一休(居食屋)日本料理 (38廣場)

營業中

休息中

早咗放工，又未到晚飯時間，就和同事到公司附近食返個小午餐咁，見佢樓下餐牌的選擇頗多，於是就入去試下，一入到去，環境佈置到好似去咗巨大化居酒屋🏮好有日本氣氛，坐位亦十分闊落餐牌上的選擇如樓下所見十分多，可以大家滿足不同的喜好小食方面就點咗黑松露三文魚沙律，黑松露薯條，吉列廣島炸蠔，燒牛舌佢的黑松露三文魚沙律味道不錯，三文魚角頗新鮮和每粒都厚厚實實，不過份量偏少，一人小食份量佢的薯條係少見的薯角，超好食😋，佢的黑松露醬多到可以點埋炸蠔，變黑松露炸蠔，超好食😋 佢的牛舌亦ok 厚身，唔會硬牛油果軟殼蟹卷份量頗多，每件都食到牛油果和軟殼蟹，一口份量，可當正餐食都夠飽佢的辛辣黑豚肉拉麵唔會好辣，譚仔三小辣表示可接受😂豚肉煮到好軟熟，肥瘦適中整體價錢水平👌

約朋友晚膳去了旺角山東街38號38廣場1樓 一休(居食屋)日本料理。室內環境寬敞，裝修擺設很日式，清潔舒適，服務員禮貌招呼，菜譜款式很多，應有盡有，而且地點適中，交通便利，約朋友食飯極之方便。1. 鰻魚炒飯$88日式珍珠飯粒味道極佳，粒粒分明，肥美嫩滑的鰻魚粒配上洋蔥粒、甘荀粒、蛋絲、蔥花，鑊氣十足，好食。2. 牛油果軟殼蟹卷$58紫菜飯糰包著脆脆的軟殼蟹，卷上一塊厚切牛油果加以蟹子和沙律醬，非常滋味，一碟六件，抵食。3. 牛肉豆腐鍋$65熱騰騰上枱，鮮甜湯底充滿牛香味，牛肉鮮嫩多汁，鍋內還有京蔥、芋絲、鮮冬菇和香濃滑豆腐，抵食。4. 雞皮餃子$58餃子炸至外脆內軟，餡料飽滿，很有特式，新鮮蔬菜伴碟，配上特製醬汁，一隻接一隻，美味。

疫情后就没堂食过这家日料了，现在一周唯一的一次堂食机会就留给这家实惠的老日料店啦。点了两个午式套餐，一个虾卷配乌冬，另个一个是番茄三文鱼腩锅配，每个好像才60上下，套餐还不需要加一还外加了三文鱼腩刺身，火炙芝士炸蚝卷，烧三文鱼头，明太子鸡翼，蒜片牛肉粒，小食刺身料理等有加一。这次点了好多三文鱼，大补omega3了。点了这么多，一餐总共也才440多，吃的超级大满足。餐厅人不多，希望能在疫情下撑下去。

喺聖誕節之前就食過佢嘅晚市，佢每道餸都性價比高，高質嘅質素賠償平民嘅價錢，絕對值得一試嘅嘅居酒屋，就係位於旺角其中之一間餐廳。第一道餸就係鐵板牛油煮帶子，有五隻大嘅帶子食起上嚟非常爽口又有帶有牛油嘅香味，簡直係啖啖肉，又好有彈性，配以一些日本小蘑菇，中和一些油膩感。第二道餸就係日本燒餅，佢煎得好厚身，配上八爪魚丸嘅醬汁，相當惹味，而且又夠相當飽肚，冇得去日本都食返呢道餸以解思鄉之情。第三道餸就係燒三文魚沙律醬壽司，呢個配搭係非常之好味，不過如果少啲沙律醬會更加好，燒三文魚恰到好處又唔會太熟又唔會太生。第四道菜就係炸蝦牛油果壽司，呢個出奇嘅配搭異常好味，可惜又係有太多沙律醬，其實只要少少點綴就可以啦，炸蝦香脆可口配以牛油果清新嘅口感，意外之愛嘅好味。

麻煩的病毒又殺到來香港，又沒有晚市堂食了，加上整個星期都要上夜班，趁今天早收食返夠本。在旺角多數都是食放題燒肉/邊爐，今天轉下口味食日本料理。以前光顧過青衣的分店，印象很好。開到來旺角看看有什麼變化。環境企理左，座位也舒適了，很寬敞和乾淨。而且改了掃碼落單，很有效率的方法。日本料理要食嘅當然係刺身。講真食過咁多款刺身魚類/貝類我都係最鍾意三文魚，所以叫個三文魚腩。果然不錯，肥美得來咬到裡面有結實爽脆的口感，三文魚獨特的鮮甜味道當然少不了。整塊都很滑溜，一點渣都沒有。再來北海道生蠔，尺寸不小。一口滑下去，慢慢咀嚼，蠔味在口腔擴散，差點想食埋朋友那隻。食了兩款新鮮的冷盤來吃一點溫暖的東西，咖喱飯是很好的選擇。咖喱汁和牛肉的香味好夾，而且天氣轉涼再加上吃了刺身，日式咖喱剛好起暖胃作用。這間有埋串燒食，肉類吃得夠多，今天就試試蒜燒茄子，很考技巧的一款燒物。也都燒得很不錯，整體燒得熟和入味，入口軟綿綿。用來送飯一流。連皮都能輕易分開，可以一截截地吃。再叫個甜品，芝士蛋糕。外表雖然平平無奇，但有多層的構造，有濃郁的芝士味和綿滑口感，也有蛋糕的鬆軟。不知道要多久後才能再吃堂食了，理所當然的事情也得來

今日去到旺角朗豪坊附近食一間好抵食嘅居酒屋,餐廳位於38廣場1樓，環境闊落，都坐得幾舒服。餐牌嘅選擇都多，而且好平除咗刺身、拉麵、丼飯，重有好多款小食，配清酒就啱曬, 價錢最平四十幾蚊起,嗌得多啲都唔怕肉痛,最緊要用餐時間六點前都唔會落場,大家想知有咩食快啲睇啦!刺身拼盤新鮮又鮮甜                       煎餃子 軟殼蟹天婦羅 黑蒜油蝦拉麵 吉列豬扒拉麵  炸雞軟骨 廣島蠔捲物     

一進店帶位男職員問：「用安心出行定寫紙仔？」當時我已經show 咗俾男職員睇！之後個男職員就繼續再追問，然後我就答已經掃咗啦。咁佢就一路行一路用教訓嘅語氣同我講：「日本人呢就好有禮貌！問你就要答！」好啦！到坐低咗，佢都唔罷休，繼續雷：「呢度係食日本嘢㗎唔係茶餐廳唔係快餐店……」大佬我啱啱先睇完氣管專科，食餐晏啫，啲嘢又唔係好食、仲要比你哋教訓！點搞呀⋯⋯

清平樂，嘗新鮮尋尋覓覓，一休和尚店，尋得美味和食面，滿足食客兩件。鮮魚鮮蝦海膽，敢比燒鯖魚甜，茄子野菜雖鮮，鰻魚飯無珍珠。坐在一休日本料理裡，看着印刷精美的菜譜，眼花瞭亂，樣樣都想吃。兩個人一番商討後，終於選出五味大菜。刺身拼盤（松）😍檸檬燒鯖魚😍香燒鰻魚飯😍孜然燒茄子😍豚肉炒野菜😍期待着大餐時，喝口綠茶，清心靜氣，可惜水不熱，茶不香，有些失落。幸好大餐很快上桌。新鮮甜美的刺身海膽，蘸點介末醬油，厚厚一片放入口中，鮮甜美味，滿足每個活躍的味蕾。😋燒鯖魚更出色，新鮮油亮的鯖魚，擠些檸檬🍋汁，伴隨羅卜醬油，簡直是此物只應天上有，人間只能找一休。太好吃😋好吃。美中不足的是燒茄子的孜然味太濃，蓋過了茄子的鮮甜味，浪費了一條漂亮的茄子。希望下次吃到更美味的茄子😘。

慶祝聖誕又唔想比人gur到一頸血，食日本野就係一個好選擇！呢間餐廳我都食過唔少次，勝左質素唔錯，價錢係可以用「平」黎形容，聖誕怕洗多左又想食好D就決定返黎食呢間呢度嘅食物選擇都算多，黎食過幾次都仲有唔少野未試過，唔怕叫黎叫去都係個幾樣～整體而言呢度嘅食物份量唔算大，但勝左性價比夠高，就算糧尾都可以食好野！大阪燒四十幾就有一件，雖然稱唔上係好大件，但都絕對抵食！食大阪燒個醬汁係重點，一唔夠醬就搞唔掂，而呢度比醬就完全冇慳住比～想慳慳地又想食壽司，就揀個壽司拼盤（花），$138有11件壽司，抵到爛！雖然花拼盤係最basic嘅一款，裡面嘅壽司都係最basic嘅款式，但質素都唔差嫁，刺身係新鮮嘅，見到色澤就知呃唔到人，吞拿魚嘅顏色幾正仲有三文魚腩夠肥美唔少得就係我最愛嘅蕎麥麵! 唔知點解依家周圍要揾冷蕎麥麵食好似都唔係咁容易，一見到就梗係唔可以放過就咁蕎麥麵沾醬汁黎食就已經夠晒好食，不過今次嘅蕎麥麵就煮得稍稍稔左少少，如果可以硬身返少少就會更爽口！天婦羅有2隻炸蝦，茄子同埋南瓜，炸粉唔會太厚，不過可以炸得再脆身D 

👎🏻👎🏻👎🏻服務態度超差！叫嘢食嘅時候仲衰過茶餐廳🍴嘢食你都覺得一般！喺旺角大把選擇真係唔會再去！買單嘅時候好似想講你走咁！超級 bad list 👎🏻👎🏻👎🏻諗住食餐開心飯搞到好掃興！

臨近聖誕都係時候去吓shopping，睇吓有咩裝飾添置，更有Christmas and New Year氣氛。行完朗豪坊經過一個大門牌掛着一休日本料理，居食屋- 聽落食物有好多選擇。睇吓個Menu食物有刺身、壽司、炸物、鍋物、飯烏冬。就決定上一樓食返餐。位置都好過私隱度，坐低之後唔會望到隔離。order 芒果蟹子沙律同 salmon sashimi, 嘩三文魚腩好厚切! fresh and 口感飽滿。另外劍魚腩壽司同鯛魚壽司，鯛魚嘅魚身相對淡味一啲。魚湯什菜鍋個魚湯底都幾濃，全個奶白色，冬菇，旺菜，大蒜吸晒魚湯都幾入味。再配埋三文魚頭，燒得脆脆的，今晚好似食咗個全魚宴。差少少澱粉質，所以叫埋大阪燒，有我至愛嘅BB沙律醬同堅魚絲。飽到要散吓步先可以回程返屋企。

現在臨近聖誕節，又係朋友聚會時刻，到處開始不少餐廳預訂，想食得開心些又不會太貴，小昇有朋友介紹旺角一休居食屋日本料理，七點上去竟然有位，太好了。坐下來有店員提供QR code掃一掃即可點餐，我地叫左幾樣野和飲品香芒乳酪松葉蟹卷一碟六件，件件壽司外面有芒果包裹，裹面有松葉蟹肉，口感酸中帶甜，味道唔錯蒜片牛柳粒呢個蒜片牛柳粒上桌時聞到一陣蒜香味，洋蔥墊底，幾粒牛柳粒煎得好香，出奇又唔會好鞋，肉質好嫩滑和軟身一休海鮮沙律大大碟沙律係第一碟上菜的，佢叫得海鮮沙律包括三文魚粒，油甘魚粒和吞拿魚粒，加上一些沙律菜和車厘茄，，加上醬汁撈一撈，口感清新，唯一缺點就係太大陣草青味，感覺不多好火焰三色卷一聽就知用左三種去做三色卷，分別係三文魚，吞拿魚和帶子，每種有兩件，經過火灸後，壽司原來凍凍地帶點暖，外面加上沙律醬，咁食就可以食到每種既味道口感，不過沙律醬太多，有點搶走啲味火灸黑松露帶子壽司朋友話想試下佢，咁叫左兩件，一人一件食試下啦，呢件真係唔錯，一件帶子壽司經過火灸，帶出香味，再配上黑松露，倍感香味，唔錯，下次黎多次一定會叫荔枝果味梳打和菠蘿果味梳打呢個就係我地叫既飲品，冇咩特別

去開旺角做嘢，朋友帶我嚟呢間佢平時成日嚟食嘅日本餐廳。餐廳位於38廣場1樓，環境闊落，都坐得幾舒服。餐牌嘅選擇都多，而且好平除咗刺身、拉麵、丼飯，重有好多款小食，配清酒就啱曬～三文魚親子飯　$98三文魚籽大粒飽滿，一咬就爆出濃郁嘅魚籽香味；三文魚份量大方，魚油豐富，成個飯唔洗點落醬油都好夠味。豬軟骨拉麵　$68豬軟骨有好多嚿，大大嚿啖啖肉，煮得好腍好入味；湯底都好味，唔係味精湯，唔會太鹹，食完唔會覺得口渴～隻蛋係溏心蛋嚟醃得好入味好好食！日本室津蠔　$64隻蠔好新鮮，入口creamy，重好有海水味，正！北海道忌廉紅豆綠茶小丸子　$38忌廉＋紅豆蓉＋綠茶雪米糍，呢個組合冇得輸，層厚厚嘅忌廉口感又滑又輕盈綠茶雪米糍有五粒，連糯米個皮都係綠茶味

今日約咗朋友去旺角行街，行咗一陣想搵嘢食，朋友問我想食咩，我當然最想食鍾意嘅日本嘢，佢就帶咗嚟呢度山東街38廣場1樓一休日本料理 上到去舖頭裝修都幾好日本feel，而且全部都係卡位坐得比較舒服。呢度落單好方便用QR code掃自己可以點食物 蟹子沙律份量都好多，而且沙律好新鮮，清甜爽口，配埋蟹籽一齊食真係正。三文魚肥腩刺身 三文魚腩好肥美加上厚切令到口感特別好，而魚腩嘅脂肪令到三文魚更加鮮甜爽口。甜蝦刺身 甜蝦比較大隻，肉質新鮮，口感嫩滑，而且非常爽口彈牙，鮮味十足。牛肉壽喜鍋 材料非常豐富，一片肥美牛肉裹著少許蛋汁，微甜嘅湯底濃郁嘅肉香停留喺口腔，加上其他配菜嘅味道，味道層次好豐富。火焰芝士赤蝦壽司 芝士同赤蝦味道非常之夾，鮮味中帶點芝士香味，正醬油七味燒左口魚邊壽司 魚邊肉質肥美飽滿，入口味道濃郁，滑溜軟嫩。岩石燒魷魚，魷魚上枱嘅時候仲係熱辣辣，而且味道非常之香，火候調節得啱啱好，魷魚非常彈牙爽口，味道鮮甜，配上特製嘅醬汁，無論口感同味道都令我着迷。

今日約咗朋友去旺角行街，行街行到攰就喺附近搵嘢食，最近想食吓日本嘢，上網睇到這間一休日本料理，有很多人推薦，就決定這間，入到餐廳店員很有禮貌招呼我們，細看周圍環境，這裏裝修很有日本風格，地方寬敞，空間感十足，而且乾淨，細看餐牌，有很多選擇，每一樣我都很想食，餐牌上有壽司之外，亦都有不少嘅熟食同刺身選擇。我叫了一個鰻魚飯，原條的厚身蒲燒鰻魚，啖啖肉之餘又不會乾身，最重要係吃不到任何魚骨，吃一口，鰻魚魚油豐富，魚油甘香的味道在口腔內徘徊蟹子沙律，表面橙色的蟹籽，入口卜卜脆，加上爽脆清甜的青瓜絲，入口清新三文魚腩刺身，十分厚身，一入口，口感嫩滑爽口，油脂豐富，在口腔內越食越出味，魚油慢慢的滲出來，食材新鮮👍三文魚子，入口卜卜脆，豐富的魚油，鹹鮮的味道，