一品螞蟻 (已結業)

細心睇 menu ......會發覺原來呢間就係紅螞蟻的升級版.....兩個人....食左: 牛尾濃湯 - 真係好濃...味道唔錯...但係有D似金寶湯.....牛油果雞肉蔥油薄餅 - 餅底好脆.....味道好好....但完全唔似 pizza....三文魚蟹肉炒飯 - 炒飯好炒得好乾身.....而且頗大碟.....味道OK...埋單 $164...OK 抵食

雖然見到兩個唔係咁好既食評，不過都想去試一試。這天一行四人叫了兩個二人套餐，有小食拼盆，春卷，雞軟骨，兩個意粉，一個飯，一個小pizza，4杯飲品。雞軟骨碟小食比我想像中大碟呢.....味道也不錯,春卷有3條長長的放在杯裡的,幾好吃啊~另外那兩碟意粉味道也很好呢~~~唯一麻麻地的就是那個飯,送很少~埋單每人100蚊左右也合理呀!!要待改進的是服務,可能是個別問題吧,那位幫我地落單的女侍應,我講了3,4次,她還聽不到(定係唔明白？)我想點甚麼送...講完一次又問我想點乜....我已經又講又指著餐牌.....不過這間食肆感覺坐得算舒服,食味質素都幾好呀,可以一試~

呢間餐廳都開左一段時間, 見佢門面都幾靚, 好似ok高檔, 於是今日去試下啦點知真係...有d失望.... 先講裝修的確花左好多心思, 見佢都有d design, 諗住應該唔會差得去邊可惜d食物真係唔太ok...叫左個鰻魚飯, 個名就set到好型好high class, 但個樣已經唔算太好...d汁好少, d飯有d硬, menu寫「原隻鰻魚」, 但眼見...一係隻鰻魚超細條, 一係就講大話... 點左杯西瓜汁, 肯定係撈水既 唯一開心少少既係個心太軟, 5分鐘即焗賣相同menu都有9分似, 而且食落去感覺都唔錯唯獨是d白色既醬竟然另上, 仲要放係一個茶餐廳一模一樣既「兜仔」度... 至於服務態度都ok既, 至少隨時都叫到人幫手不過呢...都唔明點解野食都未到就放牙籤, 仲要1個人既食物黎左幾乎食晒, 另一個先到佢竟然收食完個份餐之後, 連張餐檯紙同紙巾刀叉全部收晒! 絕對有種趕客feel.....

紅螞蟻食過好幾次都不錯, 有見 [ 一品螞蟻 ] 是紅螞蟻集團的另一創新自家品牌, 便和朋友去試一試, 點知實在令人非常之失望, 叫了三樣嘢食通通都好難食 (1) 香煎法國鵝肝伴米蘭燒雜菜扁意大利麵 真係唔知點去形容成個感覺,,總之就好乾身和油膩嗰隻, 只有少許蕃茄醬汁伴配料, 真係好一般的扁意大利麵, 件鵝肝都算大件同厚身, 但食落一啲都唔香口之餘, 貨式質素都唔知它是法國邊種了...(2) 原隻美國薯仔焗田螺肉 這個滿以為不俗, 我們滿心歡喜地還叫了兩個,,點知都係差到極, 最差就係覺得這應該不是用美國薯仔, 毫無薯仔味可言 ; 焗到個薯仔好乾身, 食落係生水爽口嗰隻, 一啲都唔粉淋., 中央夾住的田螺肉就還可以接受起碼都算大粒, 肉質OK 算新鮮 ; 之不過都係於事無補因成個東西是全無配汁的, 食落乾真真淡戊戊, 食之無味..........令人反胃 (3) 冧酒提子杏仁脆糖芭菲 見到個實物已發覺明顯貨不對辦, 跟 menu 上的圖片強差人意, 到食後更加不用多說,, 同樣普通~~~個脆糖芭菲口感麻麻, 又一失望到決定不會再來了......P.S.: 他們的菜式名係相