たまご園 (奧海城二期)

營業中

休息中

行下奧海城，見到呢間環境唔錯，就試下呢間分店先😂🤣識坐一定坐蛋形嘅檯（睇最後），但得4檯咋😝·✨Tamago-EN特製5款玉子串燒 $78呢個打卡之選預要等15分鐘左右，店員話係要逐層卷起比較費時🤣5款玉子燒有蟹肉、親子三文魚、明太子沙律、海藻醬、蕃茄仔影完相玉子燒仲熱辣辣，食落甜甜地，一串串拎起食幾得意嘅😚我覺得食落最夾嘅係明太子沙律醬☺️👌🏻，蟹肉同三文魚味道ok不過唔係話好夾，蕃茄仔當一款其實冇咩特別😓海藻醬鹹鹹地我唔識欣賞😅·✨三文魚生雞蛋拌飯 $65配豉油和飯素，搞拌蛋白泡同埋生蛋黃一齊食，👦🏻話係好食嘅，亦都未咁樣食過幾特別☺️不過蛋白泡多得濟，令到食每啖飯都多咗啲咁😂三文魚份量唔算好多，不過呢個價錢都合理·✨低溫慢煮雞肉沙律 $78我個沙律賣相唔錯😝個溏心蛋好靚😍5塊雞肉望落唔似雞肉咁，食落又好嫩滑😗健康之選😌·✨沖繩黑糖咖啡班戟 $88班戟係幾香蛋味，未到非常空氣感，但都係好食😋cream又係幾重咖啡味，食得多就開始漏😂仲有1球雲呢拿雪糕👌🏻有3粒麻糬，食落過甜😅·✨沖繩黑糖薄脆拿鐵 $38使用杏仁奶，面嗰層係燒過嘅黑糖，所以飲到個面係薄脆🤓飲落唔算太甜

佢新開張嘅時候，試過一次佢嘅<<燉牛肉黑咖喱蛋包飯>>($108)佢又真係冇呃你喎!真係「黑 咖 喱」🤷🏻‍♀️我仲FF佢有濃濃墨汁味🤦🏻‍♀️事實上，佢只係會食到你個咀污糟晒嘅普通咖喱~仲要好稀 &&& 好油🙅🏻‍♀️嗰次食完之後，就係覺得呢間嘢性價比好低!得個樣 🤭不過啲同事話佢嘅吉列豬扒丼好好食🤔所以事隔一年後，我再次挑戰!但我今次試咗<<鰻魚滑蛋丼>>($98)😂咁啱好想食鰻魚嘅我就嫌佢得五嚿太少😌但肥美嘅👍🏻燒得再焦香啲仲好🤟🏻.今次認真試到佢半生熟嘅蛋蛋!賣相美美之餘又真係幾滑🥰而且除咗蛋香仲有醬油嘅鹹香~咁惹味!! 撈飯一流!!!😋.講開啲飯…丼嘅飯量超多！我食淨1/3🙈但如果佢啲蛋再多啲夠撈飯嘅話，可能我會食得晒🙊.真心，呢個價錢，包埋湯同沙律~算係咁😏

喺奧海城見到呢間餐廳，環境啊裝修都好靚上網都見到好多打卡相而且都幾多人排隊感覺都幾唔錯所以就拉埋朋友一齊嚟試吓啦佢晏晝真係比較多人排隊所以我都係大概下午茶嘅時間去試燉牛肉蛋包舨嗯...牛肉就係真係眼見嗰幾舊個蛋一啲都唔滑已經係實咗個款識落感覺都幾dry啲料真係好少...對比個價格就真係超級唔抵而且又普普通通，唔會又想試下次士多啤梨梳乎厘班戟甜品通常都好難伏嘅呢個pancake都係普普通通加加埋埋嘅士多啤梨片可能都冇一粒士多啤梨真係完全靠啲cream同埋醬嚟食...要食嘅話可能去食環境打卡嘅但係呢個價錢坐唔到主要打卡位就真係超唔值啦

🌸大角咀美食🌸たまご園 Tamago-EN🍳適逢政府宣佈禁止晚市堂食，而臨近新年，今天特意相約好友到一間位於大角咀的主打日本蛋料理的和洋風餐廳-「たまご園Tamago-EN」享用一頓滋味下午茶餐❗餐廳寬敞舒適，裝修精美，座位寬敞舒適，還有特色雞蛋型卡座❗店員殷勤有禮，會不時替客人收拾碗碟及添加水❗我們一行2人惠顧了以餐點：1️⃣🌟海鮮黑咖喱蛋包飯 $108海鮮黑咖喱蛋包飯份量十足，蛋包飯位於正中間 ，被香濃的黑色咖喱汁包圍住，咖喱汁上還有魷魚、去殼鮮蝦及帶子等鮮味海鮮，而蛋包香滑，香香飯粒粒分明，配搭豐盛滋味。美味指數：⭕⭕⭕⭕️⭕️賣相指數：⭕⭕⭕⭕️抵食指數：⭕⭕⭕⭕️2️⃣🌟大阪燒風八爪魚捲 $78大阪燒風八爪魚捲配搭新穎，以鮮味彈牙的八爪魚配搭香滑蛋捲，再以大阪燒的烹調方式製成，充滿濃郁蛋香及大阪燒醬料味道，十分惹味❗️美味指數：⭕⭕⭕⭕️賣相指數：⭕⭕⭕️⭕️抵食指數：⭕⭕⭕⭕3️⃣🌟蛋沙律三文治配薯片 $48蛋沙律三文治份量十足，蛋沙律香嫩幼滑，厚切麵包外脆內軟，還配有滋味香脆燒烤味薯片，配搭豐盛❗️美味指數：⭕⭕⭕⭕️賣相指數：⭕⭕⭕⭕️抵食指數：⭕⭕⭕⭕️4️⃣🌟沖繩黑糖咖啡班㦸 $88黑糖咖啡班㦸質地軟綿細

再次來到Tamago-en，呢間餐廳無論環境、食物、服務及打卡永遠唔會令你失望👍今次來到奧海城店食個早晚餐，趕在6時前食飽。每一間餐廳的裝修都差不多，最欣賞餐廳橢圓形的卡座，另外燈光都好好。 海鮮黑咖哩蛋包飯 ($108)💕蛋包飯係必然嘅招牌，看似普通嘅外表，但影相出黎好靚，餐廳有花小心思。黑麻麻係墨汁咖喱，比一般咖哩更加香。海鮮有魷魚、蝦同帶子。蛋包飯半熟效果好吸睛，食落都唔錯👌不過食完成個口黑哂🌚 大阪燒風八爪魚🐙捲 ($78)💕外表係大阪燒，加入章魚，好似食緊章魚燒咁，實際上係食緊玉子燒🙈好亂呀，但又好好味，章魚有咬口，玉子夠creamy唔會過火喉 沖繩黑糖咖啡☕班戟🥞($88)💕梳乎里班戟好有水準，睇落實在，但好有空氣感，好軟熟，cream係咖啡味，加埋雪糕同黃豆粉口味蕨餅，好滿足 沖繩黑糖珍珠🧋抹茶🍵奶凍($48)外表睇落係一般奶凍，原來入面有勁多黑糖珍珠，好可愛，黑糖味道好香，細細杯咁有驚喜 櫻花🌸草莓🍓鮮奶($38)粉紅色嘅草莓鮮奶睇落好夢幻，飲落好fresh，因為用上新鮮草莓，唔係糖漿，飲到少少櫻花香味，不會太甜

梳乎厘班戟 $68一上菜之後覺得d cream 有d 融咁 但係試落又好味😋 好鬆軟 所以形狀維持得不怎麼樣 但係算好味😋 我會再去一次食這個 但係下次就會試其他味道例如草莓🍓或者焦糖 今次就試住核桃和桃子🍑蛋沙律三文治🥪$48簡單三文治 全蛋宴感覺 用蛋黃加蛋白混合 味道覺得有d 淡 沒辦法👐我重口味 如果你係食開清淡就另計 你肯定喜歡💕🍅仔令全蛋 三文治🥪有d清新水分 唔會太乾咁另外附送2杯飲料🥤跟餐最後我選擇樂烏龍茶一直未試過這間 下次我會想試試🍝和沙律🥗比較吸引 另外我都幾鍾意❤️d薯片 很脆 口

係奧運食lunch, 去左奧海城二期呢間裝修好得意，成個蛋型嘅餐廳🍳好好彩坐到係個蛋嘅圓枱😙 試左個海鮮黑咖喱，係加左墨汁嘅日式咖喱，味道係一般日式咖喱。而個蛋包飯d蛋夠滑嘅，不過裡面個飯就一般般，又唔係太夠熱😶

話說星期日行到攰就試吓呢餐廳，點餐時8:45pm，點兩個main 加個 side dish， 再試個fluffy pancake 當飯後甜品，佢話last order，咁一次過點哂。問佢個pancake可否稍後上，食咗main 先上，職員話儘量，因為main 同甜品唔同司傅，時間未必夾到，我哋話ok，同師傅安排一下，拖到最好，職員話試吓。後尾佢張單上係甜品度備註「叫起」。我地想食到一半時就叫起，大家幫幫手，唔好為難大家。Side dish好快上，快食完時個和牛漢堡再上，魚生飯要再等多五分鐘先上，之後個pancake即上，張枱都放唔哂。我話呢個要遲少少先上，個魚生飯都未掂，個staff面有難色，我話張單寫好咗後上，比少少時間我，我話你係「茶記」我冇所謂，之後佢sigh一下就攞走咗。我地食多十分鐘就叫佢準備pancake，唔駛一分鐘就上枱，唔駛問亞貴，同一碟，已涷了。9點半叫你埋咗條數先。餐廳收十點九點last order。我8:52分落電腦，9點25分食完。同茶記差唔多，仲要比多咗$。兩個人食四百蚊，唔多錢，預咗，但不如你改名茶記，我會adjust expectation。食物品質一般，

早排同一班同事一齊食午餐🥣我哋9個人，都需要排左一陣隊坐低左之後真係比佢個餐牌吸引到我叫左一個TKG生雞蛋拌飯心裡都有疑惑🤔會唔會一樣樣呢？黎到都有嘩一聲嘅感覺！好可愛啊不過都要試吓好唔好食先點知一食落去，D白色泡。。。好似洗潔精咁救命🆘真係好難食，而且好「漏」好滯咁，外表真係好靚，相機📷食係可以但係真實嘅情況就好難食（D白色泡）甜品就不過不失，唔係十分之好食，又唔係難食咁不過真係整體來說一般

同屋企人經過奧海城 就選咗呢間餐廳食午餐嗌咗 親子丼$78, 熱辣辣好好食！好足料之餘醬汁都好夠 每一啖飯都好夠味。吉列豚滑蛋丼$88呢個反而有少少失色 吉列豚唔脆,同埋 海鮮蕃茄忌廉蛋包飯$108，海洋有魷魚，蝦，帶子，都幾不錯但呢個個醬汁比較酸，我就覺得幾開胃，但屋企人就覺得太酸，所以呢個要睇翻個人口味再嗌多兩個甜品 甜品要等25分鐘，所以都可以嗌定先。法式焦糖燉蛋疏乎厘班戟$88呢個好好食！鐘意食甜品嘅一定要試吓豆腐芝士蛋糕$58 呢個都有淡淡豆腐味，不過就有啲普通

平時我地食飯好多時候都會食得到蛋，而有一間餐廳就以蛋為主題🥚，蛋既形狀同煮法可以千變萬化，加上蛋十分受眾，大部分人都係喜愛者實好受歡迎🥰。小編點會放過呢個機會去一試。✦✦✦✦✦✦✦✦✦✦✦✦✦✦🎈辣香蒜海鮮意粉 $98上碟擺菜唔錯，一眼望到大粒蝦同魷魚圈🦐，重點有好多蟹肉係上面，材料豐富。雖然辣味唔算太強烈，可以開下胃，適合任何人食，然而小編既主菜無咩蛋可言呢。✦✦✦✦✦✦✦✦✦✦✦✦✦✦🎈大阪燒風八爪魚捲 $78蛋捲係蛋類食物常見菜式，而呢個蛋捲姜絲好多🧐，太重口味，一定要加多啲蛋先夠中和。而味道方面都做得到大阪燒無太分別，蛋味亦香又軟熟🦷。✦✦✦✦✦✦✦✦✦✦✦✦✦✦🎈焦糖香桃梳乎厘班戟 $98主食過後當然要食甜品，焦糖既甜味令梳乎厘增添新色🍮，軟熟既梳乎厘，入口即融。賣相都好吸引，越食越甜入心😚。✦✦✦✦✦✦✦✦✦✦✦✦✦✦總結:餐廳既裝修都用左好多以蛋為主既設計，有心思。另外，小編發現小食類較為有特別，更能夠可以表達餐廳既賣點同創意🥳。而其他就可圈可點，餐廳亦有好多分店，大家有興趣一試也無妨🤓。✦✦✦✦✦✦✦✦✦✦✦✦✦✦

落單嗰陣叫咗四樣嘢，個侍應冇用紙寫低就咁記住。然後嚟咗三樣嘢之後，諗住等齊四份先開食。等到啲嘢凍哂，問一問個侍應，先發現佢點漏咗個意粉。一句唔好意思都冇。之後見有卡位空咗。因為我哋未開始食，所以想問吓可唔可以轉位。原本嗰張枱太細，勉強放得晒啲碟。其實純粹想問一問，冇話一定要轉。嗰個人勁大聲諷刺咁同另一個人講”要轉位啊！”。今次體驗真係勁差，之後睇返OpenRice啲評價，先發現原來唔只我一個覺得服務唔掂。明太子意粉好食，但其餘黑咖喱飯同玉子燒覺得還好。水準不過不失。但衛生有問題，玉子燒有條頭髮！就嚟食晒先發現，本身諗住叫埋疏乎厘，即刻冇晒胃口。唔會再嚟呢間，無謂為咗打卡，又要受人氣，嘢食又唔係特別好食。

蛋蛋蛋🍳~~~~~~~~~~~~~~經過見到呢間專門食蛋嘅嘅餐廳，裝修仲好得意，就入咗去試吓。炸薯條夠熱夠脆好好食！吉列豚滑蛋丼就普普通通冇乜特別。梳乎厘pancake都幾好食，糖漿比其他地方香同好食😋但係士多啤梨奶昔就唔太推薦，得啲好假嘅士多啤梨味😢但係總括嚟講都幾抵，食物質素亦唔差，會再嚟食🥰-炸薯條 ($48)芝士明太子筷子捲 ($38)吉列豚滑蛋丼 ($88)士多啤梨梳乎厘班戟 ($78)巨峰可爾必思梳打 ($38)士多啤梨奶昔 ($48)

蛋設計的座位特別，打卡不錯，但食物真是一般般。 尤其是七十多元的沙律太差也太貴不值得。服務也不見好，之前見過門口那個安排座位的短髮女人，同一個等入坐的女人對罵也沒用其他員工出來調停。當刻覺得那服務員大大聲聲態度囂感覺不太好。所以也不會推介比朋友去。

本身想食三哥，但太多人排隊，所以就嚟咗呢到😚呢間餐廳嘅裝修幾得意，好似去咗個田園咁，仲有好多蛋係到🍳🤣嗌完嘢食就嚟咗沙律同餐湯，我揀咗蕃茄湯，超好飲，係將好多蕃茄打成蓉，勁濃味😆#燉牛肉黑咖哩蛋包飯 ($118)😋好味指數：(6.5/10)咖哩唔辣，而且冇咩咖哩味，就係咸咸地咁😗牛肉有幾舊就有小小un😟不過個蛋都好滑😆#明太子三文魚忌廉蛋包飯 ($98)😋好味指數：(7.5/10)反而呢個幾好味😍因為我自己本身就好中意明太子同忌廉嘅嘢🤣除咗上面有堆明太子之外，個忌廉汁入面都有啲明太子係到😳三文魚嘅份量都ok，有啲波菜係到就冇咁濟😆飲品黑糖珍珠就好甜，而抹茶鮮奶就幾好飲😙朋友食的~