どストライク軒 (已結業)

又一間拉麵過江龍✨ 今次係來自大阪嘅三十年老店，主打雞白湯拉麵，而其特別之處同其他雞白湯拉麵相比之下口味較清淡唔死鹹，但又唔代表佢地個湯底稀，個湯依然好濃有稠重膠原，正宗係濃而不膩✨而我叫嘅係蜆松露鹽味，多咗陣鮮味更清爽，至於松露味唔太覺但層次感更豐富，麵質就幾彈牙，雞肉叉燒就正常我會比較喜歡豚肉叉燒，半肥瘦好厚身，而蛋就夠流心不過冇醬油味純蛋味😗個人覺得佢地個明太子豚肉撈麵，麵質比拉麵粗身兼較軟腍，然後有大量明太子青蔥紫菜碎，加埋溫泉蛋撈勻超香口✨另外佢地仲可以加錢轉套餐，除咗蛋罐汽水之外介多咗嘢食，上至小食下至飯食都有，小燒豚肉飯同樣有蛋黃可撈，豚肉同洋蔥一齊炒過帶鑊氣✨私心推介佢地炸雞，新鮮即炸夠熱度，炸皮夠脆夠輕盈，雞肉嫩滑咇汁，必點！❤️仲有我哋研究咗佢啲燈籠好耐，每個燈籠嘅樣都唔同，唔知係咪手畫嘅呢？🤣

去完東南亞食完刺激的異國風味食物，特別想念日本溫和的美食。是晚放工和朋友到新開的どストライク軒Strike noodles，是大阪有名的雞白湯拉麵店。分別叫左一個拉麵一個沾麵試一試佢。白湯蜆松露鹽味拉麵：白湯濃郁但不會過咸，帶淡淡的松露調出香味，蜆帶殼非常新鮮，真係想食多幾隻，雞肉是雞胸肉質較實但有彈性，雞蛋冇用醬油醃，流心的，唔通係大板特色？整體比起尖沙咀其他多人排隊麵店的拉麵好食。特製鹽味湯沾麵，似好味既周打魚湯，湯汁濃厚杰身，鹽味十足，沾上粗身既麵味道剛好。另外加左雜菜同豚肉醬汁燒，豬肉同洋蔥都很惹味，肉質嫩滑帶些少肥肉，很肥美甘香呢。呢間拉麵點仲有各色日本汽水，櫻花可樂出奇地好飲，係可樂糖味既汽水，好神奇丫。提子汽水則有淡淡清新既提子味，都好好飲。發掘到呢間拉麵，下次又可以帶拉麵控既朋友黎食啦～

どストライク軒 雞白湯蜆鹽味拉麵.久違吃不完的拉麵😟 雞白湯聞時芳香 但喝下雞味不濃 且油! 蜆大隻無沙 但可惜沒什麼味道 更不要談論它能否為湯底帶來額外的鮮味😶直麵條質感不會軟軟的 但不能掛湯 因此麵還麵 湯還湯～ 雞叉燒很柴💀 唯一可取之處是麵量夠大 但多也沒用吧 不好吃所以吃不完🙈

前幾年有一段時間拉麵店不斷一間接一間的開張，全部清一色由日本遠渡而來，一時之間香港拉麵界十分熱鬧。經過一輪混戰後，這熱潮最近好像沉寂下來。冷不妨最近從大阪旅行回來，沒在當地吃甚麼有名的拉麵，男友告知尖沙咀開了一家大阪過來的拉麵店，便去嚐一嚐。雖然地址在尖沙咀，但佐敦走過去比較近。門面不大，是小小拉麵店。封面很有年代感、蠻有趣呢我跟男友超肚餓，便一人點了一個拉麵再加一個飯和飲品，好期待呢！店面是一貫拉麵店格局，再加上有店logo的燈籠，好可愛我點的豚骨湯底先來，一上菜，大大的溏心蛋非常吸晴，一咬下去蛋漿緩緩流出來，十分出色！湯底不算太濃郁，不怕油膩。麵條也很掛湯，麵條較為軟身，適合不喜歡硬麵條的食客。肉份量很大，味道也不錯。男友的湯底飄來陣陣黑松露的香氣，十分吸引蠻特別呢個人十分喜歡這個明太子飯。生蛋配上微辛的明太子，只是兩樣簡單的食材卻有很高的滋味，超級好吃總結味道不錯，價錢是中價位，有機會會回頭吃

Strike Noodle地點靜中帶旺，入座時間剛剛好是店舖剛營業，所以客人不多，但坐下30分鐘後已經有不少客人入座。相信是該處主流是食韓式食物，日式拉麵是比較新鮮的選擇。店內裝潢簡約，但地方算寬敞，坐位亦舒適。今天我點了一客特製鹽味沾麵($98)，白湯黏稠度剛好，入口不算太咸，麵是白身麵，掛湯能力不俗。叉燒肥瘦適中，而蜆肉味道很鮮甜。柑太點了白湯蜆松露拉麵，雞肉多汁且嫩滑，比起一般的叉燒，我更喜歡食嫩滑的雞白肉。而同樣有鮮甜的蜆肉外，麵身比起沾麵的更彈牙。額外點了一份炸雞($42)，有沙津醬及檸檬和胡椒等配搭，沾上醬汁入口非常惹味，而且雞肉外皮薄而脆，入口的油膩感不重。飲品點了葡萄梳打及薑味汽水，葡萄梳打入口清新。

來自大阪的拉麵店, 落戶在尖沙咀, 雞白湯十分有名, 日本食評網更獲得高分數, 見到這些資訊後, 已決定相約喜歡吃日本拉麵的朋友一試。來這裡一定是選白湯的拉麵, 所以我們選了01和02橫掃了兩款。野菜$12: 可能我想太多, 幻想這是炒野菜, 不過這價錢應該不會, 這是烚煮的野菜, 較清淡, 可加入拉麵湯吃, 也不錯, 吃多點菜比較健康。豚肉醬汁燒$38: 醬汁幾惹味, 豚肉薄片, 脂肪比例較大, 洋蔥都幾甜, 不容錯過。白湯蜆松露鹽味拉麵$98: 這一碗確是出色和我喜愛的拉麵, 有驚喜! 白湯似西湯的感覺, 濃稠但不會過咸, 合我口味, 可以一喝到底, 麵條幼直的, 軟硬適中; 叉燒外表像雞胸, 有趣, 是較瘦的部分; 蜆幾大隻, 無沙, 煮到剛好, 嫩嫩的不會太熟; 半熟蛋也控制得好, 好滑溜, 少少流心, 又已味付; 還有少許野菜, 十分豐富滿足的一個拉麵!白湯野菜醬油拉麵$88: 這個湯底的基底也是白湯, 混上少許醬油, 味道比較鹽味較重, 但絕不過火, 各有各風味! 兩塊叉燒大大塊, 肥瘦均勻。師傅忘了放蛋, 後來都補上了。

Strike Noodles is a newly-opened Japanese ramen restaurant situated near Jordan MTR station, just a short 10-mins walk will do.Pictures tell the story, the main attraction of this restaurant will be the use of clams as one of the ingredients of the ramen. And unlike most of the ramen restaurants out there, this particular menu item uses chicken breast instead of “char siew”🤩🤩 Even though they used chicken breast, but they are not dry and hard at all, still very tender in texture!!👍🏻Prices for th

香港好多拉麵店，更加有好多都係過江龍，想試匀哂都唔係容易既事，今次就揀左呢間來自大阪梅田既拉麵店，主打雞白湯而非豬骨湯。環境唔算近尖沙咀，比較近佐敦地鐵站，但都要再行十分鐘左右，位置唔算近鬧區，餐廳設計同普通拉麵店一樣，都有bar枱位可以望住師傅。餐牌選擇唔多，只有三款湯拉麵、一款沾麵及一款撈麵，另有小食及飯，價錢唔算貴。豚肉醬汁燒 $38用大量洋蔥炒香豚肉，醬汁係燒汁，十分入味，豚肉夠薄，炒到微微焦香，有咬口唔會韌同嚡口，配上洋蔥一齊食，好惹味，而且以$38嚟講份量好多好抵食，必點！追加溫泉蛋 $12比較水咗少少，蛋白唔太成型，食落冇乜味道，較遜色。追加叉燒 $15$15有兩大片，以香港普遍拉麵店嚟講十分抵食，叉燒偏厚實，遲瘦叉燒，無肥膏油脂，食落就會偏乾同肉質韌左啲，個人口味會鍾意半肥瘦，肉質腍身果種。白湯野菜醬油拉麵 $88招牌之一，湯底用鮮雞熬製多小時煮成，十分湯郁，再加上大量黑椒、蒜蓉以及醬油調味，呷湯底十分重蒜香但唔會過辣，比例岩岩好，因為係雞湯，比起平時冇咁油膩，唔會覺得死鹹。跟兩片大叉燒，中間有野菜、蒽，而麵係用幼麵，能掛湯，麵質正常偏腍少少。售價$88好足料(後尾先發

平時食拉麵都以豬骨，味噌或者鹽味湯底，因應日本唔同的地方，尖沙咀新開又一過江龍店，今次就去左食大阪嘅代表雞白濃湯底，估唔到感覺良好，先黎飲口湯味道濃濃雞味似幾十隻雞濃縮入碗湯內，而且試左佢地的推介拉麵添，重要這店不收加一的！入店內發覺好有日本拉麵店的格調。Menu頭兩位已經非常吸引了，放得第一二位，絕對係重點招牌推介，就要試試佢地。白湯野菜醬油拉麵 $88 叉燒偏瘦唔會好肥膩，流心蛋蛋味濃又香滑，睇介紹湯底原來係用日本鮮雞餚煮6小時，充滿膠質濃稀適中，還加上蒜蓉黑椒醬油等調味，加上大片紫菜同椰菜絲，非常出色。白湯蜆松露鹽味拉麵 $98未入口已經傳入陣陣松露味，香噴噴，同樣有一隻開邊流心蛋，大大隻蜆同雞肉，雞白湯加入忌廉，松露，蜆湯同番茜淆製而成，好濃郁美味呀！另外還左份炸雞，炸得雞皮香脆而雞肉仍然保持嫩滑多汁，睇表面估佢唔到的，帶點驚喜配沙律醬同胡椒鹽香蔥絲炒雜菜也只需$12 就大大碟 夠晒健康之選

近排特別愛吃拉麵，繼早前同老公喺中環試咗一間過江龍拉麵店後，這晚又再次出動，而今次嘅目標就是尖沙咀這間新開張的「どストライク軒　Strike Noodle」。其實來之前已經在網上看過報導，得知這間拉麵店是來自大阪梅田，在日本有 2 家分店，於當地食評網被評為 3.6/5分，甚具人氣。麵店位於柯士甸路 17 號豐樂大廈地下，店內地方不大，除了一列吧檯位外，就只有五張靠牆的雙人木桌和近門口的一張四人檯，細心一數，只有約廿餘個座位，如果坐滿人的話應該會有點逼狹。細看四周，室內沒太多花巧擺設，吧檯掛了一排日式燈籠，裝潢簡潔，甚有日本小店風味。拿起店員送上的餐牌細看，麵食選擇不多，除了有大熱的白湯蜆松露鹽味拉麵、明太子豚肉撈麥麵等款式外，還有香港分店首創限定的超BIG特製沾麵，另外亦有配品、飲品、拉麵套餐追加、單品同幾款日本直送的樽裝果汁梳打等。大魔王拉麵屬 3 人份量，只要一人在限時 8 分鐘內吃完，就可以免費，而且下次光顧會再送多該盆麵食，適合大胃王挑戰！我哋揀咗白湯野菜醬油拉麵 ($88) 和白湯蜆松露鹽味拉麵，另外再加咗一客小食同兩支梳打。白湯野菜醬油拉麵是店舖的招牌作，當然唔可以錯過，

跟朋友路經尖沙咀，發現來自大阪梅田的拉麵店在香港開了分店，主打雞白湯拉麵。鋪面貼了一張有趣的大魔王沾麵競食大賽，一個人只要在八分鐘內, 食完的話即免費，不能完成的則須付正價。我可自問沒有這種本事，還有我不太喜歡食沾麵。日式懷舊裝修，原木枱櫈、日式燈籠，很有地道拉麵小店感覺。拉麵款式不多，另外有套餐追加、單品及飲品等。點了白湯野菜醬油拉麵及白湯蜆松露鹽味拉麵，我的套餐追加了小明太子飯。野菜醬油拉麵, 配料份量十足，有紫菜、半熟蛋、叉燒、大蔥等。湯底用鮮雞熬煮多個小時，再加上蒜蓉、醬油調味。醬油味香撲鼻，相對於豬骨湯雖然淡一點，但口感鮮甜。細直麵條有咬勁，叉燒很大片，口感軟腍，半熟溫泉蛋，流心做得很好。蜆松露鹽味拉麵白湯直麵條配有大蜆、雞肉片、半熟蛋、蔥花、蔥碎。白湯加入松露、忌廉、蜆熬製。湯底香滑，而松露味芳香濃郁。雞肉肉質嫩滑，但整體口感較為清淡。套餐追加小明太子飯明太子味道鹹香微辣，加上半熟溫泉蛋，伴飯簡直是絕配。食慣豬骨湯拉麵，試試雞白湯拉麵，絕對是個不錯的選擇。

經常道，每當有新的、好吃的拉麵舖登場時，小弟都會第一時間走去嚐新....雖然店開了不久，但這來自日本的拉麵過江龍已從坊間累積了不少的人氣，在此留下了許多的好評。所以在來之前，我對這裡是充滿著期望的....食友們大讚的沾麵，小弟作為沾麵控又怎會錯過 ?這一客特製鹽湯沾麵，上桌時小弟登時也被它的份量嚇到。論麵與材料量，這絕對是足夠有餘，很扺食....說這是鹽味湯底，但我看來卻像是雞湯多些。味道比平常在外頭喝到的稀身及淡口，算是走清淡的一路....麵上面舖滿了切成幼條的叉燒以及小蜆，再加上大量的蔥粒以及半熟溏心蛋，在視覺上是嬴晒了....麵條沒有預期有的咬勁這一點倒是令我有點失望的；叉燒入口太乾，脂肪部份大多已冷變成白色黏黏的口感，在這樣底下狀況的叉燒自然是好吃極有限....溏心蛋是做得最好的 ---- 蛋黃紅噹噹甜汁四溢橫流，入口甜得很....這可是小弟近來吃過其一最好之作....蜆仔沒有太多的沙，但肉真的稍為瘦削了一點，這樣吃下去，甜度與咬口亦自然會遜色了....整碟沾麵就以蛋最出類拔萃，其餘的就偏較普通....在對之充滿期望的我而言，面對如斯的結果自不免是有些失落....

我幾時都話香港真係乜都有得食，特別係有唔少過海江龍都會揀香港開分店，希望香港永遠都會係美食界長存，咁我呢D為食豬就可以食完一間又一間拉麵怪今日食大板梅田過江龍，可能仲未係好多人知開左，所以唔洗係日本咁要排隊，舒舒服服行入黎都有得食，店內掛起的燈籠好有日本FEEL喔呢間拉麵店係日本拎過唔少獎，我無食過日本分店，所以對今次第一次食都幾大期望下午1:30-3:00呢個下午茶時間有得挑戰做大胃王，一碗3人份量的拉麵係限定內一個人食得曬就可以免費，如果你覺得自己超大食就真係要黎挑戰下午餐黎食會平D，係附近番工讀書既朋友就有福了靜岡蜜瓜梳打 ($28)飲番支日本直送飲品黎襯拉麵，令自己置身日本食野一樣枝豆 ($22)、野菜 ($12)呢度既小食同配菜好抵食，只係$12就有一大碟炒野菜，建議大家點都要叫番一碟黎食下炸雞 ($42)炸雞熱辣辣即炸，沾上檸檬汁同沙律醬一齊食就無咁熱氣得黎又惹味特製鹽味湯沾麵 ($98)沾麵用左比較粗身既麵條，咁就可以容易沾上多D麵汁，凍麵令麵身更有咬口，豚肉切成條狀而唔係一塊塊，更容易浸入湯汁度食，鹽味湯唔會好鹹，少少杰身，麵條浸完味道岩岩好白湯野菜醬油拉麵 ($88)

呢間新開張嘅拉麵鋪，係來自日本既過江龍，據聞日本tabelog有成3.4至3.6，簡直令我呢個拉麵迷心郁郁。可能因為新開張所以冇乜人，完全唔使排隊，起碼唔洗等食等到忟🤣拉麵都剩係得果幾款，唔想唸直接叫店員推薦，叫咗一碗白湯蜆松露鹽味拉麵，一碗特製鹽味湯沾面。飲品選擇就好有趣，生果梳打一律$28一支唔想叫飲品出面有個自助水吧點餐後一個字內，沾面已經呈上，配料豐盛，稍嫌沾麵用既湯頭較細碗。拉麵同沾麵最緊要湯底，一啖湯頭入口口腔立即溢滿雞骨既味道，好飲，雖然係鹽味但你唔會飲到渴喉！雞味確實濃郁，只係上枱嗰陣都唔夠熱同杰去浸透麵底同掛湯。記住要搞勻d湯先好沾麵，唔係鹽份沉係底你會以為湯汁有d淡味。拉麵湯底雞味相較淡口浠身，但黑松露味勁出，配料既雞肉片好重雞味幼麵煮得岩岩好半透明質感，麵質又夠滑掛得起湯汁，果然冇推介錯岩岩提過既果汁包裝精緻，密瓜味有d假伏伏地，但蘋果梳打唔錯，可能因為果汁濃度較高唔夠喉叫多個枝豆，上碟暖温，一般水準。蔬菜係烚熟一d油份都冇，非常健康，本身取材夠靘爽甜清新，平均下濃厚既雞湯拉麵。

尖沙咀有一間日式拉麵過江龍，整體環境都很有日本氣氛，餐牌價錢適中選擇亦多，除了拉麵之外亦有沾面可供選擇。我們就每樣都試一款。白湯蜆松露鹽味拉麵$98鹽味帶有比較清新的鹹香，而且湯味道也是比較鮮味的，蜆肉比想像中大粒一些，反而松露的味道就比較淡。裏面嘅配菜亦較想像中多！特製鹽味湯沾麵$98這個鹽味湯的味道比起拉麵的濃郁得多，見到材料十分多，而且面也是比較粗身的，食法不同。追加溫泉蛋$12 可惜來到的時候已經穿了,如果是完整的朋友會更鍾意,不過我就沒所謂。信州蘋果梳打$28靜岡蜜瓜梳打$28另外加多兩款日式飲品，夏日透心涼。