一品燒鵝海鮮酒家 (已結業)

不是多人的時候, 還可以, 但一到多人的時候, 就慘了, 成日刪左D無叫號碼的, 服務態度又唔好, 成日都無人應, 得閒, 又唔係假期的話, 去下還可以, 價錢中間, 但環境不太好, BOOK 位要等好耐, 都未必準備好D位, 不想食到一肚子氣, 最好考慮一下不要假期去

去到門口都唔喺好多人,等咗10分鐘就有得坐喇,下午茶都算快!一坐低梗係叫首選嘅口水雞,真係次次都冇失水準,雖然味道未算正宗,但雞肉彈牙,個汁又夠惹味真係比某Ｄ掛正招牌嘅仲正!我honey鍾意食煎炸嘢,於是叫隻ＢＢ鴿俾佢,到嘅時候好自動跟埋lemon茶同濕紙巾,服務認真唔錯!隻鴿雖然衹收23.8,但汁多肉嫩連我都忍唔住叫番隻(平時唔食)不知不覺叫咗6樣嘢(得两個人咋)連埋啤酒半打都係200蚊咋,抵到爛!4月尾約埋家人去勁食一餐,一於分甘同味！

時常在老友口中得知,此酒樓的點心經濟又實惠,而且款式有些是特別的.趁今天出發去西九海濱長廊前,午餐就在這裡落腳.中午12點正來到,不需等位,但被安排坐在碗碟收集處的冷巷/ . \,估不到店方連這裡都不放過,一加就加了兩張二人檯,不過這時段酒樓實在很爆場,所以也照坐好了.特式點心紙中選了蔗蝦和皮蛋叉燒酥,見特大籠的籠仔飯不斷出爐,非常受茶客歡迎喎,引不住來一個!多加一籠老友推介的五粒裝蝦餃,最後甜品是限量版的原個椰皇燉鮮奶.豐富午餐我來了~~~.蔗蝦炸到好深啡色,但沒有影響裡面的又厚又大塊的蝦膠,蝦膠爽口和好好好彈牙,每啖都充滿汁添,極度美味皮蛋叉燒酥每件都很大條,皮蛋和叉燒粒並不多,只有1小口,酥皮有很多層,不過是淋的,而且只是微暖,感覺所以變差了點.鳳瓜排骨荷葉籠仔飯要成28元,但份量真的付到足!十數件排骨,每件是有很多肉,並不是得粒骨和肥膏坐鎮,飯底本身已經好鬼濕,加上肉汁和豉油的洗禮...變左超軟飯...好在我鐘意食軟飯咋蝦餃每粒都好飽滿,餡是99%蝦肉,1%肥豬肉,蝦汁豐滿,餃皮煙韌.一如老友所說,20元5粒真是好抵食!椰皇燉鮮奶是由阿姐推車仔叫賣的,燉鮮奶質地甚稀,重奶味加上

小姪女百日宴, 地點選在離家不遠的一品燒鵝, 數年前吃過沒什麼驚喜, 事隔多年重回舊地, 地方沒有特別的裝修過, 燈光雖帶點暗暗沉沉, 但環境總算乾乾淨淨, 企企理理. 要了個冠軍宴, 未食已攞了個好意頭, 第一應該是好的紅雞蛋酸薑是免費奉送的, 酸薑不太辣, 鹹鹹酸酸的作為餐前小吃也不錯錦繡大拼盤 - 海蜇, 燒鵝, 燻蹄, 燒肉, 海蜇等, 份量足. 燒肉肥瘦相間均勻皮帶脆, 肉質鬆化. 以燒鵝做店名主打, 水準當然會有點期待, 燒鵝微暖, 皮香兼脆, 咬開肉汁還差點滴下. 叉燒半肥瘦, 蜜味濃郁籠仔荷香蒸海生蝦 - 在蒸籠裡加上荷葉一起蒸, 聞不到荷葉香, 這只可算賣相上作賣點, 海蝦彈牙, 不用點豉油反更吃到鮮甜味富貴花姿蚌片 - 蚌片爽滑可口, 墊底的西蘭花卻嫌味偏淡, 但碟底不油卻又令人喜愛百花池蓮拼菌中皇 - 炸物吃得多, 但用上秀珍菇卻是第一次, 外脆內軟口感特別, 創意是有的, 但秀珍菇本身無味, 要點上附上的椒鹽才好吃. 而在外圍的炸蝦餅熱辣辣的, 金黃香口, 這個反而不用加什麼已很惹味紅燒海皇大生翅 - 有一梳梳的小排翅, 加上蝦蟹肉等, 啖啖也有肉吃, 紅燒湯底

近期經常promote一蚊雞,開頭諗住試吓一人一個別12.8的湯,再加一個$1雞,炒多碟菜,咁就very good,點知可能遲咗少少落去,無晒細例湯,只有大盅,雖然要$78,不過呢度啲燉湯一向都有水準,就決定要一個大盅燉湯加一隻一蚊雞.這裡的燉湯做得很鮮甜,飲完不會覺得咸,料亦足,一共可以分到最少七至八碗.至於隻一蚊雞,雖然兩個人只是例牌,但也算大碟,隻雞亦幾多肉,不會只有骨,唯一要挑剔的只是較肥膩.咁樣食法都只是一百蚊多啲.算是抵食.

近期好鍾意同大少去飲下午茶, 誠意推薦 :沙薑雞腳 – 係我食過最好食o既沙薑雞腳, 一碟有6隻. 唔好睇佢個面白雪雪就即刻點碟沙薑, 其實佢個味調得o岩o岩好, 最難得o既係食咁多次都無煲到甩皮甩骨, 次次都靚靚仔仔, 好味到一人一碟都無問題.蘿蔔千絲酥 – 我唔鍾意食炸/焗o野, 但呢個真係無得彈, 焗到外脆內嫩, 咬落脆面好似千層酥皮咁, 而入面o既蘿蔔絲味美多汁但又唔影響個酥脆面, 唔食就走寶啦.鮮竹卷 – 以為佢好油膩, 食落又OK喎. 入面包o既蘿蔔,黑木耳等中和哂油膩感, 味道唔錯架.叉燒飽 – 個餡味道好, 叉燒唔係大量肥膏, 每次必點 牛肉球 – 我唔食但大少必叫, 應該唔錯o掛上素蒸餃 – 唔係一般無味蒸餃, 餡料配合得好, 唔錯.梅子豬手 – 一個有趣o既配搭. 從未想像過話梅可以用o黎整豬手, 市面又唔覺有, 好奇之下叫o左一個. 個豬手清理得好乾淨, 無豬毛好難得. 食落有淡淡o既話梅味, 唔會好酸, 不過o的筋咬落較硬. 另外試o左伴碟蒸”林”o左o既話梅, 好味但質感好搞笑, 值得一試.

由於那天是爸的生日，所以決定外出吃晚飯了，而且很多酒樓都好多人，因為剛好是新年前的團年飯吧。最後我提議去這一間品嘗一下，因為一向都聽到這間不錯的樣子。很少看到酒樓有卡位，還要有魚在旁邊，整頓飯簡直可以在跟魚在對看。叫了很多菜，三個人簡直能吃到飽飽的。不過我覺得有時下單方面不太好，講了，可能沒有下單，要再講多一次。味道我覺得跟平常吃到的差不多，沒有特別的好吃或不好吃，不過有一點瓜的那個實在太辣了，叫的時候都不知道是辣的，差不多剩最多就是這一碟，不太好。不過價錢就覺得可以低一點點，因為食物不算有特別的味道。沒有讓我驚嘆的感覺。

星期日下午...去左大角咀一品飲茶等左15分鐘到就有位我覺得帶位個個人都幾nice/\/\"佢門口有d大排檔小食我地人多...所以叫左好多...即叫即整...都5係等左好耐就有得食...我地叫左鳳凰珍珠雞...墨魚蝦餅...米粉...仲有$28一煲ge牛肚好得意lor...從未見過有酒樓有鳳凰珍珠雞...墨魚蝦餅...我覺得米粉真係要必食!!!勁好味!!!$28一煲ge牛肚 幾抵食!!!5夠熱仲可以叫佢地幫你+++熱!!!我覺得呢幾樣d味道都5錯...另外...我地仲有叫左點心雞扎...勁好食****一定要試鮮竹卷...個人認為mama地金錢肚...gd!!!****一定要試香杏炸鮮奶gd!!!中2食甜野GE人一定要試仲有叉燒包...一出爐即賣洗我都係第2輪先叫到仲有好多好多,,,食左$3XX超飽整體黎講,,,我覺得一品幾有新意D野味道真係5錯...比得上槄香我覺得服務要改一改進...D員工會係客面前嘈-,-"但係D員工都幾nice...如果你友善叫佢;;;佢都會對你友善;;;同埋要追點心...佢地會好快幫手

平時飲茶飲得多,好耐都無試過食晚飯,今晚心血來潮就走咗入去食.先叫個川貝龍脷葉炖西施骨$78,湯味很夠,西施骨很淋,雞腳也很淋,很有膠質,很好味.再叫個川椒炒雞球$58,川椒葉夠脆,夠味,雞球也很淋,炒得很夠味,但比較油.另外見到有海鮮推介,叫咗四隻聖子,$22一隻.聖子很鮮味,也很大隻,豉椒很惹味!鮮帶子又叫咗四隻,$13一隻,蒜蓉蒸,相比下雖然算鮮,但比較靱.最後連茶介盛惠$339.

近期多參與家人既周日聚會, 下午切完蛋糕, 晚上就係附近酒樓再來個飯局冬瓜盅 - 每人都可以分到兩碗, 蝦仁, 搖柱等, 材料都唔少, 而湯味道幾清甜白灼蝦 - 好鮮甜, 唔點豉油食仲好四季豆炒豬頸肉 - 豬頸肉好爽口, 好濃味既一道菜咕嚕肉 - 炸得有點過火硬身, 不過佢個汁酸甜度剛好, 可收貨啫啫生菜 - 普通雜菇炒白菜仔 - 蠔油獻好濃味, 本來好合我意, 但個獻汁又太杰, 有點糊口蝦米粉絲節瓜煲 - 精華在於粉絲, 濃味又幾滑, 唔錯 一品燒鵝 - 招牌菜, 鵝身幾嫩滑, 咬開仲有肉汁 椒鹽九肚魚 - 略嫌粉漿太厚, 不過椒鹽味又幾香, 送酒一流黑椒豬手 - 以為係脆炸豬手, 原來係有汁熱辣辣原煲上, 黑椒味好香, 豬手亦炆得好腍, 幾有水準豉椒豬大腸煲 - 豬腸洗得幾乾淨, 無異味, 大腸肉質帶爽炆伊麵 - 又係好濃味, 麵身唔好炒得太乾身, 好味炒飯 - 飯身粒粒分明, 炒得乾身唔硬整體來講食物比想像中要好, 侍應也快手快腳, 服務算唔錯

四寶飯,二十蚊,大大盒,飽肚之選!

今天復活節假,瞓到十二點半才起身,同老公落去樓下飲茶,由於很肚餓,叫了很多點心:金錢肚--這個是我們的至愛,每次必食,非常入味,亦很多牛肚.蝦餃王--非常大粒,蝦亦算鮮.鳳爪--非常入味,有很多隻.魷魚陳村粉--不好味.胡椒豬肚湯--這個廿八蚊的小菜非常扺,有十幾舊大過手指公的豬肚,味道不錯.另外還叫了一碟;海鮮賽磅蟹辦麵--蛋白非常多,炒得很好,不會太油,亦有最少三隻蝦,很鮮,蟹柳有兩條,仲有幾粒柱貝添,四十八蚊一碟很好.食咗咁多,埋單都係一百八十九蚊,雖然比平時飲茶貴好多,好彩食物質素不錯.

今晚買咗個外賣-叉油雞瀨粉$19,賣相不錯,油雞很嫩滑,但可惜叉燒比較靱同鞋,而瀨粉幾好.

晚上跟媽媽和男友在這兒吃了一個四人套餐, 有白灼蝦(因為賣清了所以換了上湯中蝦伊麵底)、蟹肉扒雙蔬、蒸石斑仔、燒雞、花膠海皇翅、甜品, 另叫了兩個白飯, 連茶芥埋單六百零一。食物味道不錯(尤其是蝦和雞很入味), 環境一般啦, 但有兩個極大投射銀幕電視(不過我們就坐在電視正下方, 所以有等於冇XD), 整體ok。不過服務就麻麻, 侍應前言不對後語, 收碟時黑口黑面, 十問九不應, 但整體服務仍都未算太差。

初五下晝同老公落去開年茶,咁啱有卡位坐(魚缸邊),仲有兩條海鰻睇住我地食嘢.由於新春關係,叫了橫財就手(可惜只有皮,很少肉,但南乳味不錯)及花開富貴(西蘭花ok,蝦膠也可).當然還有招牌蝦餃(蝦算大隻,可惜有不少肥豬肉),金錢肚(個人其實很喜歡這裡的金錢肚,牛肚很淋,也很夠味)和臘腸卷(可惜比較多油,但感覺還不錯)