一休(居食屋)日本料理 (38廣場)

營業中

休息中

朋友介紹依間，日式簡約居酒屋格局，話抵食坐得舒服。所以嚟試吓。用QRcode下單。不過有餐牌睇，好多美食，樣樣都好好味咁。鹽燒油甘魚鮫，$88。淋上檸檬汁令魚肉變得清爽又香口，無魚刺，啖啖肉。珍寶牛肉壽喜燒，98。牛肉嫩滑，味道剛好，連配菜都甜甜的入哂味。三文魚海膽飯，加12蚊升級加拿大海膽，$110。睇顏色咁靚已經口水流。海膽肥潤鮮美，味道濃郁，配埋飯放入口食，獨特嘅海膽味係口中擴散，勁正。三文魚稍為薄切，不過都非常鮮味。朋友無介紹錯。好彩我哋早嚟，過一陣就已經差唔多滿座。

如果食得太多中價嘅日本刺身店，不妨試下一休～價錢相當貼地，但食物嘅質素性價比相當高！小編食到飽兩個人先大概300令蚊，非常抵食～1️⃣蟹膏軍艦及蟹子軍艦⭐️⭐️⭐️⭐️蟹膏好鮮甜甘香～蟹子都好美味，軍艦真係好大舊，好似小編咁成日食日本野都唔飽，適合大食者打打底🤩配襯住脆卜卜香口嘅紫菜，oishi lei~2️⃣四點刺身&特盛海鮮丼飯⭐️⭐️⭐️⭐️⭐️阿根廷大蝦好大隻好新鮮～三文魚同拖羅都好正！又厚身又有魚味，海鮮丼飯仲有熟蝦同其他材料，蛋粒青瓜粒等，食到舔舔脷😋食日本刺身都冇咩廚藝可言，最緊要材料新鮮～一休價錢相宜，CP值高，用料上乘，地點仲好方便～旺角位於全港中心點，一休仲要好近地鐵站，推介大家一試😄

旺角樓上日式居酒屋，環境乾淨企理，都幾闊落。餐單選擇非常多，淨係諗食咩都諗咗好耐。鰻魚卷，如果係非常鍾意食鰻魚嘅，建議單點鰻魚壽司或者鰻魚飯，因為鰻魚卷用嘅鰻魚會相對冇咁靚。玉子壽司，雖然係壽司界嘅平民，但我鍾意食～雞泡魚干，比起坊間嘅雞泡魚再厚身少少，調味偏鹹。蒜片牛柳粒，肉質幾淋，應該有用生粉乸過，調味都係偏鹹，如果配白飯食比較好。黑松露薯角，松露醬正正常常，但係薯角唔知係咪太大舊，炸得唔夠透徹。大阪燒，正常發揮。天婦羅配凍烏冬，食材感覺新鮮，凍烏冬嘅汁調味偏淡，整體唔錯。燒三文魚鰭，今日VIP！食落口滿口油香，肉質軟綿滑溜，正！兩人食咗四個人嘅份量，捧住個肚走，好滿足呀！買單七舊水，算抵食。

🌃 餐廳位於旺角樓上舖， 已經營咗好多年， 以日式簡約風設計， 米色及啡色為主調， 座位空間寬闊， 價格定位屬於親民價。.🐠🐡🐟🦑🐙刺身拼盤(松)💲 258👉 包括 赤蝦兩隻， 吞拿魚三片， 三文魚腩三片， 劍魚腩三片， 海膽半板， 呢個價錢食到咁多樣刺身， cp值幾高， 刺身新鮮同埋都算鮮甜.🦪日本室津蠔兩隻及鱆紅魚薄切半客💲 64 & 88👉 日本室津蠔size都唔細， 食落都幾爽甜， 鱆紅魚刺身切得非常之薄，肉質鮮美爽口。.🐙自家製章魚小丸子💲 58👉 食物以章魚小丸子烤盤形式奉上， 勁似啲以章魚小丸子專門店嗰部機， 如果可以自己燒埋就更加正呀😍， 章魚小丸子分量有8粒， 配料有勁多勁多勁多木魚絲， 重點要講三次， 多到遮埋粒小丸子， 而小丸子係食得出自家製， 而唔係出面冷藏貨買返嚟去炸， 每粒都係真材實料。.🐠 鹽燒三文魚鰭💲 58👉 份量唔算多， 有四少件， 燒得幾香口， 咬落肉質十分嫩滑， 食完有啲唔夠喉， 小編想叫多份添。.🤠 通粉 foodie 食評總結 :👉 居酒屋屹立多年， 以親民價吸引客人， 喺旺角黃金地帶嚟講， CP值非常之高， 雖然以居酒屋級數比較唔算好高質素

🍣醬油七味燒左口魚$18🍀🍀🍀🍀🍀🍀🍀🍀🍀 唔洗點點豉油，都夠味，入口即溶，食落有陣陣既火炙味，非常重油脂🫶🏻最愛左口魚🐟而一口size既飯岩岩好，不過就硬左少少🤏🏻🍣火炙吞拿魚腩$58🍀🍀🍀🍀🍀🍀🍀🍀🍀🍀大大塊既吞拿魚腩，食落唔肥，吞拿魚腩上有啲海膽，加埋一齊食口感好豐富🍣大吞拿魚腩壽司$52🍀🍀🍀🍀🍀🍀🍀🍀🍀十分大塊既吞拿魚腩，肉質較實，好重魚味🐟🐟🍣珍寶帶子$44🍀🍀🍀🍀🍀🍀🍀🍀🍀🍀頭大超級大推🤪真係珍寶級大大舊，一口過好滿足🥴口感爽之餘好鮮甜🫶🏻🍣厚切三文魚腩$20🍀🍀🍀🍀🍀🍀🍀🍀🍀🍀依個係比大吞拿魚外型細左少少🤏🏻油脂岩岩好，但油脂可以再重啲😆🍣蔥吞拿魚腩軍艦$40🍀🍀🍀🍀🍀🍀🍀🍀🍀 吞拿魚腩口感好綿🥴唔洗點太多豉油都好夠味🫶🏻🍣芥辣八爪魚$26🍀🍀🍀🍀🍀🍀🍀🍀🍀🍀頭大都好鍾意芥辣八爪魚🐙超級大舊，巨多八爪魚🐙又好夠wasabi，不過鹹左少少🤏🏻🌼🌼🌼🌼🌼🌼🌼🌼🌼🌼☀️整體而言，以QR code形式落單，想食乜就自己點，方便好多🤣店內環境都好寬闊，座位都好舒服，食物質素都不錯，非常大件壽司🍣頭大大推珍寶帶子同左口魚🫶🏻

#ftf_旺角超抵食旺角居酒屋🏮餐廳地段方便，環境闊落，日式裝潢暖和，具空間感，大夥兒小酌或情侶談心都十分合適！鹽燒三文魚鰭 $58⭐️⭐️⭐️⭐️⭐️必食之選！火槍微微一燒，魚油香味更突出，有脂香得黎毫無膩感！即使係魚鰭都啖啖肉，唔點汁鹽燒已經好有鮮味！雞泡魚干 $68⭐️⭐️⭐️⭐️夠厚身，而且好香口，就咁食都夠味，送酒一流！鐵板蒜片牛柳粒 $88⭐️⭐️⭐️⭐️牛柳粒極大粒，口感軟腍，配上蒜片、洋葱同燒汁，味道惹味濃重，不過醬汁稍稍鹹左啲。天婦羅手打冷烏冬 $88⭐️⭐️⭐️⭐️天婦羅炸漿脆薄唔厚粉，有兩隻炸蝦、冬菇、茄子、蕃薯片，手牙烏冬爽口彈牙！黑松露薯條 $38⭐️⭐️⭐️薯角炸得好香脆，夠乾身，放耐左都唔會淋，不過黑松露味略微唔夠long lasting，同埋大舊既薯角可以炸得透徹啲。枝豆 $28⭐️⭐️⭐️⭐️新鮮，處理得好乾淨，粒粒都好飽滿！鰻魚卷 $58⭐️⭐️⭐️正常發揮，不過不失啦！大阪燒 $48⭐️⭐️⭐️⭐️大件爽抵食！😋玉子壽司 $18/2件油甘魚腩壽司 $20劍魚腩壽司 $28火炙和牛壽司 $24醬油七味燒左口魚邊壽司 $28⭐️⭐️⭐️整體壽司還好，冇乜太大驚喜。回頭率🤡🤡🤡性價比🤰🏻🤰🏻🤰🏻🤰🏻#feedtiffoo

今日同朋友去完油麻地行街 經過日本呢一間餐廳見到好似幾多人食嘅入去試吓😋😋😋 估唔到晚市6:00好早 都咁多人食 有少少驚訝 超級期待🤩🤩🤩呢度有好多唔同種類嘅款式 包括刺身 飯卷 鍋物 小食 炸物 飲品 酒類 啱晒為食嘅我哋😆😆😆職員好熱心推介有咩食 服務態度好三文魚刺身飯三文魚嘅份量都幾多 有7-8塊 刺身相當新鮮 壽司飯嘅醋調味幾好😋😋😋炸魷魚鬚魷魚鬚咬落彈牙 而且炸得好香脆 上枱嘅時候熱辣辣😆😆😆芒果炸蝦卷上面嘅芒果好新鮮 大塊 又甜 炸蝦好大粗 外皮香脆 蝦肉新鮮😃😃😃壽喜燒鍋 壽喜燒湯底好好味 送飯或者烏冬食一流 牛肉咬落唔會鞋 都幾多牛肉😁😁😁照燒雞肉雞肉冇雪味 好嫩 照燒汁好好味 有少少炭燒嘅味道🤩🤩🤩

印象一休係我中學嘅時候已經存在嘅日式餐廳，佢哋嘅賣點就係平靚正，即性價比高😋仲有好多菜式選擇👍🏻餐廳地段方便去到，喺朗豪坊附近📍啱晒一班朋友或者同事一齊食飯🧍‍♀️🧍‍♂️🧍‍♀️🧍‍♂️今次我就帶咗一班同事一齊上去一休食lunch😍👍🏻每一個同事都叫左唔同嘅嘢食，我都影咗相同大家分享，而我個人都比較專一，如果食日本嘢都係叫返個吉列豬扒烏冬👍🏻😋🍜實無伏😎⭐️吉列豬扒烏冬(餐）+加州卷 💰$60首先，來一個加州卷（三件）🍣，以玉子、青瓜及蟹柳做壽司餡料，然後加州卷外層鋪滿左蟹籽😋食落去索索聲😌 然後，先來一碗烏冬🍜，佢哋用嘅烏冬係讚岐烏冬，食落去煙煙靭靭，烏冬上面仲醬油糖心蛋、木耳、粟米、🍥、紫菜做配菜👍🏻湯底係香濃嘅豬骨湯底，食落去唔錯嘅👍🏻最後，就係主角吉列豬扒出場啦，酥脆嘅外層，再加上Juice嘅豬扒😌要食一定要配上美乃滋食😎⭐️極上北海道帶子丼💰$80⭐️朝鮮風泡菜三文魚頭鍋定食💰$68⭐️蕃茄濃湯三文魚腩骨鍋定食💰$62⭐️牛柳粒石鍋飯💰$75

之前食過一次中午幾抵食，今日放假諗住帶朋友試下，不過我地二個都食左早餐有點飽，所以決定唔叫定食，叫點小食慢慢聊。想到日本，當然要食刺身啦，叫左個刺身拼盤（竹），最適合熱辣辣嘅天氣, 呢個拼盤有2隻甜蝦，而魚各有3片包括三文魚腩，油甘魚，吞拿魚，鱆紅魚。 甜蝦軟糯，有淡淡嘅蝦味，好味，只可惜得2隻。魚新鮮，三文魚腩唔係好肥，無咩油脂感但肉質爽口，每片都好厚，食落有口感。油甘魚好味，有淡淡嘅魚味，夠鮮味。鱆紅魚有好重嘅魚味，如果鐘意魚味重嘅魚，應該覺得唔錯。 吞拿魚係赤身黎嘅，對比其他魚刺身，呢款就比較遜色,因為每片都有筋，有點難咬。 拼盤整體唔錯，夠凍，但唔會解凍得唔夠。蒜片牛柳粒好嘢味，一黎到就有陣陣嘅洋蔥同蒜香味，牛柳粒好淋有牛味，炒得好香，洋蔥唔係好熟，有點生，可以解油膩，蒜片好香份量唔少適合配飯，好好味，只可惜牛柳粒唔夠喉。明太子雞翼去居油屋點可以唔食呢樣，工序繁複係屋企就唔會整啦。雞翼炸到好脆，夾埋裡面嘅明太子，夠曬香口。一休仲有好多選項,午餐食幾抵，但個人覺得佢嘅炒野幾好味，刺身可以接受。

評價：4星（5星滿分）評語：抵食之選，晚餐人均$200，質素不錯，性價比非常高的日本料理。平日晚上八時仍有座位，可以walk-in。------------------------------北海道帶子＆象拔蚌刺身刺身鋪在碎冰上，樣貌吸引。帶子頗為肥美，沒有雪味，比較鮮甜，質素不錯。星期一至日晚市有不同的優惠，惠顧當天為星期四，象拔蚌刺身特價，所以一試。可惜象拔蚌雖然口感爽脆，但不及帶子有鮮味。不推薦。大蝦天婦羅雖然圖片上只有三隻蝦，但實際上有五隻蝦，有兩個在扇形裝飾後面。炸衣不算厚，非常酥脆，而且不油膩。推薦！槍燒三色飯有帶子，三文魚，左口魚賣相吸引，醬汁美味，略嫌魚生份量不多，切得較薄。而且飯有點太濕，粘作一團。（男友：要粒粒分明才是好的飯！）蒲燒鰻魚飯鰻魚份量十足，味道上佳，沒有腥味及細骨。與三色飯一樣，白飯太濕黏口。（男友表示太少汁，較難拌飯）

完全估唔到呢個小小店仲迄立至今！好記得我讀書嘅時候已經同朋友仔過嚟食。一句講晒，平靚正！今日過嚟食個early dinner!!我哋5點就到，都坐滿哂窗邊卡位喎。一休應該無裝修過，印象中我記得牆上面仲有啲廚師推介，燈光暗暗地咁😂😂不過而家都轉用QR code落單啦。。一休海鮮沙律🥗每次都必點，呢個沙律真係好抵食咖。沙律菜底，上面鋪滿哂粒粒刺身，仲有甜蝦。刺身有三文魚，吞拿魚，劍魚，蟹籽。個凱撒醬會分開上嘅，不過我覺得刺身唔夾個醬，所以一定要分開沾。。。火炙黑豚肉拉麵哇，估唔到都有3片厚嘅豚肉片。個豚肉片係入口即溶！好好食！拉麵都Q彈，唔會好大陣梘水味，唔會淋patpat，個豬骨湯好濃！蕃茄濃湯海鮮鍋+烏冬個海鮮鍋好大個！入面有好多粒蝦仔，帆立貝，青口，八爪魚，三文魚骨，豆腐，菜。個蕃茄湯真係好濃，好香。真係要加烏冬，佢個烏冬係稻庭烏冬，Q彈煙勒。加落個鍋度，正黑松露薯角黑松露醬好濃，薯角炸到好香脆。沾醬食好爽！真係必點，因為會食唔停口😂唐揚墨魚咀好中意食墨魚咀！不過就嫌呢度嘅較為細粒，但粒粒都脆卜卜。細細粒有咬口，食下食下又無哂呢度坐得好舒服，座位好闊落，而家新嘅餐廳好少有咖啦，不過冷

第二次光顧，上次跟朋友來食左午市套餐，都幾平幾抵食今日自己一個想食壽司，就決定散叫都有不少款式選擇，亦有不少是一碟兩件總共點了7款壽司火炙芝士帶子壽司 $18/件帶子厚身，火炙得香香的油甘魚壽司$32/2件鮮味十足，不算是厚切，合理厚度，雖然不是腩位，但都食到有油香、細嫩海膽軍艦 $44/2件抵食之選，原本叫完擔心會中伏，畢竟海膽稍不新鮮，就好易有異味幸好這兒的海膽食落幾甜，幾新鮮，份量也有不少，而紫菜也脆卜卜，性價比高三文魚籽軍艦$46/2件三文魚籽脹卜卜大大粒，一入口一咬即爆汁另外還有劍魚腩壽司（$28/件），夠肥美！大呑拿魚壽司（$52），在這碟壽司中較為失色，入口還有少少筋香草燒雞翼$32/3隻雞翼已切開了，吃起來十分方便，好香香草味又啖啖肉總括而言，除了大呑拿魚有點失望外，壽司的魚生均鮮味十足，比期望的高質素！可以再食第三次😋

今日放工同朋友嚟咗食日本嘢，落大雨期間真係啱晒！首先，一定要嗌我哋都最鍾意食嘅刺身拼盤啦！我哋揀咗個「竹」刺身拼盤！入邊都好豐富㗎！有三文魚腩、吞拿魚、油甘魚、鱆紅魚、甜蝦。足足五款刺身呀！雖然冇海膽，但係都夠豐富，一次過試到五款刺身，好滿足。而且刺身拼盤擺盤非常之優美，見到都胃口大增！跟住嗌啲熟食，我哋要咗一個雙龍卷。我哋叫呢個係因為一款就會有晒兩種唔同口味嘅壽司，可以試到唔同嘅味道。所用嘅材料非常之豐富，有：龍蝦沙律，熟吞拿魚沙律，青瓜絲，深海大赤蝦，牛油果，芒果，飛魚子，各有特色，而且大赤蝦炸起上嚟非常之香口又新鮮！之後嗌多杯凍京都抹茶鮮奶，可以解下熱氣而且又算清新之選。今晚係落住大雨準備打風嘅夜晚之下，可以喺店舖好好享受一餐日本嘢真係好開心，風雨中得到滿足。

今日，朋友同我講起，想食日本野，但又想平平地。我想嚟想去，記得之前去過旺角有一間日本食店d野食都唔錯，所以就介紹佢去一起食lunch。午餐時d套餐真係好抵。如果係旺角做野㗎朋友就記得嚟試吓啦，包你覺得值回票價。朋友叫套餐，我就想試吓第二d野食，所以，就叫左個和牛刺身同壽喜燒。和牛刺身鋪滿在碎冰上，睇見都吸引。而且，有入口即溶feel，真係very good 👍👍👍。壽喜燒都好足料嫁。菜，蛋，牛肉。。。樣樣都有。唔會比其他食店差。至於，環境佈置，都好有日本風情，一入門口，你就見到果個日本燈，可謂非常別緻。至於，裡面的擺設也不錯，我跟朋友的座位，對面就係酒架，全櫃擺放著形形式式的清酒。食到飽飽，又係時候返去上班。繼續加油。

啱啱喺朗豪坊睇完牙 諗住喺附近搵間餐廳食🙈因為呢排食嘢都太重口味 所以想搵間冇咁油膩嘅日本餐廳食～咁啱喺朗豪坊嘅後一條街就見到呢間比較平價嘅日本餐廳🙉所以就入去試吓～今次叫咗幾舊壽司！突然間喺呢個天氣咁熱嘅情況底下想食幾舊凍冰冰嘅壽司🤭🤭🤭竟然幾有驚喜 魚生都非常之新鮮 食落去唔會有一浸雪藏味😍😍😍而且腐皮壽司都非常出色 唔會太鹹 覺得調味係啱啱好～跟住自己叫咗個蕃茄海鮮鍋 加多左個烏冬～呢個蕃茄鍋真係會令我在想返去再食多次！！首先佢嘅味道非常之真實 唔會有一種好化學溝出嚟嘅味道～而且佢嘅材料都真材實料 食咗幾舊青口同埋蝦仲有魷魚！覺得撈埋烏冬食真係非常之滿足 唯一一個缺點就係加一份烏冬個價錢有啲貴