たまご園 (北角匯) (已結業)

/Tamago🇭🇰/#sa北角篇 #sa下午茶➖➖➖<蛋料理主題餐廳🍳> 之前開左係朗豪坊嘅蛋主題餐廳最近北角都有元朗都有分店✨✨ 店舖入面嘅橙、枱都係蛋造型 好設合主題🍳食物種類都有好多款 我都揀左好耐先決定好食咩🤣➖➖➖1️⃣士多啤梨班戟 $68 ⭐️⭐️⭐️💫下午茶餐呢個價錢連飲品幾抵～仲可以揀原味、焦糖香桃、香蕉朱古力、菠蘿黑糖珍珠 💛regular size 有三塊 呢個少一塊～呢款係以士多啤梨、開心果、忌廉鋪面果醬酸酸甜甜幾開胃 士多啤梨都唔會過酸係略嫌開心果唔夠脆口班戟幾有空氣感 但又唔係完全一陣風嘅口感帶微微蛋香 但唔算好香濃 🙈➖➖➖2️⃣五款玉子燒串 $68 ⭐️⭐️⭐️⭐️餡料分別有車厘茄、海藻醬、親子三文魚、鱈魚子沙律同蟹肉蛋香黎講係最重 厚實口感 最鍾意嘅係鱈魚子沙律 微辣 夠惹味三文魚全熟面頭有魚籽 幾有咸香 充滿鮮味整體幾有特色 一次食曬咁多配搭略嫌海藻醬有啲咸🙈🙈➖➖➖3️⃣海蝦明太子忌廉意粉 $88 ⭐️⭐️⭐️💫最吸睛係面頭嘅雀巢✨入面係流心蛋～海蝦彈牙結實 意粉有少少似天使麵 韌度適中白汁幾creamy 明太子味唔算好出 ！➖➖➖4️⃣黑糖珍珠奶茶 $38 ⭐️⭐️⭐️珍

呢期肺炎咁勁，我都好少出去用餐，但日日留係屋企都唔係辦法，出去就知咁搵啲乾淨衛生有最好係新開嘅餐廳，咁就最安全啦！北角滙最近新開張，住得咁近都走去行吓，裏面都有唔少餐廳，我哋揀咗一間比較特色，以蛋為主題的日式餐廳Tamago-EN試吓。餐廳嘅座位算多，所以就算現在有1.5米嘅餐桌距離，餐廳還可容納唔少客人，而且新開張裝修比較新同光猛，感覺好乾淨，坐得舒服。翻開Menu，見到好多各式各樣嘅菜式，大部份都有蛋作為材料，蛋包飯、意粉等等。我哋兩個人叫咗小食、飯、甜品各一，再加飲品，佢哋嘅食物份量都算多，兩個人食好飽了，買單$300都幾抵食。大阪燒風八爪魚卷：份量十分多，好大件，蛋非常厚身。最正係玉子的生熟掌握得剛剛好，所以食落口勁滑勁軟，口感一流。蛋味好重好正。配埋入面粒粒八爪魚，再加埋大阪燒餅所用嘅醬汁和木魚，味道一流。吉列豚肉滑蛋當丼：又係大份量的代表！豬扒夠厚身和大塊，飯同滑蛋都好多，一定夠送飯有突。豬扒啖啖肉，唔肥，滑蛋夠滑，值得一試。原味梳乎厘班戟：店員好貼心地幫我地上左主菜先整梳乎厘班戟，咁食完主菜再傾幾分鐘就食得。梳乎厘班戟的味道好香，新鮮整出來口感又好，所以原味都已經好夠照。

今晚過黎北角匯行下，順便食晚飯，行過見到呢間餐廳有好多蛋同蛋，連張枱都係蛋形好得意，就吸引左我去試～～✨見新menu 有明太子意粉，我呢個明太子fans梗係發光。呢度食物選擇都幾多，有蛋包飯，丼飯，三文治，all day breakfast, 甜品，睇相都幾吸引。✨ 半熟蛋沙律三文治（48): 份三文治好厚，超多蛋沙律，個蛋幾香滑，加埋少少香草簡單美味。麵包鬆軟有彈性，配埋薯片都唔錯。✨芝士明太子筷子捲（$38）：個蛋立立令咁好吸引，不過好驚佢跌出黎，所以都係分開夾黎食。個蛋真係好滑好流心，個卷味道有d 似大阪燒同章魚燒，入面仲有厚厚既拉絲芝士，都幾特別，不過一個人食一舊真係好飽。✨煙肉明太子忌廉意粉（$78): 配料都幾多，有煙肉，雜菌同洋蔥。個忌廉幾香，不過明太子味可以再突出d, 意粉好掛汁好入味，味道帶少少甜，配埋嫩滑溫泉蛋更香蛋味。✨原味梳乎厘pancake ($78): 呢個我最鍾意，口感軟綿綿，好似棉花糖咁但又不至於係一陣風。個cream 好soft 好滑，好香奶味但又唔會太甜，加埋楓糖漿真係好好味🤩🤩🤩

Tamago-EN係新加坡過江龍既人氣雞蛋主題餐廳，雞蛋進口沖繩農場，特別香濃，重點可以生食都冇問題🙈餐廳裝修都幾特別，天花板既燈、牆上既鏡都係用左雞蛋圖案菜式種類多元化，有玉子燒、蛋包飯、allday breakfast、仲有大熱既梳乎厘班戟，價錢都唔算貴，睇圖片都覺非常吸引🤤－－－－－－1. 五款玉子串燒 4.2/5配料有蟹肉、鱈魚子沙律、親子三文魚、海藻醬、番茄仔，廚師將玉子燒串成一串串，方便客人食用，第一啖食落有茶碗蒸既感覺，一來好滑，二來好濃蛋香味，海藻醬比較特別，醬有d似日式燒餅味，微咸配搭甜甜玉子，增添一層滋味😋2. 特製TKP海蝦明太子醬冷意粉 4.2/5TKP其實係指生雞蛋拌意粉，蛋白發至成雲朵形狀，蓬鬆的泡沫中間放生蛋黃，食既時候攪拌意粉一齊食，蛋白雖然冇味，但入口即溶，意粉同蝦都煮得好好，好爽口彈牙👍🏻但明太子醬味道唔重，如果多一點會比較好3. 士多啤梨梳乎厘班戟 4/5有點扣分係梳乎厘班戟同意粉一齊上，搞到要食左梳乎厘班戟先😖一份有三件，比起其他餐廳係較細件，食落口感幾綿密，重蛋香，我最鍾意係忌廉，微甜但唔膩，配上班戟食就剛剛好

呢間來自新加坡既日式餐廳...俾佢既🍳🍳🍳🥚🥚🥚裝飾吸引住入去試。.滑蛋炸豬排飯（$88）連餐湯及沙律（$15），雞蛋好滑炸豬排就林左🤷🏻‍♀️、勝在沙律夠新鮮😆.推介嘅燉牛肉蛋包飯（$118），蛋煮得太老，牛肉汁好香，飯加入左冬菇及蘿蔔，我覺得啲飯好食！不過個甜品就意外地好食😋 香桃乳酪-自家製芭菲呢個可以試下😁😁😁

新加坡人氣日式蛋料理專門店過江龍香港有三間分台，選用沖繩直送雞蛋，有唔同口味嘅玉子燒、All Day Breakfast、三文治，蛋包飯、soufflé pancake。.👓終極TKG生雞蛋拌飯 $39+$28 碎金槍魚腩TKG即係生雞蛋拌飯，係日本傳統營養早餐，打發個蛋白，然後淋上醬油和飯素與白飯攪拌食。不過味道真係好普通，純粹一堆無味嘅蛋白泡，係靠飯素先有味而醬油又得果少少唔夠撈飯食。不過話選用左沖繩雞蛋經過嚴格殺菌工序，食落蛋黃橙黃色係幾新鮮亦好放心食。話用咗日本米但食落口感唔多似，唔係珍珠米。金槍魚腩碎似魚蓉，普普通通啦唔算特別肥美又份量偏少，但唔加配料剩係得個雞蛋撈飯搞唔掂阿，所以就係索性唔好叫黎食🤣評分：6/10👓吉列沖繩琉香豚滑蛋丼 $88豚肉厚身大塊，質感鬆軟冇豬羶味，不過炸得唔算好酥脆，邊位有脆位不過面頭唔係炸到脆卜卜可口嗰種。滑蛋同洋蔥都好足，不過飯同樣唔似日本米；碗吾深所以唔算真係好多飯，小編食完剛好飽但男人可能有少少汶水。以依個質素來講價錢係貴唔抵食。評分：6.5/10👓焦糖香桃梳乎厘班戟 $98有三塊pancake，有啲合桃碎和罐頭桃粒，唔覺得香桃係新鮮生果。