たまご園 (奧海城二期)

營業中

休息中

餐廳裝潢圍繞着雞蛋主題十分明確的確會吸引人停低了解下餐廳係食咩架呢Tamago-EN嘅蛋由沖繩農場直送雞蛋成分天然無激素經過UV殺菌工序可以安心生吃即管今晚試試佢🍣三文魚🥚TKG生雞蛋拌飯🍚 $65蛋白發至蓬鬆軟嫩，成舊雲咁，好特別，食之前都可以有視覺享受，生蛋黃呈橙色係舊雲中間好搶眼，加埋日本醬油及飯素落白飯拌勻泥吃，十分滋味，真係值得一試，推介👍🏻🐷🥚吉列豚滑蛋丼 $88滑蛋真係好滑，拌飯一齊食好夾，拌埋些少柚子胡椒落飯到食，少少辣味但好惹味，重點係厚厚嘅吉列豚肉質軟淋，好好食👍🏻📍Tamagoen🔎奧海城2期UG51號舖

Bacon and Mentai Cream Spaghetti with slow cooked egg 煙肉明太子忌廉意粉（配慢煮蛋） (HK$78)Pork Cutlet and Egg Don滑蛋吉列豚丼(HK$88)Rating: 4/5 ⭐ @tamagoen_hk 餐廳最出名喺佢嘅日本蛋，同其他蛋唔一樣，味道唔腥，有淡淡蛋香，好啱撈飯同麵一齊食。佢嘅明太子意粉好creamy，口味偏甜，比較喺日式西餐嘅風味。加埋芝士粉同香草喺半熟蛋上面一齊食，認真唔錯。滑蛋吉列豚丼就普通啲，但都算炸得脆口，比較特別嘅係鋪喺表面豬排上面嘅蛋係半熟嘅，會見到透明嘅蛋白。 餐湯喺蕃茄湯，好酸，未必個個鐘意，不過夏日炎炎，都幾開胃。The restaurant is famous for their eggs from Japan which don’t give the fishy smell or taste like other eggs. It is so flavourful that you should have it raw with rice and noodles. The c

喺附近食完晚餐經過見到最近啲分店開得好快次次經過都要排隊 可能過咗食飯時間冇乜人見淨係要等兩張就照等啦白桃梳乎班戟好高質喎 一嚟個擺盤已經好靚絕對要相機食先好鬆軟 好香桃味隔離嗰啲桃水果 唔知係咪罐頭 但係好味多汁嘅提拉米蘇梳乎班戟感覺上份量大過白桃嗰個呢個都好好食喎 個人鍾意呢個多過白桃可能因為我鍾意朱古力啦一樣好鬆軟 入面仲有啲類似Oreo嘅餅加埋旁邊嗰啲醬汁 一流黑糖珍珠老實講 真係未飲過咁難飲嘅黑糖珍珠。。。嗰種甜 係好似直接飲糖漿咁珍珠口感正常OK嘅

今日黎到奧海城專門食雞蛋料理既Tamago-en食lunch~午餐時段唔洗加錢就有沙律同餐湯，其他時段就要加$15~ 餐湯仲可以揀日式麵豉湯同番茄湯~主食我就揀左<宮崎和牛漢堡配太陽蛋> Tamago-en既雞蛋都係自沖繩既，蛋黃好大隻😍 不過我睇相揀既時候以係用鐵板上，點知原來只係普通黑色碟🤣 不過佢menu真係無寫鐵板，只係我自己誤會左🙈 塊漢堡好軟綿綿，唔洗點咬，仲幾juicy🤤 伴碟重有蕃茄，西蘭花，沙律菜同薯條，如果男仔唔夠食仲可以加錢加個白飯~

色彩似幼稚園或兒童圖書館，營運像是新派快餐廳，定位為日本式雞蛋主題西餐廳。食品定位是約88元另加一費，凍飲品是38元另加一費。即每位150元消費，屬廉價的餐廳。黃橙綠的三色童裝，令人舒暢和青春。裝修新淨，比同系其他分店開揚。嚐了吉列豬扒滑蛋丼，有點兒偏甜。蛋汁不多，影響了米飯的和味程度。菠蘿梳打和蘋果苿莉花茶色彩美。提拉米蘇梳芙里是彈力強，但很快便塌陷。空氣感太強，但價格低，不苛求了。服務很好，很「底」坐的「快餐店」。最美的快餐店？

去左幾次大角咀奧海城，見呢間日本嘢都裝修得唔錯！搵個機會入去試食！阿仔肚唔舒服，幫佢叫咗個親子丼，親子丼好大碗，大碗飯到一個小朋友一定食唔哂！見到啲蛋有洋蔥，同埋啲蛋有啲未熟。咁我要求整番熟，佢哋服務都好好！ 冇話托手踭 ，肯幫我哋整番全熟蛋，同埋願意接受我哋意見，下次可以試下問客人要唔要走洋蔥， 因為有啲客人唔食洋蔥。另外我同老婆就叫咗個海鮮飯，另外叫咗個碎蛋三文治。甜品叫咗一個士多啤梨同埋原味pancake。幾好唔錯！

餐廳名會令人以為係來自日本，但其實係一間新加玻既日式餐廳。從裝修佈置就知係一間以雞蛋為主題既餐廳，所以如果係雞蛋控既朋友仔，應該都會覺得幾吸引。餐廳標榜用日本沖繩直送新鮮雞蛋同日本米，令客人食得更安心、放心。😋🥢 明太子三文魚忌廉蛋包飯明太子忌廉汁一定冇得輸，濃郁奶香味配上明太子既鹹香味，小小甜甜地，味道非常吸引。而三文魚大大件，咬落仲有魚油滲出。雞蛋炒得好滑唔會過老，而入面係有色飯已調味，仲有雞肉粒，口感豐富。整體非常唔錯 😋🥢 Tamago-EN親子丼賣相就同普通親子丼冇乜分別。雞肉好滑唔”鞋”口，都算大件juicy，而雞蛋有小小驚喜，碗中除咗有熟咗既蛋之外，仲有液態狀既蛋撈落飯到食，可以品嚐到日本蛋既香滑蛋香味。而配菜既洋蔥亦都好甜。🥢 大阪燒風八爪魚捲其實只係蛋捲入面有八爪魚，而上面加咗大阪燒既醬汁。幾有創意，但感覺冇乜特別。

整體上食物都幾好食，牛肉腍，有味飯，蛋味香，薯條overcook。但唔係太特別，唔値呢啲個價錢。中規中矩。餐廳環境幾好。疫情期間唔算多人食，服務態度都可以接受。

下晝約個久違了既朋友仔去食個Tea傾吓偈，本身諗住去元氣Tea，點知「佢」變緊身做「高速線」超人（裝修ing」，所以搵左間坐得舒服，但唔多人既Tamago-EN HK たまご園嘆個下午茶。。。叫左個士多啤梨疏乎里Pancake + 南蠻炸雞薯條+炸蝦跟熱檸茶同可樂走冰。。。嚟左一罐可口可樂跟紙飲管，正常人既飲法。。。紙飲管插入可樂罐內，離奇事發生嘞。。。罐可樂居然自己嘔泡。。。繼續嘔泡，連飲管都嘔泡。。。😱😱😱😱嘩！嘩嘩！化學作用？通知啱啱行過既男Waiter，叫佢「欣賞吓」呢個壯觀噴泉情景，佢態度唔多好，跟住話：「同您換過啦」。。。個男Waiter扐住罐可樂噴泉走去個茶水Bar位，擾讓一輪之後，攞過另一罐可樂嚟，跟住同我講：「我幫您開吖。。。」（好明顯表現出話我玩嘢啦😌）我話：「好呀」。。。佢開完罐可樂後即刻走左，我又重新。。。拆紙飲管包裝又插枝紙飲管入去。。。過兩秒，罐可樂又變左個氣泡噴泉。。。又叫番頭先個男Waiter。。。今次佢好平靜咁話：「係咁嗰喎，插呢枝紙飲管入可樂係會噴泡嗰喎。。。」吓。。。點解嘅？😅😇「如果您唔想要可樂，可以換過另一杯飲品嘅」。。。最後寧願加錢換番杯「正

梳乎里有三個味，原味有蛋香幾香，焦糖都好食，但士多啤梨就好濃芝士味，似食芝士蛋糕多D，味道一般。玉子燒好香都幾好食。小朋友好鐘意食。下午茶價錢OK, 7×蚊一個餐。

餐廳內嘅食物用上日本沖繩雞蛋，店內環境都用左好多雞蛋做裝飾😆🌟牛油果三文魚親子生雞蛋拌飯 $108個雞蛋係整到好似梳乎厘蛋咁，用黎拌飯又幾特別，呢個飯亦跟埋飯素同醬汁，所以食落去唔會覺得個味好單調，不過整體份量唔算多，如果係男仔食未必夠🙊。🌟燉牛肉黑咖喱蛋包飯 $118呢個飯嘅份量都係唔多，男朋友好快就食哂，呢一個正正常常唔算有驚喜。🌟芝士明太子筷子卷 $38極度推介大家試呢個，其實佢係好似大阪燒咁，不過卷左落個筷子度，上面仲有個太陽蛋，食完正餐再食呢個就好飽肚，而且價錢合理👍🏻。🌟鮮果水果茶 $48比較普通嘅水果茶，冇咩果甜味，但勝在夠大杯，其實兩個女仔share黎飲都夠。🌟洛神花黑加侖子啫喱茶 $38呢一杯就相對水果茶出色，酸酸甜甜咁幾開胃，推薦大家試下👍🏻。整體黎講呢間餐廳嘅菜式都幾特別，鍾意食雞蛋嘅朋友仔都可以去試下😚

喺出面見到餐廳裝潢幾有趣，望落似親子餐廳，menu野食都吸引，一於試下第一樣黎係意粉，一黎我就吉爆左粒蛋先影相😂太心急想食😂意粉真係要趁熱食，好好味😋再黎就係睇menu覺得幾有趣既筷子卷，menu有文字介紹呢樣食物既由來，不過我就唔記得哂lu😂淨係記得呢件野好漏，味道係唔錯既，不過建議兩個人share一條會好啲😂件和牛漢堡扒俾個蛋遮住左，補多個鏡頭俾佢😂雖然細過太陽蛋，不過都厚身既，夠食到我飽到上心口，我諗唔使加$15既湯加沙律都夠食

午餐叫咗親子丼、拿破崙意粉、燉牛肉蛋包飯，南蠻炸雞，侍應到咗桌旁想放低親子丼，我亦立即確認親子丼係我叫嘅，不過侍應冇放低並立即取走食物離開，我睇住個侍應拎住我份食物繞場一周，之後返嚟我旁邊另一枱食緊野嘅客人，放底食物後問親子丼係咪佢地叫，我睇住嗰台客人一邊食緊野一邊近距離向着我的食物講嘢，外籍人士客人話唔係佢嘅，之後個侍應又攞返黎俾我，我問過侍應你咁樣拎嚟拎去問冇戴口罩食緊野嘅客人好唔衛生，個侍應即刻答我換俾你，約1分鐘另一個侍應攞份親子丼返嚟，擺到明就係我之前嗰份啦，我由叫餐等咗15分鐘先先等到我份親子丼，然後1分鐘後就有一份新嘅,如果冇疫情我都唔會咁，疫情擴散真係全賴有你，同埋你冇心換唔好應承人，最後我撩左底試咗兩啖後就冇食，無謂因小失大，呢間野幾好食都唔會再試，順便一提意粉同炸雞都OK，燉牛肉就好韌

今日同朋友去左奧海城行街，行到攰攰地，居然俾我發現到有梳乎厘班戟食，即刻入去試吓😍剛好有下午茶set，我哋點了一份pancake🥞加飲品🥤share食🤣等左10分鐘左右，我最愛嘅梳乎厘班戟終於黎到，我要開動了😋😋😋班戟香滑軟綿，蛋味超濃，唔會過甜，一切剛好，d cream細滑到好似雪糕一般，超好味😍另外餐飲叫了一杯凍檸茶，傳統日式紅茶口味，茶底夠香淳。環境舒適，坐得舒服，可以同朋友Hea下😂以份量同質素來算，$75絕對超值，不訪一試✌🏻

今日下午同我仔在奧海城閒逛，見到Tamago-EN店，諗起好久冇吃玉子燒，行進去點左特製玉子串燒：日本料理有好多不同口味啲串燒，想試晒全部，就要點哩碟啦。玉子燒用竹籤串著，每一件上面嗰配料都不同，擺盤靚，整個看起來好美味。玉子串燒有五種不同啲口味，分別有蟹肉，鱈魚籽沙律，三文魚，海藻醬和番茄仔。哩幾種口味我最鐘意蟹肉，蟹肉好鮮甜，濃濃啲海鮮味；玉子燒顏色好亮黃，又好厚身，口感滑嫩。兩者搭配一起吃，好正，好滿足。加杯原味奶昔飲品，整個下午茶時間好充足。