たまご園 (北角匯) (已結業)

今日同家人無無料料找晚飯食 , 去咗 北角渣華道北角滙 3樓 , 阿仔突然之間見到有間蛋包飯日本飯店 , 咁就冇計喇就要入去食下啦, 我自己嗰吉列豚肉滑丼 , 我就忘記咗影相, 食落去都幾好味又大碗, 雖然不太似日本風味 , 但有一種令人喜歡亞洲風味, 一種新鮮感 , 阿仔碟就係燉牛肉蛋包飯 , 擺設味道都唔錯 , 另外一碟就是 明太子三文魚蛋包飯, 又唔錯喎, 當然食落去一定不似日本味, 都係嗰句 另外一種味道, 最重要店舖店員全部是後生仔女, 個個都有體貌 ,食落去都開心啲, 價錢由80..以上 , 如果想試日本嘢又不是日本風味 都可以嘗試一下另類風味 ,值得一試

前日同朋友試左依間餐廳，分別叫左吉列豬、吉列蝦同三文魚蛋包飯。中午時段午餐都要加一，計埋都過百一個餐。吉列豬其實係相當基本既食物，只要豬扒唔太硬唔太乾有的味，外面麵包糠炸得脆口就合格。但係依間既豬扒冇味、外面既麵包糠淋哂，豬扒亦相當乾，我覺得唔合格！吉列蝦不過不失，但好過吉列豬。蛋包飯就係蛋包飯，還可以吧！所以以價錢論，我覺得並不太吸引，難怪午飯時間其它店都排哂隊，係佢唔洗點排。同埋佢不設攞飛，唔該乖乖地係門口排隊。

見近排興 雲形蛋又見北角滙新開 依間店幾得意就試吓成間店真係蛋 周圍都係蛋 檯都係😂成間都又黃又橙餐牌選擇多 all day breakfast/ pasta/ omurice/ salad/ sandwich/ pancakes 咩都有我就叫咗個 終極TKG生蛋伴飯 $39 + 三文魚子 $28好快就上菜店員介紹點食:1. 倒入飯素同豉油2. 將蛋黃切開3. 伴均成個飯蛋白部分係泡泡咁 而蛋黃就完全流心白飯暖暖地 份量多 有1.5碗左右 並非壽司飯 不過係日本米 所以口感都幾好🍚三文魚子撈埋咗就唔見曬😢原先已經少 之後好多爆開咗加咗飯素同豉油先有味 鹹鹹地 否則會一啲味都冇/ 超淡 單靠蛋黃唔夠唔知點解我自己覺得第一啖食落好食但係之後就麻麻地 可能因為啲飯俾蛋黃䊢搞到好濕身 之後其實啲蛋白泡泡食落好奇怪🤭三文魚子又唔夠 搞到撈匀咗好齋 咩餸都冇咁...建議撈到超匀先食 同加曬豉油同飯素-👍🏻:賣相靚上菜快店員好有禮貌環境乾淨舒適👎🏻: 味道一般 (冇想像好食)價錢唔值 (+$28 三文魚子全是浪費金錢）

平時好少嚟北角，原來北角會呢個商場都好多嘢行，餐廳仲好多添，不過感覺上好多菜式都食過晒，咁啱見到呢間以蛋為主題嘅餐廳，好有新鮮感，就決定試吓。 餐廳內嘅佈置都係以蛋為主，色調係橙黃色，好似真係比好多雞蛋包圍着，感覺幾適合小朋友。《五款玉子燒串》$68本人十分鍾意食日本玉子燒，所以呢個係必叫！仲要有五個款式，好有Gimmick! 雖然蛋係一樣，不過每一款嘅口感都唔同。玉子用沖繩蛋，好有蛋香，而且入口厚實多汁，好好味！《燉牛肉蛋包飯》$118一上枱已經覺得好吸引，原因係返上面嘅蛋非常吸睛，金黃色，食落係真係好滑同埋好濃蛋香，不過略嫌層蛋有啲薄。值得一讚係燉牛肉好林，牛味好濃，醬汁偏甜食起嚟都唔錯，整體值得推薦。《士多啤梨班戟》$98原本以為呢間唔係班戟專門店，水準應該一般，點知都好唔錯，有空氣感得黎，入口實在，唔會真係得空氣，而且亦好有蛋香！ 總括嚟講，如果喜歡食蛋嘅朋友唔好錯過！

今日難得放假，喺北角匯行街見到Tamago- EN 喺度開咗分店，一直都好想食佢嘅日本雞蛋料理，即刻去試下先!Tamago-EN親子丼招牌嫩雞滑蛋丼飯 食材使用了日本米和 北海道雞蛋， 天然純正。 雞肉嫩滑軟熟， 醬汁清甜，混和了半生熟滑蛋，口感豐富 。附上柚子胡椒醬，柚子的果甜清香有少少辣，加上當飯食，別有滋味!南蠻炸雞外脆內嫩滑，肉汁豐盈，乾身唔油膩。特別在於它的自製雞蛋沙律醬，有蛋黃和蛋白碎粒， 炸雞醮上蛋沙律醬，感覺清新冇咁熱氣!5款玉子串燒日本雞蛋料理，點少得玉子燒。有蟹肉、鱈魚子沙律、親子三文魚、海藻醬、番茄仔，放在玉子燒上點綴，精緻吸引啱曬打卡！玉子燒香甜厚實，吃到層層滑蛋和濃郁蛋香。朱古力香蕉班戟甜品有我最鍾意嘅梳乎厘，即叫即做需時25分鐘。 朱古力瓶香蕉經典口味加上oreo餅，諗起已經流口水! 朱古力味濃郁跟 柔滑輕盈嘅梳乎厘一齊食，鬆軟蛋香突出。

哈哈！今早同運動女跑上鰂魚涌大風坳，仲要上埋雷達白波，又曬又熱，真係有氣無定抖。做運動都係為左食更多既野食，所以跑完上山沖埋涼就行過黎北角匯搵食；估唔到呢度都幾旺場，餐廳都算OK多選擇；最後揀左Tamago-EN, 以蛋為主題既餐廳⋯差不多2點半都要排兩張檯，好在都快。芝士明太子筷子捲。原來筷子捲係章魚小丸子既變身版，由一粒粒變左做一條。上面個蛋超正，充滿濃濃蛋味。跑完步要食多d蛋白質同碳水化合物補充一下，我地叫左個公司三文治，入便既煎蛋好味到不得了，加上餡料勁多，1人1半都飽左一大半。叫兩個意粉類好似太多，又怕食唔晒變浪費；所以叫左一份三文治 一份海蝦明太子忌廉意粉。咪以為無乜忌廉汁，只要將半山熟蛋拌勻，即為整碟忌廉意粉提升另一個層次！！！意粉有好多種，angel hair; linguine; penne等等, 我就最鐘意linguine既口感，彈牙有口感。呢度煮linguine好多，唔會煮到淋bed bed, 而且每條麵條都沾有忌廉汁，真係好好味呀！呢期有士多啤梨限定產品，叫左杯櫻花草莓鮮奶，味道係士多啤梨奶昔不過就比較稀一點，唔會太甜都幾好。

放工經過諗住試吓新野，點知帶咗我入去先知完全冇位，出返門口等又冇登記，排隊混亂！到入去order少少野又漏單，食完pancake正餐都未到😓😓。食物OK但唔會再試！

放假和朋友到北角的電車路拍照，下午去了北角匯醫肚仔，想不到有超多特色餐廳在這呀，我們選了最愛的Tamago 蛋餐廳，就是從裝修到食物全都是以蛋為主題的餐廳，超美的。因為是星期天，所以都要在外面排一會兒隊，不過也不是等太久，可接受啦。*芝士明太子筷子卷 $38首先，那太陽蛋也真是煎得太吸引了！可以說是完美吧！吃下去的味道真是不一樣，是高質的味道。筷子卷原來是關西節慶食物，怪不得味道跟大阪燒一樣啦，簡單說就是捲在筷子上的大阪燒。這個麵餅比平常特大阪燒更薄，所以吃的時候也更方便，不錯呢。*南蠻炸雞 $58然後我又忍不住點了炸雞，份量是超一般的大，根本是主菜吧！裡面很厚肉但還是超juicy 的，炸粉也不會太厚。*燉牛肉蛋包飯 $118朋友太餓所以點了蛋包飯，份量也是超大的。燉牛肉是一口一粒的大小，出奇地易咬，很適合我，蛋包飯拌著燉牛肉汁又更邪惡，吃著吃著就叮完了。*朱古力香蕉班戟 $98重點來了！是我最最最愛的梳乎厘班戟，你知道嗎我已想吃了好幾星期了，但一直也找不到對的時機吃。我們點了最大路的香蕉朱古力味，班戟共有三大片，味道跟在其他餐廳吃的真的不一樣，應該是加了他們的蛋吧，質感更實在但還帶有

嗰日同個 friend 去北角行一田，我哋順便喺嗰度食埋lunch ，諗住搵間睇下有無tea 食，點知行下行下，搵下搵下，就有間專食雞蛋嘅專門店呀（我即時😍😍😍😍😍）。睇完個 menu 之後，就咁啱仲有午餐，午餐配湯及沙律，而且我樣樣都想食，但最後揀左個我未食過嘅款，就係生雞蛋拌飯加碎金鎗魚腩，一入口我真係溶化了😍🥰😍🥰😍🥰😍🥰，絕了👍🏻👍🏻👍🏻👍🏻👍🏻，要快啲再去食先得喇。

之前上網見好多人打卡食蛋料理，搵一搵原來係tamago EN，仲要北角都有分店🤣勁近我放工同朋友一齊去食，呢到環境裝修全部都係同蛋有關，天花板係蛋圖案既燈，好特別～.1. 春日櫻花梳乎厘班戟 $98 8.5/10呢個pancake係期間限定，顏值度都幾高🥰pancake有蛋香味、有空氣感、夠鬆軟，個cream真係好好食，一來夠凍，二來有點似雪糕既口感，唔會好酸或者好甜，整體其實拍得住出面專整班戟餐廳👍🏻.2. 芝士明太子筷子卷（1串）$38 8/10食落好有大阪燒既味道🤣筷子卷內有芝士、明太子、生薑，加上大阪燒醬汁，再鋪上木魚碎同埋太陽蛋，口感超豐富，同埋真係有拉絲，但明太子味道較淡，如果多d仲好🤤.3. 水煮蛋拌凱撒沙律 $72 8/10呢到真係將雞蛋發揮得淋漓盡致，熟食又得，生食又得，拌沙律都一樣好食😋水煮蛋生熟煮得好好，整穿左隻蛋後，蛋黃慢慢流出黎，但唔會有生雞蛋既腥味，拌沙律菜食一樣咁fresh

第二次黎tamago，質素、氣氛都提升左好多，上次去可能因為岩岩開冇耐，唔太多人食，但今次去竟然排哂長龍，好誇張🙈好在我6點半去到，唔洗排隊就入得餐牌同價錢同上次都冇點變，但今次就想叫之前冇食過既菜，試下其他好唔好食🙈－－－－－－1. 海蝦明太子忌廉意粉 $88 9/10睇落好似唔多汁，但其實食落好creamy🤤食之前整爛上面隻蛋同埋小型雀巢，同意粉攪拌均勻一齊食，口感非常好，小型雀巢好脆，意粉偏爽身，蝦彈牙，整體都好好食👍🏻2. 燉牛肉蛋包飯 $118 8.5/10外型非常吸引，有旋風式蛋包飯，牛肉汁上加左白色忌廉點綴，滑嫩雞蛋包住熱辣辣日本米飯，牛肉煮得好軟腍，醬汁甜甜地，送飯一流，全部加埋一齊食真係好滿足🥰3. 五款玉子燒串 $68 8.5/10上一次都有食到，今次再叫係因為呢到玉子燒真係好好食，食落柔軟濕潤🤤富蛋香同玉子既甜味，不過今次食冇上次咁熱辣辣，如果唔係味道會更佳

一直慕名呢間新加坡過江龍蛋包飯因為我同🧑🏻‍🦱都好喜歡食蛋包飯但係香港食蛋包飯的選擇比較少呢間特選日本沖繩直送最新鮮的雞蛋 製作日式玉子料理有全日早餐、沙律、三文治、丼物、蛋包飯和甜品😋燉牛肉蛋包飯 $118日劇常出現的菜式 賣相好靚 滑蛋捲成旋風狀軟綿綿的雞蛋包裹著米飯 牛肉煮得軟腍入味 醬汁非常香濃 拌飯剛剛好明太子三文魚忌廉蛋包飯 $98忌廉汁好香滑 菠菜味道都好突出 感覺好清新係滑蛋上面有足夠份量嘅明太子 明太子咸香 拌飯食好味道士多啤梨鮮果自家製芭菲 $55期間限定的芭菲⏰亮點是頂部有半顆好可愛的雞蛋 其實是啫喱中層嘅mousse質地綿綿 連埋粟米片一齊食 幸福感增加原來底層都有驚喜 發現開心果嘅蹤影 香口嘅開心果加入芭菲 係零違和感😆❤️

星期日行咗去北角滙食飯，選咗呢間食日式料理以食玉子燒同蛋包飯好出名嘅Tamago-EN外觀非常明亮整潔，以蛋黃做主題裝飾，又幾漂亮悅目，入到店內已受到服務員熱誠招待，又好禮貌，感覺好warm！餐牌上有好多款以玉子做主題食材，有旦包飯，玉子燒，價錢仲係好抵食添！仲有加$15轉套餐，可享受餐湯同埋蔬菜沙律！我倆就點咗一個燉牛肉蛋包飯（$118）一個海蝦明太子忌廉意粉（$88）再點多一個大阪燒風八爪魚卷（$78）食物上桌，外形真係好靚，顏色鮮明吸引！肯定廚師好用心機去做出來！燉牛肉蛋包飯，上碟係唔見到D米飯，要篤開D旦就見到嘞！熱騰騰嘅日本米，特別香滑又有口感，混和那燉牛肉汁，非常可口，牛肉粒好腍軟，肉味十足，呢碟飯份量唔細，抵食又好味！海蝦明太子忌廉意粉，醬汁均勻，加上香滑半熟溫泉蛋、鮮甜蝦肉，這個配搭又係極之可口！小食那大阪燒八爪魚捲！外形吸引，玉子卷內面有切碎八爪魚粒粒！甚有口感，而且蛋香四溢，色香味齊全！再要了一瓶冰凍三得利日本進口啤酒，這頓飯好正！

疫情有所減卻，我的生活不再是公司<>家裡，終於都可以外出用膳。不過不敢走太遠，只是離家10分鐘路程的北角匯，たまご園 蛋樂園 將變成我的飯堂啦～たまご園 充滿蛋氣氛，由門口裝飾開始，牆壁上及天花板的燈飾，怎至部分檯面設計，均用上蛋元素，心情頓時舒暢起來。先來一客 Tamago-EN特製5款玉子串燒。在傳統的燒玉子上放上5款食材，包括蕃茄仔；海藻醬；親子三文魚；明太子及蟹肉。燒玉子真的非常出色，添配的食材也剛好，沒有褫奪玉子的味道。我特別喜歡海藻醬配燒玉子，帶點梅子味道似的。主菜我選了海蝦明太子忌廉意粉，$15加配粟米湯及小份量的和風沙律菜。明太子與忌廉的匹配度是100%啊！加上烹調意粉的時間拿捏得宜，麵條不會太硬或過軟；而且份量亦不少，可以說是物超所值哩！配上三得利角瓶威士忌梳打，真是一大樂事～たまご園還有其他蛋類食品，由小食 主菜到甜點⋯本想點梳乎厘班戟，但吃了5個燒玉子串燒及明太子忌廉意粉，飽飽啦；唯有下一次再來吧！

平日晚上來到北角匯二期商場，這間專門食蛋的日式餐廳食晚飯。店內環境包括牆身和外面一些桌子也有很多雞蛋形狀，十分可愛。主菜點了一份燉牛肉蛋包飯，牛肉汁香濃，蛋包飯是普通飯上披上一塊蛋皮那種，但味道也不錯。南蠻炸雞配自家他他醬和一些沙律菜，炸雞炸得十分香脆，配上這裡自家的他他醬十分滋味。來到幾乎每桌都會點上的特色小菜—5款玉子串燒，玉子上分別有五種Toppings包括蕃茄仔、海藻醬、親子三文魚、鱈魚子沙律和蟹肉。當然地鱈魚子沙律和蟹肉那兩款叫做比較吸引，因為顯得其他也很普通和Toppings的量亦非常少。老實說除非多人share或本身很喜愛玉子，要不然一下子食那麼多蛋類食物難免會有點厭。