一品雞煲火鍋

營業中

休息中

今晚同女朋友嚟咗呢度食雞煲人真係好多排咗好耐先至入到其實一品已經唔係第一次食平時喺土瓜灣唔係咁多人食味方面呢兩間都差唔多一品質素真係幾高唔係任食材料一定好多啲雞都好滑，其他打邊爐嘅材料都好新鮮好食！

尋晚食完汀汀魚同汀汀既雞煲今日夜晚同姐姐食飯唔到佢又提議食雞煲就係因為咁足我就食足兩晚雞煲，真係肥死我😂😂😂晚上七點幾嚟到人流真係好多，喺門口等左差唔多一粒鐘先至入到去。入到去已經鬼死咁肚餓當然要即刻叫嘢食！黎得一品必食佢地嘅秘製一品雞煲喇一行三個人，叫左一隻雞（少辣）。終於食得啦😍😍😍雞嘅份量都幾多，一品雞煲醬汁味真係既濃醬汁充分包滿每一舊雞咁都算幾厚實，食落鹹鹹香香而且花椒分角等既調味配合得好好味道適宜唔會太過鹹👍🏻😋仲有佢地個紅洋蔥，好香好好食！食晒啲雞就可以自己加湯開始打邊爐。😈😈😈三個人叫左唔算太多嘢食不過頭先已經食咗一隻雞所以個肚已經有嘢long胃🙈已經開始飽飽地🙈🙈🙈佢哋呢度個芝士腸比平時嘅大得多，食落比平時細條嘅更有口感。墨魚滑爽口彈牙好有口感，呢個的確幾好食👍🏻響鈴唔係平時既來貨，好長好大條！😳腐皮好薄薄咁卷成一個筒狀，食落好香腐皮香同豬油味，我一個人起碼KO左4條😍😍😍另外仲有佢呢度必叫嘅大檸茶用平時Hoegaarden個杯斟，飲落茶底應該係雀檸打住邊爐飲住凍野真係超正！😁😁😁😁😁❤️🙄🙄🙄🙄🙄🙄🙄🙄🙄🙄🙄🙄🙄🙄食到差不多10:00, 一食完D職員就拿拿聲係咁係我呢張

其實聽過一品雞煲多次! 今日終於有機會試下! 我地七點到~好好彩星期五都即刻入得~係卡位~我個人比較重口味~好中意食雞煲~可惜唔知係咪期望太高~有D失望~!首先要讚既係個煲! 好滿! 然後個味都ok! 好夠味! 可惜最失望既係D雞唔滑!!! 有D’鞋’ 有D乾!!! 而且辣但一D都唔麻~~好唔爽/.\食完主菜就打邊爐~冇乜期待~都係落下普通雞湯~值得一提既係佢個響鈴! 好大條! 好新鮮! 勁好味! 索埋雞煲D汁勁正!D飲品都幾特別~勁大杯~~岩岩好for 2 hrs 既雞煲~ 三十幾蚊又唔算貴@@Um,~~唔會突別想再黎~但又唔會Blacklist既~~!!

一開始工作人員明明就未睇清楚煮熟未，就話食得。咁信佢啦 一食落去啲雞仲係生既！跟住加湯後，煲左好耐都冇反應，叫左工作人員黎睇 佢同我講「我都冇辦法，可以點算？」似仲係中學生既樣，完全唔識得搵其他同事幫手，講完佢就咁走左⋯都算啦，食完之後個肚已經好唔舒服，第日起身柯到冇停過，個肚又好痛問反啲朋友，原來個個都係咁。服務差都算，啲野食仲要咁唔乾淨。大家唔想肚柯既話千奇唔好再去食！

夏至先泥食雞煲, 傻的嗎？對! 傻人就係中意同一班朋友去火鍋店聚聚先來象拔螃刺身, 見到面前咁大盤, 真係好興奮! 每隻都好新鮮同埋好爽口, 最緊要係夠凍! 象拔螃刺身第一啖好滑, 之後好爽口, 接著就係好鮮甜味! 另外亦有刺身送, 雖然唔多, 但都算係新鮮同略有甜味

終於都黎到HAPPY FRIDAY! 辛苦左一星期, 要去食個雞煲放肆下今日落大雨, 諗住應該冇咁多人出街食飯, 點知黎到都好多人等位。同女朋友等左個半鐘先有得入坐, 因為我地唔想搭枱, 如果搭枱就快好多, 不過我地想坐得舒服D, 所以等下麻辣雞煲 (半隻) $135 - 我地要左微辣多麻, 女朋友唔食得咁辣, 不過呢度D麻好正, 所以佢都忍唔住要左多麻, 雞煲好足料, D雞好入味, 其實一隻都食得晒, 不過我地想叫其他野打邊爐, 所以兩個人半隻岩岩好花枝片 $58 - 大大片, 彈牙珊瑚蚌 $90 - 睇落以為好大碟, 但下面全部都係菜黎, $90黎講少左D, 味道唔錯搭夠返脆肉鯇魚片 $43 - 新鮮, 不過淥完好厚身, 太太舊, 麻麻地日本蠔 $65 - 六隻都好大隻, 淥完冇點縮水, 正! 響鈴 $38 - 自家製, 唔係出面買到O個D, 冇咁油, 特別好食手切肥牛 (大) $198 - D紋都幾靚, 淥一陣間就食得, 好重牛味蝦滑拼墨魚滑 $88 - 放左落湯有少少分唔到邊舊係蝦邊舊係墨魚, 所以我地覺得兩邊都好食, 食極都仲有, 兩個人落左四轉都仲有得食, 幾抵莧菜 $28

朋友聽朋友介紹話呢間雞煲好食,今日就去試下,食完覺得麻麻地者,可能太多味精關係愈食愈口乾,2個人,叫左半隻鴛鴦雞小辣,再叫炸魚皮,娃娃菜,豆腐,黑豚片,脆肉鯇骨,皮蛋,檯同檯既距離都唔算近,坐得都幾舒服,有卡位坐,好少可火鍋雞煲有甘舒服既座位坐,每檯都有一壺湯,係FOR食完雞煲再倒落個煲到打邊爐,鴛鴦雞煲,即係田雞同雞兩溝,雞肉都夠味,可能係太多味精所以食落夠味啦,但好多骨,LUR骨,多過食肉,唔鞋,不過唔算好滑,皮蛋紅薑, 薑唔係酸酸地果D,係好甜既薑,皮蛋都唔錯,不過要成$28定$22一碟,好似有D唔抵,炸魚皮,好細塊,夠脆不過都係好多味精,麻麻地好食豆腐食落好似有D酸,應該係壞左,脆肉鯇骨真係骨多過肉,不過都幾爽,唔錯,黑豚片,甘多樣野最好味應該係呢樣,幾好食,唔鞋,新鮮娃娃菜正常呢到D凍檸水,凍檸茶,青檸水,係用平時酒吧果D生啤杯,所以大大杯,三十幾蚊一杯,都合理既,食到一半,有個阿姐會走過黎睇我地食左幾多,之後叫我地快D食,唔好掛住傾計,話好多人等緊位,甘樣既態度,趕客,

舊同事聚會, BOOK左枱晚飯時間但都要等幾個字再問下原來千頭就可以有間VIP房 我地十幾個人, D男仔又大食, 千零蚊坐底啦所以二話不說就OK有房坐嗌左一個全隻麻辣雞, 份量真係超少...一人只食到2-3粒骨多肉少既雞我地嗌中麻中辣, 味道好夠濃, 香料香好有層次但辣果方面就冇咩感覺下次可以再大膽D, 大麻大辣應該都OK我重點食既有:魚片好新鮮, 滾完仲係完整搵得返的。羊肉夠騷, 又夠嫩。蜆夠大隻, 啖啖肉。珊瑚蚌份量好多, 而且非常爽口鮮味。不過最多人中意食既肥牛比較瘦, 唔夠多油脂感覺好韌。同埋好中意佢杯大檸茶, 一杯飲到尾, 唔洗成日煩要嗌野飲。另外一讚服務員好細心, 隔一陣就主動黎睇下我地有咩需要唔會因為我地喺房就唔理我地。

今晚我們去咗旺角好景商業中心嘅「一品鷄煲火鍋」食晚飯！我們叫咗麻辣秘製鷄煲「一隻」、糖心皮蛋酸薑、美國桶蠔、魚肚、花膠筒、鮮豬膶、脆炸響鈴、手打蟹籽墨魚滑、手打蟹籽蝦滑、竹笙同鮮淮山！麻辣秘製鷄煲「一隻」嘅肉質極之嫩滑，完全無「嚡」嘅感覺，賣相同色澤都相當吸引，味道超級惹味，食晒一煲都覺得唔夠咁，所以我們叫多一煲嚟食！糖心皮蛋酸薑嘅糖心皮蛋相當軟滑，夾埋酸薑一齊食，真係好滋味醒胃！美國桶蠔真係超大隻，肉質超肥美厚身，味道超鮮甜！魚肚好爽口彈牙，份量亦都幾多！花膠筒相當大隻厚身，口感好軟滑！鮮豬膶好爽脆嫩滑！脆炸響鈴好長身同好多轉，吸收晒湯汁嘅味道，真係好惹味！手打蟹籽墨魚滑同手打蟹籽蝦滑係係新鮮手打，口感非常爽口彈牙！鮮淮山相當爽脆，味道好清甜！

平時聽到一品好出名, 排晒長龍諗住唔會差得去邊, 決定一試去到搭枱即有位，我都係第一次分別十二個人坐埋一圍食雞煲，分左五張單我地兩個叫左小麻小辣, 其實叫小麻已經幾西利個雞煲味道麻麻, 唔覺得係要咁出名但唔算難食, 最差就係成煲都無乜肉我地叫左一隻雞, 全部都係Lun骨想搵舊正常少少食落有肉嘅都難話說我地LUN骨已經牙都軟埋, 成煲都係得雞骨咁張單寫明食兩個鐘, 店員就只限我地食個半鐘要走。配料方面， 叫左黑䐁肉、墨魚滑拼蝦滑響鈴、魚皮、雲耳、韭菜餃配魚皮餃我諗自己係屋企打邊爐會抵好多！黑䐁肉我無食到，早被朋友食晒，睇佢咁食法應該唔錯掛雙拼滑，好一般大把地方好食過呢到！響鈴凍既，同魚皮兩樣都唔夠脆雲耳無野好講， 但食到有少少酸味雙拼餃， 普通野 完全唔好味埋單$581 ， 值嗎？對唔住，我找不到一品令人感到出色嘅地方

一唸起好景大家會唸起咩？原來而家已經唔再買數字仔喇，二樓開左間雞煲嚕 去到話入座2個鐘還枱, 咁我地咪即刻叫個雞煲填埋火鍋嘅料嘅紙囉！原來錯哂！ 個雞煲係好快黎到，但係未食得的，仲要等多幾分鐘，喺li個時候我地嗌嘅肥牛同其他生料都黎左.........但其實係finish左個雞煲食哂d雞先加湯,等湯滾個陣先慢慢落單都未遲呢 阿姐有幫我地攪下個煲然後叫我地可以食，好香，件件雞都好入味，我地叫左小辣覺得介乎唔食辣同食辣嘅人中間都ok食到, 食辣嘅我覺得雞勁嫩，無論顏色，香味，味道都好出色，無嗆味, 只有好幾枝小辣椒同香料，其實最好味除左d雞件,就係紫色個d切到好粗圈嘅洋葱，每個洋蔥圈都完全索哂d醬.....之後仲見到隔離枱突登叫多碟架原來！A級安格斯肥牛 因為我地太早嗌碟牛已經擺左枱面一陣，個色就變左無咁鮮紅，但係碌熟左係咬一野就可以呑得...真係食得出A級安格斯同普通雪花肥牛嘅分別響鈴 好大碟而每條響鈴都好多圈好長, 淥3秒，唔好多, 索埋嘅湯底食幾多都唔夠；竹笙 至於竹笙仲正，都係索湯嘅fans，唔使自己處理,40蚊碟價錢算公道了蘿蔔可能老闆定左2

十位以上才可以訂位，雖然「雞煲熱潮」有點過氣，但事關Happy Friday都擔心會旺場，幸好去到門口因三位人齊即時有枱，更是「卡位」大家非常高興。是奇怪的，久不久又會想食一下雞煲、打一下邊爐...坐下來立即先來個馳名秘製雞煲壹隻，成為200大元。這食店我是首次嘗試，是日叫了少辣雞煲，份量很足夠。食法不用多說，雞肉嫩滑可口，配以點點麻辣味，恰到好處，只是食到較底的雞，由於太入味，即由少辣變偏辣，怕辣的朋友要小心啊!第二輪加湯打邊爐，點了響鈴，皮太厚不脆，有點失望。蘆筍、唐生菜都算新鮮，皆因全隻雞都夠三人份量，所以打邊爐材料未能選擇太多，整體味道尚可。

星期五夜晚呢度好多人，等左好耐先有位。雞煲最鐘意就係食藥膳而非麻辣。點左一個藥膳雞煲，再加少少菜，炸魚皮，冬瓜等等辣椒要$10先會有，食辣椒既人呢$10走唔甩。兩個人食完半隻雞都飽左 最後我打包左啲菜走，因為食左好少咋，唔要好似好哂…我略嫌湯底唔夠藥膳味，再濃味啲我會連湯都飲埋

復活節假,家姐得閒D就約埋一齊食晚飯,心血來潮想食雞煲,食任食又怕限時限刻,食到滾水6腳咁,所以去呢間散叫,點知入去坐底先知限時2個鐘,咁都無所謂啦,志在醫肚,因為家姐唔係咁食得辣所以叫左微辣,係其他店食小辣已經好夠味,所以今次叫微辣試下,點知個煲黎到,E...茄汁雞煲?食落去一D辣味都無,D汁唔多又唔夠味,食左幾舊雞已經乾水,加D湯落去,完全變左白恰雞煲咁,好在只係試下叫左半隻,之後再叫左碟豚肉片,黎到好靚咁舖左6塊係到,食任食都唔止比咁少,同埋叫左個菜,成棵菜切一半就算,食過咁多間雞煲呢間最唔得,下次都唔會再黎.

雞煲的味道是一品特有，麻辣中帶點甜，裡面有一種龍眼核大小的香料味道嚼下去很香，麻和辣程度可以選擇非常好，最好吃完雞再落湯底，不然雞無咩味，我們8個人吃了兩煲雞，剛剛好，另外叫了很多火鍋配料，其中最欣賞是蝦膠，新鮮手打，真材實料還能看到未打爛的蝦尾，落鍋好快可以吃非常彈牙，必點！8人，人均180度，幾飽.下次可以繼續來旺角不用排太久隊.