一品雞煲火鍋

營業中

休息中

琴晚約咗班好耐冇出嚟嘅朋友打邊爐，就揀咗呢間一品雞煲。都係食完雞煲然後再打邊爐咁。雞煲嘅價錢同出邊差唔多，但呢度唔係任食而係逐碟叫嘅。我哋叫咗兩個普通雞煲，叫咗一個中辣一個小辣，但係個中辣都唔夠辣同小辣差唔多，不過個味道唔錯。打邊爐材料比一般飲食幾好小小，唔係話特別好食好多。特別推介嘅係韭菜餃同即炸響鈴，啲蟹樓就外邊甩晒皮咁樣好似好梅但係中間就ok,賣相一般。順帶一提就係呢度嘅檸檬茶係有hogarden大杯個隻大size。整體上來講還可以嘅。可能因為同朋友飲咗酒嘅關係所以就要四百幾蚊，如果唔飲酒嘅話應該＄300就OK架啦。

近排興芫荽，鍾意食芫荽嘅朋友就啱哂嘞，一大撮芫荽！為免黐底，記得加熱過程中要攪攪佢。眼見現場唔少人「大安主意」由得啲雞响缺水嘅情況之下乾煲到出哂燸味，佢哋就顧住捽手機同傾偈，我真係唔知講咩好。雞件份量足，要麻有麻，要辣有辣，調味方面係冇得彈嘅，可惜雞件的皮下脂肪黃油部份太多，對於時下講究健康嚟講呢就唔係太好嘞。意想不到嘅係雖然呢度嘅主打菜色係雞煲，但係呢度嘅安格斯肥牛無論色水、肉質以至牛味都係上等水平。魚的確係脆嘅，由於响重麻辣嘅調味之中滾熟，所以係食唔出任何泥味、腥味。估唔到西洋菜嘅甜同麻辣湯底嘅麻辣味竟然係夾得到㗎喎！竹蔗茅根水望落就幾足料，但係飲落就淡口咗啲。

今晚同成班同事放工食宵夜，一於去打邊爐。我同事話想食雞煲，一品咁出名當然要試吓啦。雞煲一上，嘩好足料喎！份量足足有一隻雞，唔會話碎濕濕多骨又冇肉咁！醬汁炒得夠香，紫洋蔥又夠多又新鮮，爽脆！雞肉一d都唔鞋。呢個雞煲堅係正。不過有人唔食得咁辣只係order咗微辣，下次想試辣d最平款色嘅雪花肥牛($118)睇樣知好食！雪花夠靚，都算上等貨色，值回票價，入口即溶，脂香味濃金錢肚喜出望外，原件切，好靚仔，煮完之後索晒汁好野味！另外叫咗響鈴炸魚皮粟米豆卜，普通貨色。響鈴同埋炸魚皮雖然夠脆，不過響鈴唔係現炸，差咗一級。最後豪一豪叫咗半條象鈸蚌，個人認為一般，唔係特別爽，可能呢半條係擺咗一段時間啦。但要成550半條就貴咗d。另外一品最出名嘅就係嘢飲夠大杯嘅大檸茶啦！打邊爐咁熱氣，邊飲邊食就梗！相當唔錯。服務方面，不過唔知係咪12點幾關係，準備收工心態。d阿姐只叫幾次先有反應，認真麻麻。建議叫多幾個朋友一齊去食。咁除返個價錢會抵d。

如要用＄1200，三個人在旺角吃一次雞煲火煱！那未免食水太深！雞煲係好嘢味，但味道濃到飲大量飲料都解不到喝。個人認為一個好的雞煲並不是只用大量濃味的香料堆砌出來的！就算你order了飲料但想要一杯水解喝，佢哋都唔會供應！所謂全隻雞煲都只不過是一隻春雞的size!今晚點的十幾二三種火煱料，普通到唔普通。 最貴都係日本蠔，牛肉還有花枝蚌。日本蠔和烏冬上桌時仍是冰封住的，蠔入口沒有鮮味，只有腥味。沒有半個份量的紫洋蔥收你$28，ＢＢ拳頭咁大蝦滑和墨魚滑就收$88.叫服務員收碟，佢會話叫其他人。價錢食物質素服務

同樣嗜辣的我們難得見面，當然要吃我們都十分喜愛的麻辣火鍋了。所有野都可以任食，包括豚肉，牛肉，配菜，飲品.雖然係最平，但係肉質一啲都唔差，豚肉幾爽，唔係太瘦亦唔會好靱，但可惜肉味不足；牛肉都幾淋，但係有d丸味道有d怪。有一點兒肥d嘅牛肉作配搭，但同樣欠缺牛肉味。雖然豚肉與牛肉的肥瘦均勻，但欠缺色澤大家可先淺嚐一下，番茄味會較重，另一邊則是較淡的龍蝦清湯~吃火鍋，也要些清熱飲品相伴，這裡有供應竹庶芧根和紫貝天葵等，至於醬料也有十多款供自已調配，除了用的豉油，特別推介日式胡麻醬，再加點點蒜粒和蒽花，十分香口惹味!

今日天氣凍左d 就揀黎食雞煲以往食過好多間 有富盈 有至尊重慶雞煲不過都係食d任食 第一次食豪d 逐樣計錢31蚊 大大杯 其實幾抵飲 喪飲感覺非常爽讚講翻個主菜喇 要左小辣 完全唔辣職員有幫手兜下d雞 上左枱都要等好耐下先食得味道唔重味 但雞件好多 可能係2個人食一隻雞 感覺好滿足但如果計重味d 正d 我都係想食至尊重慶雞煲不過整隻雞來說已經算不錯要錢叫ge雪花肥牛 食落一般 好小 但偏貴但相比至尊重慶雞煲 好好多啦！！再黎加左其他料，但一般 墨魚滑同蝦88蚊，但好爽好彈牙推薦Overall ，太貴，有節日先會再食同埋一夠鐘就叫你走 服務一般

一品雞煲真係我們這些夜夜才開始海吃胡喝的人好去處！收檔得真的都幾夜。還有個原因晚飯時間真的試過排到勁唔耐煩！最喜歡一品招牌的秘製麻辣雞煲3個好友當然點一整個雞才夠吃，點的是少麻少辣鍋，因為真的辣得好羅命：不過又最喜歡個味，好下飯開胃醬汁好香濃，雞好滑醬汁好入味又唔柴！配芫茜不過有好多人接受唔到芫茜的味就記得事先提醒下唔好放啦⋯⋯邊爐加凍飲好過癮，大杯凍檸茶！好好舒服啊又熱又凍吃完個雞剩下的汁加少少湯打火鍋，牛肉火鍋又係必點的！點了兩款試下，雪花肥牛好新鮮，不過真的很薄，份量真的有點少！肥牛就幾好！A級的安格斯牛肉朋友就鐘意，我覺得還是肥牛好點因為牛肉會難嚼！唔太喜歡嚼太久好累手打墨魚丸好滑好彈竹笙同埋金針姑來吃雞煲最喜歡點，因為雞的醬汁會吸收的很好很入味芋頭打邊爐粉粉的好吃，不過這個好像放了有點久的，水分干左D囉最好來份唐生菜，啊啊啊啊好滿足不過就游泳圈又圓了圈

一直想食雞煲火鍋好耐，今晚即興去左旺角一品雞煲火鍋食，7點幾去到都等左差唔多半個鐘，都真係幾多遊客去食。一坐底就叫左半隻雞，揀左小辣小麻。本身唔太食得辣嘅我，小辣都接受到，而小麻都冇問題，鐘意食辣嘅絕對可以食辣啲！啲雞肉質唔鞋又入味，兩個人好快就KO左！之後火鍋配料叫左五樣，第一樣係美國雪花肥牛（小），肥牛唔鞋幾滑，不過留意細嘅只有六塊！美國雪花肥牛（小）$88第二樣係蟹子墨魚滑，份量都多又彈牙！細細粒咁食正😂蟹子墨魚滑$78第三樣係韭菜餃，一共8隻，雖然好野味但都飽飽地，而且個皮都薄身。韭菜餃$35第四樣係牛柏葉，本身就冇味嘅，吸哂雞煲啲味好好味！😀推介推介牛柏葉$35最後一樣當然係響鈴啦！唔駛多講吸哂啲湯簡直係又好味又邪惡！而且卷左幾圈，浸一浸湯即刻食，出面濃味入面脆！✨脆炸響鈴$38除左野食，仲叫左兩杯大檸茶！唔駛驚怕辣時好快飲哂！大檸茶$31total兩個人食左$518，真係滿足又飽住走！

一品雞煲果然係有佢個人之處，第一次食，就俾佢吸引住，雞煲味道好似佢獨有咁，係其他地方食唔到既雞煲味。 要左半只微辣雞煲，，少少辣都好惹味，個汁真係不得了，雞肉又好味，連洋蔥都好正，吃不停。 我至愛的響鈴，呢度響鈴好大條呀，浸一浸就食得，帶點脆，又吸曬啲汁，好入味，滿足

本身就好鍾意食雞煲既，大時大節梗係要叫🐔爽下啦，今日相約班老死黎食🐔，一林🐔煲一定要黎一品啦👍🏻👍🏻，我地四個人既，一開始就落左個小辣既雞🤗🤗跟住就叫左我最愛既Hoegaarden杯既檸檬茶😍😍雖然次次都飲唔曬，但係咁樣係好爽既👍🏻👍🏻隻雞黎啦，佢本身既醬汁好好味，d雞好入味呀，好啱我口味，本身食得唔太辣既，咁就叫左小辣🙈🙈啱啱好，個醬同小辣好匹配呀🤗🤗真係無得頂呀，之後就叫左d火鍋配料邊爐👍🏻最後一人食左兩百蚊都唔洗🙆🏻🙆🏻讚👍🏻👍🏻

最近突然間好想食雞煲，於是就來個即興食雞煲…收工後就即刻去啦，去到都差唔多7點半，以為要排隊，可能係星期一嘅關係，一去到就有卡位坐…首先我地叫佐個鮑魚雞煲少辣少麻，本人真係第一次食，有6隻 都算幾大隻吓，味道一般，本人唔食得辣但都覺得唔辣，始終雞煲係要辣先好味再黎叫佐條象拔蚌$700，有驚喜，5個人食份量啱啱好，呢個本人覺得抵食另外叫佐碟雪花肥牛$118，呢個勁唔抵食，薄到紙咁，勁少叫佐份桶蠔，本人係鐘意食蠔嘅人黎，桶蠔就是桶蠔嘅味道同事推介，大大杯凍檸茶

一品雞煲既好食程度真係令我念念不忘, 今日同幾位好姊妹喺旺角行完街之後去左呢度食...旺角呢間分店長時間都咁多人等位, 今次等候時間都算快, 大概等左大概半個鐘我極力推薦下, 叫左麻辣秘製雞煲-少辣芫荽大條而且好新鮮, 正呀😀❤️❤️❤️秘製雞煲既香料味好重, 因為叫左少辣關係所以唔算好辣, 麻辣味個人可以接受食落味道好香濃, 一隻雞既份量都幾多👍🏻 而且雞肉好嫩口, 秘製醬汁融入左係每舊雞度, 真係食好幾舊都唔覺得厭! 😍😍😍 而成鍋雞煲入面既精髓係💁🏼 紅洋蔥, 紅洋蔥煮到咁上下已經開始變得軟身, 食落帶有本身有既甜味, 不過煮太耐吸收左雞煲醬汁就會被喧賓奪主.. 唔係任食嘅關係, 自覺食材質素都會比較好! 本身個人唔算太好牛既食材～都係唔食, 只係唔算太好🙈而且唔算太肚餓之下只叫咗我最鍾意食嘅墨魚滑 & 響鈴😍😍👏🏻 其他食材都冇咩點食, 所以介紹唔到了😂唯一可以講嘅係炸魚皮好卜卜脆好好食呢度嘅手打墨魚滑同響鈴係我每次必叫嘅食品! 手打墨魚滑好有彈牙口感, 食落好厚實而且會食到有墨魚粒係入邊架! 😁😁😁👏🏻👏🏻👏🏻至於呢度嘅響鈴唔似一般來貨, 長度比平時食開嘅長, 腐皮嘅厚薄程度薄如

星期六夜晚十一點到達 即刻有位唔洗等兩個人叫左半隻秘製雞煲 響鈴同烏冬雞煲係小辣 唔食得辣既我係覺得好辣的個汁好夠味 正響鈴脆卜卜 好味烏冬吸晒d 雞汁 一流必點既大杯凍檸茶 另外再叫左一碗白飯同啤酒 埋單$284 好抵

新年冬天期間，同屋企人去一品食下麻辣雞煲暖暖胃，等左成個鐘有得坐卡位，一坐低叫隻雞再揀配料，唔知點解明明逐碟計可以都叫到成枱係仲食唔哂響苓、生菜、油墨菜、肥牛、墨魚滑、蝦滑、四款丸、烏冬、公仔麵等等，啲雞真係入味到好味到你唔信，食埋配料吸味吸油完全肥膩到一個點，四個人食到飽到捧住個肚，叫左凍檸茶凍檸水凍青檸水飲解下油膩感由於我係一個食得太多肉或者太油膩會濟既人，所以個晚我係濟到訓唔到病左成個星期，建議大家食唔到咁多真係唔好叫太多，怕肥膩人士記得叫啲檸茶檸水飲下，怕濟人士就食五寶散個啲啦Btw一品既雞煲可以話係雞煲界中既皇牌，食過返尋味除非你濟到驚左

一行九人 放工黎食雞煲叫左一隻唔辣。半隻辣叫左五分鐘左右就拎左雞煲黎會有人間中黎幫你睇睇差唔多就得 就同我地講個雞煲夠濃味之餘又唔會太鹹D 雞又夠入味一向對雞一般般既我都食多左幾舊食洋蔥既朋友記得食埋因為個洋蔥吸曬d 「精華」好好味😋👍🏼食到禁上下 我地就落湯本身以為落左湯 會煲會變好淡 唔好味但食落先發現又唔會好淡叫左牛丸 三款混合丸（唔記得名）脆皮腸 響鈴。吸左湯汁 超好食生菜手打墨魚滑。 比墨魚丸更香生筋粟米豚肉，牛肉，羊肉 好新鮮 好有味 👍🏼👍🏼整體所有材料都新鮮打邊爐一流😋👍🏼以下附圖參考