一品螞蟻 (已結業)

尋晚放工等埋另一半係葵芳行街，食左D小食醫肚，剛剛經過Ant One，見到門口排長龍，原來有$58任食甜品 (9:00pm-11:00pm)! 記得之前有雜誌介紹過，所以決定一試~我地約8:45pm左右開始排隊，差唔多9點拎到飛就好快安排入座 (任食甜品既人數係有quota的，如果有興趣就要預番時間早d排隊)一坐低每人有杯指定飲品，顏色似利賓納，有d雜果粒，但味道過甜同埋怪怪地有唔少甜品可以選擇，原價都要$20-$30，雖然都知只係$58，唔會抱有太大睇期望，但食完真係好失望，感覺好似食「明將」任食壽司咁…1.Apple crumble: 差不多成杯都只係蘋果粒，超少crumble…2.綠茶焦糖燉蛋: 只係綠茶布丁 + 幾粒糖係面3.炸芝麻湯圓：一團粉 (芝麻餡好乾)4.心太軟：一叉開件心太軟，係完全實心既…初時以為可能係我地個件焗耐左，但附近客人食既都係一樣，全無「流心」既情況…5.凍香芒梳乎厘: 只係3件好冰既淡芒果味雪芭6.玉桂糖炸香蕉: 賣相似fish and chips，炸槳很厚…而且“林身” 至於香蕉班戟、紐約芝士餅、濃情朱古力餅既味道都可以接受，不過唔可以講得上係好味…A

丈夫day off, 大家瞓到夠才起牀, 那就下午茶當午餐吧！一向對Ant One 都有信心, 好似他的自製三文魚丸、椰香海鮮湯、黑椒雞扒, 可惜今天的下午茶menu完全沒有以上食品。 我憑感覺叫了欖菜雞肉葱末炒飯及香茅豬扒炒粿條, 食物到達, 一望之下失望極了(失望到連為它們影相也覺浪費位置), 先講講欖菜雞肉葱末炒飯, 我己经吩咐要多點葱末, 可是吃一啖入口, 淡而無味！！！ 欖菜味? 從來沒有 葱末味? 從來沒有 鹽巴味? 從來沒有, 我要自己下鹽及下丈夫棄而不吃的芫荽(粿條裝飾)在這飯裏再混來吃才像樣香茅豬扒炒粿條, 味道甜甜地鹹鹹地, 幾好味, 可是樣子只是一身豉油啡色,粿條啡色, 香茅豬扒啡色, 只有三數條切成2mm粗的紅椒絲和芫荽點緻, 還有請不要大想頭--------香茅豬扒其實有--------四大----條, 1cm 粗, 丈夫吃到沒有心機, 決定去滿記吃甜品補數忘記了價錢, 只記得每款都接近$40, 難怪今天雖然下午茶不用加一及凍飲不用加$2, 可是都是冷清清, 如果下次去吃的話還是選西式較安全, 我估！

鍾意食甜品o既朋友真係應該試o下~ 呢度星期五, 六晚21:00-23:00 有一個任食o既甜品buffet~ 都幾多人扑隊ga...我地8:30去到排隊就拎到二號飛~ 9點鬆d就有位啦~ 我地坐卡位...夠梳化幾舒服~ 我地一路傾計一路食甜品...成23:30先走~ 呢度d甜品係tick紙order ge~ 有22款~ 最平o既單叫都要$20蚊...所以以$58 o既價錢...就算計埋加一...幾碟就回本ga la~ 我地一行六人...叫o左18款超過40碟呀!!! 甜品我就唔逐樣介紹啦...俾d相睇o下呢18樣o既甜品係點啦~ Photo 3: 左起: 杏仁榛子雪芭, 即焗軟心朱古力布甸, 紐約芝士餅, 綠茶紅豆布甸, 香芒千層酥, 即焗蘋果金寶 Photo 4: 左起: 凍香芒梳乎厘, 脆炸芝麻湯圓伴朱古力汁, 玉桂糖炸香蕉, 荔枝鮮奶酪, 香蕉班戟, 薄荷碎朱古力慕絲Photo 5:左起: 花生榛子雪芭, 焗芝士蜜桃布甸, 濃情朱古力餅, 焗香芋西米布甸, 榛子杏仁碎芝麻湯圓, 綠茶焦糖燉蛋總括嚟講...呢度甜品唔係太漏...同埋真係好抵食~ 值得一試ge~ (尤其係推介o個

前日(12-8-2010 Thur)同兩個8月份壽星女,RL同VL慶祝生日食晚飯,o係冇idea o既時侯RL約o係新都會,因我都覺得o係呢o度會易諗啲.o黎到,RL決定o黎呢間,我以為佢會約我o係門口等佢,點知佢自己入o左o黎,其實我上年o黎過覺得一般,不過今次佢生日,畀佢揀啦.我入到o黎,佢話後悔冇喇沙食,我話都坐低o左咯,算啦,呢o度都有飯o既.然後我通知遲到o既VL,又睇定menu,被我一揭就揭中有喇沙,就話畀RL知,但佢見$6X.00就唔叫,寧願揀二人套餐三個食,因為佢諗住AA制.VL o黎到,佢o地就揀o野食喇,叫個$168.00o既精選二人套餐B,揀o左:1.家鄉煎魚餅一碟四件,係鯪魚肉餅,熱辣辣,雖然味道正常,但覺得唔應該o係呢o度出現.味道: 3分2.蒜蓉上湯浸娃娃菜湯有好多,味道都一般吧.味道: 3分3.軟殼蟹炆飯用煲仔上,有兩件軟殼蟹,飯好濕,味道似豉油撈飯.軟殼蟹係炸過,食唔出鮮味.味道: 2.5分4.紅酒燴牛尾扁意粉扁意粉份量少,好重香草味,牛尾有兩件大大件o既,味道好濃又夠腍.味道: 4分飲品就係我同VL叫o左凍檸水同凍檸茶.上次食評:http://www.

和朋友一行六人，到了葵芳吃晚飯，選了這間ant One。整體食物都ok其中奶油浸娃娃菜味道較淡酥炸軟殼蟹蔥油薄餅幾特別~香草蜜糖燒豬仔骨伴脆薯角也不錯同時見到其他顧客點了九點後甜品任食，五十幾蚊就可以任點甜品紙上的甜品，下次有機會想試下！

樣樣嘢都唔好食今日出左去葵芳食晚飯, 點知食開間間都好多人等位,跟住行到地下, 有間ANT ONE 餐廳門口無人等位,但係附近餐廳係好多人等位, 所以咁就入去試下,因為唔使等位. 我倆叫了個$168精選二人套餐,加一之後190左右.第一到係四片煎魚餅, (屋企都煎得好味過佢) 咁都OK啦第二到係白湯, (不過待應無問我地要白湯定係紅湯既) 都OK啦第三到係鴨肉蔥油餅, (個待應話係薄餅, 我地兩個O晒咀), 比較油.第四到係唔知什麼東東焗飯, 連名都唔記得, 你話有幾好食, 食左兩口,停左, 係覺得沒心機煮既一道飯, 凍既不在話下啦, 感覺唔到有焗飯既味道,沒味道之餘, D飯好硬, 吃不下. 最後係凍檸茶, OK啦.裝潢幾好, 食物就失望，出門口兩個肚空空既感覺, 而且咁0既質素咁0既價錢咁0既服務，唔抵食囉。(呢次係我第一次寫食評... 其實如果大家想試下都無妨...不過唔好抱太大希望會好啲 smile)

58蚊，可以食到22款唔同既甜品，再加一杯贈送飲品，算便宜啦但值唔值得食完又食，又另當別論啦伊間餐廳既環境都算舒服同乾淨，坐低慢慢歎甜品都幾好既！不過佢杯飲品對我黎講就略甜啦，食甜品應該送番Ｄ可以消滯的飲品，但餐廳贈送果杯野解渴就得，消滯唔掂，令客人食完再飲滯上加滯唔會點咁多野食？唔知呢，但味道都可以既之後講下Ｄ甜品先！我同兩個朋友冇試哂所有野，都係睇名同相點既好味既有：１.脆炸芝麻湯圓伴朱古力汁　－　一客有５件，其實侍應應該解釋Ｄ甜品既單位點計，因為張Ｏｒｄｅｒ　ｓｈｅｅｔ只有１，２，３咁樣，容易令客人混淆，我地幾個女仔就差ｄ三個人叫左１０粒湯圓啦ｈａｈａ！不過伊個湯圓味道幾好！！冇一般湯圓既果種膩，朱古力汁又唔太多，算係較ｏｋ既點心２.濃情朱古力餅　－　伊個好味道！朱古力味好濃而且唔膩，一碟份量岩岩好，這個我好中意３.焗蘋果金寶　－　這個沒有附上ｃｕｓｔａｒｄ，但味道也很不錯，如果中意食ｍ記蘋果批就要食伊個啦４.焗布顛　－　幾好幾好好香！雖然唔夠熱但好味一般既：１.紐約芝士餅　－　伊個好一般啊，都冇應該有既檸檬味，而且上餐時口感過份的軟，好易滯！個人覺得大家應該留番個肚食其他～伊隻

尋晚同朋友落KWAI FONG食飯,入左新都會都唔知食咩好,見到一間叫ANT ONE既餐廳個FEEL 都幾好就入左去喇,點知入都去D人目口目面,咁冇禮貌...都未曾試過咁既!!!我地坐低左之後就睇menu,D野食睇相睇落好似好好味咁,睇左一陣就叫侍應過黎寫野,舉手舉左好耐都冇人理,有個靚女見到我地舉手即刻放低佢手上既食物就幫我地寫野.....出菜時間都ok,起碼唔都將所有野一次過黎哂...我地叫左兩個set,最好味係個三文魚炒飯....d小食同其他野食都ok,諗住叫野飲果陣有個女人行埋黎問飲唔飲野,我同班fd都o哂咀咁.......好恐怖a!!!我地問佢有咩飲佢仲話得水有你要唔要,我心諗真係吹你唔漲.....仲要比你串...下次真係唔幫襯佢a...最後我地連野飲都冇飲就走人.....好希望呢間野好檢討下d態度,不過值得讚既係果個靚女~總算冇黎錯!!!

來過幾次了，以往都不過不失，勝在裝修令人幾舒服。放工後夜晚九點左右到，餐廳客人不算很多，樓面見到有五六個，但不斷yap手都冇人招呼。幸好坐響收銀既唔知經理定老闆幫手叫人來落單。叫左個老虎花蝦喇沙湯米，話明喇沙但湯底完全冇落椰汁，同期望嚴重不乎。雖然個湯唔好食，但都勉強自己繼續食埋，因為成六十幾蚊。跟住食左件豆腐pok，一咬好似抹檯布味，男朋友試左啖話系雪味，但我覺得系唔新鮮既味道...呢個時候，蝦都未食，實在忍唔住要出聲。坐收銀既唔知經理定老闆個態度幾好咁承認佢地個喇沙系唔落椰汁的，話幫我換個第樣。於是換左個煙三文魚雜果沙律。上檯時個碟勁大但得兩小塊煙三文魚，已經覺得好孤寒。塊三文魚第一啖冇問題，但第二啖竟然有明顯系壞左既味道，即刻lur都lur唔切。事到如今，已經廢時理論了，即刻錢走人。最唔開心既系兩碟野都系食得兩啖，返到屋企仲要搵乾糧充飢。

昨天同朋友兩個人來了這裏食下午茶，其實本來是想去另外一間快餐店的，但因為太多人及食物的選擇不是很合口味，所以就轉了來這裏，不用等位就有位，餐廳環境都算優美，都幾多坐位，人數亦不少，食物選擇方面，下午茶都算多，有粉麵，三文治，沙律等等，價錢亦算合理。我們叫了一份扒芝士火腿三文治跟熱咖啡，一份西多士配士多啤梨醬跟熱檸水，熱飲都算大杯，不是一般茶餐廳的細細杯上，朋友的扒芝士火腿三文治賣相都幾靚，烘都金黃色，味道都幾好，我的西多士賣相都吸引，炸到金黃色加些士多啤梨醬係面，都幾特別，不是普通茶餐廳的西多士是配焦糖的，西多士裏面有花生醬，都好好味呀。這裏的服務都很好，我們因趕時間追單的時候，仕應都很快幫我們跟進及回覆，都是值的一來的地方呀!

我要劣評葵芳新都會間Ant One!!!!! 不知所謂!!!首先俾兩杯滾水我唔知想點, 我諗住多數都係俾凍水多,咁算啦... 叫佢俾番兩杯凍水黎, 點知佢又叫人俾多杯滾水黎, 唔喝住都唔得!!!最後都淨係拎左一杯凍水黎俾我... 因為我食野果時已經係3點, 咁驚下午茶太細份所以就叫左個lunch黎食,叫左個羊架+薯角既lunch set... 隻碟就大, 但係個餐就細到喊, 得兩件羊架咁大把, 仲要好似發育不良咁, size同個雞鎚咁上下...d薯角又俾得果幾件, 我都唔知夾埋夠唔夠一舊薯仔, 我作為一個女仔食完都唔覺得飽, 男既食點會夠飽?咁既野就50幾蚊再加一, 食完都唔知食左d乜, 勁呃錢!!! 仲有, 個侍應放低野碟野時係"wei"一聲黎開頭, 算係乜野態度丫???另外叫左個大蔥+鴨肉既薄餅既下午茶, 尚算正常... 同埋飲住杯西瓜汁, 暫時淋一淋熄左我d怒氣~黎左個薄餅先補番叫跟餐既奶茶, 點知杯野飲就放左去隔離枱,但係埋單果時, 隔離枱岩岩order既野就入埋我地數, 好彩check下單姐...要分單既就唔該搞清楚d啦, 無啦啦想收多我60幾蚊? 痴線!!!我都唔明呢間舖

　　中午時份，可能比較早，十二點三左右，計埋我地都只係三枱客，所以服務特別周到，而上菜時間亦十分之快。　　吸引我會再幫襯嘅原因係：　　賣相吸引之外，味道亦比預期之中好得多，加上再以價錢去衡量，其實唔算係貴。　　其實餐廳環境氣氛都唔錯，適合朋友傾偈嘅地方，但係最終我都決定只係俾 3 分環境分，係因為下列兩個原因，而呢兩個原因亦係令我下次考慮幫襯前嘅決定因素：1. 冷氣不足。甚至乎我懷疑有無開冷氣都係一個謎，對於一向怕熱嘅我就實在係一個大問題。2. 或者因為空氣唔流通，所以整個午餐過程中，都有三數隻蒼蠅作伴，都幾討厭。　　

20/2/2010 (星期六)今日要OT，下班後已接近下午茶時間，所以在附近的商場找地方食下午茶，我見未試過這間食店，就叫咗一個日式雞中翼麵試下，加我至愛的凍檸茶。日式雞中翼麵： 湯麵是選用椰香海鮮辣湯，湯底微辣，有很香的椰子味，麵是髮絲麵，質地比較煙韌，唔會太淋，雞中翼幾好食，炸得啱啱好，而且有4隻咁多， 仲有菜，都幾健康。

琴日陪屋企人落葵芳食'午餐'(其實已經係下午茶時間)之後我地就去左食'一品螞蟻'....(因為上次同男友食過一間又為名螞蟻既餐廳) YUMMY!!餐廳環境不錯,待應服務OK!!我地一人一個下午茶套餐,豚肉炒烏冬味道OK,可惜豚肉有骨蜜糖雞翼配香辣薯角份量勁少只得2隻雞翼配數條薯角味道：雞翼OK,薯角勁熱又好味另外套餐可加$10多餃子一份味道OK,但只有3隻而飲品就係朱古力,朱古力味道比一般餐廳濃

正值午市人潮殺到，幸好及時找到一位。叫個粟米磨菇焗牛脷飯，以為穩陣，那知牛脷切絲，最為不喜，還要沒有牛味兼分量少，飯又太乾，不能叫好。此外，不知是什麼原因，嘈雜得很！想舒適的嘆杯咖啡都不行。