一休(居食屋)日本料理 (38廣場)

營業中

休息中

這一天放工在旺角行街，想起好耐都冇食過日本嘢😊 結果我哋揀咗一休食晚餐我哋大約六點嚟到容易有位，再遲啲就越來越多人呢間日本菜的確係性價比好高，好多嘢好抵食。而且服務唔錯，效率好高。佢哋都有好多唔同嘅優惠😊我哋兩個人點咗幾樣嘢，好快就上菜😊玉子燒幾夠蛋香，甜甜地鹹鹹地嘅醬汁更帶出蛋味雜菜鍋內菜同埋菇嘅份量好多，湯底都好配合蔬菜，帶出蔬菜嘅清甜。仲有豆腐好滑，加埋湯底一齊食好好味。軟殼蟹炸得香脆，配合埋牛油果感覺清新，加上沙律醬同埋蟹籽，食落去增加口感同埋鮮味。三文魚粒炒飯味道配合得好好，魚肉配合炒飯真係一啖接一啖停唔到口😊 仲有唔同嘅蔬菜粒以及洋蔥粒，有口感紅豆蓉非常之香甜，牛奶同埋綠茶味道都好濃郁，呢一杯真係好好飲😊 亦都可以作為一個美味嘅飯後甜品

我和朋友大家都比較喜歡吃日本菜🍣🍥🍙🍢🍱🍤🥟，是日收工後上網找了這間在旺角的樓上日本菜試一試。入到店舖裝飾很有日本風味，環境闊落，店員安排我們坐卡位，牆上有很多支酒🍾和日本鯉魚旗🎏做裝飾，擺設都幾靚。餐牌選擇多，細看餐牌每一樣嘢我都好想食，用QR code落單方便簡單，基本上落單後5至10分鐘已經上菜。壽司拼盤（梅）唔同款式壽司有12件🍣，即叫即做，上碟時還是有些暖，食落都新鮮，珍珠米粒粒分明，就個人口味就略欠壽司醋唔夠酸。汁燒原隻魷魚筒🦑燒魷魚🦑一隻分量好多，切到好幼身，好爽口彈牙，鮮嫩一啲都唔老唔靭。雞泡魚干比起街坊嘅雞泡魚再厚身少少，唔乾身唔靭，調味偏鹹，但配上沙律醬少少酸甜又幾好食。😋雜錦天婦羅天婦羅炸得香脆，而且不油膩總括來說：價錢不是太貴親民，食物質素ok

📍一休位於雅蘭附近嘅樓上舖，旺角地鐵站行三分鐘左右就到，38廣場旺中一點靜，而且已經做咗好多年。一休（居食屋）日本料理（38廣場）地址：旺角山東街38號38廣場1樓🔻店內環境好闊落，卡位嘅座位佈局望落有個人空間，又乾淨。🔻1. 三文魚海膽飯海膽唔算煋，三文魚亦新鮮，完全冇雪味海膽亦唔算煋。你睇呢件咁肥美都知啦！以呢個價錢嚟講冇得輸😎🔻2. 岩石燒牛肉粒鍋飯石鍋飯嘅精華係飯焦，而呢度真係俾到我🥳牛肉大大粒，配埋窩蛋一瞬間變得綿好多。🔻3. 岩石燒魷魚燒汁嘅調味帶點甜，而魷魚厚而不實，好彈牙冇咬口，送酒一流！唯一少少美中不足嘅係佢略為偏鹹。🔻今次真係個好體驗，好啱喺呢個環境約埋三五知己、同事盡訴心中情🤩唔怪之得一休可以多年坐擁其城！

今日去到旺角行街聽朋友介紹一間位於山東街的樓上日本餐廳「一休」首先呢間餐廳既位置真係沒得輸係正朗豪坊隔離🥳👍🏻一坐底店員就好快遞上茶餐廳坐位都幾多大多係卡位設計牆上仲擺滿好多酒樽🍾做裝飾😆⭐️三文魚加州卷：三文魚配上加州卷，三文魚好新鮮，面頭加上蟹籽及沙律醬，一食落去非常有口感，唔錯嘅選擇😊⭐️鐵板帶子牛油燒：店員一擺上枱就比鐵板嘅滋滋聲及熱力吸引住，而且用牛油燒帶子非常香口，配上幾滴檸檬汁更能帶出帶子鮮味，正呀😍⭐️蕃茄濃湯大蝦鍋：以蕃茄湯底及新鮮蕃茄煮大蝦，每隻大蝦都好新鮮，而且都幾大隻，唔講得笑😙，鍋入面仲有菜及豆腐等配料，加$16可以配白飯或烏冬⭐️槍燒三色飯：三色分別係帶子，三文魚及左口魚，再用火槍燒至半熟，配上秘製醬汁，😋非常好食

今日去旺角行完街想食日本野，便上山東街38號38廣場一樓一休日本料理医肚。餐牌選擇多，有套餐，散叫有厨司推介，刺身，刺身拼盤，壽司，壽司拼盤，火炙壽司，軍艦壽司，卷物，沙律，小食，燒物，揚物，一品料理，甜品，飲品等，任君選擇。午餐的定食和丼都抵食，午市套餐1 pm前埋單有9折優惠。今天想吃壽司，叫了壽司拼盤(梅)。拼盤有十二件壽司，都是我喜愛的款式，不用費神自己揀，包括三文魚腩，和牛，帶子，油甘魚，劍魚腩，甜蝦，北寄貝，磯煮鮑魚各一件，加州卷兩件和是日精選壽司兩件。壽司新鮮，好吃，滿足。吃完凍野，再叫個牛肉壽喜燒暖下胃。壽喜燒好食，湯甜，有薄牛肉片，蛋，豆腐，蔬菜，大葱，冬菇等。最後飲埋凍檸樂，又飽又滿足。

餐廳位於大廈一樓，位置闊落，樓底算高，無咩壓迫感。座位多以卡座設計，而且椅背較高，私隱度亦較高。牆上有多枝酒做裝飾擺設，都幾靚㗎。餐牌選擇頗多，有刺身，壽司，小食，串燒，鍋物，可用QR code落單，方便簡單。壽司拼盤（梅）唔同款式壽司有12件，食落都新鮮嘅，但個人口味就略嫌壽司飯硬左少少，壽司醋未夠酸。磯煮鮑魚，size夠大，肉質彈牙三文魚腩，夠肥美和牛，紋路清晰，又稔又滑，牛味偏淡三文魚明太子串平時比較少見三文魚串，好奇心驅使下就試下。三文魚燒得微脆，魚肉好滑又無腥味，又夠肥美，油香十足，三文魚油同明太子嘅味道異常地夾，在口中迴盪非常有驚喜。牛肉豆腐鍋熱辣辣嘅牛肉豆腐鍋，鍋物嘅標準材料包括牛肉，豆腐，大葱，芋絲和冬菇，配合碗白飯，份量非常足夠。牛肉微紅，啱啱熟，唔會太老。豆腐好滑有豆香。醬湯甜甜的，伴飯食一流。呢間樓上嘅一休料理果然不錯呀！

這次去了一家樓上日料店，位於雅蘭中心旁邊的大廈，環境是木系裝修，大部分也是卡位。食物有套餐和散點，選擇多價格經濟。這次在平日下午去，已經坐滿一半人🙈。-▪︎天婦羅蕎麥冷麵 HKD$88套餐賣相吸引，天婦羅食物多，包括：大蝦2隻、南瓜、秋葵及茄子。天婦羅口感酥脆😚，熱辣辣吃的口感較好的。蕎麥冷麵口感冰涼，麵質爽口醬汁微咸。-▪︎吉列豬扒拉麵 HKD$68這款較惹味的主食，可選擇辣度，不用怕吃不到太辣😆。湯底味道濃郁，麵質爽口造型特別。吉列豬扒口感酥脆，肉質嫰滑帶點肥肉，吃起上來挺香口。-▪︎三文魚加州卷 HKD$58一份有六件，顏色較鮮豔的組合。三文魚上有沙律和沙律醬，所以挺有咬感的。加州卷口感豐富，整體味道配合。-▪︎熱紅豆抹茶鮮奶 HKD$20｜凍鴛鴦 HKD$28飲品選擇也很多，由飲品再酒精飲品也有。熱紅豆抹茶鮮奶味道甘香不苦澀，紅豆口感煙韌。凍鴛鴦味道香滑，跟奶比例剛好。-

今日工作不順，我決定晚餐一定要食我最中意既壽司同埋要啤一啤佢！🥹👍🏻果然化悲憤為食量係真的，食左超多好味日本野，即刻開心返🥰🛎 $48 炸雞軟骨粒好抵食，好大碗🙆🏻‍♂️檸檬都俾左大大舊🍋喳到好多汁，解膩又開胃～🛎 $65 牛肉壽喜鍋除左有好多椰菜、牛肉～配料仲有菇及芋絲同一隻蛋🥚雖然不是高級的肉，但呢個價錢黎講已經好高質👍🏻而且有成7、8片咁多🙈湯底係偏甜～但都唔會濟，我飲左兩碗🤣🛎 $22 火炙黑松露帶子壽司🛎 $20 厚切三文魚壽司🛎 $30 火炙芝士珍寶赤蝦壽司以上為一件的價錢～個人覺得有少少貴🤏🏻但係係好吃的～帶子、三文魚、赤蝦都好厚身一啖食超滿足🥰最驚艷我既係黑松露帶子壽司🍣黑松露極香，而且同帶子好夾！🛎 $48 西班牙檸檬啤酒係一款帶淡淡檸檬香氣、酸度平衡、清新易飲嘅啤酒酒精濃度只有3.2%🤏🏻佢唔會好似果汁咁太甜，我推薦俾想飲啤酒但怕苦既大家！🌐 環境/服務呢到用qr code落單📱上菜都算快～咁岩隔離枱坐左外國人，佢唔識落單，店員都耐心幫手～幾親切👍🏻

話說同男朋友去一休食唔係第一次講CP 值係okQR code 落單因為network 好慢🙈所以問staff 拎WiFi details點知男staff 黎 一句話「下？ 我唔知喎」（鋪頭WiFi ID 都唔知🙄） 然後一個靚推俾左個女staff 幫手解答❤️係即搞掂🙄嗌左個壽喜燒 加$16 烏冬先黎個壽喜燒個烏冬唔見左隔離枱都係咁壽喜燒鍋係熱但唔滾 個蛋啲湯淋極啲蛋白都仲係透明然後 其他野都黎個烏冬都係唔見左咁追一追啦得到既係年紀大啲既男staff 一句會遲少少黎既🙄🙄🙄然後都過左又一輪個烏冬終於到後生啲既男staff 擺低講一句「 唔會同時間上㗎」我忍唔住回一句 「賣完單先黎呀？」想講個烏冬明顯係岩岩出完水大佬呀 咁整壽喜燒個陣就好出定水啦！仲要俾說話個客聽🤬咩事呀？！ 仲有個$16 烏冬少到係一個屋企細碗既份量🙄🙄🙄好失望😢😢火炙三色都差左啲醬好咸 蓋過曬啲刺身既味淨食到個咸醬味🥲其實… 好多野都加左價短期內唔會有下次唔想俾多左錢仲買難受就算其他野okay 都係咁話😢

🎀一休(居食屋)日本料理⭐刺身拼盤（竹）⭐火焰三色卷（帶子、吞拿魚、三文魚）⭐香草燒雞翼一向都好鐘意食日本野, 今次去到係旺角嘅一休日本料理食個weekend lunch。首先order 左個刺身拼盤（竹), 拼盤有三文魚腩、吞拿魚、油甘魚、鱆紅魚同甜蝦。三文魚腩油份十足, 入口唔油膩但係充滿魚油香; 油甘魚都唔錯, 厚切又鮮甜。而火焰三色卷入面最好食係帶子卷, 就算一分為二都好厚身, 食落好有滿足感, 配埋卷物入面既青瓜、玉子燒, 就算加左沙律醬都唔會重口味, 反而幾好食。最後嘅香草燒雞翼就有串燒店質素, 外皮焦香但肉質唔會硬, 配埋刺身拼盤仲有三色卷一齊食啱啱好。Address:旺角山東街38號38廣場1樓1/F, 38 Plaza, 38 Shantung Street, Mong Kok港鐵旺角站 E1 出口, 步行約3分鐘#food #foodie #foodhk #foodiehk #旺角 #美食 #旺角美食 # #hkrestaurant #hongkong #foodlover #香港

位於山東街呢間日本餐廳，應該都開咗好耐㗎喇，都聽過佢嘅名，但係都係我第一次幫襯 ！一到去古色古香日本風格嘅裝修 ，讓人覺得好舒服，地方寬敞，而且整潔乾淨，食物選擇好多，而且價錢大眾化，服務都好好！天氣凍凍地，嗌咗個牛肉豆腐鍋，另外一個鐵板帶子牛肉燒！同埋炸雞軟骨粒都好好食！主食就叫咗個特盛海鮮丼配凍青蘋果梳打！先講個牛肉豆腐鍋，湯底甜甜地，好好味，豆腐好滑，仲好多牛肉，鮮甜美味。鐵板帶子都好正！帶子大大粒，好多粒，配上菇菇，d菇吸左精華，更加好味。海鮮丼價錢合理又大碗，超值，有三文魚，大蝦，尤魚，赤貝，吞拿魚，油甘魚等等，好豐富，刺身新鮮美味，好食！炸雞軟骨粒好多，而且很脆口，不知不覺食到停吾到口，好惹味。飲返啖青蘋果梳打，爽晒！感覺價錢合理，而且上碟快，服務都有禮，幾好！

以前返學附近都有一休嘅分店，成日放lunch都會同同學去食，價錢又唔貴，又可以食我哋鍾意食嘅日本嘢，所以可以話係我哋嘅飯堂，但係畢咗業之後就冇再食啦。今日同中同過去朗豪坊行街，上網search見到附近有一休，諗住重溫一下中學嘅回憶，嚟咗呢度食。雖然過咗好多年，但都記得呢一度嘅炙燒三文魚同帶子，所以我哋毫不猶豫咁叫咗兩份，仲有散叫咗啲壽司。壽喜燒、牛油果軟殼蟹卷、章魚小丸子同蟹籽沙律都係我哋食日本料理最常叫嘅嘢食，味道都唔會差得去邊，所以呢一餐都食得好滿足🥰另外朋友突然之間好想食蒜蓉茄，所以就叫埋，雖然唔係好有日式風味，但味道都算正常，而且蒜蓉嘅份量好充足，啖啖都充滿蒜香味。嘢飲方面，我哋就叫咗一杯抹茶紅豆鮮奶，由於紅豆已經好甜，所以可以叫少甜，咁樣味道就啱啱好👍🏻

記得以前細細個有食過一休，所以今次經過旺角又諗唔到食乜嘢，就決定想去尋找兒時味道。上到去比我想像中大間，環境乾淨闊落。個Menu 好似豐富左，而且啲價錢就冇乜點變。所以忍唔住單叫咗好多壽司，火焰三文魚，左口魚壽司，帆立貝壽司等等，最開心有我最鐘意希靈魚，呢個唔係好多壽司舖都有。啲飯都係有溫度，又唔會一夾散，有實力。我朋友仔比較大食，仲嗌左個壽喜燒加烏冬，要讚一讚就係個湯底唔會太甜。最特別小食自家製小丸子，因為個盤嘅關係，所以可以一直keep warm ，冇咁快淋，而且粒小丸子都比較實啲，口感豐富。而且仲有呢個居酒屋嘅小食，蒜燒茄子，色香味俱全。到最後想嗌多個蟹子沙律，解解油膩，食落清爽，而且好大兜，完全可以解油膩，十分滿足。

📍一休(居食屋)日本料理 (38廣場) (旺角)旺角山東街38號38廣場1樓平時lunch有食開，有套餐都幾抵食，今次試下送晚食，感覺唔同左😅😅無套餐之餘感覺上貴左d😬雞扒烏冬💰68雞扒同烏冬有分開上，但雞扒唔熱，感覺擺左一陣或一早整定。烏冬分量都小牛肉壽喜燒💰65壽喜燒味道ok，但如果跟個飯或面就好d 滑蛋豬扒飯💰62正正常常咁啦😅😅火焰胡麻蝦卷💰58略嫌無乜麻醬🫠表面得小小，食落口已唔多覺😅

又搵到一間寶藏又超好吃的日料店，位置就在九龍旺角山東街38廣場1樓，位置都好好搵，而且環境很不錯，日式風情十足，不枉我同同事今日早收工，所以去的時候唔使排隊，不過快7點的時候人就開始多了，可能需要等一陣。揀咗八爪魚刺身、香芒乳酪松葉蟹卷、煎餃子、辛辣黑豚肉拉麵同自製章魚小丸子，分量都夠兩個人都吃得好飽。最鐘意就是辛辣黑豚肉拉麵，係鐘意吃辣星人的福音，又不會辣到噴火然之後不好吃。香芒乳酪松葉蟹卷有點酸酸，裡面的松葉蟹又脆、同外面的軟香芒口感碰撞出奇妙的火花，推薦大家都試下。最得意是個自製章魚小丸子，餐具就同製作章魚小丸子的模具咁，上來的木魚花還會跳舞咁的，味道都幾好，有啲啲鹹。一定要趁熱吃，不是的話就被同事吃嗮啦！