一休(居食屋)日本料理 (38廣場)

營業中

休息中

今日食個tea， 嘆一嘆，300蚊已經可以食到好多野兩個主食加3個小食性價比高，行完街拎住一袋兩袋，到這裡就岩😍首先叫了三文魚生飯$68份量都好足料架，三文魚都好新鮮。佢有吾同選舉，可以揀角切魚生，或者一片片魚生。岩石燒雞粒鍋飯$68石鍋飯一定係熱辣辣上，超熱，超香，馬上撈一撈超香口，仲有飯焦香味。重點係個份量，真係超級大份。食極都有。雞粒又多，而且一早燒過。香芒乳酪松葉蟹卷$58夏日炎炎，芒果卷物相當岩，又清新又酸甜。而且蟹係炸過。入口十分脆，外賣又有芒果之清新。大阪燒個人好鐘意食大阪燒，超好味。上面既木魚同個汁永遠令人食得開心，覺得必食。煎餃子平日食日本野都好鐘意叫黎食，日式餃子永續都咁正，配埋餃子汁。

一休居食屋喺旺角地鐵站附近5分鐘路程7點左右已經7-8成位🈵我哋4個叫咗壽司、刺身、炸物、同埋湯鍋首先叫咗油甘魚腩壽司、鮮立魚壽司、芝士蟹籽軍艦壽司，每樣2客；火焰黑松露帶子壽司叫咗4件芝士蟹籽就好重芝士味，同蟹籽1粒粒食落去，口感唔錯. 油甘魚腩同埋鮮立魚都冇乜魚味，油脂味唔夠、少少腥，食落去好普通. 火焰黑松露帶子，雖然重黑松露味，但喺帶子唔夠新鮮，有啲失望. 火焰三色卷分別喺三文魚、吞拿魚同帶子，各2件，刺身上面加咗沙律醬，增加口感. 炸雞軟骨粒最值得推介喺炸雞軟骨粒，好脆卜卜，唔太油膩、好好味. 鹽燒油甘魚鮫呢個鹽燒油甘魚鮫，燒得唔錯，少少鹹味帶出油甘魚嘅鮮味，加上燒完咇出哂油甘魚嘅油，食落口就唔會太油膩. 三文魚頭鍋三文魚頭鍋煮到奶白色，湯裡面滿有魚味亦唔腥，三文魚份量都好多，仲有菜、豆腐1齊煮，非常入味，每人可分到1碗多. 另外，仲叫咗火焰海膽赤蝦壽司、三文魚刺身. 火焰海膽赤蝦，蝦肉彈牙、海膽份量少無乜味；三文魚刺身切得好薄，肉質有根唔肥美，唔太抵食. 整體，炸物、熟食都唔錯，但喺刺身、壽司都有待改善. 地點喺旺角地鐵站附近，非常方便.

今日又搵到一間正日本餐廳！😎 餐廳好近地鐵站出口，行幾分鐘就到🦵劍魚一直係我好中意食嘅一種魚，今次都嗌左黎試下😬 如圖所見，好厚切，好肥🤤亦都無乜腥味，不過如果可以無咁凍就更加好了🤓跟住仲嗌左個主食拉麵。味道就正正常常，不過佢隻蛋做到流心，又幾好食，呢個價錢黎講性價比都幾高🤟🏻呢個鐵板帶子令我幾驚喜！佢粒粒都好大粒都好厚身，食落口感好好，好滿足🤤 當然佢嘅味道都係唔錯的，食材嘅鮮味中亦帶有少許牛油味👍🏻最尾仲有個鐵板魷魚🦑一上已經聞到好香嘅味道，好似啲烤魷魚咁離遠已經聞到🤣同埋佢份量都唔少，幾抵食成間餐廳環境都幾乾淨舒服，落單後都好快就上到菜。價錢偏大眾化，如果去開附近嘅朋友建議可以去試試🤓

堂食開放返到10點，終於可以約朋友夜晚出黎行街食飯啦！今日行旺角，朋友介紹左一間樓上鋪日本餐廳，都幾好食，又坐得舒服menu勁多選擇，仲要差唔多每樣野食都有圖睇，一目了然，完全唔會揀唔落手！呢到仲有我最中意食既左口魚壽司，唔係間間日本餐廳都有左口魚食，呢到加分玉子燒，好厚身而家切好晒，唔係一條過咁上，同朋友食就好易share，唔好食得好狼狽燒茄子，面頭勁重蒜，中意食蒜既朋友一定唔可以錯過，啲蒜多到差啲見唔到茄子茄子好軟身，茄子肉一夾就甩皮，而且勁入味火炙黑豚肉拉麵，豬肉好淋，唔算好肥，但係好重豬肉香味，不過湯底有少少淡石燒雞粒鍋飯，估唔到上面仲有隻窩蛋，配料豐富，調既汁甜甜地好好味，淋上去令個飯唔會好乾身，配埋嫩滑雞肉食一流

戲院岩岩開翻，即刻book 左旺角戲院睇Dr Strange，未開場前去左雅蘭附近試下間日食居酒屋。 地點就腳，座位幾闊落，坐得舒服環境舒服嘅，野食方面都算多選擇，有壽司、手卷、燒物、鍋物…等。壽司方面我地淨係叫左塊三文魚腩壽司，幾新鮮既，三文魚塊夠肥美，如果d 飯再多翻d 就正啦 跟住就黎個芒果乳酪松葉蟹卷，本身打算系塞飽自己。但竟然有surprise。有芒果嘅香甜，有乳酪嘅酸味提鮮，加埋蟹肉嘅甜味，配合埋一齊，好耐都無食過咁有layer嘅飯卷。真心讚串燒好香口，牛舌 同埋 雞翼，都係岩岩燒好最多肉汁嘅狀態下，送到我地面前。有8.5/10。唯一可惜雞翼唔係純鹽燒，如果唔係肯定有9分，佢地都超juicy ah相信之後塊會幫襯，希望有位，同keep到野食水準喇

今日係旺角約朋友食飯，經過朗豪坊咁巧搵咗嗯間居酒屋，估唔到佢係咁有意外同性價比極高！入到嚟環境都算闊落，座位都有好多，有唔少卡位！我哋點咗個刺身拼盤，入面有三文魚腩，池魚，甜蝦同埋呢個托羅，件件都好肥美，食得出係夠新鮮，三文魚啲油脂分布都好靚！另外我哋點咗個壽司拼盤，呢個拼盤有成11件，壽司飯量適中，啲醋飯整到都幾唔錯，同啲wasabi好夾，壽司嘅質素完全唔輸平時食開嘅壽司店！我哋仲叫左份雜錦天婦羅，入面有蝦，南瓜，青椒同埋東菇，件件都好大件，佢個炸衣一啲都唔厚粉，食落都唔覺得成口油，呢個炸得好出色。最後唔少得都要點返啲熟食，我哋就叫左個燒明太子雞翼，雞翼入面塞滿曬明太子再炸熟，外皮都好香。另外仲有啲燒物，有呢個燒雞軟骨，燒得好脆口，而個牛舌都好大件，好有牛脂香味，最正就係呢個和牛串燒，啲牛肉好嫩，燒完都唔覺得鞋，加埋佢嘅醬汁一齊食簡直配搭一流！呢個推薦一試！整體嚟講呢間價錢完全拍得上呢個水準，性價比好高！

旺角樓上性價比高且選擇多的日式居食屋，餐廳裝修有種日式雅緻風味，座位寬闊。四點刺身淺嚐最基本刺身拼盤，解一解刺身癮，包括三文魚腩、油甘魚、吞拿魚赤身同甜蝦刺身，魚生片有厚度，味道新鮮甜美。壽司拼盤(花）共十一件壽司，基本魚生壽司款式搭配熟蝦、鰻魚等，一口Size壽司飯口感偏結實綿糯。雜錦天婦羅大蝦天婦羅有三隻，外脆內鮮美，其他雜菜天婦羅有香菇、蕃薯、南瓜等炸得薄身香脆，唔會厚粉，內裡蔬菜水份依然鎖住鮮味。和牛粒串燒味道最為突出的串燒，濃郁和牛脂香好美味，表面淋上甜甜地嘅燒汁，味道好夾。鹽燒厚切牛舌串厚切牛舌碳燒過後的表面帶點焦香，雖然肉厚但咬下去軟腍有嚼勁，撒了鹽同黑椒燒得入味好JUICY又無臊味。鹽燒雞軟骨串燒感覺鹽燒味道不過不失，冚唔住本身嘅細微臊味，但雞軟骨的爽脆度燒得有水準。明太子雞翼雞翼醃製得皮香入味，咬開香脆外皮內裏肉質嫩滑，飽滿豐富嘅明太子餡料湧出，口感豐富。

同朋友嚟咗呢間喺旺角嘅日本料理居食屋。位置非常就卻，正正旺角站一出行一兩分鐘就到！店舖環境寬敞，兩個人坐咗喺卡位，非常舒適，光線亦都足夠。叫咗一份三文魚刺身，一份鰻魚丼，海鮮鍋，仲有甜品，大約三百蚊左右，個人都覺得價錢合理。三文魚刺身10片三文魚刺身，魚肉都幾新鮮，唔會好大陣雪味，脂肪同肉亦都比例幾好。蒲燒鰻魚飯 $88鰻魚大約手掌咁大，燒汁偏鹹，但用嚟送飯就岩岩好！不過食晒鰻魚之後啲飯就有少少乾😖 用嘅係珍珠米，都有微微飯香。個人覺得呢個價錢來講都唔錯。蕃茄濃湯大海蝦鍋 $72有五隻大蝦，蝦肉新鮮，唔會有雪藏味亦唔梅。番茄湯濃郁，番茄控一定要試下！不過一個鍋絕對唔夠一人份量，要飽嘅話可以選擇海鮮烏冬！抹茶紅豆丸子糯米丸子包住抹茶雪糕同紅豆再配上忌廉真係冇得輸嘅組合！🥰🥰整體來講係價錢合理嘅日本料理，不過今次無使太多魚生，下次有機會再試下～

下午茶$46 角切刺身飯😆加$5就有味噌湯相當抵食壽司豉油味配上新鮮嘅魚生，正😋想不到吃什麼這間是不錯自選呢—————————————————————💞回頭指數：5/5💸人均消費：～HKD27

一休除咗想起和尚之外，都可以想起日食，旺角山東街近近地就是小幫襯，今日就和同事去試試，地方大座位OK, 餐牌上有二項未到1:00 已售罄，我們叫了二客刺身飯，有麵豉湯咸咸地熱辣辣。🥢角切刺身飯飯底可以刺身就差少少，刺身有點腥，普普通通食餐晏仔喇！🥢三文魚飯完全考刀功片片薄切晶瑩通透真係呢😅😅！

晚市禁堂食兩個多月, 呢段時間冇同老友們聚舊, 趁恢復了晚市堂食, 飯局不斷! 今晚就去咗交通最方便嘅旺角, 幫襯咗呢間開業超過十年嘅日本料理餐廳。樸素裝修兼多年營業, 看起來不會太殘舊, 地方企理。多個卡位, 唔算迫。自行掃QR code落單。食物款式大眾化, 沙律、小食、壽司、刺身、熱食、串燒、丼飯、鍋物等等...【炸雞軟骨粒】HK$48比預期中大碟同大粒, 部份雞軟骨粒連帶些少雞肉, 外皮酥脆, 爽脆軟骨又有d肉食, 點沙律醬食, 味道唔錯。【油甘魚腩壽司】HK$20油甘魚腩爽滑甘香。【鐵板帶子牛油燒】HK$68鐵板熱辣辣上檯, 冇預期濃郁香氣散發著; 帶子一共五粒大大粒, 沾有牛油汁, 不過牛油味偏淡, 細味食到帶子鮮甜。【魚切魚生飯】HK$65每粒魚切size都有骰仔般大, 有蟹籽、吞拿魚粒、三文魚粒、油甘魚粒、甜蛋粒, 同埋日式魚蛋果種口感嘅蟹柳, 相對蟹棒冇咁鮮甜, 壽司飯底厚實, 魚切粒比例多, 足以每啖都食到魚生粒。 【蕃茄濃湯海鮮鍋】HK$72番茄味很出, 甜多過酸, 冇蓋過本身海鮮味道。海鮮包括有蝦、青口、熟三文魚、帶子等等。蝦雖然只有蝦米般細隻, 但唔洗自己去殼

約朋友食飯又話要減肥,又想搵個地方坐得舒舒服服最後喺openrice搵到朗豪坊附近這間一休食日本嘢，上去之前睇過餐牌覺得幾滿意就上去減肥最好就食三文魚， 所以叫了一客三文魚刺身， 夠新鮮又夠脂肪……好食朋友一見到有原條鰻魚壽司就雙眼發光，即刻一定要叫，都真係幾大條，40蚊唔貴， 啱曬低碳水化合物飲食我自己要咗一個火焰三色卷， 有六件， 三文魚、吞拿魚、帶子各兩件， 好似食咗好多唔同嘅壽司咁，非常推介另外有再叫多兩串雞軟骨，有咬口到最尾又叫多一下薯角， 薯角超熱啱啱炸起 ，個醬係超級好食， 朋友減肥冇得食了， 我自己食曬環境坐得舒服，卡位有私隱度高， 傾下計食下 嘢好地方 兩個人加埋先三百蚊左右

同朋友冇嘢左見到有間日本嘢就入左去食。鰻魚飯的鰻魚幾新鮮，不過鰻魚汁可以再多少少。三文魚刺身都幾高質，咬落彈牙，唔似爭鮮的刺身咬落是軟的，唯獨是刺身的份量有點少。

晚市堂食解封番當然要第一時間出去搵好嘢食啦！呢間位於旺角嘅日本料理位置方便。星期六晚上嚟到要等一陣先有位，坐得比較逼夾。👍🏻火炙黑松露帶子壽司、火炙黑松露油甘魚壽司、三文魚壽司👍🏻槍燒三色飯所有魚生都好新鮮，食物種類繁多🍣👍🏻牛油果軟殼蟹手卷 軟殼蟹炸得勁脆👍🏻剌身拼盤-松有赤蝦2隻，吞拿魚3片，三文魚腩3片，劍魚腩3片，海膽半板👍🏻鐵板帶子牛油燒 帶子大大粒，好jucicy

靜靜地⋯⋯ 旺角食日本菜第一次試食，自然有驚喜👏👏⭐️生蠔來自日本🇯🇵，買得唔貴🦪 ，咁就叫咗一打。生蠔飽滿，夠 creamy，海水咸味淡，唔會死咸，中等「正」。👍壽司🍣、刺身當然唔少得。壽司做得精緻，刺身唔係旺角放題質素，中規中矩。兩個人叫唔到好多，不過當中嘅炸蠔印象深刻。用番日本蠔炸，脆皮唔油。炒雜菜幾甜，好難得食到菜嘢甜味，而黑松露沙律個味又相當特別，值得一試。餐廳環境尚可，燈光偏暗，裝修有啲懷舊感覺，都幾方便傾計。疫情下搵食好難 🤯，難得餐廳堅持開業，起碼可以係旺角靜靜地食一餐。餐廳係咪旺角最正？No，不過性價比合格，其實已經好難得。👍👍👍