食厭咗普通海鮮!? 不如試吓呢間專食真·野生海鮮嘅「蟹仙野生海鮮蒸氣石碢」。老闆做咗40幾年海鮮入口商，世界各地都有漁船專門捕獲野生海鮮，所以一年365日都有全香港第一手新鮮野生魚獲，價錢仲平一截!!
每天空運海鮮到港後，老闆依然堅持親手挑選最優質，生猛的野生海鮮，再分發到「蟹仙」於尖沙咀、九龍城、銅鑼灣、鯉魚門各分店。當中鯉魚門分店仲同大海零距離咁近，除咗有靚景，食到中途可以出去露台望海景飲杯cocktail唞吓氣，拍拖或者gathering都好啱feel。
「蟹仙」有好多海鮮套餐揀，而家性價比最高一定係「尊貴松葉蟹龍蝦刺身二人套餐」、「尊貴松葉蟹龍蝦刺身三/四人套餐」。
「尊貴松葉蟹龍蝦刺身二人套餐」
野生原隻太平洋松葉蟹(約2斤重)唔係度度食到!! 因為松葉蟹是不能養殖的，野生松葉蟹要喺深海生長，所以蟹肉是一梳梳的，味道特別鮮甜㗎。連埋其他罕有太平洋饅頭蟹、澳洲青年龍蝦刺身(1隻)、大西洋野生青口、紐西蘭刀貝蚌等共10款，優惠價$1,388/2位(原價$3,576)，超值價食野生海鮮超抵！
「尊貴松葉蟹龍蝦刺身三/四人套餐」
三/四人餐都有優惠！分別係$1,988/3位(原價$4,576)、$2,438/4位(原價$5,576)。有齊二人餐嘅野生海鮮外，分量都會增加！而三/四人餐的澳洲青年龍蝦刺身就由1隻升級至2隻；此外,四人套餐除了多咗無激素蟲草花雞件。更會多一款美國黑安格斯牛肉/韓國濟州黑毛豬片二選一，愈多人愈抵食啊。
尊貴松葉蟹龍蝦刺身二人套餐
季節限定5折: $1,388/2位·10款(原價$3,576)
原隻太平洋松葉蟹(約2斤重) 罕有太平洋饅頭蟹 / 韓國釜山鰻魚 澳洲青年龍蝦刺身(1隻) 秘製南非乾鮑 加拿大野生海虎蝦 韓國釜山蠔 大西洋野生青口 紐西蘭刀貝蚌/黃金翡翠螺/蟹皇大元貝(是日精選2款) 有機蔬菜籃
*升級大龍蝦+$168/位 *時令海鮮會因應當日空運到港為準 |
尊貴松葉蟹龍蝦刺身三/四人套餐
季節限定5折: $1,988/3位·10款(原價$4,576)、$2,438/4位·12款(原價$5,576)
原隻太平洋松葉蟹(約2斤重) 罕有太平洋饅頭蟹 / 韓國釜山鰻魚 澳洲青年龍蝦刺身(2隻) 秘製南非乾鮑 加拿大野生海虎蝦 韓國釜山蠔 大西洋野生青口 紐西蘭刀貝蚌/黃金翡翠螺/蟹皇大元貝(是日精選2款) 有機蔬菜籃
(4位額外多二款) 無激素蟲草花雞件 美國黑安格斯牛肉/韓國濟州黑毛豬片(二選一)
*升級大龍蝦+$168/位 *時令海鮮會因應當日空運到港為準 |
今次嚟到有360度靚海景嘅鯉魚門分店「蟹仙野生海鮮蒸氣石碢」食，全程有專人幫我哋蒸海鮮好細心，按每款野生海鮮控制蒸煮時間，並由淡至濃味海鮮逐款蒸、逐款食，所以全部都熱辣辣勁鮮甜。
原隻太平洋松葉蟹(約2斤重)
頭先都提到野生松葉蟹要喺深海生存，所以野生的松葉蟹肉質嫩滑，帶有濃郁的海水味。食之前可以留意吓，野生松葉蟹外殼會有好似黑色一點點嘅微生物，愈多愈靚，蟹肉都會甜啲㗎。
罕有太平洋饅頭蟹 / 韓國釜山鰻魚(2選1)
其實2款海鮮都好吸引，幾值得額外單點試晒2款。
罕有太平洋饅頭蟹
長期生活於深海水域，所以特別重海水味。蟹膏爆多又甘香鮮甜，肉質像魚肉般嫩滑，每年要等佢哋產卵季節，游上淺水區繁殖先捉到，所以坊間好少見到，真的是可遇不可求。
韓國釜山鰻魚
如果你未食過野生鰻魚，好推薦你試吓!! 員工話曾有食客表示從來唔食鰻魚，但試過呢款後都忍唔住再order。因為野生鰻魚超級肥美，口感厚肉煙韌，咬開仲有啲魚油同海水味滲出嚟。可以直接咬一啖試吓原始風味先，再蘸啲芥末豉油食仲好味啊。
澳洲青年龍蝦刺身(1隻)
「尊貴松葉蟹龍蝦刺身二人餐」有原隻龍蝦刺身，三/四人套餐仲有2隻𠻹。可能因為野生龍蝦活動量多啲，所以肉質都緊實彈嫩啲。食落鮮甜中又帶自然甘醇，好絲滑細膩。
食完刺身後，員工會將龍蝦頭、龍蝦殼切件放入鍋下粥底熬煮，最後食個龍蝦海鮮粥正!!
秘製南非乾鮑
估唔到蒸氣海鮮都有乾鮑食!! 而且唔係敷衍煮熟就算，乾鮑係長時間炆煮先有嘅柔韌帶嚼勁口感。乾鮑同冬菇都炆到入晒味，醬香甘醇，第一啖有中式醬汁嘅鹹甜味，後續滲出鮑魚海洋鮮味，味道奢華。
之後係一連串濃味嘅貝類、虎蝦環節啦～
加拿大野生海虎蝦·韓國釜山蠔·大西洋野生青口
加拿大野生海虎蝦無受海洋污染，食得更放心之餘，蝦味都濃好多。食韓國釜山蠔前，員工仲好細心提我哋飲埋啲汁，真係幾鮮幾鹹香。蠔肉都好飽滿，係有彈性爽脆嘅口感。
大西洋野生青口蒸之前，員工特別介紹野生青口比雪藏青口鮮甜濃味好多，蒸嗰陣仲有海草𠻹。
紐西蘭刀貝蚌/黃金翡翠螺/蟹皇大元貝(是日精選2款)
因為每日野生海鮮到貨都唔同，「蟹仙」會依當日來貨決定2款貝類。紐西蘭刀貝蚌偏向濃海水味，貝肉好滑和爽彈。黃金翡翠螺就特別彈牙，而蟹皇大元貝就加咗師傅自家炒製蟹膏，特別惹味甜香。
留意到員工夾起貝類時，仲會將貝上海鮮汁倒少少入粥底，睇嚟最後食嘅海鮮粥都係重頭戲之一啊。
有機蔬菜籃
食完一系列海鮮，員工會放埋有機蔬菜、粟米蒸畀我哋食，蔬菜甜味都滴晒入海鮮粥底。
海鮮粥
最後最後!! 呢個零味精海鮮粥集合咗成個套餐嘅海鮮精華，粥底少少綿又有飯粒口感。食咗幾啖粥都唔會太綿太膩，咬開飯粒嗰陣仲有啲海鮮味爆出嚟。
訂座熱線 WhatsApp: 57903967
蟹仙海鮮蒸氣石碢(香港)
地址: 香港油塘鯉魚門崇信街三家村渡輪碼頭東翼
電話: +852 91368016
蟹仙海鮮蒸氣鍋 (九龍城龍崗道)
地址: 香港九龍城龍崗道2-4號地舖
電話: +852 23609718
蟹仙海鮮私房．蒸氣石碢 (尖沙咀天文台圍)
地址: 香港尖沙咀天文台圍2號環海大廈2期地舖
電話: +852 91368969
蟹仙海鮮蒸碢大公館(銅鑼灣)
地址: 香港銅鑼灣謝斐道500號維安商業大廈地舖至1樓
電話: +852 91368072