一匠 (已結業)

元朗呢間燒肉居酒屋新張不久，除主打燒物外，仲有不少空運時令食材供應。【精選二人套餐】（$288）套餐有6款小食及燒物等，另包2款無酒精飲品，如想飲酒則需加錢：🏮雜果沙律雜果混入粟米粒、薯仔粒及沙律醬，口感又fresh又開胃，味道屬正常發揮。🏮蒜蓉包唔知有心定無意， 蒜蓉包每件似足心形，食落有啲甜甜地，好鬼啱情侶食😆🏮酒糟乳鴿彷間嘅乳鴿都係紅燒居多，但以酒醃製乳鴿就唔常見；食落好有醉雞嘅感覺，但肉質相對更嫩，酒香味濃，醃得入味，特別得嚟又好食，正👍🏻🏮蒜蓉燒龍蝦龍蝦加左好多蒜新鮮熱辣即燒，雖然size細細隻，但勝在燒得唔乾身，肉質仲幾juicy彈牙，蝦頭仲有好多膏𠻹😋🏮燒日本蠔選用日本室津生蠔，可揀辣或唔辣，生蠔落咗好多蒜，口感爽甜，海水味相對唔太濃，整體唔錯。🏮蜜椒牛柳粒薯角多以炸嘅方式烹調，但加入牛柳粒及蜜糖同煮嘅配搭都係第一次見😆牛柳粒肉質幾嫩，蜜味香濃，甜甜地幾惹味。

環境佈置有氣氛，有部大電視而且竟然係播電影台。食物同飲品種類多，輕食或者飽肚嘅都有，仲有唔同嘅酒類飲品，如果唔飲酒都可以叫茶類或者汽水匠汁花甲冷盤好開胃，花甲厚肉，醬汁酸酸甜甜，又有少少碎辣椒，好快就清哂成碟匠汁凍豆腐呢個凍豆腐清清地，可以中和返其他濃味菜式，等我嘅味蕾可以抖一抖匠炸羊肉串燒得啱啱好，唔會燒到好乾身，羊肉醃得入味，鍾意食羊嘅朋友呢個羊肉串絕對可以啱你👍🏻蜜燒七味雞泡魚乾用嘅係厚身雞泡魚乾，中間用應該有味醂調過味，魚乾厚身得來中間唔會太乾，加上七味粉調味又有少少辣，幾惹味，唔覺唔覺又旋風式清哂成碟我哋就揀咗兩罐茶類嘅飲品，同埋主要今次係諗住同朋友嚟食少少嘢吹吓水，下次會試吓其他嘢。

▪️$168 鹽燒海馬友魚馬友魚可以話係今次嘅MVP廚師將魚的外層燒到岩岩岩好食落魚皮好脆口之餘，又保持到魚肉的嫩滑🤗同埋要讚一讚呢條魚係無咩腥味相信平時麻麻哋食魚嘅朋友仔應該都會鍾意食😝.▫️$32/1pc日本室津生蠔一直都好鍾意食日本生蠔食落海水味冇咁重，又夠曬鮮甜肥美今次嘅日本生蠔加咗啲蒜蓉同埋辣椒做調味令到菜式變得更加惹味👍.▪️$78 西班牙黑毛豬廚師將佢切到一粒粒咁食落味道正正常常肉質如果再腍番d會更好.▫️$68 匠汁花甲 匠汁花甲係冷盤嚟嘅望上去花甲嘅份量都幾多，而且每隻都好飽滿食落去酸酸may may，又辣辣地咁食完真係好開胃🤣

係元朗搵野食，見有新餐廳食串燒，又有啲日本野食，唔算好肚餓，今晚唔需要澱粉質，就試試佢🤣🔸明太子沙律有好多粒正方形嘅明太子，口感卜卜脆，沙律醬有輕微芥末味，明太子帶有鹹香味，食唔停！🔸七味軟殼蟹軟殼蟹都幾新鮮，估唔到會有啲蟹膏，咬落去外脆內軟！🔸錫紙焗金菇牛油蒜蓉焗金菇，唔使講都想像到嘅味道，不過就係好想食😂🔸蒜蓉燒大虎蝦呢個好有港式燒烤嘅風味，落咗好多蒜蓉，叫咗小辣，係好惹味，蝦都算大隻同新鮮！🔸安格斯一口牛份量比想像中多，炒得幾香，牛肉粒多幾腍🐮食物味道係唔錯嘅，不過與其話餐廳係日本居酒屋風格，我覺得會比較似港式x日式口味🤣

今次嚟到元朗，搵間食串燒嘅居酒屋🏮 ！喺外邊見到寫住$28乳鴿，仲有好多特色食物！咁就衝左入去啦😂店員安排座位之後，之後望吓周圍，餐廳環境乾淨而且舒服😌，好啦講吓食物先！我俾佢嘅套餐吸引住。🤩匠汁花甲賣相非常吸引，花甲每隻都好新鮮，無沙，入味佢哋特別調製嘅醬汁，配合凍花甲，真係出色‼️😍呢個一定要叫👍🏻😍🤩醬燒活鱔‼️呢個真係冇得頂，燒鱔外層脆卜卜，肉質鮮美，肥美得來帶少許爽口‼️需要真係用新鮮嘅魚先至做到！唔新鮮嘅只會死實，但係佢真係做到超好食嘅口罩‼️完全係新鮮先做到👍🏻👍🏻👍🏻👍🏻另外係羊肉串燒，燒得好香口，完全冇羊肉羶‼️‼️👍🏻之後到燒茄子，帶點辣，十分驚喜！好好食！燒到軟綿綿！🤩超入味‼️呢間《一匠》串燒店真心高質！

壽司拉麵餐廳元朗真係好多，但係好食兼抵食嘅居酒屋就好似真係冇乜，今日搵到呢一間新開嘅，剛剛好填補呢個漏洞。餐牌：和一般居酒屋嘅餐牌冇乜分別，但係特色嘅小食都有幾多選擇，每日仲有精選配搭優惠，適合兩位以上人客選擇。前菜：明太子沙律——明太子十分新鮮，沙律醬汁份量適中，最緊要溫度夠凍，先至係真沙律。👍燒物：醬燒雞翼——一客有三隻皮脆嘅雞翼，特製醬汁份量適中，上碟時熱辣辣，十分惹味。燒鱔——重點所在，一匠嘅燒鱔係佢哋嘅鎮店之寶，皮脆肉滑，本身自己唔係好鍾意食鱔，經友人介紹試了半串後，不知不覺食咗一整串。飲品：居酒屋當然有酒精飲料及其他特色飲品，本地生啤、日本生啤任君選擇，唔飲酒嘅都有好多款飲品俾客人㨂，個人最鍾意冬瓜茶。👍👍

同班朋友一共五人入到元朗搵食，行到大坑渠附近見到有間新開居酒屋，一向都鍾意食日本嘢，咁就入去試試啦！去到居酒屋有一樣嘢一定唔少得，就係飲酒，叫咗一支燒酎。之後就開始叫嘢食啦⋯⋯燒雞皮、雞軟骨、燒牛脷係我串燒之選，必叫！但係雞軟骨係有啲失望，因為佢用炸嘅方法去做，唔係燒雞軟骨，所以爭少少。燒五花腩同燒鱔絕對有驚喜，五花腩燒得啱啱好，唔會覺得好乾，又唔會好肥，正！燒鱔肥美爽口，完全可以滿足喜歡食膳嘅人燒海鮮都同樣出色，我哋叫咗兩款海鮮，燒龍蝦同燒蠔，食海鮮一定要新鮮同埋唔好過火，依兩樣佢哋都做得啱啱好！最後我哋仲有一個壓軸驚喜，就係個凍花甲，佢用咗一啲秘製醬汁去整，真係好野味，搞到我哋即時問侍應可唔可以俾個淨烏冬我哋撈醬汁，佢哋又話可以喎，直頭大滿足！整體來講，食物質素佳，服務方面還可以，可能新開，啲侍應都需要一啲時間適應運作，環境都舒服，會再去