たまご園 (北角匯) (已結業)

新加坡人氣日式蛋料理專門店過江龍香港有三間分台，選用沖繩直送雞蛋，有唔同口味嘅玉子燒、All Day Breakfast、三文治，蛋包飯、soufflé pancake。.👓終極TKG生雞蛋拌飯 $39+$28 碎金槍魚腩TKG即係生雞蛋拌飯，係日本傳統營養早餐，打發個蛋白，然後淋上醬油和飯素與白飯攪拌食。不過味道真係好普通，純粹一堆無味嘅蛋白泡，係靠飯素先有味而醬油又得果少少唔夠撈飯食。不過話選用左沖繩雞蛋經過嚴格殺菌工序，食落蛋黃橙黃色係幾新鮮亦好放心食。話用咗日本米但食落口感唔多似，唔係珍珠米。金槍魚腩碎似魚蓉，普普通通啦唔算特別肥美又份量偏少，但唔加配料剩係得個雞蛋撈飯搞唔掂阿，所以就係索性唔好叫黎食🤣評分：6/10👓吉列沖繩琉香豚滑蛋丼 $88豚肉厚身大塊，質感鬆軟冇豬羶味，不過炸得唔算好酥脆，邊位有脆位不過面頭唔係炸到脆卜卜可口嗰種。滑蛋同洋蔥都好足，不過飯同樣唔似日本米；碗吾深所以唔算真係好多飯，小編食完剛好飽但男人可能有少少汶水。以依個質素來講價錢係貴唔抵食。評分：6.5/10👓焦糖香桃梳乎厘班戟 $98有三塊pancake，有啲合桃碎和罐頭桃粒，唔覺得香桃係新鮮生果。