常惡劣首先喺門口嗰位接待 我同朋友揀耐少少食邊個餐，佢已經唔耐煩….然後入到去，我見有好多吉位 就輕聲禮貌問個男侍應，請問可唔可以坐出面小小嘅位 佢勁唔耐煩同我講，冇架wo！嗰邊維修緊呀超級超級唔耐煩…..我聽得好唔舒服一肚氣已經唔想留喺度食，直接問朋友，不如走？然後我地就直接走咗冇食 真係第一次….

晚市8點 去拎飛 門口女服務個態度極到惡劣 你部機廢係唔關我地事！ 甘樣趕客 幾平 幾好食都無用啦！ 希望餐廳檢討下 唔怪得星期六晚8點 都可以唔洗排隊 有甘既人企門口做野 同趕客有咩分別？