うまい鮨勘

營業中

休息中

呢間野認真唔錯！原本唸住行下街，之後去原計劃嘅餐廳吃野，但係……目標餐廳爆曬棚，又因為岩玩完Ryze嘅“跳跳跳”運動，餓到抽筋，就隨便入間門面順眼嘅甘岩呢間又有位，fit拉拉聲點左幾樣野，雖然餓，但都有慢慢品嘗哈哈哈……鰻魚玉子燒入口有種軟中帶“幸福感”，真係好吃，油甘魚同三文魚刺身簡直……係第一次吃到甘好吃，個人無敵鐘意油甘魚，入口鮮甜又爽口，平時唔多鐘意油甘魚嘅同伴都弱弱甘贊左一句，個丼飯就更加唔使講，搭配得非常正（唔話你地知咩名哈哈），最後個極上壽司盤係店員介紹嘅，因為品種太多所以就問問店員有咩好介紹，果然結合左我地嘅口味來介紹（當然最後都係自已掃碼落單拉，哈哈），品種都好岩我地口味，件件都鐘意，好啦，我決定穩日再去一次，雖然價格小貴，但係“你”值得擁有

海港城這排新的餐廳還沒逐家試完！這次選了裝修風格好和風的店。入到去，座位較矮和較逼，餐單的price range 很廣，由百元開頭的丼飯、二百幾三百元的刺身丼和五百多元的刺身盛都有。今次和朋友來吃，他們點了兩個丼飯、我點了一個海草海鮮沙律。海草海鮮沙律。角切魚生頗多，青瓜絲份量也是剛好，還有檸檬🍋不太餓的話點這個也不俗。海膽三文魚帶子丼。很喜歡它們家的海膽沒有腥味吞拿魚蓉角切三文魚丼。魚生部份很夠料。但由於整體份量都大，所以不太吃得完。另外還點了鰻魚玉子燒，不欺客，大大的鰻魚在中間。但我覺得玉子的比例可以更多。不算好喜歡。我覺得它們家最優秀的是這次沒有點的天丼。第一次吃時覺得好划算，單價才$138，媲美我在東京在天丼專門店吃的，而且比同場的天穴好吃。刺身在水準內。但如果以性價比來看，在這個環境裡吃天丼就會盡興而歸。下次來我會再點他們的天婦羅

Umai Sushikan係築地場內首家壽司店登陸香港，刺身都係由日本直送，食品選擇非常多，高質的日本菜店鋪裝修非常有日本風格，令你置身係築地市場，比大家回味到築地的味道食品方面 :豐洲極上剌身丼 : 龍蝦肉、松葉蟹肉、新鮮海膽、醬油鮑魚、牡丹蝦、北寄貝、帶子、赤身、油甘魚、三文魚、三文魚籽、香蔥吞拿魚茸及厚蛋，材料好新鮮，份量十足鮨勘壽司三文治 : 鮨勘的創作壽司，有三層不同你味道，口感特別，必試之選海之寶玉子卷 : 吞拿魚茸、三文魚籽、海膽、帶子為玉子卷的主要材料，美味的卷物雜錦天婦羅 : 天婦羅炸得香脆可口，三隻天婦羅炸蝦外脆內滑有蝦味

自海港城出左Dining Coupon 💵又有泊車優惠（$100免費2小時，max 6小時）🚙去果邊消費同食飯嘅頻率多左好多亞洲歐美中西菜式應有盡有 今日就再次光顧 うまい鮨勘食左燒牛丼、天丼、明太子玉子燒(⁎⁍̴̛ᴗ⁍̴̛⁎)牛丼味道中規中矩天丼佢會預先將啲汁已經淋上天婦羅上邊，唔同平時一般會另外搵個碗裝住啲天婦羅汁明太子玉子燒一般，好掛住日本福岡屋枱食嘅味道如以coupon 價 + 唔使等位，都值得食👍🏻⚠️份量偏少⚠️經常性要排隊 訂左枱都有機會要等

大家可以自己睇圖😓好難唔失望…………一方面係所謂嘅時令食材同圖片個啲差太遠…另外食落口大部分都係正常，部分可以話一般…比人感覺好無誠意….真係唔值😓大把其他選擇🐒另外….衛生方面….啲鼓油碟都有唔少塵….啲人望住我係到撥都無反應….最後我自己拎紙巾抹….我唔知係咪因為可以用海港城卷所以求其左啦…反正我今次黎嘅感覺好差….有種去左連鎖壽司店叫左貴小小嘅嘅嘅感覺…但呢個價…真係令人失望…唔會想再黎試其他野！

好多香港人都視日本為家鄉，但疫情下返唔到家鄉食壽司🥲 好掛住築地咁點算？過江龍Umai SushiKan 係築地場內嘅壽司店，2016年已經登陸香港，以用料新鮮取勝，絕對可以安撫下大家想念日本嘅味蕾。裝橫以木為主調，餐廳營造出強烈日本感覺，絕對可以一解鄉愁。魚生當然新鮮美味，拍得住日本質素，壽司比丼飯出色。不過就算平日中午時段亦非常多人，用餐設有限時，如果同一大班朋友慢慢食，慢慢傾就會有啲趕了。燒牛丼 $168櫻芝炸蝦卷 $138天丼 $120極上大鮪魚腩蓉卷 $98穴子牛油果卷 $138

​✨鰻魚丼 (配前菜&味增湯) $168​手機自助下單，方便快到​暖暖嘅鰻魚飯，仲有鰻魚汁撈飯😋​鰻魚幾厚肉，份量唔少👍​另外店員好勤力斟茶 值得一讚👍😂​​味道👅👅👅👅​抵食🤑🤑🤑​環璄⭐️⭐️⭐️⭐️​服務👍🏻👍🏻👍🏻👍🏻​番兜🍉🍉🍉🍉​(最高分x5）​​

依間餐廳已經食左好多次，原來佢係首間築地場內登陸香港嘅壽司店，唔怪得質數都唔錯啦～刺身拼盤10点$980咁多款入面，我自己最鍾意就係海膽同大蝦，好新鮮，好有係日本食嘅感覺燒牛舌$82呢個普普通通，冇牛舌嘅香味鰻魚玉子燒$88玉子燒係我每次嚟呢間餐廳必叫嘅嘢食甲羅燒本身都幾鍾意食呢樣嘢但呢度燒得偏乾忌廉芝士三文魚卷$148其實幾好食，不過實在太飽就感覺有啲膩明太子雞翼$78熱辣辣上枱，個皮好脆，入面好juicy，正正！ 餐廳可以用海港城dining coupon，感覺就更加抵啦👍👍

       海港城美食劵有多抵食就不用多介紹，FD早早過來拿位，終於有機會試下這間好有日本style的日本菜。既然有優惠，一定要叫最好的試試，揀咗498HKD豐州極上海鮮丼(超特盛)。送上來真是超多一份，有龍蝦、帶子、吞拿魚蓉、海膽、鮑魚、北寄貝等，所有材料都好新鮮好好味。刺身多到夠2-3人食，2個女仔食完都好飽肚。牛舌燒得剛剛好，又juice又彈牙，真是想叫多一串。鰻魚壽司同左口魚壽司用咗日本珍珠米，醋味剛剛好，就是飯有點大，已經好飽啦~~醋舴蒜頭，酸酸甜甜，好好味，就是價格有點貴，這麼小小一碟要38HKD。有海港城劵買單不夠500HKD，好抵食~~~

尖沙咀食日本菜預了不便宜，但一分錢一分貨甚至性價比高才是重要。這間日本餐廳可說是性價比高的好餐廳先說環境，木色設計，有bar檯、有卡位、更加有半獨立大卡位。是次和外子可以坐到最入的半獨立大卡位，單是位置已令我覺得值回票價環境絕對會影響消費和飲食意欲。既然坐得舒適，便更樂意食得特色些了是晚點了：燒蠔：鮮味到不得了，入口即滑的感覺，少少海水味和蠔味洋溢於口中，太正特別三文治壽司：打卡特別的壽司，大大件又足料，肯定飽之餘也很有滿足感。極上鮨勘：太新鮮的刺身飯，好好食鰻魚玉子燒：精美之餘，鰻魚和玉子配合得剛剛好。美味總括來說，環境座位加食物。一流！實在是愉快的晚上

中午1點左右黎到 唔介意坐bar枱嘅話 等一陣就入得啦上次試過散嗌壽司、小食，今次就試下丼飯叫左北海丼($288)，入面有海膽、牡丹蝦、中鮨魚腩、松葉蟹肉、帆立貝、鯛魚、油甘魚、三文魚同三文魚籽。款式好多，份量足夠同行朋友叫左超特盛-豐洲極上刺身丼($498)刺身會係切到一粒粒比較起 普通丼飯更加吸引

今日行經海港城，六點幾攞咗飛先，七點幾已經有位，算係等得快。侍應都好好，都會問有幾多小朋友有幾多要BB櫈，我會唔會收起BB車果類，我諗因為實在太多小朋友會去呢度食飯啊。食物方面都OK，有質素，但座位有啲窄性價比不算高。

由日本築地開到黎香港的過江龍，滿有期盼，本以為唔使飛日本，都可以回味家鄉風味，可惜……：1. 日式豆腐沙律（正正常常）2. 鰻魚玉子燒（有特式，有水準）3. 北海丼（海膽有重尿餲味， 牡丹蝦亦唔新鮮，其他海鮮刺身一般水準）4. 燒鯖魚（有少許魚腥味）5. 天婦羅什錦（炸粉夠薄）本以為唔使飛日本都食到新鮮海鮮刺身，但以新鮮海鮮刺身作招來，卻完全失準，物非所值。唯一可贊是服務態度，反映食物質數差後，經理即時處理及補償（最後冇接受）。下次做好啲，可以比多次機會

可能因為假期黎食晏晝，所以餐廳勁多人，好嘈，搞到種感覺似係茶餐廳，被安排坐咗喺壽司吧枱，可以近距離咁睇師傅整。「他他三文魚沙律」$92個黑醋汁味道比較淡口，唔會搶咗三文魚嘅味道，整體份量好少，菜又少。「北海丼」$298賣相一般，唔算好精美，定價亦有少少貴，唔值，無乜魚既鮮味，蝦都係，蟹肉亦無乜味，較失望，呢個價錢有更好嘅選擇。「厚切牛舌串」$82@雖然牛舌既定位比較貴，但幾出色，燒成半生熟，內裡粉嫩，口感好軟熟，牛味亦都好重，牛脂香，感覺唔加芥末食出色啲。「甲羅燒」$198蟹肉同埋蟹膏都有鮮味。不過亦不失，沒有驚喜。「牛肉炒烏冬」$145呢個係全餐最差既一道，烏冬質感好粉糰好漿口，而且勁淡，食左兩啖完。牛肉無乜味，勝在不柴。兜野質素最多值五六十。整體性價比低，不出色，唔會再回頭食，太失望，食個晏就，人均近五百。

今日帶咗朋友同老公去咗食呢間係海港城出名嘅日本菜，我哋上網本身睇到啲食評已經覺得好吸引，所以我哋一早打電話去預約午餐時段，一去到服務員已經留咗枱俾我哋，之後去到餐廳見到餐牌我地已經流哂口水🤤所以就即刻叫左三個王牌海鮮丼飯，是型號好人提醒我哋原來午餐係包湯同前菜。湯就係有麵豉湯，而前菜會係有薯仔沙律，之後就到我哋主菜出場，海鮮丼飯，，入面包括左有新鮮蝦，三文魚多款魚類刺身，果然無令我地失望，我極力推介呢款系因為連海膽都真是好好味😋一d都五腥，拍得住日本果種既味道，去五到日本都有種日本既感覺。所以如果想試但又五想咁貴，午餐食絕對系無得頂，不過我地都決定下次想試埋佢地既晚餐～～