影片
更多
2022-09-26
107 瀏覽
旺角樓上日式居酒屋，環境乾淨企理，都幾闊落。餐單選擇非常多，淨係諗食咩都諗咗好耐。鰻魚卷，如果係非常鍾意食鰻魚嘅，建議單點鰻魚壽司或者鰻魚飯，因為鰻魚卷用嘅鰻魚會相對冇咁靚。玉子壽司，雖然係壽司界嘅平民，但我鍾意食～雞泡魚干，比起坊間嘅雞泡魚再厚身少少，調味偏鹹。蒜片牛柳粒，肉質幾淋，應該有用生粉乸過，調味都係偏鹹，如果配白飯食比較好。黑松露薯角，松露醬正正常常，但係薯角唔知係咪太大舊，炸得唔夠透徹。大阪燒，正常發揮。天婦羅配凍烏冬，食材感覺新鮮，凍烏冬嘅汁調味偏淡，整體唔錯。燒三文魚鰭，今日VIP！食落口滿口油香，肉質軟綿滑溜，正！兩人食咗四個人嘅份量，捧住個肚走，好滿足呀！買單七舊水，算抵食。
旺角樓上日式居酒屋，環境乾淨企理，都幾闊落。餐單選擇非常多，淨係諗食咩都諗咗好耐。
鰻魚卷，如果係非常鍾意食鰻魚嘅，建議單點鰻魚壽司或者鰻魚飯，因為鰻魚卷用嘅鰻魚會相對冇咁靚。
玉子壽司，雖然係壽司界嘅平民，但我鍾意食～
雞泡魚干，比起坊間嘅雞泡魚再厚身少少，調味偏鹹。
蒜片牛柳粒，肉質幾淋，應該有用生粉乸過，調味都係偏鹹，如果配白飯食比較好。
黑松露薯角，松露醬正正常常，但係薯角唔知係咪太大舊，炸得唔夠透徹。
大阪燒，正常發揮。
天婦羅配凍烏冬，食材感覺新鮮，凍烏冬嘅汁調味偏淡，整體唔錯。
燒三文魚鰭，今日VIP！食落口滿口油香，肉質軟綿滑溜，正！
兩人食咗四個人嘅份量，捧住個肚走，好滿足呀！買單七舊水，算抵食。張貼
