一休(居食屋)日本料理 (38廣場)

營業中

休息中

去完朗豪坊睇早場之後，又係時間要食飯，朗豪坊一出行前啲有一棟大廈好多嘢食今日突然間又想食日本菜就揀咗呢間位於一樓嘅一休日本料理試吓坐低咗之後張單上面會有一個二維碼用手機掃描佢就可以點餐嘢食類別有手卷，刺身，壽司，同埋熟食一目了然非常清楚又環保仲可以用電話睇返記錄知道自己嗌咗啲咩嘢食見到餐牌上刺身壽司都做緊八五折，只七點半前埋單就可以性價比非常高再打開餐牌細看原來有好多款嘅刺身壽司選擇望到周圍嘅環境都好清潔，乾淨，整齊而且燈光仲非常光猛坐都坐得好舒服😌厚燒玉子 $48 元賣相十分靚，而且瀰漫着濃郁嘅蛋香，將雞蛋一層層捲起外層微微焦香，內裏半熟嫩滑配埋玉子上面嘅醬汁，令到味道層次好豐富牛肉壽喜鍋$65肥牛雖然係用急凍沒有什麼處理但食落口感都非常好入邊仲有非常多嘅蔬菜又有芋絲非常健康火鍋個湯底甜甜嘅味道非常好味好想飲晒入面有大量嘅紹菜豆腐芋絲冬菇金菇同大蔥岩石燒魷魚 88 元燒魷魚味道好香，份量都好多，而且鐵板上，嚟到嘅時候仲聽到咋咋聲，香氣撲鼻，魷魚非常新鮮，食落口爽口彈牙，加埋特製嘅醬汁同埋芝麻，鮮味中又帶點芝麻嘅香味，魷魚煮到啱啱好，一啲都唔韌，每條魷魚都沾上醬汁，真係好好食三文魚刺身

𝒥𝒶𝓅𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝑀𝑜𝓃𝑔 𝒦𝑜𝓀好耐冇見大學朋友仔，夜晚約左係旺角食。見到呢間都吸引所以試下，搭左寫字樓果部𝘭𝘪𝘧𝘵，一出黎去左後門。原來係有2部𝘭𝘪𝘧𝘵，另一部先係正門。餐廳裝修算係乾淨簡單，7點左右到時窗邊𝘥 卡位都差唔多坐滿，安排左坐中間位置既枱，感覺有少少逼，隔離枱行出行入都有機會撞到個𝘱𝘢𝘳𝘵𝘪𝘵𝘪𝘰𝘯。餐廳用手機點餐，𝘴𝘤𝘢𝘯 左𝘘𝘙 𝘤𝘰𝘥𝘦就𝘰𝘳𝘥𝘦𝘳到，個𝘴𝘺𝘴𝘵𝘦𝘮 有少少奇怪係𝘱𝘩𝘺𝘴𝘤𝘪𝘢𝘭 𝘮𝘦𝘯𝘶上有個𝘯𝘶𝘮𝘣𝘦𝘳，但𝘢𝘱𝘱 入面又揾唔到。▫️炸物 𝑭𝒓𝒊𝒆𝒅 𝑫𝒊𝒔𝒉𝒆𝒔 🌟日本蕃薯天婦羅𝗦𝗮𝘁𝘀𝘂𝗺𝗮 𝗜𝗺𝗼 𝗧𝗲𝗺𝗽𝘂𝗿𝗮 ($𝟰𝟴)🌟炸芝士年糕 𝗗𝗲𝗲𝗽 𝗙𝗿𝗶𝗲𝗱 𝗥𝗶𝗰𝗲 𝗖𝗮𝗸𝗲 𝘄𝗶𝘁𝗵 𝗖𝗵𝗲𝗲𝘀𝗲 ($𝟯𝟮)🌟炸雞軟骨粒 𝗗𝗲𝗲𝗽 𝗙𝗿𝗶𝗲𝗱 𝗖𝗵𝗶𝗰𝗸𝗲𝗻 𝗦𝗼𝗳𝘁 𝗕𝗼𝗻𝗲 ($𝟰𝟴)🌟炸軟殼蟹 𝗗𝗲𝗲𝗽 𝗙𝗿𝗶𝗲𝗱 𝗦𝗼𝗳𝘁 𝗖𝗿𝗮𝗯 ($𝟰𝟴)呢間既炸物幾有水準，樣樣都熱炳炳同埋好脆口。個芝士年糕軟林林，一咬落去就有流心芝士🧀，個芝士係好味果種唔會有種好假既味道。雞軟骨都勁好味呀! 軟骨好有咬口，加埋檸

去到旺角周圍都好多人，上次7:00去過呢間舖頭，排晒隊，最終冇食到食咗另一間所以今日我六點就到，呢個時段過嚟人流真係少好多但當我食完之後門口已經期滿晒人，最重要價錢又唔貴兩個人二百零蚊已經可以食到咁多美食這間店鋪環境好舒適又唔會擠迫枱同枱之間都非常闊落食物種類同放題一樣有刺身壽司火焰壽司卷物軍艦迷你手卷串燒燒物炸物天婦羅日本餐廳有嘅都齊晒種類眾多落order非常方便，有個code 就咁禁入去就可以揀，大約5分鐘食物就送到非常快捷去食日本嘢最緊要梗係食刺身三文魚腩刺身$118（8 片）三文魚腩刺身非常新鮮，質素有一定嘅水準今日既刺身我最欣賞嘅就係三文魚腩非常肥美質感厚身又細密味道好鮮甜我比足100分，另外叫咗個雜錦刺身刺身拼盤（竹$168）甜蝦非常大隻又夠爽口而且蝦頭仲有好多膏炸芝士年糕$32（ 三件）年糕炸到外脆內軟，放低嘅時候仲熱辣辣口感一流咬落煙煙銀銀芝士做倒流留心嘅效果非常美味叫咗個牛肉壽喜鍋$65份量非常充足放低嘅時候牛肉仲係紅色一浸落湯已經熟晒證明個湯熱辣辣放咗隻生蛋喺面入面仲有非常多嘅配菜，有金菇洋蔥🧅大䓤，豆腐作為配菜，仲有大量嘅蔬菜感覺非常健康湯底甜甜的最重要係咁凍嘅天

My friend and I didn’t really know what to eat for lunch and so we came to this Japanese restaurant with almost every Japanese dish possible 😂 They have salad, sushi, grilled skewers, meat side dishes, fried dishes, rice and noodles. I was pretty surprised that they even had okonomiyaki that we just had to order! We shared the hot plate garlic beef which was piping hot and juicy with the sauce coated onions just sizzling at the bottom 😋 we also ordered the mango crab roll, prawn tempura sushi an

都好耐冇食過日本野 就約朋友食日本野做午餐 佢地既午餐有做set都幾抵下 仲免收加一服務費 而且選擇都有好多下 有丼飯 拉麵 烏冬 壽司 仲有好多好多選擇 價錢都好平我同朋友各自揀左一個係有壽司烏冬set 壽司有三文魚腩 和牛 劍魚腩 玻璃蝦 蟹棒 北寄貝 花之戀 玫瑰花之戀 加州卷 三文魚 帶子同海老 壽司賣相都唔錯 好新鮮 係比平時食個啲壽司細舊少少 味道正常 仲有碗讚崎手打烏冬 唔好睇佢細細碗 其實入面既份量都幾多 豬骨湯好香好濃味 烏冬好彈牙好好味 食一個set 有壽司有烏冬已經好夠飽 個餐加幾蚊仲有埋飲品 埋單每人都唔洗一百蚊 真係幾抵食

今晚約了老婆放工去旺角shopping，但事前要醫一醫肚先，搵到間居酒屋，由旺角地鐵站行過去都係幾分鐘腳程。入坐安排坐卡位都算寬躺，而家落單係用電話掃QR code，不錯，又可以睇到食物相片，輕鬆落單👍🏻。先來個香芒蟹子沙律，都幾大份，再來食下三文魚腩刺身先，好肥好厚😋，口感好正🥰，章紅魚壽司同劍魚腩壽司，魚好鮮😋，不過額壽司飯就實左一點😅，點了赤海蝦壽司，蝦加了海膽，都唔錯，之後來點熟食，大板燒，燒得恰到好處，天氣冬，食個雜菜鍋溫粒粒，湯好味道👍🏻。整體來講都不錯，又多選擇，最緊要價錢合理😆。滿足。

依間一休其實係旺角都好多年, 想當年收工收好夜晚時候成日都黎食宵夜, 個陣好似開到凌晨3點!近來突發心血來潮想食番, 卡黎回憶下當年既味道。餐廳晚裝潢, 餐牌大致上都同以前差唔多, 以前成日食既魚生飯仲都係度。厚楊串厚身燒豆腐, 豆腐外層係油揚, 燒過後加上香甜醬汁, 仲有d木魚碎, 入口好香!明太子雞翼明太子雞翼內餡飽滿, 雞翼本身醃得入味, 啖啖肉加上明太子味道帶微微香辣, 好味。三文魚親子飯三文魚子新鮮無腥味, 份量足。三文魚味道ok但就略嫌薄左d, 如果切番厚少少會更滿足! 角切魚生飯切成粒既刺身, 玉子再加上蟹籽鋪滿飯面, 重點係只係$68, 刺身質素唔係高級, 但以依個價錢絕對收貨。日本菜黎講依度其實好抵食, 星期一至日仲有唔同既優惠菜式, 間唔中黎食個飯都錯!

睇完戲想食日本野。近近地就去左一休。中學生最愛，因為價錢平。大過左再去食番細個嘅味道。menu 好多，影唔哂。電子落單，再睇下有咩食。因為可能有d 會係無貨。四點刺身唔係高級日本餐廳嘅水準。不過性價比高。$98 食到咁多樣野。刺身味道正常，食完冇肚痛。唔知算唔算係日本野。不過唔想太heavy,所以食個番茄烏冬。正常，味道唔錯。最愛牛舌嘅我，點都要叫下試試佢。夠厚，入味。大個左黎，叫得豪左。不過都仲係好抵食。食到好飽。簡單咁叫左杯抺茶紅豆牛奶。好有港式crossover 日本咁。不過成個tea 都滿意，夠快，夠平。所以tea 都幾爆場。

呢一間超級近旺角地鐵站嘅日本餐廳之前同朋友嚟食過一次覺得味道同環境都好適合我仲要傾偈都幾舒服所以就嚟咗呢一間餐廳食啦我哋嗰日都嗌得唔算特別多因為胃口唔係好大同埋都純粹想搵個地方傾吓計佢嘅焗蠔做得好出色 蒜蓉味好香 生蠔都幾新鮮 唔會好腥牛舌好好食 除咗夠厚之外 調味料都幾合適 價錢來講都幾抵食！呢一個紫薯餅 紫薯味好出 而且炸完之後唔會好油 都幾大份 食完之後一定夠晒飽最後仲嗌咗佢兩款甜品 佢嘅芝士蛋糕食落口好滑身 就唔會過甜 最重要係佢無論擺盤或者服務都好好！

紫芋甘粟餅 份量充足, 炸得好香脆, 入面有少少碎粒粟子, 唔會太甜好飽肚!有驚喜!厚切牛脷串燒 牛脷啖啖肉, 好爽, 味道正!蒜燒生蠔蠔好肥美，好重蒜味, 醬汁仲有少少辣, 好惹味!戀火壽司拼盤三文魚腩，大吞拿魚，和牛，帶子，油甘魚，劍魚腩，甜蝦，北寄貝，磯煮鮑魚，海膽，花之戀，三文魚腩魚生好新鮮, 油脂豐富，入口軟嫩, 特別係大吞同油甘魚!鮑魚厚肉醬汁美味, 帶子都好出色!壽喜燒鍋平身鍋物係無跟主食, 想飽肚又可以吸收湯底精華, 加烏冬係明智之選!配菜份量充足, 冬菇豆腐芋絲仲有娃娃菜!甜品亦意外地出色!!紅豆綠茶小丸子綠茶雪糕糯米滋配上海量忌廉同紅豆! 幾特別!芝士蛋糕唔會好漏, 軟硬適中! 好味!

約左阿妹放工去旺角行街食飯，朗豪坊附近一帶又好行，食店選擇又多，記得🤔38廣場果間 「一休日本料理」 價錢親民，食物質素又好。 打開餐牌，好多選擇，刺身、壽司🍣、卷物、沙律、燒物、鍋物、飯類、拉麵、揚物樣樣都有😋。 🥢先order我同阿妹都最鍾意嘅刺身盛盒，刺身部份全部都係厚切，口感極之豐富😋，尤其厚切三文魚腩，紋理清晰，油花豐厚，入口油花四濺，味蕾大大滿足；海膽完全冇腥味，鮮甜又creamy ；赤蝦大大隻，蝦頭蝦身緊緊連接，非常新鮮，入口爽脆鮮甜。 🥢牛肉喜壽鍋，牛肉鋪滿成個鍋面😆中間仲有好多配料，有蛋，什菜，什菌，豆腐樣樣有齊，湯底咸中帶甜，味道balance得好好。 🥢鰻魚蒲燒，又係厚切，真係啖啖肉，鰻魚面層燒得焦香，入邊肉質爽彈，連個燒汁都好正，稠密帶甜香醬油味，如果有碗白飯撈埋個汁就正啦🤣。

一休日本料理位於旺角最旺區，附近又有朗豪坊，食完又可以行下街，一舉兩得😃；最緊要係一休價錢親民好貼地，質素又唔差，所以都深得好多fans熱捧架👍🏻。食店地方算好大，坐位舒適，乾淨企理。先點個刺身拼盤😋，三文魚腩、劍魚腩、吞拿魚腩、赤蝦同海膽；海膽一啲都唔腥，又冇苦澀味，入口都好順滑，夾埋紫菜一齊食好夾；劍魚腩肉身呈白略帶淡粉紅，色澤光亮，好新鮮，肉質柔軟脂肪多，鮮甜但一啲都唔會膩；吞拿魚色澤好紅潤，原全冇脂肪嘅部位，中間略有些少根，但魚味極濃；三文魚腩油花分布均勻，油花甘香，全部刺身都係厚切，口感一流👍🏻。什錦天婦羅🍤，炸漿唔厚，外層卜脆，最鍾意係海蝦，又大隻肉質又爽脆；仲有一個好大驚喜，金菇天婦羅，造型好似一把大葵扇🤣，入口脆到不得了，口感極似炸麵😆，好香口。

好耐冇食日本料理，呢間餐廳價錢黎講都幾抵食🥰🥰，而且好多款色，菜單有成本書咁厚😌😌唔同種類都有，例如唔同款式既刺身、壽司、卷物、鍋類、飯類、拉麵、小食等等😋😋真係大部份日本名物都有☺️☺️🥢黑松露三文魚沙律一黎就叫返個前菜沙律做開胃菜，一層層既黑松露醬鋪係三文魚上面，開胃又好食👍🏻呢個仲係當中既推介黎架😎😎🥢海蜇軍艦壽司 $24海蜇好滑身，一啖就啜左落口😝😝咬落去又爽口又多汁，好好食😍🥢火炙芝士帶子壽司 $18火炙後，好香芝士味出哂黎🥺🥺好香口😻😻夠哂入味🤩🥢三文魚芝士卷 $52有兩款壽司，一款係紫菜、另一款係魚子。每款各3款，當中入芝士粒同三文魚粒😌，食得出好新鮮，而家味道都好夾😚🥢一休炸雞球 $58真係冇諗過呢個價錢都咁大份，佢啲雞肉好滑色，而且仲冇咩炸粉☺️☺️🥢牛肉壽喜鍋 $65+烏冬 $16如果覺得就咁食鍋有少少dry，可以加個烏冬撈埋落去，睇落又大份啲，而家仲好飽肚。壽喜鍋湯底湯郁😋😋忍唔住係咁飲湯😛。配菜仲有好多片牛、野菜、豆腐、金菇等等😚，材料豐富😍

今日約咗好耐冇見嘅朋友食lunch，佢話d湯鍋幾抵食，所以我就同佢去咗食。我哋叫咗少少壽司、一份雞翼同埋一個鍋share。火炙芝士帶子壽司（$18）佢呢個芝士味幾重，帶子都幾鮮甜。明太子雞翼（$48）我好鍾意食釀雞翼，因為入邊成日有驚喜，今次食咗明太子，佢有粒粒辣辣嘅明太子，雞翼食落去都幾嫩滑，而且有明太子既辣好夾！火炙厚切三文魚腩壽司（$22）依家大個唔係好敢食好生嘅嘢，所以就叫咗呢個火炙壽司，佢啲三文魚腩又幾肥美！油脂豐富，好幸福！火炙黑松露珍寶蝦壽司（$30）有黑松露好高貴，個蝦都好鮮甜，而且肉質都幾厚身但係爽口嘅！蕃茄濃湯海鮮鍋（$72）聽到隔離啲人話叫鍋，我估依度嘅鍋都幾出色，所以就一於叫下！個蕃茄鍋嘅蕃茄味好濃，而且佢有用真蕃茄去煲湯，而海鮮都好多種類而且好多！最驚喜係有三文魚，食落去仲有油脂，覺得好好味😋

呢間餐廳已經係第二次幫襯，因為估唔到旺角會有價錢咁親民既日本居酒屋。佢係朗豪坊附近，地方超闊落岩哂成班人聚會。佢用手機qr code落單，好方便唔會漏單！最緊要價錢一啲都唔貴，點左香芒乳酪松葉蟹卷，有六件，入面有炸蟹卷，配埋芒果好香脆。在要咗三色魚生飯，有三文魚、吞拿魚同魚刺身，都算新鮮，一次過滿足晒咁多個願望。黑松露三文魚沙律，有好香濃既黑松露醬，原來配埋三文魚又幾夾，大大粒，好抵食。最後要咗蕃茄濃湯海鮮鍋同蒜燒茄子。個蕃茄湯超級推介，真係好好飲，清甜既蕃茄，唔會過酸，入面仲有唔同既海鮮，蝦、青口等，好開胃！個茄子都燒得好香，佈滿蒜頭，非常惹味。咁多野都只係$300，呢間簡直係糧尾恩物。